Aizz ♚'

جانا أخوي من شهر العسل بعد زواجه بشهر دخل البيت سلّم علينا وحده وحده من بعد السوالف قال: جبت لكم شيء بسيط. طلع علب صغيره من كيس فتحها قدامنا… وكانت فيها أساور ذهب أعطى كل وحدة منا أسواره وأعطى أمي سوارتها بيده. أمي لبستها وهي طايره من الفرحه… ماهمها الذهب قد فرحتها ان ولدها الغالي جاب لها هديه كانت كل شوي ترفع يدها وتطالع الأسواره وتبتسم وتقول: الله يخليك لي يا وليدي واشوف عيالك. بعد شوي قال أخوي: بروح للشقة عند زوجتي وبرجع طلع… ورجع بعد نص ساعة تقريبًا. لكن اللي رجع مو نفس الشخص اللي طلع دخل علينا بوجه متوتر شوي وقال: بنات… الأساور اللي عطيتكم إياها… عطوني إياها شوي. ضحكنا بالبداية حسبناه يمزح قلت له: ليه؟ تبي تبدلها؟ قال: لا… بس عطوني إياها صوته ماكان فيه مزح ابد مد يده بسرعة وفصخ سوار أختي قبل حتى ما تفهم الموضوع أنا فكّيت سواري وعطيته له وأنا مستغربة بس اللحظة اللي وقفت فيها الدنيا… لما وقف قدام أمي أمي ما قالت شيء بس رفعت يدها له بهدوء. مسك يدها… وفصخ السوار من معصمها قال وهو مرتبك: سامحيني يمّه… غلطت هذي الأساور أصلاً شاريتها زوجتي هدايا لأهلها… وأعطيتكم إياها بالغلط! كانت لحظه ثقيله على القلب اثقل من الذهب نفسه أمي ابتسمت ابتسامة خفيفة وقالت: عادي يا وليدي… ما صار إلا الخير. لكن عيونها… ما قالت عادي أبدًا. مو لأن السوار انشال من يدها… لكن لأن شيء أكبر انشال معها مكانة،شعور ،هيبة أم قدام بناتها. ومن يومها وأنا أفكر… هل فعلاً الزوجة ممكن تصير أهم من الأم؟ ولا هو خوف؟ ولا بداية تغيير ما كنا مستعدين له؟ بعض المواقف ما توجع لأنها كبيرة… توجع لأنها تكشف شيء ما كنا نبي نشوفه!

How did you first get into The Metal Gear franchise? What was your introduction?