'

﴿لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ﴾

احب " التمريرات " بالقصائد مثل توظيف الشاعر اسم محبوبته والكل ضارب وادي ، والملهمة والشاعر في وادي آخر : مثل ما قال بندر الدويش : ياكم مرر اسمك في قصيدة مرور اكرام تعرفينه انتي والعرب ما يعرفونه - و مدغم ابوشيبه : اسم ابوها الي يحطه تحت كوعه واسمها الي تدرسه في مدرستها

لا يطول الصمت طال الليل و اربكني ركودك سولفي ما طوّل الليل الطويل الا سكاتك وارسم افكار البيوت اللي ترسّمها حدودك في تفاصيل الرسوم اللي ما تسترها عباتك هذا انا روحي مسلّمها قبل توصل جنودك كيف اجاهد فتنة اوصافك و لذة مغرياتك السنين اللي تقود الناس ما تقدر تقودك فيه احد يقدر عليك و كل شي فيك فاتك!؟ انقسم قلبي وضيع بين جيلانك و ذودك لا نهرني صدرك الزعلان نادتني قطاتك ما عرفت اركد عيوني مع نقصك وزودك ينثر النسناس مجدولك و يجمعني شتاتك ضيعيني في حور عينك ووردٍ في خدودك انتي اللي لو تمرين المخلط راح عاتك ودّي اقدع من حلا رمانك اللي فوق عودك قبل ما تسقيني التوت المسيّل من شفاتك ادهلي قلب الكريم اللي قصيده رهن جودك ازمي بقلبه مثل ما يزمي بثوبك جناتك دوري في ربعته تلقين معنى عن وجودك لدّي بطرفك ل طرّافه وتلقين امنياتك شاعرك ماخان ب عهوده لو تخونك عهودك مستعد يموت وتخاويك روحه في حياتك

ليلةٍ لاح براق السعد في سماها جعلنا لا خذينا ناخذ من بركتها نادوا اللي يزيد في كل لحظه حلاها طفلهٍ طلة الصبح السعيد سرقتها ان رضت تضحك الدنيا رضا من رضاها وان بكت امطرت سحابه وضحكتها وان مشت رحبت الارض بـ مواطي خطاها ودي احط قلبي يوم تمشي تحتها وان حكت مابي اسمع حاجه الا حكاها يشفق فوادي ويطرب على سالفتها الله اللي خلقها والله اللي عطاها معدنٍ مثل سلسال الذهب في رقبتها

من خمسة أيام والساعه على ماهي نامت على حزة الفرقا . . عقاربها ياهي على حق ياهي مخلصه ياهي ! توقفت مع توقف . . قلب صاحبها لو حطها الحلم في وسع الفضاء الراهي ياسع بها يوم يومين . . ! ويضيق إبها تفوق رغبة عيوني رغبة ، أشفاهي على معانق ثلاث . . عند غايبها تناول الخمر ؛ من فاهك الا فاهي وصى عليها الطبيب اللي مجربها وساحة نهدك الغضيض ورمشك الساهي کن الحروب الصليبيه . . تدور إبها دخلت فيها وكنت . . الآمر الناهي وخرجت منها ؛ وكني لم أكون أبها لاخاب ظن اليتيم ؛ بـ حلمه الزاهي مافيه حاجه بيبكي من سبايبها ! فدوة مواطيك روح ؛ مابقى الا هي في سوق ويلي على لاماك جالبها تبقى على ما أنت والساعه على ماهي تبكي على حزة ؛ الفرقا عقاربها. @medghem

من كان يردّد بيت مدغم ابو شيبة: "وش تستفيد القلوب اللي جرحها الحنان وانتي سلامك نظر وانا سلامي نظر" اقتنع اليوم ببيت صالح النشيرا : "المصافح بالقلوب اصدق من مصافح الايادي اسمحي لي كل يوم اصافحك وانتي بعيده" - نقطة اخر السطر

أهيم متمرد، وعاصي وغلطان حتى يرجعني لـ رشدي؛ عتابك وأستقبل ظروفك وأجازيك الإحسان ولا نعيم أغلى علي من عذابك على كثر ما أمر الأيام عطشان؟ أتعمد أني ما أتبع إلا سرابك كم لك تمر أرضي بـ غيمة وهتان ولا سقيت أرضٍ تحرت سحابك وأنا لو أني في مكان السحب؟ كان فلّيت مجدول المطر في ترابك

سلامي عليك ورحمة الله وكيف الحال؟ يابو ضحكةً ماهي مع الناس منتشره معك راح عمري قو صمله وطولة بال و على درب وصلك جبت 10 على 10 لو انك معي ما بين غيبه وبين اوصال تهاون غيابك لين ما هانت العشره و حدود الكرامه ما تساوم و انا رجال اليا اقفيت عنك و انت غافل فلا تشره

سلام الله على وجهٍ عليه الخاطر الملتاع ما يبرد لو نسنايس الشمال ملاعبه ثوبه وجودي يوم راحت من يدي و أنا طويل ذراع وجود الشايب اللي برّ بعياله و بارو به

أنا ذاك البسيط، اللي قناعاته مثل؛ أسمه كتوم، و وجهي الفاضح يسولف للبشر ما بيّ غريبة قسمة الحب العفيف إن جات من قسمة تمرّ وجيه واجد ، ويْتعلّق "وجه" بـ أهدابي خطف طيفك من جْيوب الشعور المزدحم بسمة تحت ظل الظروف اللي تغيّرني على أحبابي

ياعشيري ، برودك ، باري ٍ حالي مثل مبريك اللي قاسم طولك في حراوي وصالك تزهر امالي ورابط فرحتي في لحظة وصولك كل ما دق قلبي شفت جوالي ولا اتصل رقمك ولا وصل مرسولك تارك اللي على بالي على بالي لين عيني تبدل طيفك بـ زولك يكفي ان ليلي اللي همته لحالي فيه من عينك الخرسا ومجدولك

بدا قلبي من الشوق تظهر عليه اعراض تلاحق بيدك إصلاح ما يمكن إصلاحه !

