اسأل محامي التفاعلي ⚖️

— من الخاص 🎙️ السلام عليكم عندي استفسار فيه شركة كملت معها عقد ٣ شهور تجدد ٣ مرات بمسمى متدرب وقدمت استقالتي قبل انتهاء العقد بشهر هل فيه تعويض على ايام الاجازة اللي ماخذتها؟ لاني سالتها قالوا انت متدرب مانعطيك تعويض عليهم

— من الخاص 🎙️ السلام عليكم هل ممكن حضور الجلسات وأنا خارج المملكة، باستخدام الانترنت المتاح والدخول على ناجز أم يتوقف ناجز لو خرجت من المملكة

— من الخاص 🎙️ السلام عليكم يوجد لدي عرض وظيفي محدد المده بدون تاريخ للمباشره ويوجد اثبات مماطله بعدم ارسال العقد الرسمي والمباشره . س/ هل استحق تعويض مالي عند تقديم شكوى او ماذا استحق؟

— من الخاص 🎙️ السلام عليكم بعد زيارة المركز الطبي والاتفاق على الجلسات العلاجية الخاصة بالاسنان مع الدكتور . تم دفع مبلغ مقدم 500 ريال وعند طلب فاتورة لإثبات الدفع اصبح الموظف يماطل ويتهرب من اعطائي فاتورة وبعد إلحاح ومحادثات واتس اب بيني وبين المركز تم إرسال فاتورة غير مطابقة للخدمة ولا للمبلغ وعند الاعتراض كان الرد بأنه خطأ غير مقصود وسيتم تغيير الفاتورة . وبعد اسبوع تم ارسال فاتورة خاطئة وغير مطابقة للمطلوب ومسجلة انها خدمة ليزر مع طبيب لا أعرفه ولم أقابله مع العلم ان موعدي يخص الأسنان فقط الآن أرغب في إسترجاع المبلغ بالكامل والمركز يماطل في التجاوب وإرجاع المبلغ . ماهي الطريقة القانونية الصحيحة للمطالبة باسترجاع المبلغ

— من الخاص 🎙️ لو سمحتوا إذا وحدة ظلمتني من أمهات طالباتي وكل مره تشتكي عليه بغير وجه حق (لو كتبت لها رسالة حسبي الله ونعم الوكيل، الله لا يبيحك ولا يحللك ولو يبقى على دخولك الجنة عفوي ما عفوت عنك) كتابة الرسالة هل تقدر تشتكيني أو تقاضيني أو شيء؟

— من الخاص 🎙️ السلام عليكم الوالد كان يضرب الوالده وسيء العشره وطلعتها انا واخواني من عنده ورحنا بيت جدي ولنا اكثر من عشر سنوات ورافض يطلقها هل اذا رفعت دعوى فسخ نكاح يطلقها القاضي ؟ وماعندنا شي يثبت هالشي وماعندي حق المهر انا موظف على قدي ، هل لو شهدت انا واخواني ينفع ؟ واذا رفعت من ناجز هل المحكمه توكل لي محامي مجاناً ؟ افيدوني الله يعافيكم

— من الخاص 🎙️ السلام عليكم الحين إذا وحده رفيقتها أقنعتها تكفلها وقالت لها أنا راح اسدد لك كل شهر يعني انت مجرد تكفليني هل يمدي ترفع عليها دعوى بالمحكمة لان البنت شهرياً قاعد يسحب منها الراتب كامل لانها اكثر من كفاله كافلتها ومتضرره جداً!

— من الخاص 🎙️ السلام عليكم عندي استفسار الله يجزاكم خير أنا رفعت دعوى مطالبة بمستندات للمحضون وحكم الشيخ بإلزام المدعى عليه بتسليمي ورفعت الحكم بتنفيذ وتم رفض طلب بأنه حكم ليس في صيغة تنفيذية تواصلت مع مدعي تسليم مستندات ورفض وش اسوي الحين احتاج مستندات من أجل مراجعات جهات حكومية للمحضون هل ارفع من جديد ولا ايش اسوي وجزاكم الله خيرا

— من الخاص 🎙️ السلام عليكم ياجماعه أبيكم تفزعون لي أنا شريت سياره ع أساس انها ضربه خفيفه وعطيتهم مبلغ ٥٩ الف بينما الوكاله الجديده أصلا ٧٢ الف بعدها باسبوع اكتشفت ان كان عليها حادث وطالع ارباقتها وأضرار بمقدمه السياره فضيعه وبشتكي عليهم الآن لكن تذكرت وقت شراء السياره وقعوني ع وقعه إقرار مكتوب عليها اخلي مسؤوليه المعرض والبائع واني راضي بحاله السياره الراهنه هل هذي الورقه يقدرون يحاجوني فيها؟ ومعي ورقه الفحص الي كانت موجوده ع السياره مو مذكور ان ارباقها طالع وكان كاتب بالاقرار اني انا الي فحصتها بينما الواقع ورقه الفحص زبون احر فاحصها

— من الخاص 🎙️ السلام عليكم تهجمت علي وحدة و قالت لي - اشوه سمعتكم انكم تتعاملون بالسحر - و كنت اسجل صوتها تهجمت بكلام كثير لكن لحقت اسجل هذي الجزئية وش أقدر ارفع عليها ؟ ابغا تفكني شرها

