حآتم

الحمدلله ربي رزقني التصالح مع الذات، مؤمن بقدراتي مستقيم التفكير وأعرف حدود إمكانياتي، م أحب الجدال وافتعال المشاكل، لا أحمل في قلبي أي ضغينة او حقد على أحد، حتى من أخطأ في حقي الله يعلم اني مسامح له دنيا وأخره.. الحمدلله..الحمدلله..الحمدلله

@yallno7 اتفق لكن هذا جزء من المشكله واكيد خطوه للأمام لو الكل سواها.

@7atm2 والله العظيم ان الغلط مننا حنا الشعب، المفروض اذا دخلت مستشفى والدكتور غير سعودي ترفض لين يجيبون سعودي وبكذا راح يضطرون مع الوقت يجيبون سعوديين، الحكومه ماقصرت حطت قوانين ولكن احنا لازم نتابع ونقاطع اي مستشفى فيه اجانب ونرفض اي خدمه من اجنبي.

قدمت على كندا وجاني قبول مبدئي، والله ثم والله ان ف الحلق غصه وانا اكمل بياناتي وان القلب ليحزن على فراق وطني الحبيب 🇸🇦💔 طرقت كل الابواب واخذت كل دورة وكل مجال تدريبي عشان احصل وظيفة كريمة تخليني اقدر اكمل حياتي واعيش مثل ما الناس عايشة.. لكن الحمدلله على كل حال #اطبا_الاسنان

#مناشده_توظيف_اطبا_الاسنان

حقيقة طب الاسنان كاملة ، بين مطرقة الوعود وسندان التهميش .. وبصيص أمل يقتات عليه طبيب الاسنان السعودي ليستطيع اكمال حياته. @SCFHS_SG @aalsarhan2007 @FahadAlJalajel @HealthCo_sa @balawisultan @ShuraCouncil_SA @Badermasaker @SaudiMOH #مناشده_توظيف_اطبا_الاسنان

دكتور : لكن ممتلي بالفراغات دكتور : حَسْب اللي تنص الشهاده لكن على الواقع اعيش بمعاناة عاطل ولا عندي عمل او عياده #مناشده_توظيف_اطبا_الاسنان

@ayathani13 @7atm2 @FahadAlJalajel الحل الوحيد لإنقاذ الطبيب من هذا المأزق هو **تفعيل التوظيف الحكومي** بشكل عاجل، ليجد كل خريج فرصته المستحقة، ويصبح هناك استقرار وظيفي ومسار مهني واضح. هذا ليس رفاهية، بل حق وطبيعة المهنة. @SCFHS_SG @aalsarhan2007 @FahadAlJalajel @HealthCo_sa @balawisultan

@gii418636682684 بلدي ولدت ودرست واكلت وشربت من خيره 🇸🇦 مستحيل اكون ضده لو مهما صار تبقى السعودية اعظم بلد وافديها بروحي، انا ضد الطلعة وكثير لما اعترضت على اللي قالو لي روح اشتغل برى اول م تخرجت.. الاتهام والتخوين من شخص مامر بنفس المعاناه اسهل طريقه..

@7atm2 لايكون ناوي تكون معارض ومالقيت الاكندا

@zf_055 @SMO_S_ لا ابد م حصل الا الخير، وياك يارب

@7atm2 @SMO_S_ الدكتور الي اقصده سوري واعتذر منك اخوي حاتم واسأل الله انه يوفقك دنيا واخره

#مناشده_توظيف_اطبا_الاسنان كان الحل بسيط وما زال لكن كره الثلج تكبر يوم ورى يوم على كلام الإعلامي القدير المديفر : أنا ماني متخيل طبيب أسنان يصير عاطل في السعوديه 💔

@zf_055 @SMO_S_ اعتذر على الانبراشه 😅😂

@7atm2 @SMO_S_ لا ياخوي البنت تتكلم عن الجنسيات العربيه واتكلم عن واحد مابغيت اقول جنسيته..

