A.B.M.R

٧ (سناوين) فريقهم بدون بطولات حقق الهلال خلالها ٢ دوري أبطال آسيا، و ٤ دوري، و ٤ كأس ملك، و ٢ كأس سوبر، ووصافة العالم، ويقولون الهلال (كوشتنا) .. ياوجه استح 😂

#النصر_الهلال وصل الغرور بالهلال واستنقاصه من منافسه الجغرافي انه من اوت يخليه يسجل بنفسه هدف😁😁

#النصر_الهلال حالة الاحباط والغبن الي صارت عند اغلب النصراويين الي اقابلهم بسبب هدف لاجامي حرمتهم فرحة الفوز بالدوري -لو حصل- ٢٠ثانيه بين انك تتوج على ظهر غريمك وترد جزء من اهانته لك بملعبك قبل سنتين وبين لقب تحققه على ظهره. ذات يوم الهلال في مباراة تتويج له هزم النصر 5

#النصر_الهلال من غرزة البليهي لرمية لاجامي طاح حظك يانصراوي حتى لو فزت بالدوري بيظل اوت لاجامي اشهر من فوزك فيه.

في #الهلال بعض الاخطاء الي وقعت فترة فهد بن نافل دفع ثمنها الامير نواف بن سعد مثل تواجد انزاغي والتفريط ببعض النجوم و أهمهم مصعب. لكن فيه اخطاء كان يمكن اصلاحها في الفترة الشتوية للامير مثل الظهير الايمن وتكدس المدافعين وتحويل نونيز للاسيوية وجلب بنزيما والمواليد!

#النصر_الهلال بالنسبه للدوري هو منتهي للنصر. الهلال يحتاج مدير رياضي وقبله مدرب يعرف قيمة الهلال ولايستصغره يحتاج لاعبين محليين واجانب. موسم سهل ضيعناه بسبب مدرب جبان واداره تاركه المدرب يخبص بدون تدخل.

#النصر_الهلال كان النصر اوهن من بيت العنكبوت وسهل هزيمته وبنتيجة كبيره لو لا وجود مدرب جبان اسمه انزاغي واداره ماتدخلت ووضعت حد لتخبطات المدرب

#النصر_الهلال الرهان على سالم وبن زيما رهان تكرر كل مره وكل مره يثبت خسارته. للاسف الاعب الي ممكن يفيدك بمثل هالمباريات وضعف دفاع النصر هو عبدالقادر تستبعده وتخلي ليوناردو هذي حركات مدرب جبان مو قادر يستبعد سالم وبن زيما

#النصر_الهلال مجاملة سالم صارت لاتطاق استهتار مهاجمين

#النصر_الهلال اصرار المدرب على تواجد نيفيز كقلب دفاع جريمة جديده يرتكبها الجبان انزاغي. تستغرب وين الاداره عن قرارت المدرب خاصه بمثل هالمباراة الي فيها بطوله.

غدًا موعدٌ جديد 🎬

#الهلال_النصر يحاول اعلام وجمهور النصر تصوير مباراة الثلاثاء على انها مباراة القرن وانها اهم مباراة بين الفريقين من سنوات طويله. ياحلوين مباراة القرن هي وحده وتسمى بموقعة غرزة البليهي. مباراة الثلاثاء فوز الهلال لو تم طبيعي ومتعود لو خسر فكل هلالي مو راضي من بداية الموسم عليه.

#الهلال_الخلود بالتوفيق للهلال كبير اسيا وتحقيق الانتصار وان شاءالله ينهيها بالشوط الاول.

#الشباب_النصر كروت مستحقه على لاعبين النصر تجاهلها الحكم! هل فيه من بلغه او وجهه انه مايعطي لاعبين النصر كروت توقفهم امام الهلال!!

#الهلال_الخليج بهذا المستوى والاداء حتى لو تفوز على النصر وهو شيء مستبعد بسبب الارهاق والتنقل مستحيل تضمن فوزك بالدوري وممكن ينهزم في المباراتين المتبقيه

#الهلال_الخليج تحضير نفسي سيء لاعبين بدون طموح ولاحافز ولاكأن الفوز مطلب. مااستغرب من الاعبين لأنه موجديد عليهم الاداء العفن استغرب من غياب الاداره وترك المدرب يعبث بالفريق وعدم اعطاء فرصه للاعبين مثل مهاجم المواليد وبوابري!!

#الهلال_الخليج بالتوفيق للهلال مباراة صعبه ان شاءالله ماتتكرر مباراة التعاون قبل كم سنه.

نتيجة مباراة #النصر_القادسيه تفيد الهلال لكن هلال انزاغي مايجمّل وممكن يضيع الفرصه امام الخليج. لو المنافس غير هلال انزاغي اعتقد راح يخطف الصداره. من سوء الدوري اذا النصر يكون بطله او حتى الوصيف

ماشاءالله كل مباراة لاعب منهم يلعب حارس ثاني. الفريق الوحيد الي مسموح لاعبينه يلمسوا الكوره بيدهم..

#الهلال_الحزم والله الواحد مايدري وش يقول لكن كل مره اقول هذا ادنى مستوى ولعب وصل له الفريق اتفاجأ انه يجي بعدها بمستوى واداء اسوء. مهما كان سوء المدرب لكن اداء الاعبين وبرودهم شي ينرفز. قدام الخليج اتوقع راح نتعادل او ننهزم