— من الخاص 🎙️ السلام عليكم عندي سؤال عن إمكانية حصول اجنبي روسي ولد في السعودية من والدين روسيين غير مقيم فيها، عن شهادة عدم امتلاكه الجنسية السعودية من فين ؟

— من الخاص 🎙️ السلام عليكم انا انفصلت من وظيفتي بسبب شخص اجنبي والسبب حاطين فسخ العقد بسبب فترة التجربة ومحددينها بالعقد 180 يوم عقدي بقوى تاريخ المباشره لسى بفترة تجربة وفالتامينات مسجليني قبل التاريخ الي بقوى وعديت فترة التجربة وراتبي نزل بنفس التاريخ الي فالتامينات وعندي محادثات تثبت اني داومت بنفس التازيخ الي فالتامينات لكن المشكله بقوى مكتوب عقدي تاريخ المباشره غير الي فالتامينات ف هل لي حق عندهم ؟ ويعتبر فصل تعسفي

— من الخاص 🎙️ عندي استفسار انا اخذت سياره من إحدى التطبيقات ايجار شهري منتهي بالتمليك و التطبيق حولني على مكتب ايجار لاستلام السيارة و بعد سنه أردت إرجاع السيارة و كان فيها حكات في جدار و عندي تأمين شامل و جبت تقرير نجم و المكتب في البدايه طالبني بدفع ثلاث اقساط مقابل الأضرار و بعدين علق العقد و مكتب طلب دفع قيمة الأضرار و هي 62 الف

— من الخاص 🎙️ السلام عليكم دخل عليّ رجل في المحطة بسيارته وأوقفها أمام سيارتي ونزل وهدّدني، وتكلم بكلمات نابية كثيرة، ثم اشتكيته عند الشرطة، وأخذوا أقوالنا، وافترى علي بكلمات لم أقلها وبصمونا وأطلقونا بالكفالة ماذا سيترتب على هذا الموضوع؟ ما الإجراءات القادمة؟

— من الخاص 🎙️ السلام عليكم بيني وبين اخوي قضيه مخالفات وهو متسبب ف المخالفات حاولت معه بكل الطرق رافض وانا أم ومطلقه وعايشه ع الدعم وهو متوظف وعنده بيت ع قرض برايكم اذا ماحضر الجلسه وش بيصير او إذا حضر الجلسه وقام يتعذر بظروفه اخاف مراح اكسب القضيه

— من الخاص 🎙️ السلام عليكم معي ورقه وثيقه مصدقه عند محامي وفيها اتفاق مشاركه انا وزوجتي في بناء عماره ومكتوب حق كل واحد فيها وبنود اخرى عليها فقط ختم المكتب المحامي السوال كيف اصدقها في المحكمه وهل في طريقة من ناجز ؟

— من الخاص 🎙️ السلام عليكم عندي فواتير اثاث غرفة نوم هل اقدر اطالب بالمبالغ من والد طفلي ؟ عندي طفل واحد عمره ٤ سنوات و الحضانه عندي ايش نوع القضيه الي ارفعها ؟ قضية اثاث ؟ المطلوب يدفع نصف مبلغ اثاث الغرفه انا غير موظفه

— من الخاص 🎙️ السلام عليكم ورحمة الله انا صدر علي حكم من المحكمه بخصوص فاتوره للاتصالات وابي اطلب الدفع بالاقساط هل اقدر بعد صدور الحكم او فاتني واذا اقدر كيف الطريقه

— من الخاص 🎙️ السلام عليكم ورحمة الله الاخوه الكرام في حال كانت هناك شركه لم تستلم الاعمال بالرغم من الانتهاء واخطارهم بشكل رسمي الا انهم الى الان لم يقومو بالاجرائات الرسمية في مسالة الاستلام والتسليم السؤال كيف اوثق الانتهاء من الاعمال بشكل رسمي ليتم بعد ذلك التوجه للمطالبة المالية هل الاشعار عبر الايميل يكفي او لابد من ارفاق صور

— من الخاص 🎙️ السلام عليكم عندي قضية لمكتب تاجير سيارات استأجرت سيارة من تطبيق وسيط دفعت الدفعة الاولى لاول شهر لسيارة واستلمتها من الطرف الثالث شركة تاجير سيارات وكل شهر ادفع بالتطبيق الوسيط واستمريت ٣ شهور تقريباً ادفع بالتطبيق تعثرت الشهر الاخير تاخيرات ل٥٢ يوم باجمالي مطالبة ٤٧٢٦ وسلمت السيارة الان شركة التاجير رافعين فيني للتنفيذ بعقد اول شهر اشتركت فيه ودفعته ومابعد هالشهر حاسبينه علي متاخرات لتاريخ التسليم يعني مخليني ٤ شهور مادفعت الا اول شهر بس وبالدعوى حاطينه تاريخ ووقت نهاية التاجير يومين زيادة عن وقت تسليمي الفعلي زايدين يومين من راسهم الان اللي يتضح المبالغ اللي اسددها كان التطبيق الوسيط شكله مايحدثها او حركة استغلالية منهم واستندوا على عقد اول شهر وحسبوه متاخرات الين تاريخ تسليم السيارة وش اسوي بالحالة ذي ؟ يطالبوني بالضعف وموقفين خدماتي