Baloch Women Forum

Zubaida Baloch and her daughter in law Zarnaz were forcibly abducted by security forces on 29 April 2026 from Tejaban Kech.Since then, no information has been made public about their whereabouts or legal status, leaving their family in prolonged anguish and unanswered questions. This incident follows the killing of Daulat, husband of Zarnaz, on 18 February 2026 in an incident involving state backed death squads.The repeated targeting of this family highlights a continuing reality in which abduction of Baloch women is being normalized within the prevailing security framework raising serious concerns of collective punishment directed at civilian families in Balochistan. Urgent disclosure of their whereabouts and accountability for those responsible is demanded. The growing institutional acceptance of enforced disappearances of Baloch women signals a deterioration in rule of law standards and weakening of civilian protection mechanisms. It further indicates the use of coercive state practices amounting to family based reprisals, where entire households are subjected to intimidation and deprivation of liberty, deepening political repression and eroding fundamental rights guarantees. #SaveBalochWomen

فیمینزم چی یے؟ آزر مراد دنیا ءِ راجدپتر ءِ تہا چُشیں بازیں آشوبی دور گندگ بیت کہ چہ گلامی، زلم، حق جنی ءُاستحصال ءِ سوب ءَ وجود ءَ اتکگ اَنت ءُ ھمے استحصال ءِ ھلاسی ءِ ھاترءَ جنگ اِش داتگ۔ فکشنل دنیا ءِ تہا’’پروموتھیس‘‘ آ اولی کردار اِنت کہ پہ بنی آدمانی حق جنی ءِ سوب ءَ دیوتایانی ھلاپ ءَ رؤت ءُ آس ءَ پہ دنیا ءَ سرکنت ءُ ھمے آشوبی کار ءِ سوب ءَ دیوتایانی گلاس نہ بیوکیں’’ کہر‘‘ءِ آماچ بیت۔ پروموتھیس یک فکشنل کردارے بلئے ھما گپ کہ اے کردار ءِ کسہ ءَ گوں ھمگرنچ انت ءُ پہ بنی آدماں یک درورے ءِ ھساب ءَ کار دنت آ ایش اِنت کہ دیوتایانی بنی آدماں چہ زانت ءُزانگ ءَ دیر دارگ ءِھما واہگ کہ ھست اِنت آ واہگ پہ بنی آدماں زلم ءِ ءُ پہ آیاں یک استحصالےءِ دْروشم ءَ چارگ بیت ءُ پروموتھیس ھمے استحصالءُ حق جنیءِ ھلاپءَ دیوتایانی دیما اوشتیت ءُ آسءَ چہ آزمانءَ زمینءَ سرکنت۔ راجدپترءِ تہا چشیں بازیں بامردانی نام ھوار اَنت کہ پہ ھکءَ ءُ استحصالءِھلاپءَ جنگ ئِے بندات کتگ ءُ آشوب ئِے آؤرتگ۔ ھمے پئیمیں یک آشوبی جنزے منی نزیکءَ فیمینزم اِنت۔ بیت کہ باز مردم فیمینزمءَ چشیں ٹوہیں آشوبے سرپد مہ بیت کہ من برز ءَ داتگ بلئے پہ من فیمینزمءِ جنز ایدگہ جنزءَ چے تُشے ھم کمتر نہ بوتگ، پرچاکہ اے جنزءِ بندات ھم پہ حق ءُاستحصالءُ گلامیءَ چہ آجوئیءِ ھاترءَ بندات بوتگ۔ فیمینزم چناہا یک فلسفیانہ ڈیسکورسے بلئے یک انچیں ڈسکورسے کہ آئیءِ چاگردی رنگ بازیں فیمینسٹ زانتکاراں چاگردانی تہا ھوار گیتکگ اَنتءُ آشوبءِشکل دیما آؤرتگ اَنت۔ جرمن جنینے ءَگشتگ اَت کہ ’’منی راجدپتری کتاب دروگ بند اَنت، آ گش اَنت کہ منی وجود نیست اَنت‘‘۔ آ زالءَ اے گپ ھمے ھاترءَ جتگ اَت کہ دنیاءِ راجدپترءِ نبشتہ کنوک مدام مردین بیتگ اَنت، مردینءَ مدام راجدپتر وتی میراس کتگ ءُ نبشتہ کتگ۔ ھمے سوبءَ دنیاءِ راجدپتر مردین ءِ راجدپتر انت، زالبُول ءِ نہ اِنت۔ اگا ں ھیرت چاری کنگ بہ بیت تہ اے گپ پدر بیت کہ بنی آدم ءِ چاگردی دیمروئی ءِ ھاترءَ آ کردار کہ زالبول ءَ پیش داشتگ آ مردین ءِ کردار ءَ چہ گیشتر بیت، بلئے کمتر نہ بیت۔ دلگوش اے نبشتانک بلوچ وومن فورم ءِ تاک “برمش” ءَ چہ زورگ بوتگ پہ گیش وانگ ءِ واستہ جہل ءِ داتگیں لنک ءَ کِلک بہ کن اِت، منتوار balochwomenforum.org/%d9%81%db%8c%d…

Senior officials from the University of Gwadar reportedly went missing while traveling on official duty from Gwadar to Quetta. Available reports state that Vice Chancellor Dr. Abdul Razzaq Sabir, Pro-Vice Chancellor Syed Manzoor Ahmed, Dr. Irshad Buledi and their driver Hatum were traveling through the Khad Kocha area of Mastung district when contact was lost. The situation has prompted concern among their families and the academic community.The matter has drawn attention to broader concerns particularly those affecting individuals engaged in academic and public service roles. We demand their immediate and safe recovery.

