Abdelrahman Samy

جعلتّني كلبوباً 🥹😂♥️

الصورة دي عدى عليها حوالي ١٤ سنة .. سايبها عندي وبرجعلها كل فترة لأسباب شخصية صورة لأول وجبة في أول يوم في ستيم الجمعة ٢١/٩/٢٠١٢

الواحد مبيحسش أنه رجع مصر غير لما يدخل الحمام ويشغل الشطاف ♥️

فيه طريقة أروح بيها أقول لحد معايا فالشغل اني أكيد مش متغرب عشان أجي مخصوص أبيف مع حد قريب من ضعف سني غير روح ربي عيالك يا حج وشيلني من دماغك وفكك مني؟

من ساعة ما صحيت الصبح وأنا بفكر أرجع للطب تاني .. ربنا يبعد عنا الأفكار المؤذية دي

حاسس لو دورنا هنلاقي ان عدد الوفيات من صوت انذار الخطر أكتر من الأخطار اللي عدت ذات نفسها .. واللي مش بيموت بيقطع الخلف تقريباً

أنا قضيت نص حياتي بعيد عن أهلي جوا مصر وكنت كاره احساس الغربة وبعد الجواز خدت قرار ان عمري ما هسعى للسفر عشان مكررش الوضع تاني لكن بعد وفاة ماما مقدرتش أكمل فمصر وهي مش موجودة وحالياً كاره الغربة بكل ما فيها بس برضو مش قادر أرجع مصر وماما مش فيها وحقيقي مش عارف الواحد هيرتاح امتى

مفتقد كحك الشركة السنادي 🥹😂

نفسي دلوقتي أتكلم مع ماما الله يرحمها وأحكيلها حاجات كتير أوي

كله طلع عالفاضي

الفيد المصري يجيب اكتئاب .. أتمنى السوشيال ميديا تنتهي

موضوع اني سافرت قبل ما بنتي تكمل حتى ٣ ايام ومش هشوفها غير كمان شهرين او ٣ على الاقل مخليني عايز أنهي كل حاجة وأرجع أقعد فبيتي وسط عيالي من تاني وبلاها الغربة

@D_elnaggar الله يبارك فيكي يا دينا تسلمي 🙏🏻

@AASamy779 ما شاء الله💕 ربنا يباركلك فيها يا سامي و ينبتها نباتًا حسنًا

كده أغلى ٣ فيميلز في حياتي كلهم نفس الاسم .. ماما الله يرحمها ومراتي وبنتي ربنا يبارك فيهم ♥️

وحتى لو حاولت من تاني فالمستشفيات بالنسبالي بقت مرتبطة بالألم والموت ومتوقعش هقدر أكون جزء منها تاني

النهاردة كده يبقى قفلت سنة من آخر نباطشية حضرتها فالمستشفى ربنا لا يعيدها أيام (المستشفى حلوة والناس حلوة ،الطب هو اللي مش حلو)

@ahmedshoghy1 واحشني اكتر والله يخويا نتقابل قريب ان شاء الله ♥️♥️

@AASamy779 ربنا يرحمها ياحبيبي ويجعلها من اهل الجنه ويوفقك في رحلتك يارب واحشني ♥️

وصلنا لآخر السنة والحمدلله بكرم ربنا ودعوة أمي الله يرحمها سيبت مصر بس للأسف مبقاش فيه حاجة ليها طعم من بعدها ولا قادر أفرح وهي مش جنبي .. كان نفسي أفرحك وآخدك معايا يا حبيبتي بس انتي مشيتي بدري وسيبتيني

زمان كنت بستغرب لما حد يقول "الحياة مبقاش ليها طعم ولا معنى" لكن بعد موت ماما فهمته وجربت احساس انك تبقى فاضي من جوا .. ربنا يرحمها ويغفر لها ويجعل مرضها شفيع ليها يوم القيامة

ماما بقالها ٢٢ يوم في المستشفى حالتها ساءت صحياً وجسدياً ونفسياً بحاول أهون عليها صبح وليل لكن مفيش نتيجة، أنا كل اللي عايزه ليها انها ترتاح وبس

دي أطول فترة متواصلة أبات فيها في أي مستشفى وللأسف المرة دي موجود كمرافق لمريض مش كطبيب ويشاء القدر ان المستشفى تكون الدمرداش ..ربنا يرد لأمي صحتها ويشفيها شفاءًا لا يغادره سقماً ويصبرها على ما بلاها