لاتحبس الدمعه عن العين بسكات
أنا لو إني قادر اجيك .. جيتك
قطعت لعيونك طوال المسافات
ولا انتهت فيني على باب بيتك
حتى لو أعيد النظر ف العلاقات
وانسى ثلاث ارباعها .. مانسيتك
أنساك .. هذي ثامن المستحيلات
السابعه كانت لقاك .. ولقيتك
رعاك الكريم ودون حبك قفلت الباب
هذي اخر دروب الغرام ومشارفها
يـ أول ( احبك ) والغلا واخر الاحباب
فدتك السنين وفرحتي يوم تقطفهاا
ماخليتك .. الا وانت تدري عن الاسباب
لو ان غيبتك توجع ولا قادر اوصفها
انا وانت قصتنا ماهي مرسمه وكتاب
على وجيهنا ونظراتنا الناس تعرفها
عيفتني حبك وانا كنت هاويك
اغليك لكن طابت النفس منك
احنك من اللي يحسك واداريك
ولا صرت ماحنيتني كيف احنك
خليتني غصب عن القلب اخليك
و اقاطعك و اجفاك واصد عنك
و هذا و انا قلبي للحين يغليك
لكن سمحت وطابت النفس منك
الحمدلله يوم هاذا أنا و هاذي أطباعي
و الحمدلله في كباير الأمور و أصغرها
عارفن قدري و مدة يدي و طول ذراعي
ماخذلت عين رجتني بخيرها و شرها
أن مست حدود الكرامه لوحت للوداع
محدٍ ياطى على طرفي ولا يلوي ذراعي
ماني على تبرير الأحداث مجبور
و ما عاد عندي للتخاطب وسيله
رحلت .. و دنياك الدنيّه تبي تدور
و تقول ليت الأرض تنبت مثيله
بـ تفقد اللي يفقدك بين الحضور
و تبحث عن شعوره بـ قصة بديله
فقد الحبايب ما تعيشه على الفور
باكر تفوق و تجني أردىٰ حصيله .
