Srx

يا مجتمع فالورنت، البيان الرسمي فوق يوضح الصورة، بس في نقطة مهمة لازم توصل للكل: اللي تشوفونه في البثوث هو مجرد السباق "بعد خط البداية". المشاهد يدخل البث ويشوف مباراة 5 ضد 5، بس ما يعرف حجم المعاناة والاستنزاف اللي نمر فيه "قبل ما نوصل لخط البداية" أصلاً! خلوني أحكيلكم وش يصير ورا الكواليس: 1️⃣ البوتكامب:في بطولة Clash، نزلنا في بوتكامب لفريق VCT أوروبي. تخيلوا وقت مبارياتنا الرسمية تعطل التكييف بالكامل في غرفة اللعب! سوسانو ايده تلصق بالماوس باد من الحر و مع 5 اجهزه بالغرفه و القيم شغال ضد EP والمصيبة بالليل التكييف متعطل بغرف النوم، والعيال اضطروا يشيلون قشهم بنص الليل لمكان ثاني بس عشان يقدرون ينامون! وكل هذا وخصمك الأوروبي مروّق ونايم ببيته. 2️⃣ ظرف اللاعب الطارئ:واحد من لاعبينا صار له ظرف قاهر واضطر يرجع ديرته. ولأن البنق عندنا يطق فوق الـ 100، صار مستحيل يكمل لعب بالبطولة! واضطرينا ننزل لاعب بديل بوقت حرج. لو هالظرف صار للاعب أوروبي؟ كان بكل بساطة شغل جهازه بغرفته وكمل لعب أونلاين ولا كأن صار شي. 3️⃣ همّ الفيز والسفر:عشان نلعب بطولة مفروض إنها "أونلاين"، لازم نعيش دوامة استخراج الفيز، وقروشة الطيران وإلغاءاتها، ونترك أهالينا في أوقات حرجة مثل الأعياد وظروف الحرب اللي صايرة. كل هالضغط نشيله لحالنا بس عشان نحصل على "بنج" عادل! إحنا نلعب بشغف وحب للمنطقة، لكن النظام الحالي مفصل تفصيل عشان يخدم الطرف الأوروبي. فرق الشرق الأوسط (MENA) مو مجرد "ضيوف"، ومن أبسط حقوقنا نلعب بفرص متساوية وتكافؤ حقيقي. الصمت ما يخدمنا . صح إن Riot مشكورين يساعدوننا بجزء من هالأمور، لكن العبء الأكبر يظل قائم وثقيل جداً علينا كإدارة ولاعبين. أتمنى منكم كـ مجتمع تشاركون وتوصلون هالصوت، لأن الوضع فعلاً لازم يتغير. 🙏🏼

🚨🚨🚨🚨🚨🚨🚨🚨 عاجل : نادي الاهلي السعودي يقترب من إطلاق قسم خاص بالرياضات الإكترونية للفريق!🔥🔥🔥