محمد الخالدي. 𣎴

راضي بالله ربً وبالاسلام دين ومقتنع بان الحياة القصيرة تجربه من قضاها فالطموحات اخذها فرض عين ومن تركها للملذات اكلها ف شنبه وانت يالانسان نطفة من ماء مهين نطفةٍ تسبح فالارحام مثل المركبة تبتدي رحله وجوده بهالدنيا جنين وتنتهيها جثه هامده فوق خشبه يمكن انك تطلع من الدعاة الصالحين ويمكن انك تطلع اقشر وملعون رقبه الأكيد انك لو تفتش الناس أجمعين مالقيت إنسان واحد ظروفه تعجبه والله إني كل ماظلم الليل الحزين يعتريني هم أعرفه ولا أعرف سببه وتدخل الأحزان صدري دخول الفاتحين وتطلع الفرحة طلوع العرب من قرطبه

أعرف إن تحقيق الأهداف وإدراك الحلوم بـ الكثير من العمل .. والقليل من الكلام

﷽ ﴿إن الله وملائكته يصلون على النَّبِيِّ ياأيهاالذين آَمَنُواصَلُّواعليه وَسَلِّمُوا تَسْلِيمًا﴾ اللَّهُــمَّ صَلِّ وَسَـــلِّمْ وَبَارِكْ على نَبِيِّنَـــا مُحمَّدﷺ

حتى ولو إن جداني هل الخيل ما قد تذريت فالاسم الرباعـي دخلت فالساحة ومثلت لي جيل بقوتـي وبجنونـي ... واندفـاعي ماخذت حقي بفزعات الرياجيل بذراعـي الله يخــلي لـي ذراعـي

خل قلبك قوي وخل عندك عزوم وأطرد هموم قلبك وعطها .. قفاك وأعرف إن الحياة الفانية .. ما تدوم مايدوم غير .. ذكرك وماتربت يداك

تمادى الفكر واسهب فـ الخيال وهز غصن الدوح وعصب راس القريحه وايقض الشعر وشمر كمه ترى اللي من مشاريه النشاما ماهو بمسموح لو يبور الذهب ما بار في لحمه و في دمه مواكير الحرار اعلى القمم ماهي بغصن الدوح وانا حرً فرد ريشه من القمه الى القمه كبار المعرفه ماهي بتاقف وقفة المكسوح تجلى بـ العقل لين الركاده تجلي الغمه معي سيف ومعي درع و ولد قوم و وريث صروح و شاني شان و عزومي عزوم و همتي همه يا كثر اللي على بالي من البارح تجي و تروح اثر بعض الليال السود ما تبرى بها الذمه عساني كل ما طالت هواجيسي طويل شبوح وعساني كل ما حثيتها تارد على الجمه

بكره توريك المقادير وتشوف فرق البعيد من الرفيق الموالي من حط فينا حزة الضيق معروف يلقاه لا دارن .... بنات الليالي

يا ربّ هذا زمن فتنة و وقت إنقسام مادوّر إلا الثبات ، وما اطلب إلا اليقين أدعي مثل ما دعا يوسف عليه السلام ( توفني مسلمًا وألحقني بالصالحين )

عطيتك من بشوت الهقاوي ثلاث بشوت ولا فيه بشتٍ جا مقاسك ولا قدّك أحسبك من اللي لا دعيته يرد الصوت وأثاريك تسمعني وودّك ولا ودّك أنا والله المخطي خطا ما عليه ثبوت عطيتك سلاحٍ يرتعد في كنف يدك وذخرتك لو انك ما تنذخر في لعب بلوت وتقدمت بك حدٍ ماهو والله بحدك

إرخ متنك و إثن ركبتك لكبار الأمور لا تهاون تحسب ان الحياه هويّنه الزمان الشين سيله على الطيّب حدور لاتولى يابس الراس راسه ليّنه نعرف ان الوقت دوار و الدنيا تدور كل شي ما يسر الصدور تبيّنه فالرخا لا تحسب اللي يدقون الصدور نصفهم وقت الشدايد يا دوب تعيّنه

يابن آدم من بغى شيٍ وصل له بالعمل و الجهد ماهو بـ التمني تحسب ان دنياي دايم مسفهلة وتحسب اني مستريح وتحسب اني و الفضل للي مظللنا بـ ظله يقدر الواحد من الضيقة يغني فكر بمستقبلك دقه و جله وانتبه له واصرف التفكير عني منت حاسدني على ما اعطاني الله لو عرفت اللي " خذاه الله مني "

ماوطيت راسي دام راسي ماهو ينقاد وأنا حر من صلب الحرار وبطن حره تطاول عزومي مبتغاها لاطال الماد يوم أن الضعيف يدور الصبح له جره من يحط للعالم على كلمته ميراد مثل من بلا نفسه قبل غيره بـ شره تر الصدر مخزون الفشق واللسان زناد وفي كلمة تنجي وفي كلمة تضره

