AyaNexus

سادة ولا ملون؟ 😁

كل واحد ينزلي باللاتيه والكيبورد بتوعه كدا

أنا مقتنعة ١٠٠٪ إن أغلب مشاكلنا الجسدية هتتحل لما: ١- ناكل أكل صحي متوازن ٢- ننام ٨ ساعات كل يوم ٣- نشرب من لتر ونص ل اتنين لتر سوايل يوميًا ٤- نقلل السكريات والدهون والأطعمة المُصنعة ٥- نغسل أسنانا كل يوم ٦- نحاول نتحرك على قد ما نقدر ونتعرض لأشعة الشمس الموضوع بسيط والله مفيهوش حرمان، مفيهوش مجهود كبير، مفيهوش حاجة تهدد ال comfort zone اللي المخ عايش فيها عايز تاكل شيبسي واندومي وحلويات كل ولكن بتوازن كيس شيبسي واحد كل شهر مش هيعمل مشكلة لكن كيس شيبسي كل يوم هيعمل مش قادر تنزل تروح الجيم أو معندكش وقت أو مكسل؟ مش لازم، اتحرك في الشقة وقوم روق اوضتك وانزل هات طلبات البيت بتنسى تشرب؟ حط ازازة مياة جمبك ونزل أي ابليكيشن يجي قدامك على الموبايل يعملك تنبيه كل شوية تشرب مياة. والسوايل عموما مش شرط مياة صريحة ممكن كوباية نعناع سخن أو كركدية أو ينسون أو قرفة كل الحاجات دي سوايل وفيها أعشاب مفيدة للجسم مش عارف تاكل ايه؟ امشي بمبدأ بروتين وألياف عالية دهون وكربوهيدرات قليلة، بروتين حيواني: لحمة - سمك - فراخ - جبنة قريش بروتين نباتي: فول - عدس - سبانخ - بطاطا - شيا - المكسرات زي السوداني ألياف: الخضروات والفاكهة كلها كتر منهم في أكلك وقسمهم على الأسبوع ونوع في المصادر (أعمل سيرش اكتر عن المنتجات اللي بتاكلها وفيها ايه مفيد لجسمك) حاول تركز على الاحتياج اليومي من أغلب العناصر وشوفه متوفر فين قدامك وهاته الموضوع مش صعب والله ليه بتستتقل؟ ليه بتهمل صحتك اللي من غيرها مش هتقدر تستمتع بأي حاجة في حياتك؟