سـين ➰

مختصر الحياة ما قاله جبريل للنبي ﷺ: "يا محمد عش ماشئت فإنك ميت، وأحبِب من شئت فإنك مفارقه، واعمل ما شئت فإنك مَجْزِيٌّ به، واعلم أن شرف المؤمن قيامه بالليل، وعِزُّه استغناؤه عن الناس"

- يقول حمدان المري : العزله من الناس و المسرى تحت جنح الظلام على دروبٍ تشتكي .. قلة وصال احبابها يمرها مر الكرام اللي يعرف ان الكرام لا مرت دروب الجفا ما هي تلد رقابها لو حثته رجله على الممشى و هو ماله مرام ما حثته نفسه على امورٍ تسكر بابها و الذكريات اللي ما هي بـ تقال ما منها سلام تاخذ من ضلوعه كثر ما مرته وأمسى بها ليلة عتابٍ .. يستبيح عتابها قل المنام اونست منها وجعةٍ ما كنت احسب حسابها جمّعت فيها كلمتينٍ .. تختصر كل الكلام و لا ذكرت من الحروف الا حروف عتابها قصایدٍ کْتبتها و لا جبرت کسري حرام اعدها ولّا احتفظ فيها ، و اشل کتابها خليتها لـ المستصيب اللي معنّيه الهيام يمكن تلامس خاطره و يزين له مضرابها و الا الذي من وجعته ما هو على احسن مايرام لو ان فيها ما يداوي علته؟ غنى بها عليك يا اللي ما معي منّك سوى رد السلام من خيبة الهقوه ، و عذر الراحله و اسبابها یا اول شقى و اخر لقى و اكذب عذر و أصدق ملام لا ترتضي لي حاجةٍ .. قلبك ماهو يرضى بها من باب تقدير المحبه و الغلا و الاحترام لا تكذب اعذارك و انا مقدر على كذّابها الاوفيا لوّ جحدوا سولف بهم حتى الظلام کنه عقب جور الحنين يبين اللي صابها يستنزفون شعورهم .. على متاهات الغرام لو ایّسوا و استعصت الحاجه على طلاّبها ينزّهون شعورهم حتى بـ لحظة لأنهزام الطيحه اللي من شعور الأوفياء ترقى بها اقل ما هي تمتلك وصل، و محبه، و اهتمام و اكثر ما هي بـ تخاف منّه في الحياه .. غيابها مقام حبك ماله الا .. شرهةٍ قد المقام ان عابها قل الوفا ، و لا الجفا ما عابها لا تنزع الشرهه بـ واهي العذر و الا الابتسام و لا تلبّسها الثياب اللي .. ما هي بـ ثيابها نعم تبادلنا الجفا لكن؛ تهادينا السلام في ليلةٍ لو اقدر أنساها .. نسيت عتابها

- تجيبك لي الاحلام واحضنك لين افيق تروح وتغيب ايام واحلامي تجيبك اماريبك الاحباب وادعي لك التوفيق شف شكثر غلطاتك بحقي واماريبك عذاريبك الواجد بعيني عليك تليق انا اشوف من ضمن المزايا عذاريبك شسويبك ان جيت اتناساك جاني ضيق وانا كل ما ضاقت ذكرتك شسويبك

- قاضبٍ نفسي و أحايلها محااايل لا تعلّق فـ القلوب ولا تهاوي مير مالي عن مطامعها وسايل فـ القبال السَمح والحسن الرهاوي ياموقفني على جرفٍ مهايل والله إني قبل لا عرفك حياوي وش تثناي الغصون اللي تمايل ؟ لـ أنثنى اللي عوده بـ ماء ورد راوي لا شبيهٍ لك يشبَّه فـ القبايل كيف عاد الريم و عيون النداوي ؟ محدٍ مجاذبك طبع ولا خصايل لو تعاشرك العرب، ولا تخاوي والله ان ماهو بلاقي له بدايل من يشوف إنه عن وصالك غناوي :)

