AYOUB VISION

تابعوني لنجعل الحوار بيننا مساحة للتعلم والتطوير المستمر 📘📖 سأشارككم ما أملك من خبرات ومعارف وأفكار .... سأجيب على استفساراتكم في كل ما يخص ميدان التجارة والإقتصاد والإستثمار عبر صفحاتي الشخصية مباشرة لنفتح معاً نافذة لمحتوى اقتصادي مالي مفيد 💹 الانستغرام : instagram.com/mr.ayyoubbekho… الفايسبوك : facebook.com/Mr.AyyoubBekho… التويتر : x.com/AYOUBVISION اليوتوب : @Mr.AYYOUBBEKHOUCHE" target="_blank" rel="nofollow noopener">youtube.com/@Mr.AYYOUBBEKH… البريد الالكتروني : DirecteurCommercial@infinyhoney.com #عسل_أنفيني #AYOUB_VISION

@walaradt85607 ولك بالمثل

وأنا بدوري نقولكم تعيدو بالصحة ولهنا

@benkahla_market نكره نعاود الهدرة

@AYOUBVISION روحت الأسواق و لا تهدر برك وين هبطوا السوق هو هو ممكن مليون أو أقل اما تاع 2 و 3 ملايين هاذا كلام تاع مواقع

البارح ولول بارح هبطو بزوج - 3 ملاين تقريبا. مي اليوم صدق أو لا تصدق هبطو حتى بخمسة وأكثر..... خصوصا للي معاودين السوق حصلو ولاو يليكيدي برك هههه تنيڨوصي شوية يهبطلك مش كيما الأيام الأولى. وحتى المربين يحاولو يليكيديو في الكباش لي ميقدروش يزيدو يصبرو عليهم عام وحدوخر (يزيد يوكلو يشربو... احتمال يمرضلو يموتلو...) وهاذي هي الدنيا، يوم لك يوم عليك. يطلع السوق تربح، يهبط السوق تليكيدي.

عيدُ أضحى مُبارك وسعيد لكل مستثمرينا وزبائننا ومتابعينا 🍯🕋 كُلُّ عامٍ وأنتم إن شاء الله على ألف خير وبركة 🐝 #عيد_الأضحى #عسل_أنفيني

@chouaib_hdj لا أدري لا أحيط بكل شيء

@AYOUBVISION يا سي ايوب نزيدك مثال علاش اغلب شركات السيارات لم تنجح وتنحسب من السوق الجزائري رغم انه سوق مربح وفتي وووو؟ علاش اغلب الشركات تنجح في دول الخليج ومختلف دول العالم وتفشل في بلادنا؟

تجار وصيادي الكروفات والكافيار جشعين وطماعين، المفروض يبيعوه رخيس علاه وش ياكل الكروفات ؟ ياك يروح يصيدو ويجي ولا يشريه واجد برك ؟ ....تخمينات اشتراكي، لازم يحل مشكلة غلاء الكيوي بنظرية اشتراكية ما !

@abdou8913832621 حتى الموال يحصل شوي بالكبار العام الجاي يكبرلو كثر وزيد راهو يزيد يوكلو ويزيد يداويه ...

@AYOUBVISION الموال عادي متهموش متشريش يرجعو معاه وبشحال تشري راهو رابح السمسار لي يحصل بيهم

@chouaib_hdj المخاطرة فيها فيها في كل الحالات الدراسة هي لمحاولة تقليل المخاطر فقط.

@AYOUBVISION شفت كيفاه نرجعو للأول وهنا وقبل كل شيء لازم دراسة السوق وهنا كاين عدة مراجع تعتمد عليها المؤسسة: الاحصائيات الحكومية الدراسات السابقة او الارشيف المؤسساتي للمنافسين أو تقوم هي بالدراسة من الأول المخاطرة غير مضمونة تكون مكلفة للشركة ويمكن تخسر وتفلس المؤسسة وهذا ليس في صالح احد