@zf_055 @SMO_S_ تقول قبل كم سنه جيته ؟؟

@7atm2 @SMO_S_ من جاب طاريك

@tlrwi انا خريج ٢٠١٩ فعلاً هذا التخصص افه، ولو يرجع بي الزمن مادخلته

@zf_055 @SMO_S_ حسبي الله عليك كانك تكذب علي، نلتقي امام الله سبحانه وقتها اعرف اقتص منك يا نصاب..

@SMO_S_ @7atm2 قبل كم سنه جيته ابيه يزين ضرس قال لازم خلع خلعه وكسر الي جنبه ورقعه ترقيع لي

@ILinneii @7atm2 كلمة حق هو صادق عندي قريب طبيب اسنان سنين ينتظر اسمه ولا جاء بعدها اشتغل بمستوصف حرفياً راتبه ٥ او ٦ الي يشتغلون بمحالات ياخذون اعلى من راتبه والمشكلة لقدم لجهات اخرى يرفضونه حتى الي يقبلون ثانوي بحجة انك دكتور فانت بتشتغل موقت او شهادتك اعلى من المسمى

@ro7_70b @ILinneii حرفياً هذا وضعنا بالظبط، الخاص رواتب لاتذكر على دوام ٦ ايام شفتين، واذا قدمت على اي مجال ثاني قالو لك انت مؤهلك اعلى من اللي نبيه، مع العلم اني معي حاسب وانجليزي 6.5 ايلتس وشهادات احترافيه بمجالي وغيرها..

@MOHAMMDALASI اذا انه وهمي وش بيزرفون بس💔😅

الطعس مايدري ان الايميل هذا حق احتيال .. حاتم لقد تم زرفك بكل اختصار

@duaa_alshugair الله يسمع منك والله السعوديه مافيه زيها ونخدمها ب ارواحنا لكن الحمدلله على كل حال.

@7atm2 إحساسي يقول قريب باذن الله يمشوا الهُمّل اللي عندنا و ترجع لوطنك 🇸🇦

@ILinneii كل المجالات قدمت عليها بالاثبات، مالومك تتكلمين كذا اللي يده بالنار غير اللي يده بالماء، ٦ سنين عطالة والعمر راح.. الله لا يذيقك ولا اي مسلم الغبن والقهر اللي نعيشه.

امي التهب عليها ضرسها و عندها ضغط و مالقيت موعد احجزلها !!! اتقوا الله يا ناس حسبي الله عليكم و نعم الوكيل #اطبا_الاسنان

الصورة المنتشرة يحاول صاحبها الإسقاط على الممارس الصحي من خلالها، لكن لمن ينظر للأمور بعمق يجد بأنها «عكسية». من المعروف، وبكل أنحاء العالم، أن الممارسين الصحيين، أطباء أو ممرضين أو فنيين وغيرهم من التخصصات، هم من صفوة المجتمع ونخبتهم ذكاءً واجتهادًا وتأثيرًا. لا يقف طموحه عند مؤهل معين، بل يدفعه طموحه للاستمرار في التعلم والبحث والإنجاز. ما حصل من بعد #الصحة_القابضة، وكما نرى بالصورة التي يرى صاحبها أن الخلل بطالب الوظيفة لا الجهة المعنية عن توظيفه، هو إنجاز واضح جدًا، وهو «إجهاض للطموحات». أن يصبح أقصى الطموح وظيفة، هو بث الخوف من المجهول المصاحب لهذا التحول، وأن يرى الطبيب بجميع التخصصات أنه مهدد بأمنه الاقتصادي والمعيشي. إنجاز واضح وجليّ.. وظيفة بأهم قطاع بالنسبة للمجتمع «الصحة» أصبحت أقصى طموح. كيف ستطالب صاحب هذه الهواجس والمخاوف بالتطوير والإنجاز والإضافة؟ لذلك، المشهد المولّد بالذكاء الاصطناعي ليس إسقاطًا على طالب الوظيفة، بل وصف دقيق للحالة التي وصل لها «نخبة المجتمع»، بمباركة (القابضة على أحلام الأطباء).