- مثل ما كنت أشوف، إن الحياة المقبلة صعبة مثل ما شفت، إنك لي ملاذٍ.. بالسنين السود نزلتي في صحار الروح.. مثل الغيمة العذبة ورويتي شوك عمري.. قبل، ما تروين منه ورود! على وجهك، حضني حظ.. راجع، من بعد غربه وعلى وجهك، بكيت من الفرح، حتى قبل لا يعود! وعطيتك خافقٍ، ما زل في درب الهوى.. قلبه لقاك الدار، والغاية.. وحلم، وملجأ، ومقصود وعشقتك، مثل طفلٍ.. شاف في رف المحل.. لعبه تعب يمشي، وحصلها، وكسرها آخر العنقود! وشربت العز، من صغري.. ولا ترويني الشربة ولا أرضى بـ شيءٍ، يلحقه.. نقصٍ ولا منقود مثل طيرٍ، يعاف القاع.. وما يرقب، على التربة سماواته تعزّه.. والوفا، بجناحه المفرود وأنا اللي لو يميل الوقت.. ما يبدي لـ أحد كربة ولو موتي، بيدين الناس.. ما أطلب فوق عمري زود فلا.. ترجى هواني.. لو تعرّى قلبي، بحبه أنا اللي بالغلا، ما أقول: جود الوصل بالموجود!

- يحاوطك المطر من كل يمه وتهواك النـود وأنا روحي عليك من الوله ولها مثل ماهي وحيد دون ضحكك لو بقى فالعالمين حشود غلاك اللي تربّع في حـشاي . . الآمـر الناهي رجاي من البشاير . . ما يسر الخاطر المعقود وأنا قلبي تحت رحمة هواك وطرفك الساهي (:

- على طاري غرامك ياحبيبي هاك ماينقال على البحر الطويل يسوقها موجي ومجدافي حبيبي لا تضايق من عتبنا لك على الجوال هذا حبك و هذا منزلك في قلبي الوافي يعيش الحب بين اللي محبتهم وفا ووصال ويموت الحب من فرقا القلوب ومن جفا الجافي أمانه ياحبيبي كل ماتشعر بـ ضيقة بال تعال أضم حزنك في زوايا صدري الدافي وانا مافي نظامي حب يومين وجفى واهمال وجاك من الـ محبة والـ معزة والغلا الكافي ٰ صحيح ان الغياب اللي حصل بيني وبينك طال لكن مهوب انا اللي فوق حبه يسفي السافي لحقني من غلاك ومن جفاك اللي يرٌق الحال مثل ماكني اشوف الحزن في طررفك الغافي يروح اللي يروح من العمر واللي بقى لا زال ويبين اللي يبين من الغلا و الخافي الخافي هذا نبض الشعور اللي كتبته لك على استعجال فديت اسمك ولبى معدنك يالمعدن الصافي - علي الدعية

- خدين البال في حق الجفى مالي معاك عتاب على وجه الحقيقة وين ابلقى عذر و التمسه خذاك الطيش و اللي تاخذه نفسه بدون اسباب ليا دور على الرجعه عذر … ينقد على نفسه عليك اسرفت باحساس الهوى و الحب و الاعجاب و شفت الوقت قاسي وانت شفتك فالغياب اقسى متى كانت رسايلك الجميلة داعي استغراب يا وجهاً من فقدته كل يوم يمرني خلسه فداك الجرح في قلب الشجاع مجرّي الهياب ابنساك ان عرفت ان انساك ولا انت … تعرف تنسى

- سقيت الوصل من جود المشاعر لين نشف ريق الكلام اللي لك آعده شعور الصمت لامر الحنين يبين يفج الصدر في طاريه ويقده خذينا وش خذينا من هوى الغالين ليامنه بخل من قلبك يوده يعيش العاشق احياناً على التخمين ليا صارت ظنونه دايم تحده عطني نفس بالك من ثلاث سنين انا فاقد شعور الصدق من مده

- اجي يمك وانا محتاج واعوّد و انا محتاج على بيبان وصلك ما اكثر انكافي و مقبالي مثل باب العنايه حارسه دايم عليه احراج يجيه الغالي اللي خايف انه يفقد الغالي - قطيم بن محمد

- - سعود مبارك: أنهزمت وقلت أحبك وهذا أكبر دليل ما يهزم أكابر القوم . . غير قلوبها :) -جابر النشيرا: أطيح طيحة قوي ماهي بـ طيحة ضعيف طيحة شجاعٍ هزمه الحب لين . . أعترف :) -سعود مهدي: معك عشت أول هزيمة بطعم الإنتصار والعيون تشوف ضحكتك ضمن حقوقها :)