@miromiso5 جاب نتائج مليحة = مليح ماجابش نتائج مليحة = ماشي مليح

قبل بداية المونديال باش نبقاو انتيك و بالقدر هذا النكرة أكبر حثالة في تاريخ المنتخب و حتى ولو نفوز بالبطولة حتى لو نرفع الكاس يبقى في نظري اسوء شخص دخل المنتخب في التاريخ يعني تحب تقرملو و تشيتلو و تقول عليه داهية الله يسهل حسابك اكتب فيه وش حبيت ماتجيش لعندي برك وتكسرلي راسي

@BoukerroumMouad 🤣🤣

@AYOUBVISION راك تفهم واش هدرت انا ولا راك تيري برك حاسوب عمرو مكان سعر تاعو حسب طلب وعرض في سوق. راك حاب دخل طاس في بتية بسيف

لا إله إلا الله، لا أدري هل منسوب الغباء ارتفع لهذه الدرجة !! أعطيت مثال بحاسوب لأنه من أقوى الأمثلة. لنجيب على الأخ معاذ : عندما تكون هناك منافسة شرسة فهذا يعني : العرض كبير جدا، وهنا تظهر منافسة سعرية طبعا. و إذا دخل السوق حاسوب بنسخة جديدة مطورة كما تقول، فهذا يعني أن الطلب علر الحاسوب القديم نقص، وعندها سعره ينقص أيضا، لأن موجة الطلب تتوجه للنسخة الجديدة. وما قلته أنا الآن طبعا ليس قاعدة ثابتة، لأني كما قلت سابقا العرض والطلب بسيط في مبدئه معقد في تفاصيله، بعض الشركات لتحافظ على قيمة سعر نسخها السابقة في السوق، توقف خطوط انتاجها أو توقف خدماتها اتجاهها تدريجيا مثل "وقف التحديثات"، تفعل هذا للحفاظ على قيمة علامتها.

@chouaib_hdj نعم مثل SONY كل منتج تنتجه بحجم محدود وتتوقف.

@AYOUBVISION نزيدو نفصلو هناك شركات تعتمد على خلق الندرة في منتجاتها للحفاظ على السعر العالي ونوعية المشترين وهذه إستراتيجية تسويقية معروفة تستهدف فئة معينة من الأشخاص (الاغنياء) وهناك إستراتيجية الحصة السوقية تخدم قيس الزبائن تاعها ولا يهمها كسب عملاء جدد ولا سياسة اغراق السوق ووو الامر يطول

يمكن ( محاولة التأثير عليه وبشكل محدود ومؤقت ). ولا يمكن التحكم فيه. لأن محاولة التأثير عليه مثلما تفضلت مكلفة جدا ويتحمل تكلفتها من يحاول التأثير عليه. مثلا : الدولة تحاول التأثير على العرض والطلب على الأضاحي، وتكلفتها في ذلك الملايين من الدولارات في استيرادها للأغنام. حتى الذي يحتكر بغرض خلق الندرة، فهو يتحمل تكاليف جد باهضة لدرجة أن تجعل الاحتكار شبه مستحيل نظرا لما يتحمله المحتكر من مخاطر وتكاليف.

@chouaib_hdj نعم لا يوجد حل جذري لكل شيء . لكل حل مشكل ولكل مشكل حل.

@AYOUBVISION المشكل فالسوق ماشي الندرة المشكل هو فالبائع نعم قطاع المواشي يعاني ولكن هناك حلول جذرية؟ لا لأنها حلول مؤقتة فقط شراء الاضاحي الأفضل هو الاستثمار في المواشي استيراد سلالات والاهتمام أكثر بالمواشي احصاء حقيقي وتنظيم حقيقي تلقيح وغيرها

@chouaib_hdj نعم كل تجارة فيها مخاطرة بما فيها ما تفضلت هي مسبقا تحلل الأسواق وتتوقع الاحتياج والطلب، لكن يجب أن تجرب وتخاطر.

