Bandar Alsubaie

مدري وش اكتب وش اخلي لكن أفتخر في ابوي الله يرحمه الي ترك وراه سيره عطره ابوي عاش يتيم، ابوه توفى وهو في بطن أمه ومع هذا كافح من صغره وتوظف بدري عشان يكون نفسه ويبني حياته ورغم قل المعيشه مايقصر على ربعه وجيرانه ومن حوله ومثل مايقول في ابيات له: اعيش من صغرتي يتيم ومحايد وخيري على من قربني دايم زايد وحاصل على المرجلة لو دونها الكايد دولار بريال والعملة سعودية عرفه الناس بكرمه وطيبته وبابه المفتوح للضيف والجيران والجماعة ، رغم القل والوضع المادي القليل جداً وكما قال الدكتور ثواب السبيعي: في بيت منفوحه خطرك الميامين ماردتك عنهم ظروفٍ عصيه للموجبه تِكرِم ولو كان بالدين يمناك دايم بالكرامة نديه ____ وعبدالعزيز ابن جدعان رحمه الله يقول بيته مركز لسبيع ولشيوخ سبيع به حاجات وفعله يخطف الاضواء و اهل الحسد شاويها ————— وكان من الناس اللي يحرصون على لمة الأهل واجتماعات الحي والعائلة و زي ماقال الشاعر/ عبدالعزيز بن جدعان رحمه الله: كريم مدته جزله ولم الشمل له عادات له بيوتً مفتحتن للطرقي وناصيها شباب الديره يجونه بيوته كنها اوتيلات ذا نازل وذا راحل وذا متربع فيها يضيفهم و يوظفهم ويحامي عنهم محامات هو اللي يدرس الجلسه ويفلج من سعا فيها وبعد وفاته ترك فراغ كبير عند الجماعه والجيران وكل من عرفه فراغ كبير وكما قال الشاعر/ خالد بن عياش في مرثيته لوالدي : يالمملكة اخذي عزا الفيصليه في ثالث أبراج الرياض و علمها الى ان قال: قصه كفاحه بالشقاء عالميه لكن ابو ياسر بطيبه ختمها

الوضع الحالي في السعودية مع تفاقم مشكلة الرسوم والرخص لكل صغيرة وكبيرة وفي كل مجال وقطاع (موثوق، فال، ارصاد، فكرية، سلامة، حماية، نذالة! الخ الخ) المشكلة أنهم يأكلون رأس مالك في أي مجال قبل حتى البداية فيه ويقتلون أو يصعبون جداً النجاح الدول المتقدمة ما تاكل رأس المال، تنتظر الشخص ينجح ويحقق أرباح ويرتاح ثم يأتون يطرقون بابه يطالبونه بالضرائب، يعني ياكلون من الربح وليس رأس المال عندنا العكس، العبقري أبو راس مربع في كل هيئة يحط قوانين هوا وربعه ياكلون فيها رأس مال كل شخص يبغى يشتغل في أي مجال ويجي بعدين واحد مطبلجي يكتبلي طيب شوفي يزيد الراجحي ناجح وفاتح علامات كثيرة ليش ما اتضرر، الغبي يعتقد الأثرياء يتضررون من هذه التعقيدات وهوا قادر بضغطة زر يرفع راس ماله ثلاث أضعاف عشان يستوعب الزيادات الي تاخذها الهيئات، لكن تعال انت يا فقراوي واجمع رأس مال ٣٠٠ ألف تتعب عليها شهور عشان تفتح نشاط تجاري وشوفهم الهيئات وهما ياكلون رأس مالك وأتحداك تنجح، حتفشل غصباً عليك كطبقة فقيرة أو متوسطة يستحيل النجاح في النظام الحالي، النظام الحالي ينجح فيه فقط الأجانب والطبقة الثرية والمخملية فضفضة ✋

Quote tweet معلومة عن ابوك تفتخر فيها؟؟؟