رُژن اندیم نہ بیت بلوچ وومن فورم پروفیسر غمخوار حیات ءِ کوش انچائیں وئیلے نہ اِنت، اے گوں بلوچ ءَ زانت دُژمنی یے زانگ بیت۔ پمیشکا بلوچ راج ءِ زانتکار ءُ کواسانی جَنگ ءُ کُشگ مرچیگیں ھبرے نہ اِنت، بلے اے دْرچ ھمے گپّ ءَ پدّر کنت کہ اے جتا ءُ ناگتیں وئیلے نہ اِنت، بلکیں اے زانت دُژمنی ءُ بلوچ راجی چُکچینی ءِ بھرے زانگ بیت۔ ادیب، شائر ءُ زانتکار، دانش ءُ اِلم دوستیں پروفیسر غمخوار حیات ءِ کوش ھما درد ءُ اندوھناکیں وئیل اِنت کہ زوراکی ءِ رنگ پدّریں رنگے ءَ گندگ بیت، ءُ اے زوراکی ءِ نِشان داں کرناں بلوچ راجدپتر ءَ مان اِیت ءُ یات کنگ بیت۔ اے ھبر تچک اِنت کہ زانتکاریں بلوچ پُسّگ ھاکم ءِ چمّاں کُنٹگ اِنت، ءُ آ اے رنگیں جاوراں پرے ھاتر ءَ ودی کنت دانکہ چاگرد ءِ توکا تُرس ءُ بیمّے پہ مدامی بہ مان اِیت، بلے ھکّ ءُ راستی ءِ توار ناں کہ چرے وئیلاں اُوشت آماچ بوتگ نان کہ پدکِنز اِتگ۔ بلکیں اے رنگیں وئیل درد چکار ءُ تورناک الم بنت، بلے پہ یک ایردستیں راجے ءَ پنتے کہ زانت ءُ زانگ پہ آئی ءَ چنچو الم ءُ ھژدری اِنت۔ چوش کہ اے آئی ءِ مدامی ئیں واھگ اِنت کہ بلوچ رُژن ءِ پدگِر بوَگ ءِ بدل ءَ تارونکی ءِ کُنجے ءَ بہ کپ اِیت ءُ چہ جھان ءَ بے سما بہ بیت، بلے مئے زانتکار ءُ کواسیں سرانی ھون ءِ ھر تْرمپ چو شپچراگ ءَ مارا ماں تھاری ءَ مادنیں کِشک ءِ شون ءَ دنت۔ پمیشکا اے آئی نادانی اِنت کہ آ مئے غمخوار حیات رنگیں کواساں تیر باران کنت ءُ پرے گپّ ءَ شات ءُ گل بیت کہ من جوانیں کارے کُتگ، بلے اے وئیل گْوستانک ءِ تاکاں ابید راج ءِ ھر دلانی اندر ءَ زانت بکشیں اُمیتے بیت ءُ زانشت ءِ چراگ ءَ ھر رھسراں بال اِیت۔ پروفیسر ءُ زانتکاریں بالاد ءِ ھُدابُندیں غمخوار حیات ءِ میار ءُ گُناہ ھمیش اَت کہ آ بلوچے بوتگ ءُ بلوچ ورنا زانت ءُ زانگ ءِ درس داتگ اَنت، بلے بژن کہ پہ بلوچ ءَ وانندگ ءُ زانتکار بوَگ یا کہ زانت ءُ زانشت ءِ ھیل کنگ ءُ دربرگ اے اِستان ءَ زنڈیں گُناھے زانگ بیت۔ ھمے جُرم ءُ گُناہ ءِ پُژدر ءَ پروفیسر غمخوار حیات ءِ سینگ گوں تیراں دوچگ بیت، چی ءَ کہ آئی ءَ چو کندیلیں سبا ءُ ایدگہ کواسیں سرانی داب ءَ زنڈیں گُناھے کُتگ ءُ اے گُناہ ءِ مُزّ شِلسریں تیر اِنت۔ چی ءَ کہ بلوچ ءِ پگری آجوئی اے اِستان ءَ را کدی دوست نہ بیت، پمیشکا اے رنگیں سرانی زندگ ءُ ھست بوگ پہ آئی ءَ تْرندیں بیھارے، بلے چہ مرگ ءَ پد ھما سر پہ مدامی مان اَنت کہ آیاں گوں اِلم ءُ زانشت ءَ مھر ءُ سنگتی کُتگ۔ پروفیسر غمخوار حیات زانشت ءِ آزمان ءَ ھما دْرپشوکیں اِستال بیت ءُ پہ دائمی دْرپش اِیت کہ چہ آئی ءِ رُژن ءَ تھاری ءِ تنداں ھر بیگواھیں مُساپر وت ءَ پد جنت ءُ مادنیں کِشک ءِ راھی بیت۔ پرچا کہ رُژن گوں تھاری ءَ کدی اندیم نہ بیت، ءُ غمخوار حیات رُژنے ءُ پہ مدامی دْرپش اِیت۔

For the past 24 days, Khadija Baloch’s family has been living through unbearable pain and uncertainty. Since her abduction on 21 April 2026, her loved ones have remained on the roads raising their voices and demanding her safe release. Despite their continuous protests and appeals, they still await answers regarding her safe release.The continued absence of any official action regarding Khadija Baloch’s case has intensified the suffering of her family, leaving them in a constant state of fear and anxiety. Her family continues to demand justice and insists that Khadija Baloch must be safely released immediately or produced before a court of law in accordance with legal and human rights obligations. #ReleaseKhadijaBaloch #SaveBalochWomen

