خالد بن كريفيس

هدوء المسا و الفكر هيّض لحون القاف مزون القصيد العذب يمطر بي قنوفه اسوق الخطاوي قاصدٍ ذروة المشراف يسرّيني التفكير فالعشق و ظروفه خذيت اتطلّع فالهوى من زمانٍ طاف لقيت اوله نشوه و فآخرته حسوفه و انا قلبي اللي هاب له فارعٍ ميلاف لو انه يقابل جيش و يشتت وقوفه حروب الهوى اقسى من مقابل جيوش آلاف الا ليتها ب مقابل الجيش و صفوفه يامالك حشاي و بهجتي بك بدون اسراف هنا جرحي القتّال و عيونك تشوفه على معركة حبّك ظهر ب ان معك احلاف مفاتنك جيشٍ تورد العاشق حتوفه انا كيف بسلم و المواجه بدون انصاف "عيونك رماح الحرب و رموشك سيوفه" اجيك بكلام محضّره لك وراه اهداف واروح و كلامي فالصدر ساجن حروفه تعاليت من كبر و تركت الهوى نكّاف ضربت الهوى والوصل في عارض الطوفه وش تفيدني كلمة عتب و الكلام الجاف ضهر من ضميرك و الغلا تعلن نكوفه قسيت فكلامك يالغضي من طغى واجحاف مثل قسوة الحجّاج في خطبة الكوفه خالد بن كريفيس

@5Fhab يا سلامي عليك يابو راشد 👏🏻👏🏻👏🏻

كل ما تناسى ظهر نسيانك محدب ايجيبك الله /// نظم ولا مع القلطه طغت طيوفك مثل ندر ابن جخدب من يوم وقفت مثل (( محمد السلطه )) فهد بن جليغم #السلطه #ابن_جخدب #شلفا_ولي_العهد_الوضح

@Faleh_002 تهت في طرد امنياتي وفي دار الغرور لين ما اغتريت مثل امرؤ القيس ونزار مبدعع يابو مطلق لله درركك 👏🏻👏🏻

مابقى من ليلة البارحة غير الشعور دمـعً يغنيه غـيـري ولي الانكسار رغم حبي للقصايد وكرهي لظهور ماقدرت احقن دما الشعر واصدّر قرار تهت في طرد امنياتي وفي دار الغرور لين ما اغتريت مثل امرؤ القيس ونزار الغزل متنفس القلب عن كل الامور لو بعض الاحيان غربه وتشتيت ودمار ساعةً فيها للابداع والفكره عبور كانت اشبه للهزيمه بطعم الانتصار يارفيقي لاتقصى الخبر وانت مخبور عجل بالفزعه وللمشكله شباب نار صاحبك مازال قلبه على خبرك جسور يعسف الامداح عسف الاصيل من المهار كنه يطيّب مسامع ضيوفك بالبخور اسمي الرنان لا مر فالمجلس ودار حايزين ( ونعم) فالارض حتى لو تدور مستحيل انه مايثبت على الاسما الكبار مير انا مانيب معصوم عن غي الصدور "الهـوى لا حاف له قلب عيّفه الديار" شيب عيني كل ماشفت ربات الخدور واعترض وجهٍ مايستر شعاعه بالخمار الطف من الريح واتقى من العود الوقور اللي مـا بار بك لـو كان ظنه فيك بـار من معاذيبً .. تلاضى وليلً فيه نور يرتمي من وجهه الليل في حضن النهار قدّ ستر القلب رشمه ومكّن فالنحور ضربةٍ يستاسر الحـر منها بختصار الطف أنـواع الاسنه … تـوّرد للقبور من متى والرمش يذبح طويلين العمار ؟

@12_erq يا سسلاام يا حصيف 👏🏻👏🏻👏🏻👏🏻👏🏻

@adel_381 الله يابو محسن 👏🏻

يالمملكه نعرف مساريكْ سيده على طريق الذل ما قد مشيتي " انتي مقر أهل القيّم و العقيده و ان جا مجال العز والمجد جيتي " الخاين اللي يحسب النصر بـ يـده قولي له انك فـ الغدر ما رضيتي " تبجّحي و أخذيهْ لعبه و صيده وسوي نظام الغطرسة لا بغيتي " أبحتفل مع كل رؤيه جديده حتى لو اني كنت شاعر كويتي🇰🇼 #محمد_بن_سلمان 🇸🇦 #السعوديه

@mbark_63 الله عليك يابو حمود مببددعع كالعاده 👏🏻👏🏻👏🏻👏🏻

من تفارقنا وانا اللي دايم أهذريبك ما تخطيت الدموع الزرق يوم تحدّر يا حبيبي لا تحسب ان العيوب تعيبك الغلا لا زاد عن حدّه يصير مخدّر مستعد اضحي بعمري ولا اضحي بك أنت غير وفالخفوق لحالك المتصدّر واجب أوقّف وارحّب فيك واهلّي بك جيّتك مثل الدخيل الطيّب المتقدّر ما هقيت ان الليال المقبله بتجيبك لين حدتّك الليال وجيتني متكدّر