- - فداك الصبح، وأحلام الصغار، وضحكة الأصحاب وبيضان القلوب ولابس النيِّات مقلوبة فداك الشك لا صاروا لي أخوان السنين : أغراب وراحوا، كل قلبٍ يحرق اللحظات بأسلوبه نسى الله من نسى وجهك ليا ضرَّ المغيب أحباب وراحوا كل قلب يْراجع اللي فات من صوبه تعدّ الجرح؟ في صدري معك مساحة إستقطاب تحاليت الجروح، وكل حاجة منْك مرغوبة أجاهر بك، لأنّك ما أنت ذنبٍ يرهق اللي تاب أنا عبدٍ يخاف الله، ولا قد جاهر ذْنوبه أنا عبدٍ لقى فـ قلبك سكينة كنّها المحراب وكبّر به قبل يذنب، وسلّم معلن التوبة لقيتك وأنت غايب في الوجيه العابرة تنساب يورَّى أن كل جلد يشيل منّك من ورى ثوبه لقيتك في الدروب وفي الصور والصوت والرحِّاب ودوبه في مواويل اللحون، وفي الشِعر دوبه لقيتك في قصيدة لـ "المحيـّا" والعيون غْياب "تعدّوا ينشدون الصبح عن رمشك وضاعوا به" معْ انّ الذكريات وناسها ما هم بـ عِتق رْقاب سجينة بالي اللي ما تملّ يْدينه جْيوبه أحسْب أن السنين أن طوُّلت تستاذن الغيِّاب وتبدا تمحي آثار السوالف، نوبه، ونوبه وعرفت أن الزمن ما يستحي، وأن الأمل كذّاب إذا ما هان "جرح" الآدمي ما هان "محبوبه"

- القلوب اللي تحب بصدق ما تبغى تردى والردى ما حطه الله في نواياها العفيفه تقبل انواع الوداع اللي على مذهب ومبدى لو سكاكين الوداع جروحها ماهي طفيفه لكن اليا مر .. طيف الراحلين .. ولاْ تعدى وش تسوي في بصايرها ليا راحت كفيفه نعمة النسيان نعمه لكن الذكرى تحدى بالقويه، والضعيفه، والثقيله، والخفيفه

- ضاق بالي و الطواري مؤسفه .. و الجو هادي وش يسوي من يعيش العمر بـ النفس الكريمه راحت أحلامي ضحيّه من سبب لحظة عنادي لين ما صارت حياتي كنها مسرح جريمه ودي أبلغ حلمي الزاهي .. قبل يوم التنادي خايف إن الحلم يصبح مثل نارٍ في هشيمه عند عزة نفسي أصدح .. لا شداد إلا شدادي العزيز يموت ما يترك غرام شداد ريمه كل شخص من البشر عنده قناعات و مبادي ليه آساوم من يشوف إن وجهة دروبه سليمه أدري إن الناس مابين التصاحب .. و التعادي بس عيب إللي ليا خاصم ينقص من خصيمه عشت بين الفوضويه .. و الشعور آللا إرادي و ذكريات العمر تجرح قلبي و تطعن صميمه الهنوف إللي خذت قلبي .. و خلتني مفادي آتركت نفسي تشوف من الفراق أكبر ظليمه ( يوم آنادي لـ المواصل .. لا حياة لـ من تنادي ما بقى لي غير صوره من ليالينا القديمه ) مستحيل إني أوقف فـ الهوى موقف حيادي كيف أعيش الحب من دون التفاني و العزيمه لو توريني طريق الموت فيها .. قلت عادي كل غالي لأجله نعيش الغلا بـ أجمل هزيمه مادريت إن ساعة الفرقى ، مثل سل الهنادي لين ماشفت الغرام يزيد و جروحي جسيمه إغتربت بـ عالم الذكرى .. و أنا داخل بلادي و كل لحظه عشت فيها تعتبر قصه عظيمه -

