جرّاح العتيبي

مرحبا حياكم الله في محلكم الثاني :) snapchat.com/t/2oNY0hLc

ياوجود الضايق اللي يصايد له سراب فرصة شابت من الياس قبل يطولها تصطفق مثل الهبايب على روس الهضاب كلما جا يلطم الشيب عن مجدولها

زبدة الموضوع مالك فالطويلة اخذها من باب ما هان يتبارك السواه اللي تورّدك الفشيلة لا تسوّيها وصلّى اللّٰه وبارك

في قربك اعيش مستانس وصدري نفاه مانيب عايش مع الدنيا واهلها كذا ان كان جيتي سلام الله على الاتجاه وان كان لفيتي من الغنج ياحبذا الارض من خطوتك تنبت لو انها حصاه من ياسمين وعبير وزعفران وشذى خذيتي من الوحّش لفته ياظبي الفلاه مثل القمر يوم من طلة جبينك خذا لايشغلك من يقول انك سلبتي ضياه اليا عجبهم واذا واليا خذلهم واذا الناس في غيبتك تمشي بـ امور الحياه وعلى وصولك تصير الناس على حذى جيتك يتيمٍ لقى جرحه وضيع دواه مافيه غيرك دوا المجروح عن كل اذى

@dhiiii94 أتناصفها و أعوّد لـ مطلعها :)

@AL___9999 أما نصفتها ولا قفلتها :)

لي بيت مع المبدعين اللي يعرفه ماله جايزه :)

قصيده مشتركه لنخبه من المبدعين واللي يتوقعها كلها صح له جايزه وحبّة خشم 😄 بعد ٢٤ ساعه انزلها بالاسماء @sbinbtlaa @MBnradah @turkioll @k_tflan @ialpq2 @faisalnmaas @vv_851 @aprvip @AL___9999 @Faishal2020

يا عيوني ساعديني على ذرف الدموع القلوب اللي تكابر يْموت أحساسها دمعةً وحده تهايق على حد الطلوع لا تْعود فالمحاني ويكبر راسها ودي أذرفها ولو تنمزع حدب الضلوع واتحرر من وجعها ومن وسواسها آه من زلة سنافي ومن طعنة فروع وآه من دنياً شربنا الوجع من كاسها والله أن كبدي من المر و الجاير تزوع أغصبها للمجامل ويقوى باسها إنّ تداعَوا للمهونة فانا عنها جزوع وإنّ تداعَوا للكرامة فانا نبراسها النفوس تْبين بين التسامي والخضوع حطّ ميزان المواقف وتعرف ساسها

كن في عيني خيالً ينشي و يرعد ويبرق مرسله ربّي لكن عيّا يبلّ الخد وبلـه عبرةً ما تعبر امعْ الحلق لين اغص و اشرق دمعة الي ما بكى تحسب عليه وتنحسب له كيف اقول ان القسى منك و عودك عود مطرق كل ما هب الهوى راح يتواما اوماي ربلـه من جبينك يشرق النور وعلينا الشمس تشرق لين ما يبقى من اصناف الورود ، اورود ذبله مفرق القذلة مخليني موقف عند مفرق وقبلتك يمكن تخليني اشوف الشرق ، قبله حتى لو انك ستيره ، زينك المستور يفرق ( نتفق في زين عبله لو محدً شاف عبله ) يمكن اكون الشجاع الي بغى ينجيك و اغرق ولا اكون القاضي الي انهايته يشنق بـ حبله كيف ما حسيت فيني ؟ يوم اقول الشوق يحرق ! وصاح من جرحي بليد وحس في شكواي الابله ساعةً فيها .. الجبين يبّش .. والكفيّن تعرق كن ما للعين شوف .. وكن ما للاذن طبله الوصل ما عاد يفرق والجفى ما عاد يفرق والله اني سامحً سماح ابو جعشة من ابله

يالمترف الي عشرتك مالها امان بانت بعد عتمُت فراقك سفرتك سولف عن الفقد وعن اوجاع الاحزان وعن وجعة الهجر وعن احراق كرتك رغم ماجاني من قساوه وحرمان تإكد انك لو تعذر عذرتك كييف ؟ اتخطى وانت باقي إلى الان ما فيه يوم ٍ مرني ما ذكرتك اقفى غرورك بك و وجه الغلا شان وعلى طريق العايدين اننظرتك متنازل عن كبريائي على شان ما اخسرك لكن فالنهايه خسرتك يكفيني انك ما بعد رحت زعلان ولا اذكر اني في حياتي كسرتك سترت حبك مادرى كاين ِ كان وحتى بيوت الشعر فيها سترتك ):

