Αλί

دكتور باسم يوسف أعلن انه نباتي من ٢٠١٤ وعمل برنامج اسمه plant B حلقات كاملة بيروج للنمط دة من الحياة كخيار صحي. في ناس عايشة على أنظمة غذائية صارمة مفهاش لحوم ولا منتجات حيوانية سواء لحوم او ألبان لقناعات شخصية او دينية او تفضيلات خاصة. الكارثة في نظام الطيبات مش في انك توقف أكل معين حتى لو خدت اللي يناسبك منه ومزودتش السكر والعصاير المصنعة لكن في انك توقف دواء الضغط لو انت مريض ضغط او دواء الدهون لو مريض قلب او دواء السكر لو انت مريض سكر. واقتنعت ان فعلا مفيش مشكلة من السكر العالي او الضغط المرتفع وممكن تعيش فترة طويلة شهور او سنين مش حاسس بمشكلة حقيقية لحد ما تقع فجأة بجلطة في القلب او نزيف في المخ او فشل كلوي. اللي يتعب ميروحش مستشفى ولا ياخد ادوية ولا يعمل عمليات والتحاليل غير ضرورية وان الجسم قادر على شفاء نفسه ذاتيا المهم القولون يرتاح. في ناس بقت مقتنعة ان عليهم مؤامرة عالمية عشان مياكلوش أكل صحي وياكلوا سكريات براحتهم ويشربوا سجاير شركات الأدوية مش هتقفل لو حضرتك قررت تقاطعها، ومفيش جهة مستفيدة من اكلك او عدم اكلك للخضروات. المتضرر الوحيد هو المريض. #ضياء_العوضى