بـرّاق

البارحه مابرح قلبي يحس بزحام ياليتها ليلة اخر حزن ياليتها وياليت مافي قفص صدري حروب وحطام والامنيه ماتحقق لو تمنيتها اخترت من ديرة الهوجاس هاجس سلام وانا على هقوتي لامن تهقويتها والجادل اللي تعداها قصيد الملام ياليتني ماتماديت وتحديتها احبها صح بس احبها بإحترام حتى من النفس صاينها ماضريتها كتبت فيها البيوت اللي بعضها حرام وانا علي الحرام اني مامسيتها اطهر من الغيث لاوطاة بطن الغمام وانقا من انقى هناديبي لا غنيتها اخر لقاء بيننا على بساط الغرام سويت فيها قصيده وانسرق بيتها رحلت عن بيتها من قبل وقت المنام ونمت وخذتني مناماتي على بيتها احزانها تحزن الاغصان قبل الحمام واجروحها ترهق اعماقي لاداريتها الحاصل ان الكلام اللي عليه الكلام وصيتها لاتخليني ... وخليتها .

أنا مقصّر .. وأنت ، حسنك تام والقلب يشكي . . والشعور يلحّ ما لك شبيه من اليمن لـ الشام ومن الخطا لين الصحيح يصحّ معذورة . . ( الاوراق ، والاقلام ) وش ذنبها .. دام الحروف تشحّ صدّقني .. حتى ، ريشة الرسّام مهما تحاول .. ما تجيبك صحّ

القصيده فيك ماجات من وحي الخيال ! جات من صادق محبّه ومن دافع قبول .

صباح الخير ،أمّا بعد " كل صبح يقدّمك للمجد خطوة كبّر أحلامك على كيفك وكافح "

ابطيت ماحرك ركونك قاف يالضلع المنيف والارض ما سالت بواديها وهبت نودها اتلا العهد بك يوم للبارق من المنشى رفيف وحبال صوتي وابل المزنه يحل عقودها قبل الغصون يحت خضر اوراقها فصل الخريف وتضحك الدنيا هبايبها على عنقودها حولت من وسقك وانا عايف ومحوالي كليف وتقودني رجلي عن المحوال وانا اقودها إن غبت تبكيني عيون الشعر والخبت المريف واللي على ادنى طاريٍ مني تفل جعودها ياكثر ماتومي بي الدنيا على الجرف المهيف وأصد عنها لو معاليقي تبيح سدودها ما ودي أجرح عنقها الوضاح والقد الرهيف وانا وعد ضحكة ثناياها ، وانا موعودها ولا ترا الايام لذتها على المشتاق زيف ماهي بقاطعةٍ ظما روحي لراوي عودها غيداً يباريها النسيم العذب ويدف القنيف كن الهوا الغربي هواها والسحاب حدودها عيت تخلي للحيا طاري ولـ النسمه مصيف إلا ، على جرة مواطيها وحمر خدودها أخير لي من جرة الطاروق فالظل الوريف جر النسم ما بين لبتها ، وغض نهودها لاجات واللهفه تقود عنانها خطو العسيف ومن الغيا تنفض ظفايرها وتغضي سودها خطواتها وحده لعاشقها ووحده للنكيف خطرٍ تحس القاع ويصح الغرام رقودها ما كنها إلا اللي تقول ليا لقيتو لي وصيف يمكن عيال إبليس للجنة تروح وفودها قولو لها وليا تباطتني وانا وقتي معيف ترخي علي بارد فرايصها دفا منضودها ماني بناسيها وانا بالي لطاريها مضيف إلا ان مكه ما تبل المحرمين عدودها إما يشح الوقت ويحرم وليفن من وليف وإلا يرد الوقت فاقدها على مفقودها

هل عيد الفطر والواجب على اشارك طالما ان العيد سنه والتهاني سنه،،، كل مسلم حي عيد اللّٰه علَيهُ مبارك وكل مسلم ميت الله يرزقه بالجنه،،، عيد الله عليكم مبارك جمييع

اللهم صلِ وسلم على نبينا محمد

ماتعودت احني الراس بين الصفوف ولا تعودت أتذرى .. و أدور لي ذرى إن وردت ارد على العد .. والعالم تشوف وإن وقفت اوقف على العز والعالم ترى وإن طغت سود الليالي على وجه الظروف عاد لي شيمه .. ومبدأ على وجه الثرى !!