مجلس فيه القصايد يمزعها السفيه ما له إلا ضحك سني .. و تلويحة يدي والله اني حاشم الشعر من بعض الوجيه مثل ما احشم التراحيب من وجه الردي

أتحـاشى منك كلمه و أمـشّي كلمتين لين مشروهك تزبّر و سـمّـى ماطره ليه تجرح خاطري وانت خابرني حزين والحزين ادناة موضوع يجرح خاطره :)

راكب الي من معارض صدى صدر خل تصدير الجمارك وجمركها معرض ٍ راعيه من ندرة الندر هيلع ٍ جل النواميس مالكها ورُد الي عند عشاقه مقدر من تصاميم اليهود وتفرنكها ادعج ماودك تشوفه مودُر كن الارض الى تحرك يحركها فيه من لون السحابه ولون الدر ومن مقاديم القنوف وتشابكها لون سيته شاهي توه مخدر وقيمته فيك الجماعه تشككها لا انتهى وقت الصبر والشهر غدّر والطواري دككت من مباركها يحذف همومي لا خمينه وحدّر والمناوي قل نسبة تملكها وارد الماء قبل لا يشربه صدر فرصته حانت لاكن ما تداركها سامح ِ من جمة صفوها كدّر ضانها تشرب على حوض اواركها ):

عذاب القلوب يْترجمه صادق الإحساس معا : كل قفلة ( آه ) .. ولاّ بداية ( آه ) يا ربّاه من ظلم الليالي و ظلم الناس يا ربّاااااااه منا لين .. الاقيك يا ربّاه

: ياناس خفو وارحموا الناس ياناس ما للكلام اللي تقولون داعي حتى التلاعب بالمشاعر والاحساس قامت تسوى بالذكاء الاصطناعي :

العشق مايرحم شعور العاشقين!

@1_mohtrm الله الله

ياخلي اليا ضقت جيتك على طول لا خـرّبو نفـسـيتي و افـحصـوها مانيب من قوم الكافيهات والمول الي ليا ضاقت عليهم نصوها حتى لو اني عشت ضايق ومعزول وأخلاقي العذال بعدك قصوها طبع العواذل دايم تقول وتقول ولا زودو حاجه ولا نقصوها الوصل خله طول الايام موصول اهل المحبة عمرهم ما ارخصوها حتى لو ان ظروفك تصول و تجول خلك من الي لاعصتهم عصوها مابي ليا واعدتك تقول مشغول ماتو هل الاشغال ما خلصوها

" مادام الاحباب لـ (بيوت الغلا) تبني لك فـ الحشى بيت من يقدر على هدمه الشامه اللي على خدك ؟.. تناسبني والنظره اللي تسبب لـ البشر صدمه ماكل احبك من اي انسان !.. تعجبني مشاعري !.. عند بعض الناس منعدمه من يوم؟.. حبيتك الله لا يعاقبني حطيت كل الحبايب " خارج الخدمه "

بين الشعور الهام والشعر الإلهام متى بـ يجتاح الحنايا .. حنينك ؟ اشتقت لك حتى لو اخذتك الايام ولو تاقف " الاقدار " بيني وبينك اشتقت لك كثر مااشوفك بالاحلام وكثر ما مر الدمع . . عيني وعينك وكثر ما جابتك .. الهبايب والانسام ونشدت عنك الصبح والليل وينك ؟

حنا نميز كلام " الخبل " و المتزن ..! الهرج واجد وهرج الضيق غير السعه بعض الحكي مثل ظلع النير لو ينوزن وبعض الحكي ما ندقق فيه لو نسمعه ومع احترامي لكل اللي علينا يزن ما نرخص الانفس ولا نلبس الاقنعه من الحيا ما تبعنا كل بارق مزن جعل الحيا ما يزول وجعلنا نتبعه الروس شابت مهوب القافية والوزن انفوسنا طايبة .. وجروحنا موجعة معاد نبغى الحزين اللي يجيب الحزن نبي لنا واحدٍ يضحك ونضحك معه