٥

عقبك بصوتي صرت أسلم على الناس والا المصافح عقب كفك نسيته وان قلت باحكي مانبت صدري أنفاس "وكم جيت أبكتب لك كلام ومحيته"

كلّ شيٍّ بك يقول انّك بدوني في ضياع وضع حرفك بالكتابه تفضحه رعشة حنينه يا حزينه لو لبستي للمدى صمتك قناع تفضح العبرة عيونٍ ما تمثّل يا حزينه لو قدرتي تصبرين بدعم اساليب الدفاع ما تركتي لك ذخاير للعمر وسط الخزينه ولو تمدّين الأماني لـ البحر فلْك و شراع للبحور امواج قسوه تنهي آمال السفينه قلت كم مرّه تروّي في قرارك إندفاع قلتي انّ الوقت هذا وقت توديع المدينه لوّحي دام المفارق يقتل أصوات الصراع صافحي عذر الرحيل إن مدّ لك دربك يمينه خانك القلب الرهيف و غرّد الحان الوداع ما درى للبعد لحنٍ يجرح اسماع السكينه إصبري لا مرّت الذكرى على شكل التياع واصبري لا مال قلبك واظلمت سكّة سنينه والّا أنا حاربت سيف البعد قدر المستطاع لين جتني طعنةٍ تحيّي الطموحات الدفينه ما خسرت الا ربحت بوحدتي قلبٍ شجاع ما سمح للشوق يدخل بين غاياته و بينه

كيف لا مرّ السهر من دونك أستعذب نعاسي ؟ و أنت تدري ما لـ عيني من بعد عينك مسرّه ㅤ كل ما طال السكوت بـ سور صدري طال باسي كني اللي راضي التعذيب من قوّ المضره ㅤ والله إني ما تحلويت الجفا لو كنت قاسي مير قلبي من كثر حبه عجز منك يتشرّه

تجر الشمس "سلك الليل" لين يغيب "ضوح النور" و أروح «الله عَلي» و الله على «محراف هوجاسي» من يقول القصايد تجبر كسور و تزيد كسور ما عاين في عظم صدري و لا صامخ عظم راسي أنا أَدرَى فالقصيد و ما حَوَى يا حضرة الجمهور لو ايخالفني ألفين امتبحتر و ألف نوّاسي على ذاك المكان اللي جمعنا قبل تسع شهور وقفت أعلّم [ اللي ما درا ] و [ أذكّر الناسي ] حرام إن الشعر لو هو بحورٍ في بطون بحور شربته كنّي أشرب بارد الما من طرف كاسي سلام الله على اللي راح لا منهي و لا مامور "خذاه الصيف مثل أخذه لـ بالي بين جلاسي" لذيك الدار و لنسناسها و الخايع الممطور مع أنّه لو يِخَيّر ما تَخَيّر غير نسناسي!

سقاني من هواه شعور و أسقيته شعر و شعور و مال الكون يلعب بين مطراقي و مرواسي وليفي كيف أعَبّر؟ و الكلام يْغصص الحنجور معك كل اللغات الشاسعات أضيّق من احساسي تجي مثل العميم اللي ليا من عَمّ الأرض البور غدت سجاد فوقه للخزامى موكب ارياسي لو أقدر كان خلّيتك بصندوق الذهب مصرور عن وجيه الآوادم "مالك إلا وجهي مواسي" أحبك .. لين ما ينفخ سرافيل المَلَاك الصُور أحبك .. لين ما تثني مفاليق الدهر باسي ذكرتك و أنت من بين الكنايس ضاحكٍ مسرور وأنا بين المساجد و أضرب أخماسي على أسداسي و هيجنتك قصيدة للمجرّة و أشرق الديجور من البارح عليك أصبّها و أكوسر انعاسي قصيدة ما تقبلها بلطفك ؟ دمّها مهدور وناسٍ ما أنت فيهم ؟ بينهم ما طاب مجلاسي.

