مُلهَم

خذاك النصيب ورحت.. مالك عن المقسوم عسى البعد خيره ، لو هو مصدر الامي عداك العتب واللوم ، انا اللي علي اللوم تركتك.. لـ غيري وانت بيدي وقدامي .

من كثر مانيب عايش نشوة الذكرى الجميله كني إللي ماخذٍ حقه بما فيه الكفايه -ناصر بن مفلح

ان غاب عني تقول اني في زنزانه وان مرني قمت اصفقله واهلي به تقول قلبي خلق الله على شانه مدري كتبلي غلاه اللي بلا ريبه عليه قلبي يقول بكل وجدانه ياليت الايام يااا غازي تجيبه .

سم اللقى صدفه وانا أسميه ميعاد انا إنتظِرتك وأنت ، مريت صدفه .

فز قلبي من ضلوعي يوم شفتك كنّك مسوّي لـ أحاسيسي إعاده يذكرك بالخير ياللي من عرفتك ماعرفتك إلا المسّرة والسعادة .

أنت ياحلو الملامح .. وياحلو الصفات جل شان اللي من الزين معطيك رهوه كل يوم ، تحط دوبك ودوب الذكريات لين ماياخذ بي الوجد والشوق .. نهوه يا محاصرني بـ ذكرك من الأربع جهات ما تركت لـ ساحة البال .. سجه و لهوه ارتبط وجهك ، مع الورد و الما والنبات وارتبط طاريك !.. مع كل ، فنجال قهوه

ابيع عمري لجل تضحك سنينك انا معك ناجي وسابح وغارق ضمني بقلبك وصوتك و عينك الضمّه اللي بعدها مابه مفاارق .

حاربت جلسات العرب والتعاليل وشريت مجلاسك عن الناس كله .

لك في عيوني سر ما اظن مستور و لك في ضلوعي الف فزه غيوره ولي فيك واجد كثر ما الف و أدور وارد لك مشتاق مع كل دوره عسى حظوظ الله تباريك بسرور ولا يواجه قلبك الا سروره يا أعز من مر النظر وجه وشعور شوفكَ يرد الروح لو هو بصوره .

الله يصبحّك بـ أشواق الصبح الجديد ياللي لك الشوق لا يهدى ولا ينتهي َ غيرك من الناس علمناه يلعب بعيد و لا أنت فـ القلب تلعب مثل ما تشّتهي .

تبسّم لعنبو مـن لامني في ضحكتك ورضاك تبسّم واخذني من عالمي في عالمٍ ثاني تبسّم لي فداك اللي مضى واللي بقى يفداك ترى لولا غـلاك وضحكتك ما بعت خلاني ولا جيـت اتدارك ما بقى مـن فرحتي و القاك وابيع العمـر كلـه لا ابتسم ثغرك على شاني .

إن كان قلبك ، يحس وعينك تشوف قلوبناااا ، لو خذاها البعد .. متلاقيّه رغم البطا والمشاكل كلها والظروف محبتك في ضميري باقيه .. باقيّه . .

معك ما شلت في صدري من الحزن مثقال ذرّه معك حتى العُمر لا ضاق يفسح له وجودك .

مثل ما لك في عيوني طيوفٍ ما تبات لك ورى صدري مدينة ، تشع أنوارها روحي اللي كانت تشوف فيك الأمنيات كل ما هب الهوا الصلف ثار غبارها لو تطيح أركانها الواقفه .. وقفة ثبات ما تطيح الصورة العالقة في جدارها .

والبيوت اللي بعضها صدور معلقات كان ملهمني ! وجودك بـ كل أفكارها يمكن أغيب بغيابك وأعيف الشاردات وأعطي الساحة مجال تعرف شعارها عقب كانت هقوتي .. واثقه في المقبلات كني أسمع ، صفقة يمينها في يسارها صعب نسيان الملامح ونسيان الصفات أصعب من الليلة اللي خذتك أقدارها

إقتنعت إن الليالي متاحف ذكريات يوم تبطي سجة البال بين أسوارها اللي ظاهرها سعادة وباطنها شتات وحشة ما ملت النفس .. من تكرارها ما لـ فقدك غير نعمه وحيدة فالحياة باحت الدنيا بعدك بـ جميع أسرارها العيون تداري الدمع من كل الجهات مثل الأم اللي تداري شعور صغارها

يانديم الذات ماكنت ذات من الذوات أنت وجهة دربي اللي عرفت أختارها وقفتي .. بين التماسك وبين الانفلات حيرة مع كل .. لهفة شعور ، أحتارها جاد بك عمر مقفي .. وحظ في سبات وابتسمت البسمة اللي دفعت اضرارها الخطاوي يوم ترفق على وجه النبات لو تفج ضلوع صدري .. لقيت آثارها

أبصبّر على حظي ولو ماهقيت يقوم وأعاند همومي بالتعالِيل والسجّه .

في عيني غديت الكل والا البشر لا شي وحبك منع قلبي لا يدخله متجوّل ُ تغيب وتحسب الشوق عندي بيخف شوي وترجع وتلقاني عليك أشفق من أول .