Adel

Quote Tweet حسابات عربية مميزة في Letterboxd

وش المسلسل اللي دخلكم عالم المسلسلات ؟

مراجعة فلم : Project Hail Mary 2026 بالبداية مين اللي قارنه بـ انترستيلر؟ وهم مختلفين كلياً من نواحي كثيرة. ولو بشبّه الفلم بفلم آخر بيكون Arrival، وهم متقاربين كثير جداً، سواء بالإخراج المبهر والمؤثرات الصوتية، أو حتى بفلسفة الكائنات الفضائية إنهم يتعاونون مع البشر، فالصراع هنا مع مادة مجهولة لإيجاد حل مو مع الوقت والزمن.. الشخصيات بالفلم رهيبة جداً والبناء كان ممتع، علاقة غريس وسترات (أو يمكن تقصد ديمتري؟) كانت ممتعة واللحظات اللي بينهم جداً مسلية، وحتى علاقة روكي وغريس، يالله أتعب وأقول متكاملة! كيف قدر المخرج يوصل لي مشاعر هالعنكبوت المعدني؟ شخصية غريس ما تقدم كبطل ينقذ الأرض، هو ما كان عنده خيار؛ إما ينقذ الأرض أو ينقذ الأرض وحياته هي الثمن. الخطين المتوازيين للسرد كانت رهيبة وخدمت القصة، إن ذكرياته اللي قاعدة ترجع شيء فشيء خلتّه ما كان عارف هو مين وإيش هدفه، ومع الوقت ترجع له ذكرياته على هيئة أحلام وما إلى ذلك. الكوميديا بالفلم رهيبة ياخي ضحكت ممكن ثلاثه الى اربع مرات؟ او اكثر ؟ للامانه كان ممتع توظيف الأغاني كان رهيب وخاصة Sign of the Times كان أكثر من أسطوري، فكان ملامس وجاي بالملي على أحداث الفلم، وصراحة هالمشهد رفع أسهم الفلم عندي، وما أكذب كان للنستولجيا دور كبير بهالشي. رايان غوسلينغ بدع كالعادة، ودوره هنا يشبه دوره في Half Nelson ولكن أنضج قليلاً، ومؤدي صوت روكي بدع وانصدمت إنه أول فلم له! فلم عن الصداقة، عن اليأس، عن التجربة، والضوء وسط العتمة. فلم يستحق المتابعة واحتماليه انه يكون من توب 5 فهي عاليه جدا

هذا حسابي في ليتربوكسد، أنزل فيه آرائي وانطباعاتي عن الأفلام بناءً على تجربتي الشخصية وبدون حنكة زيادة، وبعد أنزل بين فترة وفترة قوائم عن مخرجين وممثلين وعقود وتصنيفات حياكم الله 🤍