BBC Aimsir

Breagha is nas blàithe an-diugh ach a bheil a choltas oirre gum mair i? Seo Sarah le sùil air an aimsir a-màireach agus an-earar.

Ruig i 17C ann an Siorrachd Adhar an-diugh ach a choltas oirre gu faodadh feasgair a-màireach a bhith nas blàithe buileach is dùil ri 18C mu Mhoireabh is Siorrachd Obar Dheathain.

Iomradh air cò ris a bhios an t-sìde coltach tron a' chòrr dhen t-seachdain-obrach-sa, le Derek.

Le brùthadh àrd air an t-slighe, chì a' chuid as motha againn gum mair i tioram tron a' chòrr dhen t-seachdain seo. Bi a' ghaoth reusanta socair cuideachd, agus mòran againn gu bhith faicinn greisean grèine. Tha tuilleadh aig Derek.

Ged a bhios blas caochlaideach fhathast oirre a-màireach, 's ann a thig piseach oirre mu mheadhan na seachdaine agus i a' faireachdainn nas blàithe. Seo Joy le tuilleadh fiosrachaidh.

Sealladh air speuran na dùthcha tro shùilean ar #BBCWeatherWatchers èasgaidh. Taing mhòr don a h-uile duine a chuir dealbhan thugainn. Joy

Cò ris a bhios i coltach an ath sheachdain? Tha barrachd aig Caitriana...

Flùraichean airson Là nam Màthraichean. Measgachadh de fhrasan 's greisean grèine feasgar. Gaothach. 6C-10C.

'S e Derek a th' aig a' mhapa dhuinn an-diugh, a' toirt sùil air cò ris a bhios an t-sìde coltach thar nam beagan lathaichean a tha romhainn. Ach an e deagh no droch naidheachd a bhios aige dhuinn?

Aithris sìde na deireadh seachdaineach, le Derek.

Chan eil ach blasad gu math fuar, gaothmhor agus frasach air an t-sìde thar na lathaichean a tha romhainn. Agus rabhadh buidhe airson sneachd agus deigh an sàs aig Oifis na Sìde a-nochd agus madainn a-màireach. Tha tuilleadh aig Derek.

[18:20] Mar a chì sibh bhon dealbh-rèideir, 's ann gu math fliuch a bha i tro mhòran sgìrean tron latha an-diugh. Ged a fhuair sinn cuidhteas dhen uisge as leantainniche, ghluais am pailteas de fhrasan a-steach air a' ghaoith - is bha cuid dhiubh sin trom le tàirneanaich.

Rabhadh 'son SNEACHD & DEIGH an sàs bho mheadhan-oidhche gu 9 uairean madainn a-màireach. Tha dùil gum faicear 2-5cm de shneachda a' tuiteam gu farsaing an seo - ach cho mòr ri 10cm air talamh nas àirde na 350m. Ach dh'fhaodadh àiteachan eile beagan sneachda fhaicinn cuideachd.

Bidh sibh air mothachadh cho garbh 's a tha i air a bhith a-muigh ann a shin an-diugh. Seo dìreach cuid de na h-uspagan-gaoithe as làidire a chaidh a chlàradh gu ruige seo Diardaoin. 60msu+ = Fìor neart gèile

Às dèidh latha gu math gaothmhor, frasach a bhith againn an-diugh - saoil an tig piseach oirre airson an dara leth dhen t-seachdain? Seo Derek leis am fiosrachadh.

Rabhadh buidhe airson gaoth làidir ga fhoillseachadh le Oifis na Sìde airson a-màireach (Diardaoin). Dh'fhaodadh a' ghaoth co-dhiù beagan troimh-chèile adhbharachadh, gu h-àraid do chòmhdhail. Bi i gaothach fad is farsaing tron a' latha a-màireach.

'S ann gu math gaothach agus fliuch a tha an aimsir a' coimhead, is fiùs fìor ghèiltean san amharc do chuid. Tha co-dhiù beagan troimhe-chèile, gu h-àraid do chòmhdhail, buailteach. Mar sin, 's math as fhiach sùil mhionaideach a chumail air an t-sìde.

Tha Oifis na Sìde air rabhadh buidhe airson fìor ghèiltean fhoillseachadh bho mheadhan-oidhche a-nochd gu meadhan-là a-màireach. Dh'fhaodadh i neart stoirm a ruighinn aig amannan (70msu+). Tha troimhe-chèile buailteach mar thoradh air neart na gaoithe, gu h-àraid do chòmhdhail.

Le brùthadh ìosal aig an stiùir an t-seachdain-sa, chì sinn gur ann gu math caochlaideach a mhaireas i le uisge agus frasan air is dheth, agus fìor ghèiltean san amharc do chuid cuideachd. Seo Derek le tuilleadh.

Seo Katie le sùil air sìde toiseach na h-ath sheachdaine.