@qer_21 الله الله الله

مدري عقب طول المفارق وش اجيب كل التفاصيل القديمه مليحه تاخذ من احساسي عذوبه وتركيب واصبها ما كن نفسي جريحه قصيدةً منها لاجيت المعازيب ماجنبوني عن لسان الذبيحه يا فاتنه .. لا راح ليلي مواجيب المرجله ماهيب ذنب وفضيحه عزمي يعديني طوال المراقيب وعيني تعرف المخطيه والصحيحه ماقد نسيتك لو نسى سالم كليب الذاكره في كل حاجه صريحه الشوق باقي لو تغيب المناديب والوصل قفى ياعسى الله يبيحه حفديت اهل المرجله والتراحيب واليا قبسّت مادورو لـ النصيحه عذروبها ما تقبل الميل والعيب وتزعل لاشلت مْن الجهاز الشريحه يفوح من مجدولها المسك والطيب ويهبّني لا جيت لـ الدار ريحه بنتً ما يلحقها قصور وعذاريب ماهي من المترديه والنطيحه اليا مشت تكحل عيون الرعابيب ما كنها الا من بنات القريحه

@falehaljuwaisr1 يا سلاااامم يابو أحمد مبدعع 👏🏻👏🏻👏🏻

مال الشعور و عاقب الصمت راعيه و الهـم محضور القصيد استباحه و سلّمت مضمون الكلام المشاريه و اوفيت مكيال الزعل بالصراحه لين استوى نظم القصيد ومعانيه واخذت من حرب الضنون استراحه الكره مثل الحب تظهـر مواريه لا بان وجه الحق و اشرق صباحه لو كنت بسلوب المجامل تغطيه له بالعيون و بالملامح مساحه وانا لا شفت الي احبه و اداريه يزرع محابيله و يشهـر سلاحه امحي غلاه من المعاليق وانهيه ولو يعتذر ماله بقلبي سماحه إلى متى يخطي و يزعل و اراضيه و امسح دموعه و اتحمل جراحه الي مايحفظ قيمتي ما لتفت فيه ارخي قيود الحب و اطلق سراحه مانيب مشفي له و لاني معاديه بنساه و النسيان نعمة و راحه و اقول لا شفت الطواري تطريه الحر يكفخ لا تضايق جناحه اخترت ابيعه بعد ماكنت شاريه حنظل عداه ولا مذلة قراحه القلب ماني تحت رحمة مشاهيه والله لحدّه لين يعلن صلاحه ؛) مشروع نسيان الغرام و طواريه انا بكون اول سبب في نجاحه

@al_shlwani طيب طيب يا مبدع 👏🏻👏🏻

ميقات الأبداع وأبيات القصيد القوي لقا بك السامح الملتاع ما يدهشه يذوق فيك الشغف والدافع المعنوي ويحس فيك البصر بالليله الموحشه يهبك الغرب ويلامس هوى المهتوي لو الهبايب تمر الجرح و تنبّشه اخذت حسنك زهاب وخذت طيفك خوي ابختلي في صويب الشوق لين انعشه وش يمنع الغيث لا ينزل ب عدٍ روي وانتي جزيله عطا والأرض متعطشه طلي بليلٍ غيابه خصرك المنزوي يمكن لو احتك بالعود الرقيق اخْدشه من جمرتينك يزين المنطق الفوضوي الي تبسوم بوجه الواحد وتنهشه وشلون تبغين صفحات الهوى تنطوي وايديك بخضاب دم العاشق منقشه

@37md_lk والله ثم والله مبدعع يابو سليمان 👏🏻👏🏻👏🏻

عزمي يقديني على كل مشراف أعافر الايام لوهي عنيده " كل الاماكن عقبكم صارت عجاف ماتت وهي تنطر سحابة فريده " عنيت خيلي تارك احلامي اخلاف هم الزمن ولا هموم الفقيده " قلبي تعوّد لا تلومه ليا عاف موتت فقير ولا اليدين الزهيده " ماني انا عارف متا أصيب الاهداف " اللي اعرفه أنك أول فقيده " " عفت الهوى يوم انقلب ضلّم و جحاف بنسى الهوى لجل الحياه الرغيده " اللي تقوله يوم جنح الدجا طاف أثرّ على أرباب العقول الحميده " عقب الجفا صاير معي قلب سياف لاضاق يسري بـ الخطوط البعيده " عموماً اسف ان حصل بيننا أخلاف والله يهني كل سعيد بـ سعيده " والله لو ان الحب يستاهل القاف أني لـ علّق في نحرها قصيده

@37md_lk لله درركك يابو سليمان 👏🏻👏🏻👏🏻

@_51777633 يا سلام يابو فيصل 👏🏻👏🏻

لا تقلب الدنيا عتب ياساقي الخمر المباح مافيه داعي تزعل ان طاح المطر طاح الزعل الله عليك يا مُبدع👏🏻👏🏻👏🏻