@AYOUBVISION كيف لشركة جديدة فالسوق أن تطرح منتوجها وهي لا تعرف كيمة الطلب عليه وكمية المعروض في السوق والمنافسة فيه!؟ تخاطر بدخول السوق!؟

@slimanedz2020 تنطبق في كل الحياة الدنيا

@AYOUBVISION لا تنطبق في كل التجارة في الجزائر السمسار هو من يتحكم في سعر بعض المنتجات خاصتا مع غلق الاستيراد و جدو فرصة لي نلاهب في الاسعار

سأحاول أن أبين أن قاعدة "العرض والطلب" هي سنة الله في الكون، حتى بدون مال وبدون تجارة حديثة وبدون رقابة وبدون دولة وبدون تنظيم ........الخ : لنفترض مثلاً أنك في جزيرة، أنت وصديقك فقط من فيها، لا يوجد فيها لا دولة ولا سوق ولا مال ولا تجارة ولا أي شيء، يعني أنتما الاثنان معاً والطبيعة فقط. أنت تصيد الحوت، وصديقك يبني الأكواخ ويعرف يشعل النار بأدوات طبيعية. في البداية قد تظن أنه لا توجد أي “اقتصاديات” هنا، لكن الواقع أن قانون العرض والطلب بدأ يشتغل منذ اللحظة الأولى، حتى بدون مال. أنت تملك شيئاً يحتاجه صديقك: الغذاء. وصديقك يملك شيئاً تحتاجه أنت: المأوى والنار والحماية من البرد. هنا ظهر الطلب: هو يطلب السمك والحوت. وأنت تطلب النار والمأوى. وظهر العرض: أنت تعرض مهارة الصيد. وهو يعرض مهارة البناء وإشعال النار. الآن تخيل أن البحر أصبح مليئاً بالحوت لدرجة أنك تصيده بسهولة كل يوم. ماذا سيحدث ؟ ستنخفض قيمة الحوت نسبياً، ليس لأنه سيء، بل لأنه أصبح متوفراً بكثرة. وفي نفس الوقت، تأتي عاصفة قوية تجعل بناء الأكواخ أمراً صعباً جداً. هنا ترتفع قيمة مهارة صديقك، لأن الطلب على المأوى ارتفع، بينما القدرة على توفيره قليلة. ولو حدث العكس، مثلاً أصيب صديقك بمرض ولم يعد يستطيع البناء، فقد يصبح كوخ واحد أثمن من عشرات الأسماك. ولو جف البحر واختفى الحوت، فقد تصبح سمكة صغيرة أغلى من كوخ كامل. إذن حتى في جزيرة لا يوجد فيها: مال، دولة، تجارة، شركات، ولا قوانين بشرية… فإن فكرة “القيمة” لا تختفي. لأن القيمة أصلاً ليست مرتبطة بالمال، بل مرتبطة بشيئين فقط: مقدار الحاجة إلى الشيء. ومدى ندرته أو صعوبة توفيره. وهذا هو جوهر العرض والطلب في أبسط صورة ممكنة.

يمكن ( محاولة التأثير عليه وبشكل محدود ومؤقت ). ولا يمكن التحكم فيه. لأن محاولة التأثير عليه مثلما تفضلت مكلفة جدا ويتحمل تكلفتها من يحاول التأثير عليه. مثلا : الدولة تحاول التأثير على العرض والطلب على الأضاحي، وتكلفتها في ذلك الملايين من الدولارات في استيرادها للأغنام. حتى الذي يحتكر بغرض خلق الندرة، فهو يتحمل تكاليف جد باهضة لدرجة أن تجعل الاحتكار شبه مستحيل نظرا لما يتحمله المحتكر من مخاطر وتكاليف.

@AYOUBVISION هل يمكن التحكم في العرض والطلب نعم... هل يمكن خلق ندرة فالسوق رغم كثرة الطلب نعم هل يمكن اغراق السوق نعم يعني يمكن التحكم فيها

@BoukerroumMouad خرج واحد جديد عليه = القديم قل الطلب عليه = ينخفص سعره. لا أدري كيف يمكنني أن أشرح أكثر من هذا !