اگاں اے ودی کُرتگیں جاورانی سر ءَ کسے کہ اُورتی ءَ چمشانک بہ دنت ءُ چار ءُ بچار ءَ بہ کنت، گُڑا آسر ھمے دیم ءَ کئیت کہ پہ سیاسی توار ءِ گُٹگیر کنگ ءَ اے اِستان روچے یک نوکیں پندلے سازیت ءُ جاورے ودی کنت، بلے گْوستانک مدام اے درس ءَ دنت کہ سیاسی توار پہ زُلم ءُ زوراکی کدی اِیرموش ءُ گُٹگیر نہ بیت، بلکیں گھتر ھمیش اِنت کہ آئی رھبندی لوٹاں بہ منّ ءُ اِیمنیں چاگردے ءِ ٹھینگ ءَ کُمکّار ببو، بلے بژن کہ بلوچ ءَ سر چِست کُرتگ گوں ھمے نااِنساپیاں چیر ءُ سر دیم ءَ روان اِنت۔ اے درگت ءَ سیاسی باسک ءِ بستار ءَ اے مئے کُلانی زمہ واری اِنت کہ ما اے نااِنساپی ءِ ھلاس کنگ ءَ پہ وتی سیاسی توار ءَ توانگر ءُ مُھکم بہ کن اِیں، اگاں مئے رھسراں چونیں کہ اڑاندے، جیڑہ ءُ جنجالے اتک مارا آ گوں سیاسی بودناکی ءُ دُورگِندی ءَ گیش ءُ گیوار کنگی اِنت، بلے وتی سیاسی توار ھِچ رنگ ءَ اِیرموش ءُ گُٹگیر بوَگ ءَ نَیلگی اِنت۔ چہ ھمے ڈسکشن ءُ باوستاں پد آؤکیں گامگیج ءِ تہ ءَ سلطانہ بلوچ وتی زاتی دزگٹیانی بُنیات ءَ چہ تنظیم ءَ دزکش بوتگ، بنجاھی پتّر ءِ باسکاں آئی دزگٹّیانی سبب ءَ دزکشّی کبول کُتگ ءُ رزا داتگ۔ گوں ھمے پیسلہ ءَ ھوار پہ گل ءِ مُھکم ءُ پُرکار کنگ ءِ واستا جتا جتائیں پیسلہ زورگ بوتگ۔ تربیتی پروگرام ءُ ورکشاپ اڈ دیگ بیت، پہ بلوچ راج ءُ باسکانی واستا جتائیں سرھالانی سر ءَ بُک لٹ نبشتہ کنگ بیت۔ ھما زالبول کہ سیاسی ءُ لیٹریری ھوالہ ءَ مزنیں ارزشتے دار اَنت، وھد ءُ جاورانی رد ءَ آیانی کار ءُ پند دیم ءَ آرگ بنت۔ سرجمیں بُنگپانی سر ءَ گوں دلجمی ءَ تران ءَ پد گُڈُسر ءَ دیوان ءِ ھلاسی ءِ جار جَنگ بوت۔ بُنجاھی جارکش: بلوچ وومن فورم 3/3