يالفارسي حنا على دين الإسلام وفر تصاريحك ترا ما نهابك حنا نطحنا الموت في عهد صدام واليوم يالواهم نقص من شبابك دون الوطن نروي عطشنا بالاعدام وندفن بوسط الرمل حلمٍ غدابك وان كانها بالهرج فالفعل قدام ناطى عليك ولاحد قد درا بك

اعوذ بالله من .. " كلامٍ ما يقال " ومن الوجيه اللي ما تخجل وتْعرق بين الرجال رجال .. مافيهم جدال وبين الرجال رجال واجد من ورق لو انتشابه .. بالعمامه والعقال انا اشهد ان الله خلق والله فرق قطاعة المعروف من بين الرجال عز الله انهم مثل " قطّاع الطرق "

@M_ALFRG آلف مبروك يابو مجزع وعسى الله يوفقك التوفيق المبارك❤️

﴿ وَ آخِرُ دَعْوَاهُمْ أَن الْحَمْدُ لِلَّهِ رَبِّ الْعَالَمِينَ ﴾🎓

@aljenfawi1_ @oshm__ آلف مبروك يابو حمود وعسى الله يوفقك التوفيق المبارك❤️

@oshm__ الف الف مبروك يابو حمود وعسى ربي يوفقك 💐

﴿ وَ آخِرُ دَعْوَاهُمْ أَن الْحَمْدُ لِلَّهِ رَبِّ الْعَالَمِينَ ﴾🎓

الليل حالك والمساري موحشة والدرب خوف والذكريات أشياء يستعصي عليّ إتلافها أثر الأماني وارفات ظْلال دانية القطوف والأمنيات أكثر ما يخشى الحالمين إسرافها على رصيف الصبر ملّ المنتظر طول الوقوف وين الحياة اللي تخيّلت ولمحت أوصافها حسبي على من دمّر آمالي وأنا عيوني تشوف كم بسمة ٍ كانت طمأنينة وصرت أخافها رُحماك يا غفّار يا ملجأ عبادك يا رؤوف يا مجري الأقدار هبني من لدنْك ألطافها أنا رواية حلم منسيّة على غبار الرفوف أنا قضيّة تطلب مْن أهل العقول إنصافها أنا قصيدة عشق ما مرّت على قلب العيوف أنا أراضي جِرد ما غاث السحاب أطرافها لي روح تبحث عن سكينتها من إرهاق الشفوف يا مِثقلين اللوم روحي فاقده ميلافها ياللي تزعّلك المواعيد وتراضيك الصدوف وش يرضي اللي جاته الحاجة بعد ما عافها لا تبتئس لا خانك الواقع وعادتك الظروف الناس من عاشر رماديها ظلم شفّافها كم زلةٍ من صاحبٍ طافت لو إنها ما تطوف وكم هقوةٍ كبّرتها راحت مراح أسلافها

من دون عزه النفس لاتدور شوير عقب صبي مايعز النفس ويصونها ولاتسمع من العرب لاقليل ولا كثير الناس يامكثر مكذبها وقل صدوقها ولاتبخل بجاهك دون جارك والجوير مايشيل الحمول الثقال كون متونها على دروب الوفا والطيب حث المسير ودروب توطيك اقصر الرجل من دونها يجملك في الوغا سيف يمناك الشطير والعرب مالك ورا صاحيها ومجنونها

على قطار الصبا مرت عجاف السنين يذكرك بالخير يازهرة سنين الصبا عيني تبي شي .. ياعيني وش اللي تبين وقلبي يبي شي .. ياقلبي وش اللي تبا نشدت هدهد سبا عن عودت الراحلين قال انتظر لين ياتيك الخبر من سبا الارض في عين غير المهتوى ماتزين لو انها جنةٍ خضرا تصير شهبا

يا غايث البيد عون عبادك المرتجين الي تخيل السحاب وترفع كفوفها تسقي جفاف القلوب الحايره باليقين لا ساورتها الشكوك وقامت تحوفها ما عاد فيها مجال يسار ولا يمين طالت يا راعي الطموح وطول وقوفها لا خافت النفس من ظلم البشر والسنين بتعيش في خوفها وتموت في خوفها ولا صار حلمك كبير وصار عقلك فطين احسب حساب الليالي السود وظروفها وسوالف الحاقدين وضحكة الشامتين بتمرها مع مرور الوقت وتطوفها وعن شرهة العارفين شرهة الجاهلين لاتمدح الناس لين تشوف معروفها خلك مع الغايبين آكثر من الحاضرين الي معازيبها تشتاق لضيوفها الحاجة الي تمرك بين فترة وحين آحلى من الحاجة الي دايم تشوفها