خالد البراق

هذا عطاويٍ طروقه مخلاه أقل ما ينقال وصفه على اسمه الفوز في فعله وغيره يا أبوياه والإبل يزينها ليا حط وسمه والمشترى اللي ٧ أصفار يمناه مع رشفه الفنجال الاول يحسمه يا قل من مثله ويا ندر شرواه لو العرب ٧٠ مليون نسمه اشهد شهادة حق يوم الله أغناه أخذ من عيون النواميس قسمه

ياشبه وضحاً مع السلطه في صيهد رماح جذااابه تجيب لاهل الحسد جلطه وبيت الردى تقلع اطنابه ميراث من يروي البلطه والسيف لا مسكو نصاابه يوم ان الاوضاع مختلطة ما فيه مدفع ودبااابه يروح عمر العدو غلطه لا جالهم يفتل أشنااابه نادو هل النظم والقلطه اسم العطاوي يغنااا به —الجادِيّ #شلفا_الوضح #محمد_السلطه #مهرجان_الملك_عبدالعزيز_للإبل10

إعلان مراكز الشعراء الفائزين في مسابقة “أهل الفصاحة” الشعرية المقدمة من منقيات #الغندليات مبروك للفائزين وكل الشعراء المبدعين! ✨ #مهرجان_الملك_عبدالعزيز_للإبل10 #قناة_الصحراء #مجلس_الصياهد

[ وجه المخاطر ] مهرةٍ صفراء .. عطتني رسنها للصباح ضرب حافرها على المرو .. نار ٍتصطلي من مرابط خيلنا يوم زرقات الرماح كل ما صاح المصيّح ياربعي يا هلي ! يوم نضمى للمنايا .. هي العد القراح ما أرتفعنا إلا ونزهى المقام المعتلي سابقي سري سجينٍ يبى إطلاق السراح مبتلى من دون نفسه وصار المبتلي العزيز يشوم .. لو يشرب السم الذحاح ومقبرة صدره من أسرار عمره تمتلي ياكثر ماكان يصبر بلال بن رباح ويا صعب ما مر على الحسين بن علي ! التعب واليأس قصوا شريط الافتتاح والظروف تقول لأقسى المقادير ازهلي وين عهدك كان مالك وراء هجري صلاح الله يبيحك من البعد ، ويخليك إلي اقطعي بي كل حد ٍ عزيزٍ ما يباح انحري وجه المخاطر .. وخليها علي حالفٍ ما أترك من خيار نقوتها مراح لين أوردها على نجد .. والمخرج ملي اصهلي خلي صهيلك تلج به الفياح ذكريني .. في سنين الزمان الأولي ! اتعزم ناري / فـ ليلٍ معازيبه شحاح وفي النبأ .. مع طلعة النور يشرق منزلي ! يوم رمحي لا اعتليتك .. تسننه الرياح وإن عصبت عمامتي ؟ ضامن مستقبلي ! أسلب الأرواح وأخطف هوى الغيد الملاح ويعرفني كل فارس وشغموم وشلي ! سرجك أفخم من زرابيّ قصر ابن صباح وظهرك بلا سرج يامال فرقا البنتلي كني أسبح فالسماء فوق خفاق الجناح لا انسكبتي .. جعل يسقي لياليك الولي ما دريت إن الشتاء ، برقه الشعّال لاح والنفس .. فوحة إبريقٍ على الجمر يغلي ! فيك شيء من النداوي ، ومن ظبي البراح والهنوف اللي ما تحتاج كحل ولا حلي اللي إن كفّت شعرها ، وستر الوجه طاح اتجّلى الشمس ، والليل الأسود ينجلي طول هجرك ، ما يداويه دكتور الجراح البطا ماهو بإلك / والجفا ماهو بـ إلي البطا ما يرخصك ، لو زمانٍ راح ؟ راح بيني وبينك .. مصافا سبيعي وسهلي لا تحسبيني نديمٍ .. متى نام ! استراح والله إني من فقدتك / وأنا ماني خلي - مشعان البراق