Balochistan Insight

نیو گوادر انٹرنیشنل ایئرپورٹ پر ساؤتھ ایئر کی پہلی آزمائشی پرواز کی کامیاب لینڈنگ ہوگئی گوادر، جو پاکستان چین اقتصادی راہداری (CPEC) کا مرکزی مرکز سمجھا جاتا ہے، اب فضائی روابط کے ایک نئے مرحلے میں داخل ہو رہا ہے۔ نیو گوادر انٹرنیشنل ایئرپورٹ تقریباً 4300 ایکڑ رقبے پر قائم کیا گیا ہے، اور جدید تقاضوں سے ہم آہنگ اس ہوائی اڈے کو سالانہ تقریباً چار لاکھ مسافروں کی گنجائش کے ساتھ ڈیزائن کیا گیا ہے، جو مستقبل میں بڑھتی ہوئی فضائی ضروریات کو پورا کرنے کی صلاحیت رکھتا ہے۔ ساؤتھ ایئر کی آزمائشی پرواز کی لینڈنگ اس امر کی نشاندہی کرتی ہے کہ گوادر کو کراچی، لاہور، اسلام آباد، کوئٹہ اور دیگر اہم شہروں کے ساتھ فضائی طور پر زیادہ مؤثر انداز میں منسلک کیا جا سکے گا۔ اس پیش رفت کے نتیجے میں نہ صرف سفری دورانیے میں کمی متوقع ہے بلکہ مقامی آبادی، کاروباری حلقوں اور سرمایہ کاروں کو بھی براہِ راست سہولیات میسر آئیں گی۔

آج عید کے دن بی ایل اے کی جانب سے پنجگور میں عوامی املاک کو نقصان پہنچانے کی کوشش کی گئی،عام شہریوں کو ہراساں کیا گیا،بی ایل اے نے اپنا ڈر قائم کرنے کی ناکام کوشش کی جسے سیکیورٹی فورسز نے ناکام بنادیا،بی ایل اے کے 4 کارندوں کو ہلاک کردیا۔

فیلڈ مارشل سید عاصم منیر نے عیدالاضحی کے موقع پر بلوچستان کے ضلع ژوب کا دورہ کیا اور مغربی سرحدی علاقوں میں تعینات اگلے مورچوں پر موجود جوانوں کے ساتھ عید منائی۔ دورے کا آغاز نمازِ عید کی ادائیگی سے ہوا،فیلڈ مارشل سید عاصم منیر نے افسران اور جوانوں کو عید کی مبارکباد دیتے ہوئے ان کے غیر معمولی عزم، ثابت قدمی، پیشہ ورانہ تیاری اور بیرونی سرپرستی میں ہونے والی دہشتگردی کے خلاف مسلسل چوکس رہنے کے جذبے کو سراہا۔ انہوں نے دہشتگردی اور دشمن قوتوں کی سرپرستی میں ہونے والے خطرات کے مقابلے میں قوم کے دفاع کے لیے افواجِ پاکستان کی قربانیوں، جرات اور بہادری کو خراجِ تحسین پیش کیا۔ فیلڈمارشل نے کوئٹہ میں حالیہ حملے پر کہا کہ ایسے غیر انسانی اور بزدلانہ اقدامات پاکستان کی مسلح افواج اور قوم کے عزم کو کمزور نہیں کرسکتے۔ انہوں نے اس عزم کا اعادہ کیا کہ افواجِ پاکستان، قانون نافذ کرنے والے اداروں اور بلوچستان کے عوام کے تعاون سے دہشتگردی کے تمام سہولت کاروں، معاونین اور عناصر کا بھرپور تعاقب جاری رکھیں گی۔

بریکنگ:سیکیورٹی فورسز نے بی ایل اے کے خلاف خفیہ اطلاعات پر آپریشن کرتے ہوئے مستونگ میں 15 دہشتگردوں کو ہلاک کردیا ہے۔ سیکیورٹی فورسز کو خفیہ اطلاع بی ایل اے کے ہی کارندے نے دی جس کی بنیاد پر کارروائی کی گئی۔