فمان الله وحفظ الله وستر الله عليك آمين جعل ربي يــروف بـ حالتي مع غصـة آميني بقى لك كلمةٍ في قلبي انقلها ثلاث سنين مخليها معي مثل السلاح اللي يجريني كثر ما كنت أنا أنت وأنت أنا ماقلتها للحين أحزم ضلوع صدري دونها وتقولها عيني ولكن في فراقك ، ما يكفيني كلام العين أحبك وإنتهينا ، وإسحب يدينك من يديني ):

ملّت النفس من طول البطا واكتفت وارتوت من ظما صحراء الظما وارتويت ما بقى لـ السهاد الا العيون وغفت وما بقى لـ المكان الا الجلوس ومشيت المشاعر لها "شهرين" ما سولفت وين ما تنتهي كلمة لساني بديت "واعدتني مسافير الليال وجفت" مير انا لا زعلت مْن الزمن ما رضيت لي خطاوي خفاف وقلب ما يلتفت كل ما دلّني وقتي لطوعه غديت! آقف أطول من الدنيا ليا وقفت ومن صلافة مقاديري خذيت وعطيت وانت ياللي مواعيدك شموع ، وطفت ما انت ماخذ من احساسي كثر ما خذيت الهبايب شحيحه والسماء ما صفت وفي عيونك سرى ليلي وانا ما سريت لي من الماضي اللي راح روحٍ وفت جيت أعلمك عن لوعاتها واستحيت انشد الهقوه اللي صوتها ما خفت كم تذكرت في غيابك وكم ما نسيت ؟ " ليه أدوّرك وأعذار العهود اختفت انت ضرّاك هجرانك علي وضريت " ):::

تهت في ليل المواجع لين فاتتني صلاتي مادريت ان المواذين اذنت والناس صلت مركيٍ راسي على راحت يدي والليل عاتي "وانتظر شمسٍ لها شهرين واكثر ما تجلت" من يشوف الشمس لا يشره علي ولا يحاتي ما يشوف الا الخواطر والقلوب اليا اسفهلت ):

الليل هذا غير .. ساعاته ثقال قلبي وقف حارس على بوابته .. واحس بالغربة واحس اني سؤال تاهت على وجه الزمان إجابته ..!

اخاف اقدّم باتجاهه خطوة.. وانكسر مثل الشاعر فهد الحمّاد يوم قال: "عن اغلا الرسايل والمشاوير والساعي تغاضى وخلّ جروحك الباقيه يقسَن انا اللي رجعت ورجعتي .. مالها داعي لو اني مكمل خطوة الهجر كان احسن"

أنت ياللي كل ما هزّ المحاني طيفه جرّني طاريك من ربعي ومن جلاسي كانك اللي فالمحبه موجسٍ له خيفه والله إنّي بين لوعة خاطري وعماسي كل حبٍ غير حبك ينكشف لي زيفه وكل طيفٍ غير طيفك "مايهزّ إحساسي" وكل وجهٍ غير وجهك فالوجيه اعيفه وكل صوتٍ غير صوتك ما يقنّد راسي..

فمان اللّه يا أول من سكن بين الضلوع العوج عسى دربك سفير ويا عسى اللّه ما يخليني توكل لا توادع رح عسى درب الجفا المسهوج يصادف درب فرقا عقبها ما تلمحك عيني سمحت من الهوى ومن القصيد ومن زراق الموج ورميت اغلى مجاديف الغرام وجيت بيديني ابغرق في عذابك لا رحلت ويصبح المنتوج قصيد في حياتي سلوتي وان مت "يرثيني" واذا هبن بنات الريح للذكرى بدون سروج أبسرج مهرة النسيان وارحل من عناويني وبنسى لين اسج وبرسل الونّات فوج وفوج وبنسى دمع عيني ينتثر وانساك من حيني صبور اي والله انّي ما ثنيت العزم قبل ادوج بريضان الجفا واظما لوصلك لين تسقيني ! شجاع اي والله اني ما عرفت الذل قبل اسوج قدم رجلي على دربٍ لبيت اهلك يوديني ! كريم اي والله اني ما عرفت الشّح قبل تروج "دموعي في عيوني ثم اشح بحسرتي فيني" "احبك" حسبي اللّٰه ليت مالك في سماي بروج ولا لك في البسيطة كود شي بينك وبيني دخيلك لا تلتفت رح بفالك واترك المرجوج تغانم ما بقى لك ولا انا ؟ ما عاد يمديني فمان اللّٰه سق ركبك على درب السنين العوج "ولكن طالبك لا اقفيت عني لا تخلينيييي" ):