بعد زل ثلث الليل .. و منادمك لا زال ولا زالت طيوفك مثل شربي .. و زادي حبيبي انا وياك فـ الحل ؟.. و الترحال لو إن طعنتك فـ اقصى الحشى طعنة معادي مثل !.. ما يزيّن منحرك لمعة السلسال جروحك فـ عيني زيّنت " منظر فوادي " " يذعذع هواك " منين ما جيتني تختال ماذعذع هواك العذب من مفرق الوادي ما ينقاس حبي لك على حسبة الاميال رغم بعدك ( الجغرافي ) إلا انك بلادي يا لبيه !.. لا طرّفت لي طرفك القتال ابعلمه وشلون ادله ؟.. و انا ( غادي ) يطل القمر لاجيت اشوفك على الاطلال و اميّز من العادي .. و من ثالث اعيادي ليا مال قلبي .. في رجى عودك الميّال تمايل و هد القلب بـ سلوبك الهادي مفادي عيونك يا عيوني بـ حال .. و مال و لي الشرف لا صرت لك عاشق مفادي ماهو عادي ابيع العمر : دون حبة خال لكن لا غدا خالك زبون " ونعم "عادي مْرتب لك ظروفي لجل .. نرسم الامال قبل لا أرتب لك من الشوق !.. ميعادي من يشوفك ولا قدّم الحب و الاجلال من يفارقك .. ولا قضى عمره ينادي ؟ خذ الوصل حيطه لا تعود على الاهمال ولا تكسر فوادي ؟.. قبل تكسر عنادي لا تنقاد لـ الفرقى و انا شاعر و رجال احب اتعوّد !.. بس ماحب معوادي - عتيم

اعذريني يامشاريف جرعات الحنين مابقى في صدري ظلوع لأجل احنهّا كل ماجيت اعتق الهم بالعذر السمين افضحتني ضيقة الصدر قبل اكنها ودي امسك ماضي ايام عمري باليدين واذبح جموع المقابيل قبل تشنها يسكن الحزن المطرف ورا الصدر الدفين والهموم تسوق خيل الشقى وتعنها ولاذخرت من اجمل ايامي الا دمعتين وضيقةٍ لاهود الليل قمت اونّها ياوداع الشمس يكفي وداع الراحلين والظنون اللي تعلقت يوم اظنها في رجى ليلٍ يبشر بـ رجعة غايبين وفرصه كن التفاصيل تنشد عنهّا غالي قربه موده وبعدٍ منه شين واهني اللحظه اللي علي يمنها في عيونه يكتب احساسي البيت الثمين ومن عيونه يطلق رموشه اللي سنها وان تثنى عوده الممتلي حشمه ولين قلت ربع في زوايا الظلوع وثنها انت واحد مايشابهك فالارض اربعين ليلةٍ جابتك تشّكر ويشكر فنها اعبر بـ قلبي وكحل دروب العابرين وجر بـ شعورك لحون الغرام وغنها يحذف قلوب المحبين محذاف السنين قبل تكبر مع ولعها ويكبر سنها ليت صدري من حجاره وقلبي مايلين وليت دمعة عيني تسر يوم ادّنها

ـ لو دريت ان اخر الحب مثل اللي لقيت كان ما لجت ضلوعي ولا روحي شكت الهوى يسرق من ايام عمري مادريت والحزن بكّا خفوقي / وعيني ما بكت لو عيوني تذرف الدمع سجيت وسليت وا عذاب اللي قبض جمرة الفقد وسكت .

الله يصبح وجهك بـ صبحٍ دروبه ما تضيق من وين ماوجهت جتك الدروب موسعه _صباح الخير ☕️

ياريف الخفوق اللي تدانا ثمر ساقيه لا تقتل نمو العشق في داخل مهاده رغم وجعت الخذلان عاد الغلا طاريه هماجه قراح وقهوته سكر زياده جبرتيني اعدي خطاء كنت ما اعديه وتعودت لأجلك شي ما كنت معتاده ما ودي يشاف اللي عن العالم مخفيه ولا ودي اجفى الحوض في وجه وراده متى ما نقل حب المحبين لـ الترفيه فقد قيمته واستثقل العاشق اقعاده تجود بـ حبل الوصل لين الغلا نكسيه بـ ثوب الشهود ويلحق العاشق مراده لو انك رسمت لـ وجهت المنتوي توجيه ربط جاشه وخلا له الحلم زواده شعور اللقى اللي رش صدر الوله بـ يديه عجزت اتخطی نشوته واترك بلاده يالبيه يـ اللي كل ما قلتلي لبيه عطيت الهموم ايعاز والضيقه إباده انا العارف اللي منطّقه يربك معاديه وامامك رهين تربكه عين ، وقلاده مع الناس صلف الا معك ليه مدري ليه يجيني شعور ماعرف امیز ابعاده لك الخافق اللي مانزل قبلك احدٍ فيه ولك الدعوه اللي بين مصحف وسجاده .

