عبدالله بن فيصل

يقولون لك لا تروح تركيا بالشتاء ترى بتتجمد من البرد 🥶 أقولها لكم من قلب أنطاليا 🇹🇷 الكلام هذا غير دقيق الأجواء هنا رووعة ومستمتع 😍 ودرجة الحرارة 17 ☀️ وغير الأجواء الزينة، أكثر شيء يميّز سياحة أنطاليا من وجهة نظري هو منتجعاتها بنظام الإقامة الشاملة (All-Inclusive) 🥂 خلّوني أعطيكم تجربتي من قلب الحدث 👇🏻 حالياً في منتجع كونكورد دي لوكس 🏝️ Concorde De luxe Resort- Antalia بتقييم 4.8 في Google Maps ⭐️ طيب وش هو نظام الاقامة الشاملة؟ سعر الاقامة اللي تدفعه يشمل السكن وجميع الوجبات (فطور + غداء - عشاء) + سناكات إضافة إلى الكافيهات والبارات داخل الفندق ☕️ بعض المطاعم المتخصصة تكون برسوم اضافية (ايطالي/ آسيوي/ ستيك هاوس) يعني فعلياً كل شيء متوفر في مكان واحد: أكل، مشروبات، أنشطة، وخدمة، وهذا يخليك تستمتع فعلياً بالإجازة بدون تخطيط ووجع راس. اللي لفت انتباهي، إن التجربة مناسبة جدًا للعوائل 👨‍👩‍👧‍👦 فيه أنشطة يومية ومساحات لعب للأطفال الجميل في هالوقت من السنة إن الأسعار معقولة 💰 وتحصل خيارات بأقل من 1000 ريال لليلة بينما في موسم الصيف الأسعار تتضاعف (تلقاها دبل وتربل وممكن أكثر) وترى الخيارات في أنطاليا كثيرة جدًا، شوف اللي يناسبك وحسب ميزانيتك وبالنسبة للخدمة: التعامل راقي جدًا والخدمة محترمة، وما حسّيت بأي عنصرية يعني لا تشيل هم هالموضوع في أنطاليا لكن لا تستعجلون… راح أزور أكثر من منتجع بإذن الله، وبالنهاية أعطيكم الخلاصة والتجربة الكاملة مع المقارنة 🌹

🎬 من يوم بدينا... إلى يومنا هذا اللي نوقف فيه بكل فخر ⭐️ هذا أكثر من طقم 🤩 هذا حكاية مسيرة، صنعها الطموح والاعتزاز والانتماء 🎞️ #مصمَّم_بفخر 💫