نوشکی میں بی ایل اے نے متعدد کارگو کنٹینرز اور ٹرکوں کو آگ لگائی ہے اور یہ کنٹینرز اور ٹرک بلوچ اور پشتون ٹرانسپورٹرز کے ہیں۔ان کنٹینرز کے ڈرائیورز جنہیں یرغمال بنایا گیا وہ بھی زیادہ تر بلوچ ہیں۔ بی ایل اے کی جانب سے بلوچ اور پشتون مزدروں کے روزگار کو یوں نشانہ بنانے کا سلسلہ تیز ہورہا ہے،عمائدین نے شدید مذمت کرتے ہوئے خیالات کا اظہار کیا ہے کہ پہلے پنجابیوں کے نام پر ہمیں نشانہ بنایا جاتا تھا لیکن اب پشتون ٹرانسپورٹرز کو نشانہ بناکر بی ایل اے نے ثابت کردیا ہے کہ ان کا مقصد صرف اور صرف بلوچستان کی تباہی اور عوام کی پسماندگی ہے۔

کوئٹہ میں تباہی مچانے والا حملہ آور بی وائے سی کا چہیتا نکلا۔ بی وائے سی نے ایک سالانہ رپورٹ جاری کی جس میں چمن پھاٹک پر سول آبادی پر حملہ کرنے والے بلال شاہوانی کا نام لاپتہ افراد کی فہرست میں شامل تھا۔ جیسے ہی بلال شاہوانی کی تصویر بی ایل اے نے جاری کی اور تصدیق ہوئی کہ حملہ آور کا نام بی وائے سی کی لاپتہ افراد کی سالانہ رپورٹ میں شامل تھا تو بی وائے سی کے اکاؤنٹس نے وہ رپورٹ ہی ہر ڈیجیٹل پلیٹ فارم سے مٹانا شروع کردی ہے۔

گزشتہ روز کوئٹہ میں بی ایل اے نے حملہ اسرائیل کی مدد سے کیا،اسرائیل نے براہ راست پاکستان پر حملہ کیا! لیری جانسن امریکی سی آئی اے کے ریسرچراور ڈیٹا اینالسٹ رہ چکے ہیں،اس وقت امریکی میڈیا پر بطور تجزیہ کار بیٹھتے ہیں،انہوں نے خطرناک انکشاف کیا ہے کہ گزشتہ روز بلوچستان میں عام بلوچ عوام پر بی ایل اے کا حملہ اسرائیل کی مدد سے کیا گیا ہے۔ اسرائیل نے پاکستان کے ایران امریکہ ثالثی میں کردار اور حالیہ ممکنہ ڈیل کے پیش نظر جواب دیا ہے،اب دیکھنا ہے کہ پاکستان اس کا کیسے جواب دیتا ہے۔ لیری نے انکشاف کیا ہے کہ بی ایل اے اور اسرائیل کی 46 سال سے انٹیلی جینس پر معاونت چل رہی ہے،یعنی اب بی ایل اے براہ راست اسرائیل کی مدد لیکر عام بلوچ عوام کو نشانہ بنارہی ہے؟

سیکیورٹی فورسز نے گوادر یونیورسٹی کے وائس چانسلر ڈاکٹر عبدالرزاق صابر،پرو وائس چانسلر ڈاکٹر سید منظور،ڈاکٹر ارشاد اور ڈرائیو کو بازیاب کرالیا۔ گوادر یونیورسٹی کے وائس چانسلر کو ساتھیوں سمیت گزشتہ دنوں بی ایل اے نے اغواء کرلیا تھا،وائس چانسلر پر ریاست مخالف سرگرمیوں،طلباء میں بی ایل اے کے لئے سوفٹ کارنر پیدا کرنے کے لئے دباؤ ڈالا جارہا تھا،انکار پر انہیں بی ایل اے نے اغواء کرلیا تھا۔

