عبدالله المنصور

ومسكونا الشرطة السويسرية 🚔👮‍♀️👮 ومافيه شي ما فتشوه في شناطنا والسيارة 🥹 طلعنا من هذا الفندق الجميل قرأنا أورادنا وأذكارنا ودعاء الخروج من المنزل وسبحان الله بعد هذا الفيديو وقفتنا الشرطة السويسرية في طريق ريفي وبشكل غريب المهم طلب أوراقنا الجوازات والرخصة وغيرها ثم قال لو سمحتوا راح نفتش السيارة قلت له خذ راحتك بإختصار مافي مسمار إبره في شناطنا ما شافها فتش بكل غريب جدا جدا جدا لدرجة إن كراتين أطايب التمور وبعض العطور وأنا جايبها لزياد كهدايا ومن باب المفاجأة فتحوها وخربوا علي المفاجأة للأسف الشديد عليهم من الله ما يستحقون ويوم خلصوا قالوا راح نسوي لكم فحص خاص بالكحووووول وسوا لنا الفحص والنتيجة صفر هل إنتهى الموضوع ؟ نعم هل كنت لطيفا وهادئا معهم ؟ نعم وأصلا عطيتهم تمر 😂 وشكروني عليه مع إني دعيت عليهم عشانهم خربوا المفاجئة 🫡 لماذا أكتب مثل هذه التجربة ؟ 1. أوراقك الثبوتية لك وللي معاك لازم تكون معاك 2. رخص القيادة وأوراق السيارة تكون نظامية 3. التأشيرات وغيرها تكون صالحة 4. ممكن تواجه هذا الموقف في المطار وفي محطة القطارات وفي الشارع وفي كل مكان وترى الموضوع طبيعي والإختيار عشوائي 5. كن سفيرا رائعا لوطنك ودينك وكن أكثر حرصا على ذلك إذا كانت معاك زوجتك أو عائلتك 6. أنا تقبلت الموضوع بصدر رحب ولكن صديقي زياد يقول غريبة التفتيش بصراحة وفي طريق جبلي ريفي وبسيارتين أحدها فيها كلب أعزكم الله ، قلت له ؟ معاك شي ؟ خايف من شي ؟ قال لا ، قلت له القاعدة عندي ؛ إمشي عدل يحتار عدوك فيك 🥰 حفظكم الله في حلكم وترحالكم 🌹