عبدالرحمٰن

يا بو فهد يا عزوتي سافر الشوق يا بو فهد مليّت من دشّة السوق يا بو فهد هذي علينا صعيبه يا بو فهد ما فيه كبرٍ ولا موق يا بو فهد عقل ونفس حبيبه يا بو فهد فرقى الولايف مصيبه #يابوفهد

يا زين الاوصاف عذبت الخلق بسناك من حين بان الصبح من مبسمك وسناك لي عسعس الليل دعنا نهتدي بسناك ونقول هذا البدر اشرق علينا وهل والدر من مبسمه لولو تنثر وهل ان جيتنا بالوفى يا بن الاكارم وهل بسناك وان والمت من حدر الحنچ بسناك #زهيريات #فن_اصلي

أهل الوفا وين غابوا واختفى ظلهم تميت أدور نزلهم بس ذكر ظل لهم بالأمس ما جد عناهم واحدٍ ظلهم إمن البعد دوم بس تسمع فناجيلهم أهل الشهامات راحوا وانفنى جيلهم يا مالك الموت اطلبنى فنا جيلهم يطيب لي قربهم واسعد بماضٍ لهم #زهيريات #فن_اصلي #عبدالرحمن_الضويحي

يا من بحسنه عقول الواصفين وضعن وروايح المسك فاحت من شذاه وضعن أبدا فلا مثله كل الحمايل وضعن كم عثرة اللي يودونك سمحت وقلت يا ما بروض المحاسن كم سجعت وقلت لمن شفت نور وجناتك ولحظك قلت هذا الذي هيم الراعي وساق الظعن #زهيريات #فن_اصلي

من زود حبك حبيبى شوف حالي نحل من المفارق وبعدك عضد صبري نحل يازين من وصلك اللي لو عطيت ونحل هم الذي فى ضميري من غرامك ورى واصير الاول عقب مانى بعاجز ورا يا متلفي مير في هذا الهوى ما ورى لا والذى نزّل الفرقان ويا النحل #زهيريات #فن_اصلي

يا صاحب الجود من بعدك نهاري دام موق المحاجر جرى بعد المدامع دام اسهام جفواك تبني بالضماير دام الروح لك عود حتى امفاصلي ما لك لا قوت لي غير ذكرك والهوى مالك القلب مزعوج من صد النبا مالك لا صير يا قلب لا صاحب وفالك دام #زهيريات #فن_اصلي #فهد_الخشرم

زهيرية أليمة لعبدالله الفرج يصف انتقال حاله من الثراء إلى الفقر .. كتب هذي الكلمات بعدما طلب سلف من عامل او صبي كان يشتغل عنده لكن الصبي هذا رفض و نكر المعروف !

مديت أنا إيدي وشلت القلم بإيدي وكتبت رسم الهوى لأهل الهوى بإيدي وقلت يا نفس من عصر الطرب بيدي ماينكر الحادثات إلا ردي العقل وإن كنت صاحب وفى إفهم وكن العقل وإحذر من الزمان وكون صاحب عقل كله من الوقت شال إيدك من الطرارة وحط إيدي #زهيرية_أليمة #عبدالله_الفرج #فن_أصلي

راح الذي كان في قُرْبه يرد الروح لو كنت ظلّه أرافج خطوته واروح ولو عندي أرواح ، لكن بالجسد بس روح الروح وحْده وأقطّعها بدربه وصَل وما تِم طول العمر بين الجفا والوصل يا مبشّر الروح: «ذا تالي المراكب وُصَل» أدري الحبيب - إن وُصَل - ليله وبعدها يروح الله يا وضّاح 🤍 إبداع

أتحمّلك وإن طغى ظلمك علي وخطاك مادام سهمك لجا بقلبي وسهمي اخطاك والقلب اللي انجرح، يشتاق سمْع اخْطاك ويطير فيه الفرح إن جيت يم داري يا زين دامك زمنْ، في حبنا داري فـ اخْفِض جناحك لنا وارفق بنا وداري نهواك رغم الجفا، وجورك، وكثْر اخطاك الله عليك يا وضّاح #زهيرية #فن_اصلي