بلوچ وومن فورم ءِ ششمی بُنجاھی دیوان بُنجاھی آرگنائزر ڈاکٹر شلی بلوچ ءِ سروکی ءَ برجم دارگ بوتگ۔ بلوچ وومن فورم ءِ ششمی بُنجاھی دیوان بُنجاھی آرگنائزر ڈاکٹر شلی بلوچ ءِ سروکی ءَ برجم دارگ بوتگ۔ دیوان ءِ بُنگپ ڈپٹی آرگنائزر ءِ اھوال، نگدکاری، گل کاری، ھندی ءُ میان اُستمانی سیاسی جاور ھال ءُ آؤکیں گامگیج بوتگ اَنت۔ دُرستاں پیش ڈپٹی آرگنائر ءَ شش ماھی اھوال پیش کُرت ءُ آئی سر ءَ گوں دلجمی ءَ گپّ ءُ تران بوت۔ دیمتر ءَ سنگتاں تْران کنان ءَ گُشت کہ نگد یک گلے ءِ تہ ءَ آدینک ءِ کرد ءَ پیلو کنت ءُ آئی ءَ چہ اُوشت آماچی ءَ رکّین اِیت ءُ دیم پہ گھتری ءِ نیمگ ءَ بارت، بلے باسکاں نگد ءِ ارزشت ءُ آئی توامیں تک ءُ پھنات زانگی اَنت کہ کُجام گپ کُج ءَ کنگی اِنت یا کُج ءَ کنگی نہ اِنت۔ پرچا کہ نگد تھنا نگدے مہ بیت، بلکیں 'تنقید برائے تعمیر' بہ بیت۔ ءُ نگد ھما پائدگ مندیں عمل اِنت چہ آئی ءَ سیاسی گل، سیاسی باسک ءُ چاگرد وت ءَ پلگار اَنت، پمیشکا نگد پہ ما سکا باز ھژدری ئیں عملے زانگ بیت۔ چی ءَ کہ نگد تچوکیں آپ ءِ وڑ ءَ اِنت، اگاں آ اُوشت آماچ مہ بیت گُڑا توامیں چِل ءُ لیگاراں لیپگ کنت۔ ءُ بے نگدی ھما عمل اِنت کہ چہ آئی ءَ چاگرد ساپ ءُ سلہ بوَگ ءِ بدل ءَ دنز ءُ مُجانی دیمپان بیت، چہ دنز ءُ گُبار آماچیں چاگرد ءَ گھتری ءِ لوٹ ءُ تلب وتی جند ءِ رِپینگ ءَ ابید دگہ ھِچّے نہ اِنت۔ چرے ھبر ءَ مارا ھمے زانت ءُ سرپدی رس اِیت کہ چہ نگد کنگ ءَ پیسر پہ یک سیاسی باسکے ءَ نگد ءِ سما ءُ سسّا ءِ بوَگ المی اِنت، نگد ءِ راہ ءُ رھبندانی زانگ المی اَنت کہ نگد ءِ جاہ کُجام اِنت، بُنگپ ءِ زانگ، ءُ بنُگپ ءِ سر ءَ کاملیں دزرس ءِ بوگ المی اِنت۔ ما کہ کسے ءِ سر ءَ نگد کن اِیں، آئی ءَ را آئی ردی ءَ نِشان دے اِیں، گُڑا مئے سر ءَ اے الم اِنت کہ ما آئی ءَ راستی ءِ شون ءَ ھم بہ دے اِیں دانکہ آ پد ءَ ھرابیں راہ ءِ بدل ءَ تچک ءُ مادنیں راہ ءِ راھی بہ بیت۔ گُرا آ پہ وتی سیاسی گل ءِ دیمروئی، پہ باسکانی ردوم ءُ پدمنتگیں چاگرد ءِ پلگارگ ءُ گھبودی ءَ جوانیں گامگیجے زُرت کنت کہ آئی آسر سیت ءُ پائدگ مند بیت۔ پرے ھاتر ءَ نگد کنگ ءِ اولی بھر نگدی سما ءُ سسّا زانگ اِنت، دومی وت نگدی اِنت، سَیمی نگد ءِ جند کہ گوں یکے دومی ءَ بندوک ءُ جتا جتائیں بنگپ، پمیشکا ایشانی زانگ پہ مئے واستا، پہ ھر سیاسی باسک ءُ جھدکار ءَ المی اِنت. چی ءَ کہ چہ نگد ءَ پد ایدگہ بُنگپانی گیش ءُ گیوار، پہ گھتر ءُ جوان کنگ ءَ وتی اندر ءَ مزنیں ارزشت ءُ توانے دار اِیت۔ گڑا چرے عمل ءِ کار گِرگ ءَ پد سیاسی گل ءُ باسک پہ وتی پدمنتگیں راج ءُ چاگرد ءِ گھبودی ءَ درکپ اِیت ءُ سپر ءَ بِنا کنت، پمیشکا مارا مدام پہ وتی گل ءُ باسکاں، پہ وتی پدمنتگیں راج ءَ راستی ءِ شون بوَگی اِنت دانکہ ساپ ءُ پلگاریں چاگردے ءِ ھُدابُند بہ بہ اِیں۔ دیمتر ءَ گل کاری ءِ سر ءَ تْران کنگ بوت، انوں بلوچستان ءِ گراؤنڈ ءِ راستی چارگی ءُ گل ءِ شوربندی ٹھینگی اَنت، انوگیں جاورانی ھساب ءَ ریاست روچ پہ روچ گراؤنڈ ءَ نوکیں پندل دیم ءَ آرگ ءَ اِنت ءُ مردماں چہ سیاست ءُ گلاں دور دارگ ءِ جھد ءَ اِنت۔ انوں ریاست ءِ مستریں لوٹ ایش اِنت کہ بلوچ مھلوک ءِ ھمگْرنچی ءُ کنکشن ءَ چہ سیاسی گل ءُ مردماں پروشگ ءِ جھد، اے جاورانی تہ ءَ یک زالبول سیاسی گلے ءِ بستار ءَ مارا گراؤنڈ ورک کنگی اِنت ءُ گل کاری ءِ سر ءَ گیش ءَ گیش دلگوش دیگی اِنت دانکہ لس مھلوک مارا چہ دور مہ بیت ءُ ریاست ءِ رِپک ءُ پندلانی آماچ مہ بیت۔ دیمتر ءَ سنگتاں گُشت کہ لٹریچر یک گلے ءِ رُو اِنت، مارا وتی گل ءِ تاک ءُ ایندگہ لٹریری کارانی سر ءَ گیش کار کنگی اِنت دانکہ ما بلوچ ءِ گِس گِس ءَ وتی سیاسی توار ءُ کلوہ ءِ سر کنگ ءَ سوبین بہ بہ اِیں۔ انچوش کہ لٹریچر یک گلے ءِ ارواہ زانگ بیت، ھمے رنگ ءَ اے لٹریچر ءِ برورد بیت کہ ما وت ءَ چہ تند بستگیں چاگِرد ءَ در کن اِیں ءُ رُژن ءِ پدانک ءَ سر کن اِیں، اے درگت ءَ مئے ھر ھمُک باسک ءِ زمہ واری بیت کہ ما وت ءَ گوں لٹریچر ءَ ھمگْرنچ بہ کن اِیں ءُ راج ءِ ھم ھُبّناکی ءَ اے نیمگ ءَ بہ ودّین اِیں۔ کُجام راجاں کہ لٹریچر ءِ پتّر ءَ نشتگ ءُ وتی پولگ بِنا کُتگ، مرچی آ چہ تارونکی ءَ در یک رُژنائیں زند ءُ چاگِردے ءِ واھُند اَنت۔ یک سیاسی گل ءُ باسکے ءِ بستار ءَ مارا وتی وس ءُ واک ءِ رِد ءَ اے کار یکشل ءَ برجاہ دارگی ءُ دیم ءَ برگی اِنت۔ راستے کہ سیاست ءُ لٹریچر دو جتائیں بُنگپّ ءُ سرھال اَنت، بلے ھر یکّے گوں دومی ءَ ھمگْرنچ ءُ بندوک اِنت۔ پمیشکا مارا یک سیاسی باسکے ءِ بسات ءَ وتی نزیکی گوں لٹریچر ءَ گیش ءَ گیش مُھکم کنگی اِنت، ءُ لٹریچر ھما چراگ اِنت کہ مدام تھاری ءَ بلیت۔ 1/3