@Faleh_002 يا سلام يا سلام يابو مطلق 👏🏻👏🏻

نديم المساري مابقى بالضلوع انفاس طلبتك تصدد عن دموعي ليا بانت انا داخلي فوضى مشاعر وكبت احساس ونفسً يليّنها الدهر مير ما لانت تساميت في كتمان همي عن الجلاس اخاف العيون تقول عن حالتي شانت ترى من تشكّى ينحقر في عيون الناس ولا احدً يرجّع قيمته مثل ما كانت

@12_erq الله عليك يا حصيف 👏🏻👏🏻👏🏻👏🏻

@_51777633 الله عليك مبدع يابو فيصل 👏🏻👏🏻

@adel_381 الله الله الله

كفكف دموعك و تبريرك أعرف وش وراه كافي ان السلم عن شوف وجهي رادعك " امتلى قلبي حزن و أبتدت قصة عناه يوم صبت فوق راس الوصل جنادعك " ما تخطيت الموادع و ضيّعت الوصاه حافظك و بليس ينخى عشان اخادعك " ضيقة الخاطر من الناس و ظروف الحياه أهْون بـ واجد من الضيق يوم اوادعك

@Faleh_002 الله عليك يابو مطلق مبدع لله درك 👏🏻👏🏻👏🏻👏🏻

جرت هجوس الشعر عذب السواليف ذات اللسان اللي ما يبرى خصيمه بنت القصيد اللي ما تحتاج تعريف اللي تجر المستمع .. من صميمه محوالها بين الضـلـوع المهاديف دويّ براقً .. هـتـك سـتـر غـيـمه مركاض خـيـال العشاير مـراديف اللي موّقف بالـعـوّض والحريمه صمخ البيوت أكبر معزة وتشريف مقتولها مـا يـعـتـرف … بالهزيمه ويوم الهوى حت الغصون المواريف وانـقـاد لـيلً مـا فـرح به نـديـمـه قـالت مـنـازل قـافـهـا بالمشاريف ولـقيتها بـ أول دمـوع الـيتيـمـه فـ الشعر ما ينقاد في شذرة السيف لازم تـخـلـي في بـنـاتـه وسيمه والمجد في حد السيوف المراهيف ماهوب في قول .. السلامة غنيمه واللي يلاعـب شعلة النار بـالـيف لا يطلب الله تسقي الارض ديمه الناس فيهم … جـاهلين وعـواريف واخس نوع أهل الحسد والنميمه لا يـخـدعـونـك مـدعين المعاريف " تبـيّـن الأيـام عـادة حليـمه " و أشـر مـا يبلا به المسلم الضيف اللي لسانه مـا يـعـرف الحشيمه

@vsii7i صح الله بدنك يابو احمد 💐..

@77_3k صحح لسانكك 👏🏻

هدوء المسا و الفكر هيّض لحون القاف مزون القصيد العذب يمطر بي قنوفه اسوق الخطاوي قاصدٍ ذروة المشراف يسرّيني التفكير فالعشق و ظروفه خذيت اتطلّع فالهوى من زمانٍ طاف لقيت اوله نشوه و فآخرته حسوفه و انا قلبي اللي هاب له فارعٍ ميلاف لو انه يقابل جيش و يشتت وقوفه حروب الهوى اقسى من مقابل جيوش آلاف الا ليتها ب مقابل الجيش و صفوفه يامالك حشاي و بهجتي بك بدون اسراف هنا جرحي القتّال و عيونك تشوفه على معركة حبّك ظهر ب ان معك احلاف مفاتنك جيشٍ تورد العاشق حتوفه انا كيف بسلم و المواجه بدون انصاف "عيونك رماح الحرب و رموشك سيوفه" اجيك بكلام محضّره لك وراه اهداف واروح و كلامي فالصدر ساجن حروفه تعاليت من كبر و تركت الهوى نكّاف ضربت الهوى والوصل في عارض الطوفه وش تفيدني كلمة عتب و الكلام الجاف ضهر من ضميرك و الغلا تعلن نكوفه قسيت فكلامك يالغضي من طغى واجحاف مثل قسوة الحجّاج في خطبة الكوفه خالد بن كريفيس

@k93q8 لو يطول الشتاء و تهفهف انسامه رجفة البرد تدفيها تعاليلك يا سلام يابو مناور 👏🏻👏🏻👏🏻

ودع البال خوفه و ابعد اوهامه الليالي نسايمها تغني لك يا نديم الخفوق و بهجة ايامه شب في عتمة دروبي قناديلك شاعرك ترتعش بيدينه اقلامه يكتبك عشق و حروفه تناديلك يا تفاصيل بوحه مصدر الهامه جل من ميزك با الحسن عن جيلك حث لك في غياهب دربك اقدامه لهفة الشوق ما هابت دجى ليلك شاف بعيونك النجلا من هيامه سحر هاروت مقرون بمضاليلك العطر و المطر و الشعر دوامه بين ذكراك و مسامر تفاصيلك لو يطول الشتاء و تهفهف انسامه رجفة البرد تدفيها تعاليلك

@_51777633 يا سلامي عليك يابو فيصل 👏🏻👏🏻👏🏻