بن علي

@Nacho112200 "الولد العجوز "

فيلم يعجبك جداً بس مستحيل توصي احد يتابعه؟

@STELLARRUN66 لسه بفكر ليه مافيش حد يهتم انه يترجم الأعمال ال تستحق او علي الأقل يكمل ترجمه اعمال تركت في المنتصف تحديداً في ظل الترجمه الجمه لأعمال المانهوا لقيت تغريدتك امامي عاش يا صديقي تسلم ايدك و مجهودك مقدماً 👌🏻

كل واحد يختار العمل اللي يعجبه، سواء كان مستمر أو منتهي. ولو مو متوفر بشكل كويس أو ناقص… إحنا بنشتغل عليه بشكل يليق بالعمل. وأكثر عملين يتكررون بنضمّهم معنا 👀 اكتب اختيارك تحت 👇

@sabi_list @pezdov91416 بتكون في الأغلب تغيرات مدخله غير نابعة من شخصه و كينونتة و بلا شك لا جدال علي منطقيتها و شوفنا كتير من التنقل بين المشاعر في جزء العمل الأول

@pezdov91416 لا اعلم اذا الترجمة وصلت لك بطريقة صحيحة، لقد قلت انه يصبح هكذا في بعض المرات وليس طيلة الوقت والشيء هذا مثبت بالعمل وحصل اكثر من مره

شخصية ناتسكي سوبارو مو واقفة بالخط الابيض او الاسود مثل غالبية الابطال سوبارو واقف بالخط الرمادي، مرات تشوفه اناني/عاجز/ما يثمن قيمة كلامه مو لانه شخصية سيئة، بل لانه شخصية اكبر من ان تندرج تحت احد الخطين 🐐 #ريزيرو #rezero

@Abdelazizwaliid بغض النظر عن المقارنه ال هيبقي فيها اختلافات طبعاً و دا طبيعي بس ال باتشينو قدم مشاهد بيمثل فيها بعينه بس عظيمه جدآ يراجل بعيداً عن مشاهد الصراخ المبرره في سايق احداث ام الافلام ال التمثيل فيها بيعجب المراهقين و بغض النظر عن مين مسيرته أفضل الاتنين غيلان و دا مفروغ منه

آل باتشينو وصل Peak أعلى من الي وصله دينيرو. مُعدل أفلامه الحلوة أكيد أكبر من معدل دينيرو. محاولة حصره في الأدوار الي فيها زعيق وصوت عالي ده دليل ان الي بيقول كدا متفرجش. محاولة فرض فكرة "أصل ده التمثيل الي بيعجب المراهقين" ده أسلوب نسانيس بتتنطط مش بتتناقش.

@PMovies155 متفق جدآ في الاتنين و مارك والبيرج بفرح لما اشوفه علي الشاشه خفيف علي القلب و ممثل كويس جدا و متعشم كتير في فيلمه الجاي مع ميل جيبسون انه يقدم أداء يكثر عليه المدح وتسلم علي الترشيح

Instant Family (2018) عندي إعترافين.. ١. أنا بضعف جداً قصاد القصص إللي فيها عيلة وأطفال ومشاكل أسرية. ٢. أنا بحب "مارك والبيرج" وحضوره خفيف على قلبي جداً. حبيت تقريباً كل حاجة في الفيلم الشخصيات المتنوعة والكوميديا اللطيفة والمشاكل والدراما والحمل العاطفي إللي مكانش بسيط أبداً هنا. فيلم لذيذ ولطيف وسهرة حلوة جداً ، ويارب ميكونش من الأفلام إللي لازم أكره Anora ما دام حبيتها👀😅

@PMovies155 قادنا*

@PMovies155 و الاختلاف دا لو قدنا لواصله من الدردشه الوديه هيكون مكسب حتي لو كل واحد طلع بنفس آراءه المحادثه أعظم وسيلة بشريه يجدعان بس احنا للأسف بنستخدمها غلط

فيه فيلم في كل سنة بيفتح النقاش ده (بقول عليه نقاش أدباً بس) ومدى تقبل ال Nudity في السينما ، وبصراحة الموضوع بسيط جداً ومش شايف إنه المفروض يكون فيه حزبين علشان عادي جداً يكون فيه فيلمين بيقدموا محتوى جريء ونفس الشخص يتقبل فيلم ويرفض التاني. ده غير إننا أصلاً مش شبه بعض ودرجة تقبلنا وتحملنا أكيد مش زي بعض ، زي ال Gore بالظبط ودرجة تقبلك ليه. ف لو فيه حد كره فيلم فقط علشان محتواه الجريء هو مش بس حر هو كمان حقه إنه يعبر عن الحاجة إللي معجبتهوش وده ميخلهوش رجعي ومتخلف وعنده قصور في فهمه للسينما وأكيد العكس صحيح وإللي هيحب نفس الفيلم مش منحل ومعندوش أخلاق ومشافش تربية. الأهم بقى من تقبل الأفلام ومحتواها هو تقبلنا لبعض وأراء بعض وإختلافنا عن بعض ، التنظير على رأي غيرك وذوقه وتجربته مش هتوصلنا لأي مكان في أي نقاش!