ھندی ءُ میان اُستمانی سیاسی جاورانی سر ءَ سنگتاں تران کنان ءَ گُشت کہ انوں جھان ءِ تک ءَ مستریں جنگ میڈل ایسٹ ءَ ایران، امریکہ ءُ اسرائیل ءِ جنگ اِنت۔ اگاں ما گوں اُورت نِگاھی ءَ بہ چار اِیں گُڑا امریکہ ءِ لوٹ ءُ واھگ مئے ساپ پدّر اِنت کہ آ پہ وت کُجام سیت ءُ نپّانی شوھازیگ اِنت، چی ءَ کہ امریکہ مدام لوٹ اِیت ءُ آئی واھشت ھم ھمیش اِنت کہ اِد ءَ تھنا پاور منی دست ءَ بہ بیت ءُ پاور ءِ جند یونی پولر بہ بیت، بلے بازیں زانتکارانی گُشگ اِنت کہ دنیا بائے پولر ءِ نیمگ ءَ روگ ءَ اِنت، ایران ءُ امریکہ ءِ جنگ انوگیں جنگے نہ اِنت کہ ما یک سیاسی باسکے ءِ بستار ءَ ناسھی ءُ اجکّھی ءِ آماچ بہ بہ اِیں، بلکیں اے ھپتاد ءِ دھک ئیگ اِنت۔ ایران ءِ حکومت ءُ بارک اوبامہ ءِ معائدہ ءِ بیت،اوبامہ گُش اِیت کہ 3% یورینیم ایر کُت کن ئے، وھدیکہ ٹرمپ کئیت اے معائدہ ءَ پروشیت ءُ ایران ءِ سر ءَ بایں ٹریڈ سینکشن ھم جَنگ بیت۔ انوں داں ایران ءَ 60%یورینیم جم کُتگ، اگاں 90% بئیت گُڑا ایٹومیک پاور جوڑ بیت۔ بلے جھان ءِ تاکتوریں ریاست امریکہ اے چیزّ ءِ منّگ ءِ واستا تیار ءُ جاڑِیگ نہ اِنت، ءُ ایران وتارا مھکم کنگ ءِ واستا میڈل ایسٹ ءِ تھا جتا جتائیں ادراہاں کُمک کنت۔ چوش کہ حماس (غزہ)، حزب اللہ (لبنان)، ءُ حوثی (یمن) ، ءُ اسرائیل ایشی ءَ وتی (Encirclement) سرپد بیت۔ اسرائیل لوٹ اِیت کہ ایران ھچبر ایٹمی تاکت مہ بیت ءُ (حزب اللہ/حماس) نزور بہ بنت۔ امریکہ اسرائیل ءِ مھکمی ءُ دمگ ءَ وتی واکداری ءِ واستا ایران ءِ سر ءَ پابندی جنگ ءَ اِنت، بلے اے جنگ ءِ سان تھنا اے مُلکانی سر ءَ نہ جلّ اِیت کہ جنگ ءِ دیمپان یا کہ جنگ کنگ ءَ اَنت، بلکیں اِیشی ءِ سان تانسریں جھان ءَ مان پتائیت ءُ زندمان گْوازینگ ءِ توامیں آسراتی ماں گْرانھادی ءِ آماچ بنت۔ اے جنگ ءَ اے گُمان گِندگ بیت کہ آئی سان بلوچستان ءِ سر ءَ ھم کپ اَنت ءُ کپتگ اَنت، پرچا کہ تنگدستیں بلوچ ءِ زندمان نیزگاری ءَ انچو ژند ءُ ژول کُرتگ کہ آ پہ شپ ءِ شام ءُ روچ ءِ سُبارگ ءَ مدام تگ ءُ تاچ ءَ اِنت۔ اگاں اے جھانی جنگ اُوشت آماچی ءِ بدل ءَ برجاہ منت، گُڑا بلوچستان ھم چرے گپچل ءَ نہ رکّ اِیت ءُ مزنیں سانے مئے سر ءَ کپ اِیت۔ پمیشکا اے جنگ ءِ گِر ءُ دار کنگ ءَ ایدگہ تاکت ءُ واک سُر ءُ پُر کنگ ءَ اَنت دانکہ ایشی ءِ جنگی ءُ مالی سان مئے مُلکانی سر ءَ مہ کپ اَنت، چی ءَ کہ ھر یکّے ءَ را وتی راجی سیت ءُ نپّ چہ کُلاں دیماتِر اَنت۔ ھمے رنگ ءَ ما ھندی جاوراھالانی رِد ءَ وتی ڈگار ءِ سر ءَ چمشانکے دے اِیں، گُڑا بلوچستان ءِ تہ ءَ چہ سالاں مردین آدم بیگواہ بوتگ ءُ بوَگ ءَ اَنت، بلے نوں ریاست زالبولاں بیگواہ کنگ ءَ اِنت ءُ زالبول ءِ بیگواھی ءَ نارملائزیشن ءِ نیمگ ءَ برگ ءَ اِنت دانکہ اے ھبر پہ بلوچ ءَ بے مانائیں ھبرے بہ بیت شمشکاری ءِ پُتینکاں گار ءُ چیر بہ ترّ اِیت، بزاں کس پہ کس ءَ سھیگ مہ بیت کہ چے بوتگ ءُ چے بوَگ ءَ اِنت، ھرکس بس گوں وتی جند ءَ دلگوش ءُ دزگٹ بہ بیت۔ چوش کہ بلوچ چاگرد ءِ اندر ءَ زالبولانی لجّ ءُ ننگ سکا مزنیں ارزشتے دار اِیت، بلے ریاست زالبولانی بیگواہ کنگ ءَ ھوار آیاں میڈیا ءِ دیم ءَ آرگ ءُ دُروگیں پریس کانفرنس کنائینگ، ءُ اے وڑیں پریس کانفرنس اے گپّ ءِ گْواھی ءَ دنت کہ ریاست ءَ سیاسی ھوالہ ءَ پْروش وارتگ ءُ نوں آ اخلاقی ھدّ ءُ سیمسراں ھم سرگْوز ءُ لگتمال کنگ ءَ اِنت۔ پمیشکا اے ھبر پاشک ءُ پدّر اِنت کہ بلوچ زالبولانی بیگواھی ریاست ءِ شکست ءُ پْروش ءِ نشانی اِنت۔ پرے ھاتر ءَ اے زورانسری ءِ پریس کانفرنس گْواچن ءُ راستی ءَ چیر دات نہ کنت، بلے ایشی ءَ چہ سیاسی بے بیسّھی گیش ودّ اِیت ءُ کانودی رِد ءَ سیاسی مردمانی دارگ ءُ آیانی سر ءَ دُروگیں بُھتام جَنگ ءُ ایف آئی آر کنگ، ماں پورتھ شیڈول ءَ نامانی مان کنگ ءُ نوکیں پالیسی ءِ دیم ءَ آرگ کہ ھمک مردم ءَ شک ءِ بُنیاد ءَ سَے ماہ پریوینشن ڈیٹینشن سینٹر ءَ دارگ بیت ابید ء منّانک ءُ ایف آئی آر ءَ، ءُ بی وائی سی ءِ سنگتاںی دارگ ھمے گپّ ءَ پدّر کنت کہ آیاناں سال پِر گْوستگ بلے دُروگیں پندلانی باپُشت ءَ بے سبب ءُ منّانک ءَ زندان ءِ تھاریں کوٹیاں بندیگ اَنت۔ 2/3

