الحوت

ماني على شوفتك بالحيل ملهوف وماعدت تجذبني بنبرات صوتك لو تعتذر بالوقت واحكام وظروف ما يعذرك عن شوفتي غير موتك

الله اكبر عـلى الايـام مـا كـان ظـنّي تستبيح الطموح وشي ماهو مباحي يـا هجوس الشقاوي دندني له وغنّي واستعيدي من الذكرى ليالن ملاحي مـا صفت لـه حياتـه بـالرجى والـتمنّي من مسير الليالي صاحبك ما استراحي كيـف عيـت ضلوعه بـالصدر تـستكنّي وكيف صار لخفوقه ريش طير وجناحي

كل ما حدد بكحله على طرف العيون كنه يحدد بوجه الخصوم سنان رمح

كان عندك للعفو باقيٍ فرصه وامل مـا لقينا لك مبرر ولا يـعذرك شي ما تشابه غلطتك غير والله في رجل قد دفن له غالي ولا درى غاليه حي

شفنا على منكب معاذيره بشوت تنصا عتب صدرٍ كلته الحسافات يا ليت للخفاق نبره معـا صوت يحكي له الواقع على هيئة ابيات ما تفتح الجفوه سوا باب تابوت ما سكره بالوقت كثر الملامات

ما تدري اللـي تحارب دونـهم بـسلاح عن خافي صدورها من مبتغى شفّها بـكره تجيكم ليالـي مـا تسمـى مـلاح تسوقك لحرب من حاربت في صفّها

تلقى ولد ذيبً وتلقى ولد شاه ترا الرجال انواع يا ناعس الطرف احدً يسل السيف ويجندل اعداه واحدً يسل السيف ويلاعب الصف

الساعـه اللي ،،،وقفت سير الايـام عشت بدقايقها جميع التجارب لو قلت دارت عقبها خمست اعوام ((مـا كنها دارت عليها العقارب))

بعد مـده طويله واختـصار المسافه جيت اسلم سلاحي واعترف بالهزيمه اعلن الشعر من وقع الجروح اعتكافه يدري جروح صدري من وراها جريمه لـو يفيد المعنّا ،،،هاجسه واعـترافه كـان غنى من،،شعوره قصيده يتيمه كنت مابين ترك الشوق ولا اغترافه واغترفته وانا مذنب ونفسي ظليمه مامضى من حياتي يستحق الحسافه وتستحق الاعـاده كل ذكـرى قديمه دمعي اللي حبسته ما هقيت انذرافه فـوق حلمً تلاشى مـا بقى الا رميمه ذاك حلمً لقيته فوق جسر الرصافه وصار بالوقت جزئاً من روايه عظيمه عاش عيشة خليفه في قصور الخلافه ومات موتت شهيداً ما التفت للغنيمه

لو كان سر الغيب في طور الابحاث وسود الليالي تعرف اللي وراها بـتعيش عارف مـا تخـفّيه الاحداث ولا تقدر بعلمك ،،،تغـير خفاها ما وسط يدك تحيي اللي بالاجداث ولا تمنع الارزاق عن من خذاها

البصيره لا تجلت على قـلب العما قلبه يشوف الذي ماتشوفه بالبصر علم اللي مالهم ،،عـرق فينا وانتما قبل تبرير المواقف وتقديم العذر لا يعلقون الاماني على سحب السما السحايب بعضها شكل مافيها مطر

يلي فردك الله عن العالم افراد بنور وجهاٍ بالمخاليق معدوم لامن جفو منك من الناس حساد لاتلحق الحساد شرهه ولا لوم

اللي لهم فالقلب منزل ومرباع سلم عليهم لانويت المسيره وقلهم قلبي معا الوقت ما ارتاع والحكم حكم الله ولا فيه غيره ماني تـرا من سـود الايام جزّاع ولحربها عنـدي سلاح وذخيره اتبع هـوا نفسي ولانـي،،،، بـتبّاع وارضى على المكتوب شره وخيره من يعترض درب المناعير منصاع لا يرتجي من كسر عظمه جبيره ومن يتقي لاصار من فوق مطواع لـو يعتزي باخته فلا راح ديره

عاهدت نفسي والعهد يعتبر دين مالي لدرب(ن) عافه القلب معواد الروحه اللي تجرح الروح والعين مرواح بغدادي ضحى غزو بغداد

ابوعظك لو كان ما يكفي الوعظ مادام ضاعت فيك كل الهقاوي الفعل ما يحتاج صدفه ولا حظ يحتاج له صمله وراسً حماوي

معك السلامه من بزوغ الفجر وان سرمد الليل تقفي بنـا الـدنيا ،،،،وماضي لـيالينا ودايـع أوادعك مانـي بداخـل معك فـي زود تفصيل هذا وداع محب ،،،،مامن ورا حبه طمايع