جرّاح العتيبي

الدين ماهو فالوجيه الدين في وسط الخفوق تقولها وقلبك ياقاسي ما قدرت تليّنه تنصحني وقلبك نعرف انه على البيع محروق لكن عقلك راحو العالم وهو ف مكيّـنه

ترا الكلام اللي تقوله فيه شي من العقوق وانا أخبرك رجال متديّن و نفسك ديّنه مالك ومال السلعه اللي تنعرض في كل سوق ارجع على جيبك و ودّه لـ الصيانه صيّنه :)

ياخي لاصارك ما تعرف تسوق لا تحاول تسوق لا تحسبن قطع الاشاره فالرياض هوينه الخلفه الي تغبق الضيفان مافيها غبوق والي خبرناها دقاق اليوم قدها متيّنه

يامرحبا بالشاعر اللي جامع ٍ حكمه وذوق اما يجيب الغايبه ولا يجيب البيّنه العام أخبرك تنطح الفرسان وحصانك سبوق واليوم حتى شماغ راسك ما تعرف تزيّنه