@PMovies155 هي سياق الكلام اصلا 👌🏻

@BanAli600 حسيت إنه مفهوم من سياق الكلام يعني🤷🏻‍♂️

آل شنب (٢٠٢٤) أنا متضايقتش خالص وأنا بتفرج.. صحيح الفيلم بدأ وخلص وأنا مش عارف مين دول وبيعملوا هنا إيه ، وطول الوقت حاسس إني نزلت بالبراشوت على حلقة سابعة من مسلسل 30 حلقة ومحتاج بس حد يحكيلي إللي حصل قبل كدة ومحتاج أكيد أكمل للحلقة الأخيرة علشان أكوّن رأي .. بس أنا متضايقتش وأنا بتفرج. الشخصيات كتير ومختلفة ومتنوعة ومش كلهم دمهم خفيف لكن إللي غطى على ده هو عفوية المشاهد في أغلب أوقات الفيلم. الفيلم خلص فجأة زي ما بدأ فجأة وأعتقد العيلة دي لو حكايتها اتعملت مسلسل كان الوضع هيكون أفضل ، لكن عموماً متضايقتش وأنا بتفرج🤷🏻‍♂️😅

@Abdelazizwaliid نهايه كل ارك بيبقي فيها مشهد يفكرك بالارك كله و تفاصيله و جمال الرحله و مشاعر الدخيل ال بيبقي جزء من عيله الطاقم في رحلته معاهم و اهم لحظاتها و مشاركة مشاعرهم مع بعض و المشهد دا تحديدا من اول المشاهد في الموضوع دا ف ليه تأثير جامد قوي بالنسبالي و فيفي أفضل من رافق الطاقم للأن

كل مرة هتيجي الصورة قدامي لازم أعبر عن مدى حبي للمشهد ده وان لو حد هيشوف One piece بس عشان خاطر يفهم الفريم ده ويعيش الرحلة بتاعته فهو الكسبان

@PMovies155 معرفش ال خلاني افتكر أن ال انت كاتبه دا ليه علاقه بالحريفه 😂

@BanAli600 ماله؟🤔

لعنة الله على الرأسمالية وعلى عجلة الإنتاج😢

@Abdelazizwaliid كيسي افليك في الفيلم دا مستنيه يصرخ يقدم انفعال حتي لو مبالغ فيه بس أنه فضل ساكت دا كان اسوء شعور مر عليا طوال الفيلم عارف انت حاسس انك مش عارف تتنفس بشكل طبيعي في حاجه كاتمه علي نفسك مش هدوء قبل العاصفه دا العاصفه جواه بس مش عارف يعبر او التعبير مش هيبقى كافي أداء عبقري في رأيي

كيسي أفليك طول الفيلم كان اداءه مثالي في توصيل كل مشاعر الحزن والندم بدون انفعالات تقريبًا، ملامحه نفسها كانت مكتومة بقدر الحزن الي جواه، وصولًا للمشهد ده الي يعتبر انفجار داخلي وبيوضح حجم الأسى الي حاسس بيه بعينه ونبرة صوته بس. "I can't beat it" - Manchester by the Sea

@PMovies155 طوال ما انا بتفرج محبتش اشوف المشاكل او محبتش اشوف قله الموارد القصصية لو في حاجه اسمها كدا و استمتعت بالثنائية و الفيلم خد تقييم عالي عندي لو حد ناقشني فيه بصراحه معنديش ال أقوله خصوصاً بعد ما عرفت الميزانية الماهوله للفيلم بس صاحب طله خفيفه في السنه زي أبطاله بكل تأكيد

Wolfs (2024) كاريزما طاغية وحب كبير لأبطال لو طلعوا يقروا نشرة أخبار هكون قاعد مستمتع قصادهم بس مش كنا نتساهل قصة أحسن من كدة شوية! طب بلاش إحنا "براد بيت" و "چورچ كلوني" ميستاهلوش قصة أحسن من كدة شوية؟! انبسطت إني شوفت الثنائية دي مع بعض تاني وفيه مشهد للولد إللي معاهم قدم فيه كوميديا كويسة جداً لكن غير كدة مفيش أي حاجة بتحصل ومفيش أي حاجة ليها معنى أو مهتم بيها.

