ar
21 posts
في أسطوانة ماشية اليومين هذي ومقارنات شغالين فيها بعض الفانز بين تمثيل "ديفريم" و"سمية"، والأقوى من كذا إنه كثير يجيب فيديوهات قديمة ويحطها بوجه الفانز الثاني كدليل! معليش انتوا بتقارنوا على أساس ايش؟ مع احترامي الكامل لفانز سمية، هي ما تتقارن أبداً بديفريم، لا بالأداء ولا حتى بطبيعة الشخصيات على مدار الموسم بالكامل. . شخصية "جيلان" هي الوحيدة اللي عيشتنا في كمية تناقضات مش طبيعية، شفنا فيها الخير والشر، التلاعب، الخبث، والدراما طول الموسم وخصوصاً بالحلقات الأولى. ديفريم حرفياً كانت ماسكة الخط الدرامي للمسلسل بالكامل، البنت انهدّ حيلها وهي تجسد وتتنقل بين كل هذه المشاعر، فـ طبيعي جداً لو يفلت منها نص مشهد أو لقطة بسيطة من حجم الضغط العالي عليها. . عكس تماماً شخصية "سلطان" اللي أشوفها شبه فارغة؛ من الحلقة الخامسة لين نهاية الموسم وهي ما عندها غير هدف واحد محدد تبغى تحققه، وما انكتب لها إلا مشهد درامي واحد وحيد، وسمية حرفياً جابت العيد فيه! سمية ممثلة كويسة وتعتبر جيدة عموماً، ويطلع منها، بس تحتاج تتدرب اكثر، خصوصاً في الجانب الدرامي لانها للأسف سيئة. . حتى من ناحية الشكل والجهد الواضح؛ سمية "نور وجهها" في حلقة آخر الموسم ما شاء الله عليها، عكس ديفريم اللي وضح عليها التعب، الإرهاق الشديد، والاعتماد الكامل على المكياج لإخفاء الإجهاد، و واضح عليها انه جتها اكثر من أصابه وتعب شديد، شخصيه جيلان مضطربه، وتجسيدها متعب ومرهق، غير إن البنت نحفت بشكل ملحوظ.. كيف بعد كل هذا تيجوا تقارنوا بينهم؟ . أنا قلتها قبل كذا وأرجع أكررها: أنا ما أحكم على الممثل بدور سابق، سواء سمية أو ديفريم. ما يهمني أبداً كيف كان أداؤهم بالمسلسلات القديمة، أنا يهمني "الحين" وشايفه ايش قدامي. والقصة مو بس إن ديفريم أفضل من سميه، ديفريم بالأصل ممثلة موهوبة جداً، تقدر تشيل أي مشهد وتتحكم فيه ايش ما كان نوعه، وتنتقل للمشهد اللي بعده بكل بساطة وسلاسة، وهذا فرقها عن سميه، مع انه الثنتين بنفس العمر تقريباً، بس فرق الموهبه بينهم واضح الفيديو تحت يوضح الفرق الشاسع بينهم بالملي مع العلم انه فيديو ديفريم جسدت فيه كل هذي المشاعر بس بأول 8 حلقات.. ❤️🎬 #DevrimÖzkan #yeraltı #SümeyyeAydoğan