- الحزن لا شيّد صروحه داخل القلب الحزين يشوف تجديد الجروح الداخليه .. تسليه لو حاول الضايق يقاوم بـ اللسان وبـ اليدين مايقدر يقاوم ضغوط الذكريات المبطيه وش يملك الأنسان غير انه يقول الله يعين ولا أكثر الأمال بين المقبله .. و المقفيه إللي يدور لـ السعاده في وجيه العابرين ماهوب مثل إللي تلاشت من يديه الأمنيه على كثر ماتنقل الاخبار دورات السنين لا زال ما يرفع مقام الحب غير التضحيه وين انت ياللي يا ماشاءالله كل ما تكبر تزين أفنيت زين الجيل هذا بـ العيون المفنيه عودك ليانه كنه ماخذ من نسيم الصبح لين و على استقام الجيد تستاهل رسايل تهنيه من بينك و بين القمر قطعت شكي بـ اليقين متشابهين بـ كل شي الفرق .. فرق التسميه سبحان من سواك من نطفة و من ماءٍ مهين المغريات إللي بدونك ما تسمى مغريه تبين معك الفرحه إللي كم لها عيّت تبين و تصير لامن غبت مثل الحاجه المستعصيه صدري من غيابك بقايا من بقايا الراحلين و من الجفاف العاطفي مثل الديار المسنيه طال انتظاري و إنتظاري ممتلي شوق و حنين مافيه قدره لـ التحمل لو ثلاثه فـ الميه والله ما يقتل فرحة العشاق .. غير الغايبين إليا طرو مع كل غيبة شمس و أنغام أغنيه الشوق لو يقلط له إللي جاهه يفك السجين حقّه ما يقبل فيه لا حذفت عقال ولا ديه -

- وإن تخيرتك دروب أعرف مشاويرك فـ بالي أنت صوتٍ يجذب السيَّار، ويحدّ الدليلة.. معك يا طيْب السّنين، وفيك يا حلو الليالي! شاعرك وش يَقتله غير المعنَّق، والجديلة؟ من مغبَّات الحياة: أشدّ رَكْبي، وارتحالي.. وأتجمع لك صحاري، وأتفرَّق بك قبيلة يا معاريف الدّيار إن شفت نفسك من خلالي؟ من خلالك كنت أشوف البرق في عِرْض المخيلة! وين أروح إن غيبتني شمسك، وجفَّت ظلالي؟ الظمأ عاري، وصوتك حقّ، وعيونك ظِليلة! ما يهمّ العمر .. لا منه وقف لـ عيون غالي! كيف عاد أسوق لك عمري سحاب! ولا تخيله؟ ردني... لـ أيَّامك الصلفات.. لا زاد اِنعزالي آه «يا ذلّ السؤال» إن صار ما فـ اليد حيلة خابر هذا الحزن سيَّال.. ما له فيك تالي رغم هذا؟ كلما ضجَّت حياتي.. ألتجي له! ليش أميل لضحكتك، وأكسر مقامي، واعتدالي؟ وأتمنّى خنجرك.. وأبدأ نهارك، وأنتهي له! أتذكّر وقفتي دونك ومزحي، وارتجالي وأتسامي لين أدفّ الضلع لعيونك وأشيله الإجابة تحتضر لا سيَّل إحساسك سؤالي.. والدروب مجرَّبة! إلا دروبك مستحيلة هات لي كلّ الكلام وهاك شكّي، واحتمالي! وانتظرني بين هتّان السحاب، وبين سيله وش مضى لك يا مَلاذ الشعر، وإلَّا وِش مضى لي؟ الحقايق غايبة.. والغصن غرَّبني مقيله اِقطع الريبة –يا أبو وجهٍ وراه أسوق حالي– والله إني مرخصٍ نفسي، وروحي في سبيله ما تسوَّلت المدى من ضحكتك لا طاب فالي غايتي لك — ما يبرَّرها طرِيْق، ولا وسيلة! المرَارة في حياتي موغلة، وإلَّا أنت حالي: وكلّ شيءٍ منك عن كثره يكفيني قليله! لا تحاول تشرح أسباب الرحيْل، ولا تبالي! صدة العشّاق مثل الفارس اللي زلّ خيله.. والحياة إن غرّبت صوتي، وخلتني لحالي؟ أدري إنها ما تكون بـ حضرتك إلاَّ جميلة.