یہ ویڈیو دیکھ کر فیصلہ کریں کہ بی ایل اے کا نشانہ کوئی فوجی اہلکار تھا یا پھر عام بلوچ عوام،ان کے گھر،املاک اور کاروباری اثاثے؟ گرلز ہائی اسکول کی پرنسپل کا خاندان متاثر ہواہے،اسکول کو شدید نقصان پہنچا ہے،بلوچ تاجرکا پلازہ تباہ ہوگیا ہے،شہریوں کی سینکڑوں گاڑیاں متاثر ہوئی ہیں۔ بی ایل اے اور ان کے سہولت کاروں کا نشانہ عام بلوچ ہی ہیں اور اس کی بنیادی وجہ سیکیورٹی فورسز سے پے درپے ملنے والی شکست کی سبکی مٹانا اور اپنا ڈر عوام کے ذریعے قائم کرنے کی ناکام کوشش کرنا ہے۔

وزیرداخلہ محسن نقوی نے کوئٹہ پہنچتے ہی وزیراعلیٰ بلوچستان کے ہمراہ اہم سیکیورٹی امور پر اجلاس کی صدارت کی ہے۔ چمن پھاٹک حملے پر بریفنگ دی گئی

وزیرداخلہ محسن نقوی ہنگامی دورے پر کوئٹہ پہنچ گئے

چمن پھاٹک حملے میں بی ایل اے کا نشانہ عام بلوچ عوام اور ان کے اثاثے تھے،یہ گرلز ہائی اسکول ہے جس کی عمارت دھماکے سے شدید متاثر ہوئی ہے۔بی ایل اے کا مقصد بلوچ خواتین کو تعلیم یافتہ ہونے سے روکنا ہے تاکہ وہ ان کے جھانسے میں آکر خودکش بمبار بن سکیں،اسی لئے خواتین کو شعور سے دور رکھنا چاہتے ہیں۔

بلوچستان میں بلوچ خاندان، شوہر، بیوی اور دو بچوں کی شہادت نے ایک بار پھر بی ایل اے اور اس کے سہولت کار نیٹ ورکس کو ننگا کردیا ہے۔ قومیت، ڈی این اے اور شناخت کے نام پر چلائی جانے والی تشدد کی سیاست آخرکار بلوچ عوام، حتیٰ کہ بلوچ خاندانوں ہی کو نگل رہی ہے۔گزشتہ دنوں بی ایل اے کی جانب سے خواتین خودکش بمباروں کے نئے بیچ کا اعلان کیا گیا۔ بلوچستان جیسے قبائلی روایات رکھنے والے معاشرے میں خواتین کی سیکیورٹی تلاشی ایک نہایت حساس اور پیچیدہ معاملہ ہے، جہاں سماجی حساسیت اور ثقافتی روایات کے باعث قانون نافذ کرنے والے اداروں کو اضافی چیلنجز درپیش ہوتے ہیں۔ جب بھی خواتین کی سیکیورٹی اسکریننگ یا مؤثر حفاظتی اقدامات کی بات ہوتی ہے، بعض حلقوں اوربی وائے سی جیسے پلیٹ فارمز کی جانب سے فوری پروپیگنڈا شروع کردیا جاتا ہے۔ سوال یہ ہے کہ اگر دہشتگرد گروہ خواتین کو بطور آپریشنل اثاثہ استعمال کریں تو ریاستی ادارے شہریوں کے تحفظ کے لیے کیا حکمت عملی اختیار کریں؟ ایسے بیانیے دانستہ طور پر بی ایل اے کے لیے آپریشنل خلا پیدا کرتے ہیں

ایک بار پھر بی ایل اے نے مسافر ٹرین کو نشانہ بنایا،عام بلوچ عوام کو نشانہ بنایا۔ سیکیورٹی فورسز سے مسلسل شکست کھانے کے بعد بی ایل اے نے طویل عرصے سے نہتے بلوچ عوام کو نشانے پر رکھ لیا ہے۔ آج کوئٹہ میں چمن پھاٹک پر مسافر ٹرین کو نشانہ بنایا گیا،بالکل ویسے ہی جیسے جعفر ایکسپریس کو نشانہ بنایا گیا تھا،جس کے بعد پوری دنیا نے بی ایل اے پر پابندیاں عائد کی تھیں،مذمت کی تھی۔

