# راشّـد

احبّك جعل حبٍ يجي من بعدك يْعاف وانا حالفٍ حبّك مع الوقت .. ما اخونه ليا شفت وجهك والله ان ماعلّي اخلاف فلا تنشد اللي شاف غايتّه .. وش لونه !

@ii55_q مضارب رموشها اللي حدها حد سيف مكانها الصدر واللي غيرها فالطرف جابر النشيرا

"مضارب رموشك في خفوقي مضارب رمح عليك الله ارفق فـ الخفوق و معاليقه" عمر الوهيطي "كلّ ما طالعت فيها، طلعت بشطر بيت كنّ صف رموشها السود صف محاورة" عبدالله السراهيد "الهزيمه في عيونك بطعم الإنتصار من يقاوم سحر عينك ورمشك لا خدر؟" سعود بن مبارك

تغانموا ما يوصّلكم لخضر الجنان ليالي العمر ما تمشي على مهلها -عبدالله السراهيد

من باب الإعجاب لا تسأل عن إعجابي إسألنّي تحب ؟ وبجاوبك حبيتك اي والله إني عشقتك يا آخر أحبابي وصديت عن مجمل الناس من جيتك في وجه غيرك مسكر عيني وبابي غالي و زاد الغلا يوم إني أغليّـتك شفني ليا مر طيفك فزة أهدابي وشلون لا منّك ندهت إسمي و لبيتك .

لا يلحقك يا نظر عيني من الوقت خوف أنا معك ما لحقني خوف طول العمر بين اتفاق المشاعر واختلاف الشفوف نحاول إن المحبه فـ القلوب تعمر انتي حبيبة شجاعٍ ما ألتفت لـ الضعوف وانتي مليكة من يشوف أمنياتك أمر لك وسط عيني مكان ووسط قلبي رفوف ولك بين حدب الضلوع العوج درب وممر

- اومن برب العيون الناعسات الوساع سلهامها ياخذ العشاق لـ ابعد مدا سهوم نظرتك ما يقدم عليها شجاع حتى لو انه من اللي ينطحون العدا لعيونك معرضٍ عمري لدرب الضياع و اللي بقى منه واللي راح جعله فدا

«يطول الدرب أو يقصر معك لين آخر المشوار عيونك قبلة أحلامي ووجهك فـ الطريق النّور»

سالبة عقلي , كثر ما ضعت ما أدور دليله الدروب الي تودينيّ لك , اسعى لين اجيها باقي من الليل ، ساعاتٍ دقايقها ثقيله كل لحظه تفرح العشّاق فالليل أخطفيها لو تقيّدنا الظروف الممكنه و المستحيله مستعدين نتحمل ضيمها و نعيش فيها أذبحيني بـ أي شكل يجوز لك و أيّة وسيله و أعتقيني من دموعٍ لا أبتدت كيف أنتهيها ؟ قبل تِحزن وجهك المملوح يا مملوح شيله أنتي دموعك قبل تنزل على الأرض , افتديها القصيد الي يلامس خاطرك , ما فيه حيله و الحروف الي تمادت فيك , يا بخت أبجديها ضايعٍ من ضحكة المبسم ليا نفح الجديله ضيعة الي كل ما أنجز له مهمه , يبتديها قولي أحبك , ترا أحبك مثل وجهك جميله حتى لو ما قد نطقتيها بساعدْك , انطقيها من كثر ما أنتي حديثٍ لـ الليالي , كل ليله الليال الي تسولف فيك , ما شاء الله عليها —حمود بن فارس

البلا ما هو مصيبه .. توردك الهلاك والله ان عيونك السود هي ساس البلا اسال ضلوعي و اجاوب غلاك و يا غلاك ما يشابه له من الارض ، و اهلها غلا قول احبك شوفني كيف ارددها معاك و ارجع احبك بـ قلبي تراحيب ، و هلا حطني بـ وجهك و خل البشر هذي وراك ويش ابي بـ الناس هذي ، و نظراتك ملا

كل عام و كل صبح و كل يوم ينحسب لي عيد مادامك معي :) #عيد_الحب

تمر السنين وتجتوّل والقلوب تهاب وتبقين فالعمر المحدد مثل ما أنتي عزيزة نسب وأطهر من الديّن التواب رفيعة مقامٍ هان عمري ولا هنتي تمرين ويصير السماء خيرها صبّاب وتزين الأراضي كل ما أنتي تزينتي فداك الشعر والناس والحلم والأحباب وأنا والسنين المقبله وين ما كنتي