"أحبك" حسبي الله ليت مالك في سماااي بروج ولا لك في البسيطه كوّد شيءٍ بينك وبينييي

انا ودّي بصبحٍ فيه اسجل للسرور احضور بعد ليل تلوّن بالسواد .. وطال مشواره انا من كثر ماطالت علي ليله قليلة نور بغيت انسى صباحٍ في بطاه يجهّز بشاره عيون الشوق لدت واستقرّت في رهيف شعور تصدد لين لدّت له .. وجاها ناسيٍ ثاره ابادر لجل مايبقى لـ بكره خاطرٍ مكسور وبكره ماعرف وش قسمنا في نشرة اخباره اشوف ايامنا تجري .. ودمّ المضلمه مهدور متى يفهم ضميرٍ نايم ومستامن اقداره دخيلك لا يموت الحب والاسباب طور غرور وانا اللي ليّن اطباعه وحط اسباب عذّاره ترا سلم الغرور اللي تعامل به قصير شبور يعكس انه يخبّي ( ذات مهزوزه ) ومنهاره تعالي لا تعالي ما عليك من الشموخ قصور كسيتك من ثياب العزّ ما يجعلك .. أمّاره يكفّي عن سمين العذر وجهك لابدا مسرور انا وشلون م اقبل جيّته .. واقبّل اعذاره ؟ تراك اللي لها في كل مشهد من حياتي دور كتابي كله ( انتي ) من غلافه لـ اكبر اسراره تمرّ الناس وتسلم علي ودّي .. سلام قبور ! "وامر شعوري اللي ف اتّجاهك واحتظن ناره" من عيونك عرفت اني على مامرّني ماجور ولا تكسر لي الدنيا عظم ويديك .. جبّاره تمادي بالخطا دام العتب لقيا ومزج عطور انا اللّي باتمادا في عتابي .. واجني ثماره تولع بك عزيزٍ ماضرا يقلط .. على الميسور قلط في صدر غيمه والسما من قبلها داره. -فراج بن رزاح

ياصغير السن ما عندي شعور شايبٍ قلبي قبل راسي يشيب عمري الفعلي توقف من شهور يوم قفوا واندّه ومامن مجيب الحياة أيام . . . والدنيا تدور وخاطري له وقت وبيرجع يطيب لكن انتي بنصحك والعلم نور احذري يابنت من كلمة حبيب كم بنيت آمال في هيئة قصور واتخيل حلم في بالي عجيب الحقيقه واضحه قدم الحضور ضاع حلمي واصبح الواقع مريب يا صغيره والله ان ما بيّ شعور غير مُر الأمس واليوم الكئيب ):

على رصيف الصبر ملّ المنتظر طول الوقوف وين الحياة إللي تخيلت ولمحت أوصافها ؟ _ سعود مهدي