@AYOUBVISION مثال بحاسوب هههه منيتك خو حاسوب يوم تلقاه ب 11 غدوة يخرج واحد خير عليه غير بشوية يهبط سعر تاعو متحسبش بعرض و طلب هنا يتحسب بمنافسة بين شركات منتجة يعني تخرج واحد خير عليه بسعر اقل العرض وطلب هو يعني كي يكون العرض اكثر من طلب السعر يكون هابط و كي يكون طلب اكثر من عرض عكس

في الحي الذي أنا فيه "الكباش كانو غير بالـ 15-20". اليوم صباحاً رحت شفت، لقيت المليح تاع المليح يعني هذاك الكبش المعطعط المفورع مايفوتش 11-12 وقابل للتفاوض !!! هذه للذي لا يؤمن بقاعدة العرض والطلب ويعتقد أنها خرافة ويعتقد أن السعر يطلع ومايهبطش. الخضر والفواكه أقوى مثال، يطلعو ويهبطو حسب العرض والطلب حسب المواسم ....الخ، بصح علاش الجزائري الاشتراكي يحسب بلي "السعر لي يطلع مايهبطش" ؟ لأنه يسمع بالسعر فقط كي يطلع، أما كي يهبط مايسمعش بيه هذا مكان، لذلك ترسخ في ذهنه أن السعر يطلع برك مايهبطش. نروحو لمثال آخر ؟ الحواسيب، اشتريت حاسوب لينوفو جديد 100% غير مستعمل بـ 11، وكان في وقتو حوست عليه مليح مليح مليح وفي كل بقعة كان بنفس السعر، بعد سنتين تقريباً نفسه راهو يدير 08 "جديد غير مستعمل". كلش يطلع ويهبط، بصح نتا تسمع بيه كي يطلع برك متسمعش بيه كي يهبط.

@AdemRezzig التجارة مثل مجرى الوادي مجرى المياه الطبيعي مجرى النهر. اذا خربت فيه يفيض عليك وتخلطها اذا قدرت تقدر برك تريقل المجرى مليح و تسقمو وخلاص.

@AYOUBVISION ادم سميث يقلك مدخلش روحك بزاف كلش يتريقل وحدو ، يد خفية تخدم خدمتها .. يزيد الربح بزاف فالمجال بزاف تجار يدخلو ليه يكثر العرض يهبط السعر . آلية تخدم وحدها. والتاجر بصفة عامة يحب الحرية متقيدوش

هذا الذي أستغرب من البعض "رفض فهمه" رغم أنه سهل ! قاعدة العرض والطلب "حتى لا نسميها قانوناً فيظنها الناس أنه لوائح تطبق"، هي من حيث المبدأ بسيطة، أما في الواقع اليومي تحليلها ليس بهذه البساطة، لكثرة العوامل المؤثرة في العرض والطلب ولتداخلهما، ولارتباطهما معاً في نفس الوقت بتفاصيل متغيرة غير ثابتة. قاعدة العرض والطلب، لا تنتظر "رقابة الدولة" أو "تنظيم السوق" حتى تطبق هههههه هي أصلا من تفرض تنظيم السوق بالسيف عليه. وهي حصراً وفقط كما قال الأخ أحمد، من تستطيع أن توقف الجشع والطمع "حسب ما يسميه أصحابه".

@HajBouabca ماتحلفش

@AYOUBVISION لا و الله ما قاريها ،و نحلفلك بلي بغيت ما راك قاري كتاب نتع ماركس ،لو كان قريته ما تهدر على معيار الاخلاق للاشتراكية اصلا ،لانه راسمال اصلا اتى ليعالج اشكالية نظرية القيمة في الراسمالية و ليس احكام اخلاقية ،ما تبداش تلعبها قاري حاجة و انت و الله ما قريتها اصلا

الصين نظامها مزدوج "رأس مالي / اشتراكي ". اشتراكي سياسياً بنظام الحزب الواحد فقط. أما اقتصاديا، فهي أشرس من الراسمالية الغربية نفسها. الاقتصاد الصيني رأسمالي، يخضع للسوق وأحكامه الصرفة. مالذي يفرق الصين عن الغرب ؟ الفرق أن نظامها السياسي القائم على الحزب الواحد الاشتراكي (سياسيا فقط)، هو من يقر المخططات والاستراتيجيات الكبرى ويضع الخطوط العريضة التي تسير عليها الدولة. أما الغرب فهناك ديموقراطيات تتناوب على اعداد الاستراتيجيات والخطط، ....الخ. اقتصادياً الكل رأسمالي حتى روسيا والصين وحتى كوريا الشمالية.