عـ دل ـا

قاعد مسحول بقالي مدة مع برنامج لذيذ اوي اسمه "الوجه الاخر" بيقدمه فاروق الفيشاوي ، كل حلقة بيستضيف فنان وبعد الاسئلة الفنية بيسأل الضيف عن ولاده وعلاقته بيهم والأبوة عموما وكده يعني المهم في حلقة الفنان حسين فهمي شفت أكثر حوار تنظيري عبثي بين اتنين أبهات لان الاستاذ حسين فهمي كان مستغرب ومندهش اوي من الألفاظ الجديدة بين الشباب زي مثلا ان منة بنته قالتله "بابي انت روش اوي !" فاندهش الاستاذ حسين من لفظ "روش" ده واندهش اكتر كمان ان كل ما يقولها حاجة تقوله "ماشي" ايه ماشي دي كمان ؟! حد يقول لأبوه "ماشي" ؟! واطلق بعدها ضحكة الجراندات بتاعته اللي هي هاهاهاهاااااااه وختمها بكلمة "بجيل غريب" ، فقام حبيب قلبي فاروق الفيشاوي قرر يشاركه اندهاشه من ألفاظ الجيل البايـ. ـظ ده وقاله ان احمد ابنه اللي عنده 16 سنة هو كمان ماسك في كلمة كده اسمها "طحن" كل حاجة يقول طحن ، فقاله "لسه من يومين قايلي بابا انا روحت ديسكو جديد حلو طحن !" بس وكملوا هما الاتنين تنظير على الألفاظ الغريبة بتاعة جيل الريسيفر والنوكيا والياهوو والاستاذ حسين يطلق ضحكاته المجلجلة هاهاهاهااااه وسايبين الواد احمد يروح ديسكوهات وهو لسه في ثانوية عامة ! - حسام عطية