يحتاس بالي وفكري لامن اسمك وَرَدْ وأهيم هومات وبابك رايـحٍ له وَرِدْ مثل الذي يلعب اللعبات صد وِرَدْ عقب الوفا والوصل حطيت لي حاجِـبْ عافت عيوني الكرى ومن الأكل حاجـب ياناس ما صار عين تعتلي حاجب فإن كِنْت أنا مرْ فالحنظل أصـوله وَردْ #زهيرية #فن_اصلي #عبدالرحمن_الضويحي

يا ابن الكرام اشتكي حين أخلفت وعداي وعليّ مـازال سقـم الغادرة وعداي انظر لسقمي وشوف مصيبتي وعداي يشهد عليّ الصبر والحال مني فنى أبات انهش يميني والمداوي فنى إن جيت تسأل عن جنابي يا مليحي فنا طايح بحملي ما بين حواسدي وعداي #زهيريات #فن_اصلي #احمد_الرشود

القلب مجروح وعيني بالدموع تهل والشوق بي حن وعبراتي عليك تهل قالوا علامك كذا شروى اليتيم تهل والحب قدر سبابك راح ما تفتك تعبان في ذا الدهر ما ظنتي تفتك وش حالتك يا مغربل كل يوم تهل #زهيريات #فن_اصلي

غصيّن الأزهار شوف عقلي بحبك طار وأدعيت قلبي مولّعٍ فى هواك و طار شَميّت أنا من خدودك عنبرٍ و أعطار ياشبه ظبي مع الغزلان له معنى يا ليت أشوفك و أحوفك يا الغضي مَعْنا طلبت أنا الله راعى الجود يجمعنا وترد قلبي عليْ من عقب ماهو طار #زهيريات #فن_اصلي #فرج_بومتيوح #البحرين

سمرا ، عيونج بحر ، ماله أبد مينا نهديه شوق وسهر ، للموت يهدينا ضيّع ليالي العمر ، ضاعت أسامينا يا سمرا شحجي بعد؟ عن رحلة الأسفار وعن شوق ما ينوصف بأيّة كتب وأسفار غبْنا ، وردْنا الهوى لج من بعد أسفار عشّاق هدْنا التعب ، في شوق لمّينا #زهيريات #وضّاح #فن_اصلي

فارقت بدر فلا مثله يلوح بدار وامسي حزين القلب كن صايغينه بدار ظلّيت أباري ظعنهم والمسير بدار الجسم عندي وروحي عندهم تبرى وسيوف اهل الهوى بمفاصلي تبرى ما ظن جرحي يطيب او علّتي تبرى حنا مقيمين وانتو كل يوم بدار #زهيريات #فن_اصلي #عبدالله_الفرج

لا خل دايم ولا مال لأهله دام العز مادام يجري على مدام دام الدهر ياما خرّب قصر وعمّر دام غدارة ما وفت لي في غرامك ومن وسيوف لحظيه في لب المحاسن ومن الدهر لاتأمنه لو مال صوبك ومن يندم ويدعيك في بحر الندامه دام #زهيريات #فن_اصلي #عبدالله_الفرج

ناسي الود مقدارك ترى ما نِقَص كل ما نما الشوك في زرعك نشد ونِقِص يغرونك الغُرْب يعطونك هدايا ونقص خوَّنْت فينا وإذا بروس الأصابع تُمُر مرصود هَمْس الخطى ولا علينا تُمُر إن كنت تخفي النوى كل ما أكَلْت التَمُر غيرك يعد النَخل .. چَم عذْق منّه نِقَص! #زهيريات #فن_اصلي #وضّاح

الفن الزهيري اجمل مافيه : البساطة الأصالة جمال اللغة و بلاغتها بإعادة نفس الكلمات لكن باختلاف معانيها

تبدلت يا وليف الروح منت ذاك الأولي   لا وفيت ولا وفا لي عهدٍ بك أولي    خبري فيك بشوفتي تنسى تاليك والأولي   برتجيك يا زين عل إنك راجعن لصوابك   عسى شر الحاسدن ماصابني وصابك   ياويل خافقي لايكون الولع إبغيري صابك   بنشدك عن روحن غدت مع ذاك الأولي ! #زهيريات #فن_اصلي