عِلي السهلي

ظروف الليالي موجهها بين جزر ومد وعلى جورها يبغي لها واحدن صمله فعليك السلام ورحمة الله . . بليا عد يارجلٍ ليا شان الزمان تبوسم له (:.

نتجاوز أشياء كثيرة بدون ما نتعافى منها عادي يعني محد جاته دنياه على مايشتهي.

كل شي عديناه عن علم ورضى لا تظن التعدي — جهلٍ بالأمور .

أعتدنا على مخاواة القيض ولهيب الشموس مير لا غدا القيض اللاذع في جوفك وين تغدي ؟ .

نساير الوقت و نقيّسه بمقياسه ونواجه النفس بالواقع و نقنعها.

من اسرف فالغلا لا بدّ له يومٍ من الأيّام تدور به الدواير لين — يسرف فالكراهيّه .

لا طاح عزم الضعيف و شان وجه الحياه مثلي و شرواي ما يرضى يعود ورا.

تهقويت و الهقوه رست بي على لابأس و تجرّعت صدماتٍ — من وجيه مألوفه .

والحاصل إن الإنسان ما تشقيه إلا توقعاته وظنونه وطيبة قلبه .

واحدٍ يخشى المهونه ويرتاب .. الحرام آخر همومه من الناس كسب إعجابها .

كل مؤمن بالقدر يعيش بليا رسم خطه ان توفق قال زانت وان تعثر قال خيرره .

والمصايب حملها سم ودواها الصبّر ورحمة الله دون خلقه ما سكر بابهـا .

خلك مثل ماقيل للعزم تبّاع مافيه صعب إلا وربك يحله.

اللهم أجعل خالي مُنعمًا في ظلك، راضٍ في قربك وأرحمه وأنعم عليه وأغفر له وأجعل قبره روضة من رياض الجنة.

يتعلم الانسان في ساعات البلاء ما لا يتعلمه في سنين العافيه.

لي مده وانا عن المجتمع صاد أخفي طعون الصدمه اللي تموت عفت العرب والدار والنوم والزاد أقنعت وخيام الهقاوي تطوت الفرصه اللي خيرٍ من الف ميعاد فاتتني وهي المفروض ماتفوت وأمسيت اردد كل ماوحيت نشاد " الله على الأيام شلون سوت "

الخساير تعوض والمواجع تطيب والليالي فرجها يطمس أحزانها.

عسى الله يمنعنا من الضعف والمنقود وخطايا الذنوب الي على العبد منحسبه وصدوف الزمان وحاجه ما وراها فـود ورفيقٍ على الشدات مانيب محتسبه

لو إن الحسايف والندم تمسح اللي فات و تشفع " لحاضرنا و تغفر لماضينا " صرفنا الحسايف كلها والندم بالذات على اللي " نعلمه الرمايه ويرمينا "

يصبرني على ثقل الليال إن الأمل ما زال ينسّيني شقى النفس ويضوي لي متاهاتي.