Reports emerging from Kuntani Gwadar describe a deeply troubling situation in which firing by security forces particularly the Coast Guard on Baloch labourers has resulted in dozens martyred and several others seriously injured. The incident has further intensified growing concerns over escalating tensions and heavy militarization along the coastal region of Balochistan where civilian life is increasingly shaped by insecurity, fear and restricted mobility. The tragedy deepened further as there was reportedly not even a single ambulance available to rescue the wounded, forcing local people to carry injured victims on their shoulders and in private vehicles in desperate attempts to save lives. Gwadar is widely promoted as a mega development hub and a symbol of economic progress and strategic investment. However, on the ground,the reality for many Baloch people is very different. Despite the narratives of growth and prosperity, indigenous people continue to face severe hardship including enforced disappearances, extrajudicial killings and increasing restrictions on movement and livelihood. We cannot afford any more loss of Baloch lives. We cannot remain silent in the face of continued violence, insecurity and recurring reports of serious human rights violations in Balochistan. We raise our voice on every platform to highlight this suffering and demand urgent attention to the situation on the ground. We urge international human rights bodies to closely monitor the situation and ensure that credible, independent investigations are conducted and that accountability is established in accordance with international law. The protection of civilian life and dignity must remain the highest priority. #StopBalochGenocide

2/2

بلوچ مات ایوک ءَ مھر ءِ نام نہ، زوراکی ءِ دیم ءَ مھکمیں دیوالے نبشتہ کار: ڈاکٹر شلی بلوچ اے روچ ھما بلوچ ماتانی نام ءَ کہ زند ءِ ھچ وڑیں ھار ءُ توپان، شرتگ ءُ زوراکیاں آیانی گام پہ جُنزگ ءَ داشت نہ کُرتگ اَنت۔ بلوچ مات چو بلوچستان ءِ کوھانی وڑ ءَ مھکم ءُ دنیا ءِ ھچ وس ءُ واک آیاں پروش دات نہ کنت۔ اے روچ ھما ماتانی نام ءَ کہ آیانی مرد بیگواہ اَنت، آ ایوک ءَ مات نہ اَنت بلکیں لوگ ءِ سروک اَنت، اے ھما نیم جنوزام اَنت کہ نہ آسرے ءِ تہ ءَ اَنت نہ ودارے، بلے آیانی ھمت چہ کوھاں بُرز تِر اِنت۔ اے روچ ھما بلوچ ماتانی نام ءَ کہ آیاں وتی لوگ ءِ چراگ پہ یک رُژنائیں بانداتے ءِ واستا کُربان کُرتگ اَنت، ءُ آیانی داتگیں دیمونی دْرپشوکیں سباھے ءِ جار اِنت۔ ھمک سال مئی ءِ ماہ ءَ سرجمیں جھان ماتانی جھانی روچInternational Mothers Day پہ گل ءُ شادمانی مراگش دار اِیت، اے روچ ءَ جھان ءِ مردم ءُ ادارہ مات ءِ ھزمتانی سِپت ءُ ستا ءَ کن اَنت ءُ آیاں سوگات دے اَنت۔ بلے بلوچستان ءِ کوہ ءُ دشتانی تہ ءَ زند گْوازینوکیں بلوچ مات ءِ واستا اے روچ شادمانی ءِ روچ نہ اِنت، بلکیں اے روچ آئی ءِ جنجال ءُ ناگیگیں جاورانی یک درورے۔ ماتانی روچ ءِ راستیں جُھد: 1870 (Mother's Day Proclamation) بازیں مردم اے سما نہ کن اَنت کہ "ماتانی روچ" شادمانی ءِ واستا نہ اِنت، بلکیں جنگ ءُ زوراکی ءِ ھلاسی ءِ واستا ایر کنگ بوتگ اَت۔ 1870 ءَ جولیا وارڈ ھوو (Julia Ward Howe) ءَ، (Mother's Day Proclamation) نبشتہ کُت۔ ایشی ءِ مول ءُ مراد چوش اِت اَنت: • جنگ ءِ ھلاسی: جولیا ءِ لوٹ اَت کہ سرجمیں جھان ءِ مات یکجاہ بہ بنت دانکہ آ وتی چکّانی کُشت ءُ کوش ءَ بدار اَنت۔ آئی ءَ گْوشت کہ “ماتانی چک پہ دومی ماتانی چکّانی دست ءَ تاوانبار مہ بنت"۔ • سیاسی مات: اے ماتاں لوگ ءِ چاردیواری ءَ چہ در کنت ءُ آیاں یک سیاسی تاگتے (Force) جوڑ کنت۔ سرجمیں نبشتانک شُمارا جہل ءِ داتگیں لنک ءَ دست کپ ایت⬇️ balochwomenforum.org/%d8%a8%d9%84%d… 1/2