خطبة الجمعة: "إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا (40)" "وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ (97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ (98) وَاعْبُدْ رَبَّكَ حَتَّىٰ يَأْتِيَكَ الْيَقِينُ (99)" (اللهم اني اعوذ بك من الهم والحزن واعوذ بك من الجبن والبخل واعوذ بك من غلبة الدين وقهر الرجال) قال الرسول صلى الله عليه وسلم (عجبا لأمر المؤمن ، إِن امره كله خير ، وليس ذاك لاحد إِلا للمؤمن، اذا اصابته سراء شكر فكان خير له وان اصابته ضراء صبر فكان خير له) قال رسول الله صلّى الله عليه وسلم (مَا أَصَابَ أَحَدًا قَطُّ هَمٌّ وَلَا حَزَنٌ فَقَالَ: اللَّهُمَّ إِنِّي عَبْدُكَ، وَابْنُ عَبْدِكَ، وَابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ، أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ، أَوْ عَلَّمْتَهُ أَحَدًا مِنْ خَلْقِكَ، أَوْ أَنْزَلْتَهُ فِي كِتَابِكَ، أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ، أَنْ تَجْعَلَ الْقُرْآنَ رَبِيعَ قَلْبِي، وَنُورَ صَدْرِي، وَجَلَاءَ حُزْنِي، وَذَهَابَ هَمِّي، إِلَّا أَذْهَبَ اللَّهُ هَمَّهُ وَحُزْنَهُ، وَأَبْدَلَهُ مَكَانَهُ فَرَجًا) أَنَّ رَسُولَ اللهِ صلى الله عليه وسلم كَانَ يَقُولُ عِنْدَ الْكَرْبِ: (لَا إِلَهَ إِلَّا اللهُ الْعَظِيمُ الحلِيمُ، لَا إِلَهَ إِلَّا اللهُ رَبُّ الْعَرْشِ الْعَظِيمِ، لَا إِلَهَ إِلَّا اللهُ رَبُّ السَّمَوَاتِ وَرَبُّ الْأَرْضِ وَرَبُّ الْعَرْشِ الْكَرِيمِ) ايها المسلمون من اسباب ذهاب الهموم والاحزان تفريج الكرب عن الاخرين تصدقوا بنية عنكم وعن كم مهموم حزين لعلّ الله يفرّج عنه ثم يفرّج عنكم

((عنوان جرح ماقدرت أشرح تفاصيله)) عيوني والعيون الساهره في حزنها تختال على ظلم السهر لين الفجر شاعت قناديله على صدر الورق حبر القلم بين الأصابع سال بعد حبر المآقي والحدق باحت مناديله من اللي ما فقد غالي؟ من اللي ما شكى غربال من اللي من صواديف الدهر ما لحقته ميله يقولون انصرم عمرك وحيد وقلت يا عذّال مقاسيمٍ كتبها الله وأنا ما في يدي حيله جروحٍ من ظهور جروح وآمالٍ بنات آمال لو إني ما تململ من وجعها قلت منهي له؟ يكفيني عن الدنيا واهلها "غاليٍ" لازال "حبيبي" جعلني معتاض حتى في غرابيله "أحبه والله إنه عندي أغلى من بنون ومال" لكن الحظ ما ساعد .. ويادنيا من أنتِ له من الشهد المصفّى قد صفط لي رشفة الفنجال يا ليته عاود الفنجال والا زوّد الكيله لو إنّي ما دريت إنه بشر من لمعة السلسال حلفت إنه ملاكٍ شافته عيني على الزيله فرشت ضلوع صدري في طريقه والهوى قتّال أبيه يدوس ريضان الحشا وتفوح أكاليله عقلني بالفراق وقال لي تحتال قلت احتال من يطيح بغرامك لازم يوقف على حيله وثقت إنه محال ولا وثقت إن المحال محال أطارد نور شمسه لين غابت وانتثر ليله كثر ما كان وسعة بال ليش يصير ضيقة بال؟ "وكثر ماكنت محتاج الدعاء لكني ادعي له" وأنا وشلون ألومه والملامة ترخص الرجال وأنا اللي حاذفٍ قلبي على صفة مضاليله كتاب الرافعي وحي القلم والمسبحة والشال هي اللي باقيه لي يا ترى وش عاد باقي له؟ عساه يشوفني عابر سبيل بشاشة الجوال يكفيني لو إنه قاطعٍ عني مراسيله شعوري في فراقه شي لايكتب ولا ينقال لكم عنوان جرحٍ ماقدرت أشرح تفاصيله.

انا الغريب اللي تلوح له كفوف الراحلين وهو يخبي دمعة عيونه ويشتال وجعه والمشكلة ماهيب في دمعي ولحظات الحنين المشكلة فـ اللي يروح وياخذ الدنيا معه !! -ناصر الحمادين