الأخطل

وش جاب بين الحبايب مصطلح شكراً ؟ شكراً .. على "الكلمة" اللي مالها داعي !

مَن يَفعَلِ الخَيرَ لا يَعدَم جَوازِيَهُ لا يَذهَبُ العُرفُ بَينَ اللَهِ وَالناسِ - الحطيئه

اليوم دور مدورين المدايح ماهوب دور متعبة قرح الخيل تعين الي ياكلون الذبايح اكثر من الي يشربون الفناجيل )؛

بيت اللحظة: صوتك عليه الذاكره تعتكف عمر واسمك عليه حبال صوتي تلوى )؛

تنحى اول الليل وبدا للهموم اسراب وانا تحت غصن الذكريات اندب الورقا ياوجدي وياصبري على غيبة الي غاب ومن الميسم الي وسط صدر الشقى عرقا ياشين الشعور الي يعيشونه الاحباب بعد لذة الجمعات ومجاهد الفرقا وياشين الحبايب لاصبحو فالحياه اغراب بغيت اكمل وخانتني الدمعة الزرقا

ياشعور الرضى والحب والتوفيق شوف جمهور شعري من جماهيرك من تفاول على وجهك فكوك الريق يقدر يصوم باقي العمر عن غيرك )؛

من يوم قفى الحبيب اللي ماهوب معذور حذفت كل ( القصيد ) إللي كتبته غزل ):

ياويش اقول من الحزن و أخلّي الله يسامح طعنتك ما اقساها ㅤㅤ تركتهم وماجرحت إلّا .. اللي ؟ لو تطلبه كبده عطاك إيّاها :)

الجواب احيان مايشبع فضول اسئلتي يعني لو اقول كيف الحال ودي اشرح ..! .. والله اني في حياتك عارفٍ منزلتي مير غيبتك العبت فيني وصمتك يجرح

لو أن القلوب تباع والذكريات تباع تخيرت قلب ٍ ذكرياته من امس وجاي !! ياوجه خذا من كل عمري ثلاث ارباع وربع بدونه بس والله مانيب اياي ..! لو اقول عمري ضاع كله معه ماضاع ضياعي بدأ من يوم ماغاب عن دنياي عليه المشاعر مضميه والعيون جياع مع انه يشبر روضة الصدر رايح جاي له الفضل في كل القصايد وفي الابداع اقوله وانا مانيب جاحد ولا نساي لو انه سحابة وامطرت فوق مجدب قاع رعوا عشبها البدوان لين الزمان الجاي

قالت تبيع الكلام ؟ وقلت ابيعه انا بياع الكلام اللي يطرا :) زل نصف الليل والباقي هزيعه والعيون تراقبك وانا اتحرا اقلطي يالذة العمر وربيعه واتركي عنك العتب واللوم برا العتب مرفوع والفرصه سريعه ودي اجريك من شان اتجرا كل ماضاقت بي الارض الوسيعه اتتقى فالقصايد واتذرا

برقه على كبد السما لافلجها تقول كنه كاتبٍ وصفة علاج .

ما حسدت المطر على مكان النزول لين بلّل " شفايفها " و هي ضاحكه :) _ ناصر مناحي " بتصرّف "

الجو اله حول يوم ملبْدن بـ الغيوم اللي نطل غترته واللي جذب صيحته طبيعي/ اللي نحبّه ودنا انه يقوم الا المطر من كثر حبّه نبا طيحته .

ما لك مع روس الرياجيل مدخال ماعندك الا الحكي و القال و القيل ارتاح لا اخليك عبرة للاجيال اسكت و جنّب لا تجي في نحا السيل

ياحفيدة مرعب الخيل والمجد التليد في مرابع ذكرياتك هواك يقودني معك ادور مايجر السوالف والقصيد ومع جميع الناس حتى الكلام يكودني )؛

"وجهٍ يزف الشمس لا تذخرينه عن واحدٍ جرح الظما يبّس شفاه"

بعض القصايد كنّها بعض البنات ما تظبط إلا لين تلعن جدّها .

تُربكنا الحياة لا لأنها معقدة، بل لأنها لا تمنحنا كتيّب إرشادات لمواجهة تقلّباتها ولأننا كائنات هشة تُدار بالمزاج، كان لا بد من عزيمةٍ تُشبه الفلاسفة، وصبرٍ يُشبه الأنبياء، و espresso يُشبه النجاة الصغيرة، لذلك أردد الآن: "مواجه الدنيا ولوعات الأيام يبي لها عزم وصبر وespresso"

Good morning

يعدّل الراس شرب البنّ و الشاهي و القلب و النفس مدري وش يعدلّها ؟