@Abdelazizwaliid اكتر تحول لايق علي طبيعية الشخصيه بيعبر عنه و عن كل حاجه عملها طوال 1070 حلقه دول مع ابتسامه في نهايه كل انتصار و هو بيحقق الأمان لكل مكان خطاه طوال رحلته و هو بيبرز كرمز للأمل فلما حصل و شوفته بضحكته و هيئته الحره كأنك شوفته قبل كدا مش أول مره دا لوفي ال تعرفه من اول القصه

فكرة انه اسمه "Joyboy" دي ممكن تكون أكتر حاجة صح عملها اودا في حياته انا مجرد ما بسمع طبول الجوي بوي ببتسم تلقائي وبفرح بجد، موضوع كمان انه أول ظهور له بشكل كامل بعد أكثر من 1070 حلقة ! ألللللللف وسبعين حلقة مخلي ظهوره كأنه عيد، Joy بجد. مفيش شيء قريب منه في اي حاجة.

@Abdelazizwaliid ونبيس من أعظم النصوص الخياليه ال شوفتها في حياتي بعد اكتر من 25 سنه لسه محافظ علي كتابه تصاعدية ملهمه و مثيره لأبعد درجه يراجل بعد وهم دام سنوات أن بطلك يسعي للكنز من أجل أن يصبح الاكثر حريه تلاقيه بيعلن عن حلمه المجهول قرب النهايه رغم أن الحماس موجود أودا قرر يجدده بعبقريته

بحب اللحظات دي أوي في مانجا ون بيس، اللحظات الي اودا بيقرر يخرج فيها بجملة للفانز، حاجات كدا ماشية مع القصة بس تذكرة من تحت لتحت للفانز احنا بنعمل ايه هنا، وتقدير للشخصيات خاصة لوفي يعني. اعادة رسم الخط الاساسي للقصة جوا القصة نفسها. ايا كان ايه بيحصل، احموا لوفي ده المهم وبس.

@Abdelazizwaliid هدوس بعض النظر ان فيه عيال كتير ملونه بس شكله زي ما بتقول شغال

@BanAli600 انا مشوفتش التاني لسه الموسم الاول لذيذ بس هادي مفيهوش حاجات كتير يعني كوميدي ولطيف كدا مش ممل الموسم التاني لسه مبدأتش فيه بس اجمالا شغال

حفيد شيرلوك هولمز وجيمس موريارتي طلع شخص خطير فعلًا.

@PMovies155 تسلم ايدك علي المراجعه ال تزود شغف الواحد بالمسلسل اكتر بعد اول دفعه من حلقات الموسم الثاني و الطريقه ال بتتقدم بيها الشخصيات و الأحداث انبهاري زاد و حماسي و ترقبي كذلك ك مشاهد كنت متوقع اني داخل اشوف كرنفال بصري و قد كان طبعاً بس الكتابه كانت مساويه تسلم ايدك مره تانيه

العلاقة بين "ڤاندر" و "ڤاي" وتأثيرها بشكل ما على علاقة "سيلكو" و "چينكس" كانت محور مهم جداً ساهم في قرارات الأربع شخصيات ومصيرهم. "سيلكو" برغم سهولة تصنيفه على إنه شرير الموسم الأول ، إلا إنه حقيقي كان بيحب "چينكس" ومستعد يتحدى الكل علشانها وحقيقي كان عنده وجهة نظر ثورية غرضها الأساسي كان مصلحة المكان إللي عاش وكبر فيه حتى لو وجهة النظر إتلوثت بمرور الوقت. شخصية غنية ومعقدة وقوية جداً.

Arcane | Season 1 وقت عرض المسلسل مكنتش أعرف عنه حاجة ولا أعرف حاجة عن اللعبة والموضوع بالنسبالي مكانش أكتر من "نبص بص على الحلقة الأولى ولو عجبني أكمل" وفاكر لحد النهاردة الإنبهار والمتعة إللي موقفوش لحظة واحدة من أول لآخر مشهد في الموسم ، والنهاردة بعد 3 سنين وأنا بعيده من تاني لسة نفس الإنبهار ونفس المتعة ويمكن أكبر كمان. المسلسل قدّم كل حاجة مطلوبة ومش مطلوبة منه جرعات مضاعفة ومتتالية من المتعة البصرية والأكشن والأغاني والدراما والشخصيات بمنتهى التماسك على مستوى الكتابة خلانا قدام حالة خاصة جداً أعتقد صعب إنها تتكرر.