المحبة غاليه بس المشاعر ماتثمّن
والتهّور في دروب الحب يبغيله جراوه
خايفٍ اسخي شعوري في دروب الحب ثمّن
يطلع الناتج من الاحداث خذلان .. وقساوه
كلمة احبك كذا من غير فعلٍ ماتسمّن
كنها ..ارحب من بخيلٍ مايلحقها حفاوه
انسحب إن حسيت وجودك ما عاد يلفت قلبٍ توده
انسحب ولمّ مشاعرك وازرعها بمكانٍ يسقيها
لا تزرع بمكان جافي هاجر
وبمقولة ثانية:
ألا يا شعوري من يسايرك ويراعيك؟
بعد ما ارتجف سور الغلا وانهدم بيته 🚶🏻♀️:(
كنت غالي وكان لك قدر ومقام
وكنت هاقي فيك فاليوم العسر
كنت اشوفك وسط هالظلمه نهار
كنت اظن وصار ظني ما يسر
جيت امررها وما كن شي صار
بس قسم بالله عيّت لا تمر
ايه متشره وشرهاتي كبار
وشرهة الغالي على الغالي عمر.
يا أبيض الوجه ما يحلقك مني ملام
وأنا لانيب لا راضي ولاني ضجر
النفوس العزيزه ترفض الانتقام
تحتسب للجميل وتحتسب للاجر
لا يموت الغلا ويشح حتى الكلام
بين قلبٍ رهيف وبين قلبٍ حجر
لا تهاونت بالفرقا عليك السلام
وحشة الليل تقتلها صلاة الفجر
صباح الخير ، أما بعد :
حدثني عند فقدان الشغف
أحدثك عن بيتين لـ سعد علوش يوم يقول :
تمَرك العابرين وما تسلم عليك
إلا غريب .. طوته الأرض بسنينها
قال أنت جالس لحالك تنتظر من يجيك
قلت أنتظر نفسي اللي ما أعرف وينها !
احمد الله ما بقالي على الدنيا حسوف
الفرح يلقى شكر .. و الحزن دفعة بلا
اللّيالي علمتني وانـا طـبعي عيـوف
ارتجي ربّ المـلا .. ما تـرجّيت المـلا
والله اني ماتضيعف مع الناس الضعوف
اقفي .. ليـا صار مالي لا قبـول ولا غـلا
عطيتك من بشوت الهقاوي ثلاث بشوت
ولا فيه بشتٍ جا مقاسك ولا قدّك
أحسبك من اللي لا دعيته يرد الصوت
وأثاريك تسمعني وودّك ولا ودّك
أنا والله المخطي خطا ما عليه ثبوت
عطيتك سلاحٍ يرتعد في كنف يدك
وذخرتك لو انك ما تنذخر في لعب بلوت
وتقدمت بك حدٍ ماهو والله بحدك.
لو إني بارضى بـ اي واحد بدالك
ماكان اطوفها وانا محتميها
وماكان أداري خاطرك واعنا لك
وادوي بنفس ضيقها محتديها
واكثر عتابي وينك؟ وكيف حالك
وعيوني من النقد فيها وفيهاا
كم كلمة ! توجع لو أقولها لك
ولايخليني غلاااك أحكيهاا ؛)