- أروح لمكانٍ خابره خابره يأتيه أسوق القدم صوبه وهي مالها حاجة مكانٍ نزيه و اول مواجهي له فيه وانا خابرٍ ما رجلٍ مثله بدواجه لعل و عسى ماحدني للمجي يدعيه و اشوفه وانا ماودي اسبب احراجه يحب الجريح اخر دروب اللقى و يجيه وتحب القدم جية مكان اول مواجه - محمد بن فطيس

- فمان الله و عوج الحنايا بابها مفتوح ما يرجى الخير من زود الغلا اللي يتقا شرّه عتيق و من عتقاء الحب الطويل و رح و أنا بروح تراني ما بقى في خاطري ما يازن الذرّه قدرنا نستمر و ما قدرنا نعرف المصلوح أحد يشكي من الحيره واحد يشكي من الحرّه كما المجروح لا جاه الدواء من واحد مجروح ما والله يستفيد من الدواء اللي جاه بـ المره صحيح إني عشقتك لين تمثنيتك خفوق وروح وتقاسمنا المحبه والجفى والدمعه المُره لكن طالبك قبل أستاذنك وتقول لي مسموح تقوا وأنسحب قبل أنسحب يا باهي الغره « عيونك لاتدربا دمعها في وجهك المملوح ترا كنك اتدربي في خفوقي من حصى الحره - علي الدعيه

الصلاة ي اخوان

- حبيبي عاد انا وياك خشم و عين لين الحين و لا يحتاج شيء يذكر الطيب .. بـ ماجوبه على الله ضيعةٍ في ظلمة عيونك و قول آمين بها ربي يجازي عبد .. جدد سيرة أيوبه أنا اللي مستلذ أضيع بـ عيونك لـ يوم الدين سنيني ليه من نية ضياعي فيك .. مرعوبه مع أنه لا أمل وسط السراب ، و لا شراب يْبين و لكني و أنا أشقى بك أعيش الجرح بـ أعذوبه حبيبي لا رضى وجهك يطيح من الشعر بيتين كأن اللي .. قبلها فوق سطح البحر مكتوبه انا اكثر من كتب فيك الغزل و ارهى عليك إيلين دقيقة صمت عن أذنك .. على نزار و أسلوبه كفاه من العمر ليله ، و عمر الآدمي يومين و لا الله مطلع عباده على ما تحوي غيوبه إلى منّه تمرد خلقي ، و ضيّق جداي البين حبيبك يستره ضحكك .. مثل ما يستره ثوبه رسم لي رمشك السكه ، و جيته تارك التخمين محى ساعة تنصّفت الطريق لـ شوفه دروبه اجل ويني ، انا والله مدري هـ الطريق لـ وين ؟ ترى دوبه تلحفني سنين من الوصل دوبه تشكك بـ الطهر ذنبي و لو ما عليك علي من دین يحلفني شعوري عنك و أنت .. ايديه و جيوبه لا والله غيرك ذنوب السنين و جَوّ بـ قوة عين ملامحهم فجوري فـ الخصام و وجهك التوبه أشوفك حظ .. يرسم لي نهار بـ غيمه و شمسين و أشوف الناس عمرٍ من ظلام ، و قربهم حوبه من يحبك .. يحب الناس و الأيام، و الروتين ومن يكره وجودك .. ربي منجيه بـ إعجوبه خفيفه جيتك مثل .. إبتسامه عابره و إثنين تمادوا بـ الصدف حتى تمادوا بـ النظر نوبه حبيبي .. وجهك الغايب حضوره ما هو بـ مسكين كأنه اللحظة اللي .. تفصل المذنب عن ذنوبه تمر شعوره ، و يبرد براد الصبح .. في تشرين و يسري في رجى وجهك ، و يكره وجه محبوبه تعال .. و خطوتي دونك مثل شعره على سكين و عمري راح من عمره .. سنين لـ من تسلّوا به .

- شرعت لك باب الخفوق الي تهالك وانفرى وضميتك ب عين تشيلك من ولها ل الغرام وصخرت لك شعر على درب المهونه ماضرى  ان ماوطى سطح القمر ولا وطى عهن الغمام عاد .. انت قلبك ما ايحن ولا يرووف ولا درى  مدري بلاك من الصبا ولا بعد سن - الفطام والـشاهد اللّٰه مابـقالك غـير طـيفٍ لاسرى  يطري علي اخر لقى يوم اختفيت مع الزحام