قبل أشوفك كان مالي طموح ولا هدف ويوم شفتك قلت وين أنت يا مستقبليّ أشهد أن عيونك السود ملعونة جدَف ضعت فيها بين عقلي وطيشي وجهلي

لا زال الشعور يفزّ لك ما يبي ينساك طبيعي يحنون الحبايب لـ أماكنهم أبي ما يهدي روع قلبي بعد فرقاك جميع البشر في حاجة اللي يطمنهم مع انك هنا وشلون اشوفك هنا و هناك متى صرت كل الناس يا واحدٍ منهم

@ma5200A الله

في ليلةٍ تليت قلبي من اقصاه صرت الوحيد اللي أحبّك واماري ما اخترتك ولا اخترتني يعلم الله كنت أختيار الروح قبل اختياري

@ii55_q الله

يكذب اللي قال .. من دوّر لشيً لقاه ! وما صدق من قال سجّوا ترا الدنيا سعه ليت والله ما وطانا من الدنيا وطاه كان ماهو قايلٍ كلمـةٍ ما تقنعـه من تجرّع سم الايام .. يجفل من دواه ! يزهد بـ دنياه من سمّه اللي يجرعه مير نصبر والله اللي وعدنا بالنجاه وانتحرّا فزعة الله تجينا مسرعه

يا هبايب لا تهبين من كل اتجاه ما اتحمّل ذكريات الهبوب الاربعه كل جانب فيه ذكرى .. ومشوار .. وحياه كل جانب من هبايبك .. لي قصة معه ! شاعرً ماهو بقادر على الليل وهواه كل نسمة ليل تثّر عليه وتوجعه يا كثر ما سامر الليل واشقاه وسراه وياكثر ما جرّ صوته ولا احدً يسمعه

@ii55_q الله

ودي ابعد عن جدال وودي اقرب من جديله لين اجدد في زوايا البال .. ذكرى راعيتها والعيون اللي ما شد انظارها برق المخيله ما تحب من الدروب الا الدروب اللي مشتها من يبي يخلي سبيل الشوق من يخلي سبيله والمشاعر .. من يجاوبها على كثر اسألتها

@1si1_ اللن

من صفى لي ماتركته ولو طال الزمان ومن تغيّر رحت عنه وهو عينه تشوف

@f__f89 الله

@jma7_q8 الله

غيابك طـال .. لا مستحيل إنه يكون أقدار أعرفك لو تغيب أحيان تاخذ يوم و تجيني يوم أبطت بك الغيبة و يوم أنقطعت الأخبار و يوم أيّست بالمرة عرفت إنك مخليني غريبه ؟ ليه ما ودعتني لو الوداع إمرار غريبه ؟ ليه رحت بصمت ما ودك تعزيني غريبه ؟ جيت تتأسف و رحت تكمل المشوار أحسب إنك من اللهفة على الغيبة تواسيني علامك يا رقيق الطبع متغيّر وش اللي صار عسى ما شر تبعدني من أول ليه تدنيني تبلدت بأحساسك نكرت إن الزمن دوّار ما خفت إن الزمن بكره يلينك و يقسيني ؟ ما كل أيامك توافق هوَاك و تقبل التكرار بتمرك أيام و إذكرها بتحزنك و تسليني دخيلك لا تشفي في غرامك كنك تطلب ثار أنا أحبك ، و أحنك ، و أنت مهما صار تعنيني عشان العيش و الملح و عشان إن الليالي قصار و عشان اللي مضى و اللي بقى ما أبيك تشقيني عليك الله و أمان الله تودّعني وداعً حار قبل لا تشرع بقتلي وش المانع تحاضيني ؟ تبسم لي قبل لا نفترق إن كان لي مقدار و خذني في يدي لآخر حضن و آخر رمق فيني ترا ما بيني و بينك سوى خامه و كم زرار تغانمها لا تاكلك الحسايف .. و ما تلاقيني أعرف إنك معزم بالجفا من كثرة الأعذار تبي أنسى ! و لكن الليالي ما تنسيني يسمّح دربك الله لا تحاتي من وراي أسرار وعد ما أبوحها حتى لنفسي لا توصيني