يا حبيبي يمرض الشوق في بعض الليال أبعد اللّٰه عني وعنك تأثير المرض ودي أسلى لكن شلون والسلوه محال بعد زادت حلكة الليل والعارض عرض مكتفي باللي يجي منك من باب الوصال إن عجزت تسوي الصعب سو المفترض أرسل إن عيت عليك الظروف الاتصال الرسايل بعض الاحيان توفي ب الغرض

على بِيْد الحقايق مرِّني يا العاتق المنقَاد عسى ما شرّ وِش يسرق عيونك عن عناوِيني؟ أشوفك كلَّ ما ضاقت دروبي فـ البلاد بلاد ومواعيْد السنين.. اللي تقارب بَينك، وبيني هواي إني أحبَّك وأنت غالي، والسنين جهاد أقول: إن الظمأ في غيبتك وأثر الظمأ فيني! تطيح أغلى مشاريه الهوَى، وأطرِّي المعوَاد لو إنها ما تزَّعلني عيونك؟ كيف ترضيني أنا لولا جروحك ما خذيت من السكوت ضماد ولا مدّيت لك كف الوصال.. وذابت يديني! ما بَين أخاف صوتك وأرتمي له: بارَت الأضداد طلبتك لا تخلّي لي خيار.. ولا تخليني أنا يا شرهة العمر القصيَّر.. وآخر الميعاد أشوف إن العمر كلَّه معك ما عاد يكفيني!

رجعيني للشغف يا اعز واغلى ماحصلي واستغلي بسمتك لرضاي في وقت الملامه الليالي مالها وجهِ ضحوك ومسفهلي غير لامنه بدا لي خدك الي فيه شامه اقربي لين يتلاشى حزني ويرتاح ظلي من طريقٍ فيه عيفت القدم راس العدامه واستريحي فوق ديباجك وفلي شعرك اللي ودي اقضي عمري الباقي تحت دامس ظلامه

مواجه الدنيا .. ولوعات الأيام يبي لها عزم وصبر و إسبريسو ☕️

« لك علي أني ما أحطك على لسان الشموت ولي عليك إن كان صدرك تضايق مرّني مستعّد أموت لأجلك / ولكن قبل أموت كان عندك شيء يثبت غلاتي ورّني ! »

يوم جيت ديار ابو سودٍ مظلّه للقدم وقفة وللقلب إلتفاته مختصرها فالسلام ورحمة الله السلام ورحمة الله وبركاته ودي آخذ عندهم فنجال دلّه ونفسي أوّل من كلاني بالشماته "يرفع الرجال صبرٍ في محلّه ويرخص الرجال كثر محاولاته"

القلوب يريبها طول الجفا والليل دوبه يتهادى عطره الحسّاس وأحظى بإهتمامه كل وجهٍ قد طويت اوراق ماضيه بصعوبه تحمل الانسام بالغ شوقه ووافر سلامه وين ابهرب والثواني واقفه شبه مغصوبه عدني يا ليل شرهاتك واعديك الملامة الضمير الحي ما تسكن من اللهفة حروبه تربكه حتى نسانيس الهواء مدري علامه من ترك لي صورةٍ فالبال ماهيب محجوبة يتشجر في زوايا القلب وده واحترامه يدري إني كل ما تاخذني الخطوات صوبه مستعد أرضي غرور الغرة اللي فوق شامه يا رهيف الحس كيف أصد والصدة عقوبة وانت يغري عودك بميلة ويغري بإستقامة لا تسيل الدمعة العذبة واسيل من العذوبة الدموع تكبّل العشاق وتزيدك وسامة أهيفٍ لو تبتسم تسلب من الرجال ثوبه ابتسم واقول لك لله در الابتسامه من تخيّر دربك المهجور عن باقي دروبه لاقيٍ بعيونك الثنتين مضياف وكرامه لا تلومه لو تشوف الصمت ذنبٍ من ذنوبه وش يقول اللي يشوف إحساسه اكبر من كلامه واحدٍ مهما تضيق بعينه الارض الرحوبه ما يبين في عيون الناس ضعفه وانهزامه