!

طوينا خيام الحب ياللي تبي المنزال نوينا الشديد عن المحبة واراضيها دلال الهوى ما عاد فيها ولا فنجال تقهويت لي دلة وحالف ما اثنيها

والزين فيك أحلا الوصايف مدله مالك بغضات الصبايا تهايا شمسٍ على روس النوازي مطله شعاعها يرسل سهوم المنايا لا بانت الغره عليها اسم الله بأطرافها تقل يتكاشف مرايا مثل البروق بمزنةٍ مستهله توضي وكاسيها أشقرٍ له زوايا

في ضفهـم راع العيـون المكاحيل اللي يذوب القلب من سلهمتهـا إلى اقبلت قـام يتكفكـف دجى الليل كـل الديار المظلمه نورتـهـا وإلى ادبرت غطت جسدها المجاديـل بيـن الخلايـق لـو تعـرى كستهـا إن كفتـه مثـل الغصـون المحاميـل وإن فلته قام يتثـنّـى تحتها

قلبه وطن وعيونه سيوف حداد يهوى الهوى مير المواقف تثيره يارد حياض الموت والجمع ورّاد ولا ينحني... إلا لرب البصيرة

ابيها بنت عز من رغدها ينعم الفستان ابي الرقة وابي الدقة لها بطرافها شاني ابي المشيه كما اللي طالع من المعركة كسبان وابيها ترش مع خطواتها مسك وريحاني ابي صوت الى مني سمعته كن فيه الحان يدغدغ مسمعي ويثير كل السحر فأشجاني

ياعاذل العشاق ما بالهوى عيب ما ذقت لذاته عسى امك تدجي لوذقت من حلوه ومره تجاريب ما لمت طراد البني الغنجي نجل العيون مزعلات الخطاطيب شعوً عذاب إمقطعين الفرجي يم الحبيب اللي هروجه تعاجيب ياعين لدي له ويا رجل سجي

هلا ... هلا يا أم العيون المظله اللي بعيني مالهن حلايا فيهن تقول طراد خيلٍ وسله اما هل الردات والا الطنايا لا احذفو عن المهار الأجله وردوا لبيضٍ كنهن الحنايا ورداتهم تشفي القلوب المغله من غير حقرانٍ لباقي النحايا

يابنت الكرام، بنت الحشيم مفوّح الدلال انا الشجاع اللي مارضي فيك كنز القناعه كل شيءٍ بي يلبّي لك، ولا! للصعب المحال ان بغيتي نجمٍ ولا..راس من روس السِباعه ان ماكنت لك في يوم قرمٍ…وزيزومٍ و رجّال بيومها..نكّسي فوق قبري شراع الشجاعة - أبو شامخ -

بين ضرب الحرب والي يلحق الغاره بغاره والشعوب الي تقول ان الوطن بنموت دونه فيه غزو كل ليله يلبس لباس الصداره في جمال وفي كمال وزينة عيونه ولونه علّمو كل الدفاع وعلّمو كل الوزاره عندنا صاروخ في نجد العذيه لا يجونه

يالي على قلبي خذيت السعاده الأمر لله لو تبيني وانا أبيك تضحكني ادري واحبك زياده استغفرالله لو انا ميت فيك اشتاق لك شوق الغريب لبلاده مع اني طول الليل ايدي ف ايديك

لوغبت عن عيني بك القلب مشغول يا واحد قلبي له الحب قاده لك منزل بالقلب ما هوب منقول لا والذي زينك على الناس زاده

يا من يبشرني عسى دارهم سيل عسى السحاب اللي علينا عليهم

وش تبين من القصايد ياجميله وأنتِ أكمل والقصيد يجيه خله أنتِ أصعب وصف وأحلى مستحيله وأنتِ أصدق روح وأجمل مسفهله كيف أوصف عنق و أغازل جديله والقصيد أصغر من التوصيف كله

مرحبا والدار دارك ومحبوبك فداك تو ما جرد المحاني تبسّم ريفها تو مانورت الرياض ❤️❤️

خل هامات القصايد تنحني لعيون غاده عيطموسً تذبح العشاق بسهوم الموده أن تمادا صمتها وأن سولفت سكر زياده مستعده تغرق الدنيا حلاوه مستعده والقصيد اللي ماصار لـ جيدها مثل القلاده ويش ابي به لارحم جد القصيد و جد جده

الـبـارحـه ربـي كتب لي ومريت دربٍ عليه بروق الاحباب لاحت جيت المكان اللي جمعنا وخفيت وقامت جروحي للجوارح وصاحت يا ليتني فـي لـفـة الدرب زليت كان العيون مـن الدموع استباحت يا ليتني مـن قبل لا احبه اقفيت والا انْ دروبي عن دروبه تناح

زاد الغلا للطائف وزّان جوّه يوم سارت بأطراف الحويّة خطاويك حتى الغمام ان مرّ من فوق نوّه يحسب سنا بروق السما من محاويك.!

بشفتك خمر ،،، مايوصفه ابو نواس ولا أنكره مالك في الموطا ولا اقره اشوف الليالي ماتشابه وجيه الناس وأشوف لشهر شوال في غرتك غره

تلبسين الأسود كنك ضمة الليل وتشرقين مثل القمر فوق السحابه

هجرني يقول اته تطوع وراعي دين وهو ما درى بن الوصل يدخل الجنه