جريس

انتقلو الى رحمة الله اخواني الثنين ادعولهم

اصبري ياعين وانتي من كبار العدود لو يلج الموج وسط البحور الطاميه اصبري لاعاد تشكين من كثر الجحود لو تشوفين ، وعيون البشر متعاميه اقبلت بقعا وهي ضاميه قدم الورود ودها تارد وعييت واقفت ضاميه كان ماتبكين لله في وقت السجود ماتبكيش المصايب وهي متراميه ما انثنيت بساحة الحرب قدام الحشود حامي راسي وروس الدواهي حاميه كيف تبغين انثني لش وقلبي فيه زود سامي نبضه وضخات عرقه ساميه الغلا ماغيرته الليالي بالصدود دام به للود فيني عروق ناميه ادري ان ودش بشوفة سمي العود كود تبري جروح بقلب الحبيشي داميه ياسمي العود قبل جبينه وانت عود بالنيابه وازم دام النوايب زاميه وادري ان ودش بشوفة عريبين الجدود من رجال روسهم دوننا متحاميه وادري ان الشوق به من كفر عاد وثمود مايسمي لارما باليدين الراميه عير لو تسبق هماليلش بروق ورعود تجدب الخدين منها وهي متساميه والله ان تهنين ياعين وارقى بش سنود لو يطول الوقت وانتي لحزني كاميه - ناصر البرغش ( ويكليكس ) جعل ربي يرحمه ويغفرله

@76b1l @wikileaks_q8 مادنقت روسنا من فوح قدح البروق يوم المصايب تهاوى مثل هوي الشهب حنا زرعنا نخل عز وجنينا العذوق واليوم نقدع على العزه لذيذ الرطب سوقو الفناجيل توه زان بدع الطروق يامحلا دلة الامجاد للي شرب

شاعر الليله : ناصر سعد البرغش ” ويكليكس “ جعل ربي يرحمه ويسكنه فسيح جناته ، اطربونا بالابيات الي عليها الكلام ،، ،، وقل للمصلي بالضحى كان صليت صلاتك إلربك ،،،،،،،، مهي للقنوات @Wikileaks_q8

يالله بحظٍ منتهض ومتعلي ولسانٍ ليا زلت النفس مازل الشعر ما اعتبره وسيلة تسلي اعتبره ان جاء لازمه سيفٍ يسل مقللٍ في وصله وجايز لي مافيه شي احلا من الوصل لا قل مانيب لا ناداني اجيه كلي وان جيت خلاني مبدا على الكل ماجابت امه من بياخذ محلي لامن هل الاضواء ولا من هل الضل يامل قلبٍ ما سلم منه ملي حبايبه مامل منهم ولا كل قلت انت ما مليت من حب خلي قال انت مل إن كان تقدر انا امل انا مولي شايلٍ لي مولي كلٍ يبي الثاني يدله ولا دل يلعب بنا سر الجمال المحلي الحلوه اكبر مشكلة مالها حل انا مصلي والغضي ماحصلي ياراعي البيت المقوا تب وصل الله لطيف بعبده المذنب اللي اذا سجد يرتاح واذا عصى ذل عسى ضياعي فالمحبة فدا لي وعسى الظروف تقرب الخل للخل البعد يرهق والسهر مايخلي غير الخيال اللي يخليني اختل حبيبتي لايق عليك التغلي النرجسية فل لان الحلا فل لاشفت طلتك بغرور وتجلي ذكرتك ليله في مضاليليك اضل رغم الجفا لازال قلبي يهلي ولا زلت منتظرك متى ما الزعل زل واذا فقدتك ،،، قبلها فاقدٍ لي عقلٍ سرح في عيونك وتلته تل - فهد قطنان

ويلي على لاماه ويلاه ذالحين واقربه صوبي واحبه واضمه واعد له طاروق بيتٍ وبيتين واذوق حالي الريق من عند فمه - جريس

عزتي للي تولع ولاهو بمحبوب ان حضر شاكوه و ان غاب ماشفقو عليه

@i_Mohsen2 اي والله جعله الريح🤣 وصح الله بدنك وابرك قصيد اللي يعجبك

@83lk_ هذي جرتك عود معاها جعلك الريح 😅.. صح الله لسانك يا جريس ولا فض فوك 👏🏻

عسى الله يغفر اللي جنيته من التجريح ويسلط على اللي ساعي في ،، تشتتنا تهاون معي فالوصل وتقول ليه تشيح وانا دايم احاضيك واسقي مودتنا ((( هذي جرتك عود معاها جعلك الريح ))) ما حنا من اللي نستهين ب كرامتنا تحسب إن ليا من رحت باودعك واصيح فقدنا لنا غالين قبلك ،،،،، ولا متنا :) - جريس

@76b1l صح الله بدنك

@83lk_ صح الله لسانك 💐

@tmaah_ ارححب ارحب يالمبدع

@83lk_ الله ي جريس

يا سيّد الباقي من اداب الوصوف عيونك الفُصحى وانا شاعر نبط اللي على عنقك من اللولو يطوف والله لو انه من احساس انفرط على السمار اللي من البيض امخطوف والا على عودٍ من اللّٰه منربط ان كان قلبك لا يحنّ ولا يروف تبنا من الجد وقلبناها عبط - ناصر مناحي

