سعود محمد بن مطرود

@e_k__a17 صح الله لساانك يبو خالد 👏🏼👏🏼🔥🔥

ضاع الوفا والوقت ماحوله امان والشر بين الناس .. يالله تسلم لا تعلق الهقوه على عاتق إنسان تراه نفسك كيف فيه اتحلم مخلوق مابيده تصاريف الأزمان مثله مثل غيره .. لا عاش ايتألم احرص على الي قوته قوة إيمان يعلمك بالدين .. ومنه اتعلم ولاينثني عزمك لو ان القدر شان الشر بعده خير .. كون امتولم ترا الحكي من دون حجة وبرهان راعيه مفلس منه ؛ ماهو بـ مسلم وترا الشعر لولا القوافي والأوزان بتلقى جميع الناس فيه اتكلم. -عـيـد

@e_k__a17 الله اكبررر صح لساانك يبو خالد 👏🏼👏🏼💐💐

يامرحبا ياللي لك القلب يشتاق يشتاقلك في الثانيه والدقيقه اكتب على بيض الورق حب وفراق محدٍ من الدنيا تهنى بـ عشيقه سريت يوم الصدر من فرقتك ضاق وقمت اتصدد عنك باية طريقه يامحرقٍ قلبي و سارقني سراق الله حسيبك كيف وصلي تعيقه -عـيـد

@e_k__a17 ياسلاام 👏🏼👏🏼

افكاري اللي ماتجي غير بالليل مدري متى بلقى لها طب وارتاح درجت رجلي بعد ما بيّن سهيل وروّح علينا وسم والهم مازاح ماضقت من هرجة هل القال والقيل ولا شعاني برق؛ راع التمزاح تردت عزومي …ولا عاد بي حيل من يوم شفتك عن هوى القلب منساح -عـيـد

@e_k__a17 صح لساانك يبو خالد 👏🏼👏🏼

أنا البارحه مامسيت ساهر طوال الليل اشوف النعاس ولا اتهنى بـ مرقادي أتحرى رسالة منك ياصفوة الجيل ولا ادري متى ترسل ويشفى فوادي إلا ليتك تحس وتذوق الغرابيل وتصبح بقربي لين تكره بعادي بخلي عيونك تنثر الدمع و تسيل مادامك تشوف البيض مثل السوادي. -عـيـد

نمدح الطيب اللي يستحق المديح الرفيق الكريم الشامخ الاجودي بين قلب الشجاع وبين قول الصريح مايخاوي سفيه ومايصافح ردي

الله هو اللي وزع الرزق بقياس ومن دنيتك ما تاخذ الا نصيبك ان زاد رزق الناس لا تحسد الناس الله حسيب الناس والله حسيبك .

انعزل عن زحمة الناس والهرج الكثير السعاده بعض الاحيان فنجال قهوه .

نبتسم في وجه الايام لو مابه حصيل خاطر الطيّب ما كل الظروف تكدره .

الحاجه اللي ماتجينا على الكيف عسى عوضها دعوّةٍ مستجابه .

طاعتك لله هي ساس السعادة في عبادة ربك احذر لا اتساهل ما لقيت اللذّه الا فالعبادة وما لقيت الراحه الا فالتجاهل .

جعل صكات الليالي ماتجيني فيهم الكفو ، وعيال عمي ، والرفيق الطيّب .

يازين السعه والبعد عن قوم قال وقيل وعن اللي لسانه يمنع الناس من قربه .

عسى الله يجيب الخير ويحقق المطلوب مادام الظنون ،، بـ مالك الملك ما خابت .

وإطلب من المعبود لا منّه عطاك يعطيك فوق اللي عطاك العافيه .

افتحو باب التسامح عساكم تسلمون العمر ماهو بـ مضمون والدنيا سعه .

تطوي خطاوينا مسافات الأيام وتجنح بنا الدّنيا وحنّا غافلين يالله تنجينا من دروب الظلام وتختم لنا الدنيا وحنّا ساجدين .

التواريخ تحفظ والمواقف شهود وكل واحد معانا له مقام ومسار فيه عوداً نحطه في عيون الحسود وفيه عوداً نبخربه طوال العمار .

سج القدم دام العمر مايعوض الوقت ماياتي على الكيف دايم.

ودك يصير الرجل عرّاف وفهيم مايقول داري واهو ماهو بدراي وليا نشد من شي يستخدم "الميم" ماشفت ماعيّنت مالاح طاري..

@adel906ko صح لساانك يبو خالد 👏🏻🔥

صاحبي لا شان وقتك وحدّتك الظروف لا تضايق و انت لك صاحب شهم وشلي حطني فالماقف اللي تبي واللي تشوف والله ان يضحك حجاجك وهمّك ينجلي