یہ بوڑھی ماں غیر مقامی نہیں ہے بلکہ ایک بلوچ نوجوان کی ماں ہے جس کے نوجوان بچے شاہ مراد کو بی ایل اے نے اس لئے اغواء کرلیا کیوں کہ وہ اُن کے لئے کام نہیں کررہا تھا،جاسوسی پر آمادہ نہ ہوا۔ شاہ مراد کو بی ایل اے نے مسلسل دباؤ کے ذریعے اپنے لئے فورسز کی جاسوسی کرنے پر راضی کرنے کی کوشش کی،اہم تنصیبات اور مقامات کی ریکی کرنے کے لئے مناتے رہے،مسلسل انکار کے بعد شاہ مراد کو اغواء کرلیا گیا۔ اب شاہ مراد کی بوڑھی ماں قرآن مجید اٹھاکر بی ایل اے سے اپنے لخت جگر کی زندگی کی بھیک مانگ رہی ہے۔مقامی عمائدین نے بی ایل اے کے اس عمل کو شدید تنقید کا نشانہ بنایا ہے اور واضح کیا ہے کہ یہ گروہ بلوچ عوام کا نمائندہ ہے اور نہ ہی ان کے حقوق کی جنگ لڑرہا ہے بلکہ یہ بلوچ عوام کے دشمن ہیں۔

ایف سی ہیڈکوارٹر پر خودکش اور مسلح حملے کے ماسٹر مائنڈ کمانڈر بصیر کو ایک خفیہ آپریشن میں ہلاک کردیا گیا، جبکہ اس کا ایک قریبی ساتھی گرفتار کرلیا گیا۔ balochistaninsight.com/747-sofayv/

بلوچ عوام کو لوٹنے آنے والے 2 دہشتگرد مارے گئے ہلاک دہشتگرد شہری علاقوں میں لوٹ مار اور بلوچ عوام کو نشانہ بنانے کی غرض سے داخل ہونے کی کوشش کر رہے تھے۔ balochistaninsight.com/743-ciuceq/

وزیراعظم محمد شہباز شریف کا کمانڈ اینڈ سٹاف کالج کوئٹہ کے دورے کے دوران خطاب پاکستان کا دشمن ہم پر بری نظر ڈالنے کی جرات نہیں کرے گا۔ ہمارا انسداد دہشت گردی آپریشن گزشتہ دو دہائیوں سے جاری ہے۔ غضب للحق مہم نے ہمارے دشمن کے دل میں خوف پیدا کر دیا ہے۔ ہمیں اپنے محافظوں پر فخر ہے جو ہماری خود مختاری کے نگہبان ہیں،آپ دیگر اداروں کے ساتھ ساتھ پاکستان کی تاریخ، روایات، بقا کے امین ہیں

“آپریشن غضب للحق جاری رہے گا” وزیر اعظم شہبازشریف اور فیلڈمارشل کا دورہ بلوچستان وزیراعظم شہباز شریف نے کمانڈ اینڈ اسٹاف کالج کوئٹہ کا دورہ کیا، افسران سے خطاب میں پاک فوج کی پیشہ وارانہ صلاحیتوں اور قربانیوں کو خراجِ تحسین پیش کرتے ہوئے فیلڈ مارشل سید عاصم منیر کی قیادت میں تاریخی کامیابیوں کو سراہتے ہوئے کہا کہ پاکستان اپنی خودمختاری اور علاقائی سالمیت کے دفاع کیلئے ہر قیمت ادا کرے گا،جبکہ آپریشن غضب للحق دہشتگردوں کے خلاف پوری قوت سے جاری ہے۔

وزیراعظم شہبازشریف ایک روزہ دورے پر کوئٹہ پہنچ گئے،نیشنل ایکشن پلان کے حوالے سے صوبائی ایپکس کمیٹی کے اجلاس کی صدارت کریں گے۔