ھمے رنگ ءَ میان استمانی تک ءَ اے گچینیں پیسلہ منّگ بوتگ ءُ پہ شرپ برجم دارگ بوَگ ءَ اِنت، بلے مئے نِگاہ ءَ اگاں زندمان ءِ توامیں روچ پہ مات ءِ ھزمت ءَ بہ گْوز اَنت کم اِنت۔ پرچا کہ مات جھان ءِ ھما ھستی ءُ پُلّ اِنت کہ اے گیدی چہ ھما وشبو ءَ آتار اِنت۔ پرے ھاتر ءَ پہ مات ءِ شرپ ءُ ھزمت ءَ یک شادمانیں روچے ءِ برجاہ دارگ سکا مزنیں اَرزشے دار اِیت، بلے بلوچ مات چرے شادمانیں روچ ءَ بے بھر ءُ وتی جند ءِ سرزمین ءَ بدھالیں زندے ءِ گْوازینگ ءَ لاچار اِنت۔ اے لاچار ءُ پدمنتگیں زندمان ءِ ھُدابُندیں بلوچ راج ھما روچ ءَ چرے نگیگیں جاوراں آزات بیت کہ ما گھگیری کن اِیں ءُ مارا مکسدے بیت۔ چوش کہ مئے مکسد اِستانی رھبند ءُ کانود ءِ رِد ءَ راجی آسودگی اِنت، اے اِستان وت، وتی رھبندانی ھلاپ ءُ بلوچ راج ءِ نپس گیریں مات ماں دگ ءُ چارراھاں گْوانک ءُ اوگام جَنگ ءَ اَنت۔ ھمے وڑ ءَ جھان ءِ اے شادمانیں روچ ءِ بْرانز کد بلوچ ءِ گُلزمین ءِ سر ءَ کپ اَنت نہ زاناں، بلے جُھد ءُ گھگیری ءِ دامُن یلہ کنگی نہ اِنت۔ مرچی اگاں جھان ءِ تلو ءَ اے روچ برجم دارگ بوَگ ءَ اِنت، اے روچ ءِ برجم دارگ ءِ پُشت ءَ مزنیں جُھد ءُ جپایے ھمگْرنچ ءُ گِندگ کئیت۔ ھمے جُھدانی مُزّ ءُ برورد ءَ جھان اے آسر ءَ سر بوتگ کہ ھر سال اے روچ ءَ پہ شات ءُ گل برجم دار اِیت ءُ وشیاں بھر کنت۔ بلوچ اگاں اے وژدلیں روچ ءِ بابت ءَ ھیال کنت ءُ جیڑ اِیت، گُڑا آئی مجگ ءَ بائد ھمے جُست ودی بہ بیت کہ جُھد ءُ گھگیری ءِ برورد ءَ پد نوں ما اے جاہ ءُ پدانک ءَ کائین ءُ سر بہ اِیں، اگاں ناں ھُشکیں واب ءِ گِندگ ءَ منزلے نیست دانکہ مانا کنگ مہ بیت۔ گُڈسر ءَ گوں ھمے دانکاں پہ جزم گْوشیں کہ مئے راج ءِ ھر زھگ پہ وتی ماتانی شادمانی ءَ اے روچ ءِ سینگارگ ءَ ھوار زیرزندیں بلوچ راج ءِ ھر درد ءُ سکّیاں مار اِیت ءُ آسودگیں زندمان ءِ واستا جُھد کنت۔ وھدے راج چہ زند ءِ توامیں سکّیاں آزات بیت گُڑا اے روچ پہ شانے بلوچستان ءِ دمک دمک ءَ برجم دارگ بیت، اگاں ناں ما داں زندگ اِیں وتی ماتانی اے آسشانیں چیھالانی وامدار اِیں۔ 2/2 #MothersDay