تقوّي ترا الخاطر لـ هالحين باقي فيه تعابير وجهك قاطعتني و أنا توّي تزبر دموعك في محاجر عيونك ليه أواسيك والا أجرحك والا وش أسوي

هيه ياللي في سما فكري تلوح لحالك فالحقيقة ليتك اكثر من تشوفه عيني جعلني لاغبت عن عينك حضرت ببالك وانت جعلك بالغياب المر ما تشقيني لا فلجت بنورك الساطع مساك الحالك في بحور العشق دوّر لي وبتلاقيني يكفي اني ما عسفت المفردات الا لك في هواك اطوّع الصعبه بكفّ يميني من ودادك هات ما يشفي غليل الهالك لا متى وانا أطلبك ودّك ولا تعطيني ؟ ما كسب من السنين الشهب كود وصالك قبل أعرفك والزمان بميسمه كاويني لو طرى لك تبخل بمدّك مهوب اشوى لك عن تمنّان الولايف عزتي تغنيني ف ان قصرت من الخفوق المستهيم حبالك والله ان أصد لو كان الظمأ حاديني ( عمّاش )

حادي الصمت ما عندي لصمتي بديل وانت ليله تغافلها الجـفا مـا درت وين اوديك يا همٍ بقلبي ثقيل جعل تسري بك الليله ليامن سرت ايه خايف على دمعة عيوني تسيل ماقدرت اتجاهلها وهي ما أقدرت كانت اصعب على نفسي من المستحيل لين سالت على شان الغلا و أعبرت عزتي تطلب الفرقا بيوم الرحيل لو جروحي على طول العمر ما برت جيت عابر سبيل و رحت عابر سبيل والمحبه ربت في داخلي و أكبرت انت ياللي ليا مالت جروحك تميل الليالي خذت مني وما قصرت لا تسولف ترى ليل المفارق طويل كل كلمه على بالك فبالي طرت شوف عيني وتلقى للمحبه دليل مير نفسي لتقليب المواجع ضرت طول الصمت وأربكت الشعور الجميل قلت اببعد مدام ان الجروح كثرت خل دمعك يسولف للـوداع ويسيل والا انا دمعتي طاحت وهي ما درت - جابر البطحي

يا عليا تمادي و استبيحي حما بوزيد بدقة خضابٍ لونها لون دهن العود انا شاعرٍ في الحب ما اداني الترشيد اجي مندفع شعر و مشاعر بدون حدود على جيتك تمطر سحايب و تزهر بيد مليتي المكاتب و الفيافي شعر و ورود عليك اذكر الله و اكثر الذكر و الترديد يا نعمة حياتي كل ذي نعمةٍ محسود يقولون تذكر قلت مافات جعله فيد انا ما اتمنى الماضيات العجاف تعود جعل عمري اللي قبل تاتين بالتحديد فدا عودك اللي في مرابيه بخل و جود معاليه ينقص في مكان و مكان يزيد تفاصيله المرسومه تزيّن الماهود ياحظ القلادة وامنه في ظلال الجيد تذرّا فـ واديٍ منحدر بين طود و طود فرقتي بزينك فرق الاصلي عن التقليد من اعلاك لين اقدامك مدججه بجنود تخلي العرب فوق العرب و الشجاع يهيد تلفاتةٍ كنها تقول البرا مردود لك الحق لا زميتي النفس فوق الغيد تمادي تحدّي سوّي اللي تبين و زود فداك الزلل زلّي و طيشي و جيبي العيد من اللي يوقّف في طريقك و انا موجود تمرين و عيون البشر بالجمال تشيد مرور شعواً في ناصيتها النصر معقود تكيدين كيدي جعلني ما اعدم ذا الكيد ترا العاشق اللي ما تكيدين له مقرود يجي عندك الصيّاد و يروح منك صيد اباعرف وشلون الغزاله تصيد فهود؟! هدب عينك بسلهامه تفجّرين الحيد هذي عين والا بندقٍ تكحت البارود مضاريبها تدمي و لا تقبل التضميد ياكثر الضحايا من سهوم الوساع السود

من مراحل الحُب القويّة إنه يحب أهلك وقبيلتك من حبّه فيك يقول الشاعر عبدالله بن هندي : والله لأحطها في وجهي وجاهي هي وبني عمّها وأقصى قبايلها

.

قام سيل المواجع يجرف القلب جرف يوم جتني توادع ماهو بودها..! الدموع اربع اربع كل دمعه بحرف تجتمع كلمة ( احبك ) على خدها حزمي بن سعد | @hazme20154

حديتني للسهر و الليل ماله رفيق يمخش كبود العرب بالحزن ويحسها مافي قفى الحب يازهرة خفوقي صديق الناس تنبش جروح الناس و تمسها فوادي الصلب في حضرتك هش ورقيق وروحي ماتسمح لشخصً غيرك يعسها لا تحدني من سعتنا في دروب المضيق ناظر جروح الليالي .. منك ادسها الكون سجني وانا داخلك حر ًطليق مادام روحي نست معك الحزن نسها سالم العبدان

جزيرة الجيوان القديمة مالحقوا عليها جيل التسعينيات والالفين الله يذكر ذيك الايام بالخير 💔🥺