مشعل

شعوري بغيبتك يشبه شعور السجين اللي ليا منه ذكر ضحكة شيبانه بكى !

إتعب على اللي يطلب الوصل لرضاك « وجنب عن اللي ما درا عنك لا غبت » .

جيتك صريح وصادق أحساس لكن « ماسرّني صدقي وقول الصراحه » .

اخاوي اللي ماتغيّر مباديه واسرارنا بالعمر بير وغطاها ترا الخوي الصدق من طاب طاريه له وقفتن جعل الخلايق فداها .

كف المخاليق لاتعطي ولاتمنع المعطي المانع الوهاب سبحانه النفس عاداتها فالزود ماتقنع لوتملك من الذهب وديان مليانه .

يقولون لاضاقت عليك الوسيعة غن وانا اقول لاضاقت عليك اتجه لله لياضاق صدرك مايداويه شعر وفن  يداويه ذكر اللي بيديه الفرج كله .

لابانت اوسوم الجفا في ملامحك عسى عوضها في وجيه الأماني .

تجود النفوس اللي من الاصل فيها جود ويقدم على الجزلات من يعشق الجزله عساني ما ألد العين للي رداه يزود ولا اسوق رجلي " يم ابو نيّةٍ هزله " .

سلامي على وجه الرضا والجناب الزين وسلامي على اللي لا عطى العهد يوفي به .

كم غايبٍ ماغاب ذكره عن البال وكم حاضرٍ يشبه حضوره غيابه .

متصنع الطيب لا يمكن يجي طيب يتعب من الطيب ويعود على طبعه .

ما فيه داعي تعود لي .. على خبري انا من المستحيل ارجع على خبرك

ملامح الناس تحكي لك مشاعرها إقرأ وجيه البشر تعرف خفاياها .

تزين الليال المقبلة غصب ولا طيب ليا خاب ظني بالبشر محسنه بالله .

ظروفنا كثرت وقلت خطانا  ولا عاد ندري وش جديد الجماعه يطيب جرح وجرح قام يحدانا والناس تحسبنا نحب القطاعه .

اقدر اخليك سيد قلبي واحساسي واقدر اخليك اخر من " يهمّوني " .

في ذمتي ماينكسر قلب الانسان الا على حاجة عظيمة خسرها .

@mg_3u مهما كان مستواك .. كما تراني أراك .

حنّا نحب الصدق ونقول الصحيح  و قلوبنا ما كل ، من جاها قلط .

صغار الجمايل في عيون الكبار كبار وكبار الجمايل فالرديين مجحوده .