پدمنتگیں بلوچ ءُ ماتانی میان استمانی روچ بلوچ وومن فورم مرچیگیں روچ جھان ءِ بازیں مُلک ءُ کِشوراں ماتانی روچ ءِ نام ءَ برجم دارگ بوَگ ءَ اِنت، لاڑیں بچّ ءُ جِنک وتی ماتانی گوم ءَ مھر ءِ درشان ءَ کنگ ءَ اَنت۔ شادہ ءُ وشی اِنت، اِزّت ءُ شرپ ءِ بیرک گوں اِیمنی ءِ سرگْوات ءَ شیکّو ورگ ءَ اِنت، زندمان ءِ گیابان ءَ نوکیں واھگ ءُ واھِشتے، بھارگاہ ءِ نوکیں اُمیتے سھرا بوتگ ءُ رُژنے ءِ شھم تیوگیں دنیا ءَ پتاھان اِنت، کرار ءِ پُلّ وشبو دْرنزگ ءَ اِنت، بلے زیرزندیں بلوچ راج ءِ مات چرے روچ ءِ شادہ ءُ وشیاں زِبھر درد ءُ کولُنجیں زندے ءِ دامُن ءَ کپتگ ءُ پہ بیوسی نارگ ءَ اَنت۔ چی ءَ کہ مئے سرزمین ءَ بیوسیں بلوچ ماتاناں پہ وتی بچّ ءُ جِنکانی ھاتر ءَ گمانی گْرانیں بارے کوپگ ءَ، گوں ارسیگیں چمّاں دگ ءُ کِشکانی پانگ اَنت۔ جھان ءِ شادہ ءُ وشی برجم داروکیں راج بہ گِندے ایردستیں بلوچ راج ءِ اے زند زوالیں جاوراں سھیگ ءُ سرپد مہ بیت، بلے اے بدّیں ھوپ ءَ سرجمیں بلوچ راج گْور جتگ ءُ بلوچستان ءَ ھر ھمُک مات ءِ دل چہ بنداں سِستگ ءُ وتی بچّ ءُ جِنکانی باندات ءِ بابت ءَ پگرمند کہ آیانی آسر چے بیت۔ مرچی راستے کہ پْراہ ءُ شاھِگانیں جھان ءِ دمکاں ماتانی شرپ ءَ اے روچ پہ پھر برجم دارگ بوَگ ءَ اِنت، ھر یک زھگے باریں پہ وتی مات ءِ شرپداری ءَ چونیں چونیں واھگ ءُ ارمان داشتگ ءُ مرچی پہ آیانی پیلو کنگ ءَ شات ءُ ھُدوناک۔ پہ راستی جھان ءِ اے جھانگیریں روچ پہ آ دِگہ راجاں گوں سَوتے ءَ بندات بیت ءُ گوں زیمرے ءَ آسر، بلے بلوچ ماتانی ھر ھمُک روچ گوں زپتیں ترانگے ءَ بُنگیج ءُ گوں آسشانیں چیھانٹے ءَ آسر بیت۔ چی ءَ کہ بلوچ ءِ ڈگار ءَ چوشیں روچے نیست کہ آ بلوچ ماتانی سر ءَ کھر نہ گْوار اِیت۔ روچے یک ماتے ءِ جنیں چُک گار ءُ بیگواہ کنگ بیت، ءُ روچے آئی سالونکیں بچّ ءِ ٹپّ ءُ ٹوریں جون پہ سوگات دَیگ بیت۔ مرچی باندا اے نادْراھی بلوچ ءِ یک گِسے ءِ دپ ءَ میلانک نہ اِنت، بلکیں بلوچ ءِ ھر گِس اے اِلّت ءُ نادْراھی ءَ کَوار ءَ کُتگ ءُ دیم ءَ جُنزان اِنت۔ جھان ءِ اِیمن ءُ آسودگیں زھگ راستے کہ اے روچ ءِ تلو ءَ وتی ماتاں داد ءُ سوگات دَیگ ءُ وشی بھر کنگ ءَ اَنت، بلے بلوچستان ءِ مات چرے وشیاں دُور ءُ سکّیانی دگہ کُنڈے ءَ کپتگ ءُ زندگی کنگ ءَ اِنت۔ ءُ جھان ءِ آ کُنڈ ءَ کہ بزّگ ءُ واریں بلوچ کپتگ، زندمان گْوازینگ ءِ اِنسانی توامیں ھکّ ءُ اُگبال پچگِرگ بوتگ اَنت۔ پمیشکا پہ زیرزندیں بلوچ راج ءَ گھگیری ءِ دگ پشت کپتگ کہ آ گھگیری بہ کنت ءُ وتی توامیں اِنسانی ھکّ ءُ اُگبالاں پچ بہ گیت۔ چوش کہ گْوستانک ءِ منّانک ءُ راستیانی پُژدر ءَ اے شادمانی روچ اولی رند ءَ 1908 ماں امریکہ ءَ برجم دارگ بیت۔ وھدے اینا جارویس ماں امریکہ ءَ وتی مات ءِ شرپ ءَ اے روچ ءِ درگت ءَ یک پُرمڑاھیں مجلسے برجم دار اِیت، چریشی ءَ پد ماں امریکہ ءَ مدرز ڈے ءِ منّگ ءِ ھاتر ءَ چِن ءُ لانچے بِنا ءُ بُنگیج بیت۔ بلے! بلوچ مات چرے جھانی "مدر ڈے" ءِ شادمانیاں زِبھر ءُ جنجالانی کورچاتے ءَ کپتگ، اے درگت ءَ بہ گِندے بلوچ ماتانی آس پاھاریں گْوانک ءَ جھان ءِ دَر نہ ٹُکّ اِتگ، بلے رھبند ءُ کانود ءِ رِد ءَ مُلک ءِ ھر دَر ءُ دروازگ ءَ ٹُکّگ ءَ اِنت دانکہ بیوسیں توار ھاکم ءِ گُوشاں بہ کپ اِیت ءُ آ منی لوٹ ءُ گَرزاں مُلک ءِ کانود ءُ رھبندانی رِد ءَ سرجم ءُ پورا بہ کنت، بلے انگت کسے ءِ گُوشاں مورے نہ وارت کہ کئے گْوانک ءُ جاک جَنگ ءَ اِنت ءُ پرچا جَنگ ءَ اِنت؟ اے جُست کد پسّو بیت نہ زاناں، بلے اے راستی پہ دُروگ ءُ دْراش کدی چیر دَیگ نہ بیت کہ بلوچستان ءَ بلوچ مات پہ ھیسکارگے تُس اَنت ءُ پہ چیھالے بود کن اَنت۔ اگاں جھان اے نیمگ ءَ دلگوش گْور نہ کنت، بلے پہ زیرزندیں بلوچ راج ءِ پُسّگاں اَلّم اِنت کہ آ وتی ماتانی اے انگریں ھیسکاراں زُبانے بہ دنت دانکہ اے گْوستانک ھمے رنگ ءَ نبشتہ ءُ روان مہ کنت۔ 1/2 #MothersDay

During an unlawful raid in Hub Chowki on November 22, 2025, security personnel including members of the Counter Terrorism Department,forcibly detained Nasreena Baloch who is 15 years old.Since then her whereabouts remain unknown to her family causing deep concern and anguish. The enforced disappearance of a minor is a grave violation of human rights and demands immediate attention. We call for the safe and immediate release of Nasreena Baloch and urge authorities to ensure transparency and accountability. #ReaseNasreenaBaloch #SaveBalochWomen

It has now been one year since Mahjabeen Baloch, a polio survivor, was forcibly disappeared from Quetta on 29 May 2025, abducted by security forces. For twelve long months her family has been forced into a painful and exhausting limbo, living without any answers, official information or legal clarity regarding her fate or whereabouts.This prolonged uncertainty has left her family emotionally devastated. Mahjabeen’s case is deeply alarming and reflects the ongoing pattern of enforced disappearances in Balochistan where individuals are taken without due process and families are left behind to endure prolonged trauma and suffering. The targeting of women including those with disabilities raises serious and urgent human rights concerns that demand immediate attention. We urge the authorities to bring Mahjabeen before a court of law and ensure that all actions are carried out in accordance with due process and the law. #ReleaseMahjabeenBaloch #SaveBalochWomen