@saadalspoq @bn_mq7s تكيدين كيدي جعلني ما اعدم ذا الكيد ترا العاشق اللي ما تكيدين له مقرود يجي عندك الصيّاد و يروح منك صيد اباعرف وشلون الغزاله تصيد فهود 👏🏼👏🏼👏🏼👏🏼👏🏼👏🏼👏🏼 صح الله لسانك يابو عمر 👏🏼👏🏼

يا عليا تمادي و استبيحي حما بوزيد بدقة خضابٍ لونها لون دهن العود انا شاعرٍ في الحب ما اداني الترشيد اجي مندفع شعر و مشاعر بدون حدود على جيتك تمطر سحايب و تزهر بيد مليتي المكاتب و الفيافي شعر و ورود عليك اذكر الله و اكثر الذكر و الترديد يا نعمة حياتي كل ذي نعمةٍ محسود يقولون تذكر قلت مافات جعله فيد انا ما اتمنى الماضيات العجاف تعود جعل عمري اللي قبل تاتين بالتحديد فدا عودك اللي في مرابيه بخل و جود معاليه ينقص في مكان و مكان يزيد تفاصيله المرسومه تزيّن الماهود ياحظ القلادة وامنه في ظلال الجيد تذرّا فـ واديٍ منحدر بين طود و طود فرقتي بزينك فرق الاصلي عن التقليد من اعلاك لين اقدامك مدججه بجنود تخلي العرب فوق العرب و الشجاع يهيد تلفاتةٍ كنها تقول البرا مردود لك الحق لا زميتي النفس فوق الغيد تمادي تحدّي سوّي اللي تبين و زود فداك الزلل زلّي و طيشي و جيبي العيد من اللي يوقّف في طريقك و انا موجود تمرين و عيون البشر بالجمال تشيد مرور شعواً في ناصيتها النصر معقود تكيدين كيدي جعلني ما اعدم ذا الكيد ترا العاشق اللي ما تكيدين له مقرود يجي عندك الصيّاد و يروح منك صيد اباعرف وشلون الغزاله تصيد فهود؟! هدب عينك بسلهامه تفجّرين الحيد هذي عين والا بندقٍ تكحت البارود مضاريبها تدمي و لا تقبل التضميد ياكثر الضحايا من سهوم الوساع السود - سعد السبوق

رَبِّ اجْعَلْ هَذَا الْبَلَدَ آمِنًا ﴾ اللهم أدم علينا نعمة الأمن و الأمان في الخليج -🇸🇦🇰🇼🇶🇦🇧🇭🇴🇲🇦🇪- اللهم احفظ بلادنا و سائر بلاد المسلمين ..

لجتي لجة حمامٍ على الغصن الوريق فوق عنقودٍ من الراك داخله النجاح عوي قلبي عوي شاص يضايق بالطريق تحت من خلاه يبرح مع الارض البراح وحنتي حنة خلوجٍ على الجهمه تويق شدو اهل البل وخلوا ولدها فالمراح منهو اللي ما يهوجس وصدره ما يضيق اعتقد مافيه حيٍ على الدنيا استراح - زرعان بن سعود الاكلبي

@i_Mohsen2 @gjjj11i يسسلام

@gjjj11i @83lk_ يمرني شيٍ يغيّب بالأذهان الله يا جعله ما يمر الصحيبي

محمد بن فطيس ؛ لاتحسب ان دمعي نزل دون سبه ابكي من الفرقا وهي مابعد جات أشجع السُلمي ؛ فَهَا أَنْتَ تبكي وهُمْ جِيرةٌ فكَيْف تَكُونُ إِذا وَدَّعُوا ،،،،، عطونا ابيات مشابهه من اللي تحفظونها ما طرا علي إلا بيت ل حزمي بن سعد انا اخاف من طاري المفارق بشكلٍ عام مثل ماتخاف الجن من رقية الراقي

ابداااااااااع منقطع النظير اشكررك يامتعب 👏🏼👏🏼 @im_3rej

@tmaah_ @76b1l @_3deem @hoood_q8 🤣🤣🤣🤣🤣🤣🤣

@76b1l @_3deem @83lk_ @hoood_q8 يبدو ان الموضوع شخصي بينهم بس اهم شي ماجابه🏃🏻‍♂️

تزلزل على شط الهوى قلبي المكلوم لو الحب رختر ، فأنت لا شك مقياسه 👏🏻 تجذبني الابيات الي فيها ثقافه و معلومات ، ولا شك ان جريس يفتقدها 👀 @_3deem (4) @83lk_ (5) @tmaah_ (6) @hoood_q8 (9) و عزالله انه ابدااااااااااع 👏🏻

@tmaah_ ان جابوه علمت عليكم🤣

@83lk_ يولد صل على النبي قاعد يشطفون بيتك🏃🏻‍♂️

لي بيت في ذالقصيدة اللي بيجيبه له تسريب القصيدة كامله🏃