مدونة البرماوي

💸 لو حضرتك مهتم بأسواق المال يبقى تابعني لأنك أكيد حـ تلاقي عندي شيء مفيد لك . 🤝 أحب أعرفك بنفسي ... أسمي محمد البرماوي ... من إسكندرية، مصر العربية ✅ حاصل على شهادة "محلل فني معتمد"...اختصارا CMT... من الجمعية الأمريكية لأسواق المال ✅ حاصل على جائزة أفضل بائع برمجيّات تداول في أسواق المال من شركة MetaQuotes العالمية ✅ عضو في الجمعية المصرية لخبراء أسواق المال ESTA ✅ خبرتي في المجال تمتد لأكثر من 25 سنة . 👇 يمكنك متابعة مدونة البرماوي bermaa.com . 💡 في مجال التأليف والترجمة والتدوين ✅ مؤلف كتاب "سيكولوجية مُضارب"، وهو أول كتاب يتكلم عن سيكولوجية المتعاملين في أسواق المال ✅ مترجم كتاب "كيف ربحت مليـ2ـون دولار في سوق الأسهم"_ نيكولاس دارڨاس ✅ مترجم كتاب "سر اختيار الأسهم لتحقيق مكاسب فورية وكبيرة"_ لاري وليامز ✅ مترجم كتاب "كيف تُضارب في الأسهم"_ جيسي ليڨرمور ✅ العديد من المقالات التحليلية والتعليمية في مجال أسواق المال . 💡 في مجال البرمجة ✅ مبتكر مؤشر Bermaui Bands ✅ مبتكر مؤشر Berma Rate of Change ✅ مبتكر مؤشر Berma Deviation Percent ✅ حسابي على MQL5 mql5.com/en/users/berma… . 💡 الرؤية والأهداف ✅ نشر ثقافة التداول داخل أسواق المال، لأنها ممكن تكون مصدر رزق لناس كثير ✅ نشر الوعي بالطرق الصحيحة للتداول من أجل تحقيق عائد مجزي ✅ الاهتمام بالتحليل الكمي Quantitative Analysis ونشر الوعي بأدواته المختلفة . 🇪🇬حضرتك حـ تستفيد 📌 تعلم وسائل جديدة للتداول في أسواق المال 📌 حـ تتابع آخر أخباري عن التداول في أسواق المال 📌 حـ تتعرف أكثر على كتبي ومقالاتي 📌 والمؤكد هو إنك حـ تكون مُضارب ومُتداول ناجح . تحياتي وأشوفكم على خير 💚

💚

الخلاصة هي انه كل ما بيزيد عدد أوامر الشبكة بتزيد الربحية رغم زيادة المخاطرة يعني الشبكات الكبيرة اللي انت بتهرب منها هي السبب في ربحيتك في نظام شبكات الأوامر Grid System النتيجة دي مش حتلاقيها في أي بحث أو كتاب على الأنترنت .. فياريت تفاعل عشان المحتوى الهادف بيموت بالمتابعة الصامتة

لو مهتم بنظام شبكات التداول Grid System يبقى البحث ده ليك 👇 بص يا غالي .. نظام شبكات الأوامر هو نظام لإدارة المخاطر بنعتمد عليه في التداول باستخدام استراتيجية بيرما الموجودة على المدونة عشان نطبق النظام بنستخدم خبير نصف آلي Semi automatic expert advisor .. احنا بندخل الصفقة وهو بيكملها لحد النهاية في نظام الشبكات احنا بنفتح صفقات تداول .. سواء بيع أو شراء كل صفقة لها حد اقصى من الأوامر .. وفي الاعدادات اللي شغالين بيها .. أقصى عدد للأوامر في الصفقة الواحدة يساوي 10 أوامر ومن هنا عملت احصائية مهمة جدا على حسابي الشخصي .. ووصلت من خلالها لمعلومات مش حتلقيها عند حد غيري .. فركز معايا الإحصائية شملت 993 أمر تداول كونوا 421 صفقة .. على الـ 28 زوج عملة الرئيسيين + الذهب + الفضة + مؤشر SP500 وكانت اهم النتائج هي 👇 ⭐ 45% تقريبا من كل الصفقات بيتكون من أمر واحد ⭐ 93% من كل الصفقات بيتكون بعدد من الأوامر ما بين 1 إلى 5 أوامر .. و7% بس هما اللي بيزيد عدد الأوامر عن 5 ⭐ كل ما زاد عدد الأوامر اللي بتتكون منه الصفقة كل ما زادت الربحية .. يعني الصفقات اللي أنت شايف انها ممكن تخسرك .. وإنها السبب في الدروداون هي دي الصفقات اللي بتحقق لك أكبر مكسب! ⭐ لو زاد عدد الأوامر في الحساب عن خمسة النتائج بتكون غير متسقة .. ليه؟ .. لأن الصفقات بتطول .. بالتالي الـ Swap بيأثر على الربحية النهائية للصفقة .. وبيزود من التكاليف بدرجة كبيرة .. لكن ده مش بيحصل غير في 7% بس من الصفقات كدة حضرتك بقيت عارف لو دخلت صفقة نسبة انك تكون شبكة كبيرة حتكون 7% فقط .. وبنسبة 45% الشبكة حتتكون من أمر واحد .. وبنسبة 93% مش حيزيد عدد أوامر الشبكة عن 5 يمكن البحث ده حيستفاد منه اكثر الناس اللي بالفعل سمعت الكورس وبتشتغل بالأدوات لو حابب تفهم اكثر عن نظام تداول بيرما Berma System ففيه كورس كامل مجاني موجود على مدونة البرماوي ابحث في جوجل عن مدونة البرماوي .. حتلاقي الكورس في الصفحة الرئيسية النتائج دي أخدت مني اسابيع من البحث وتجميع المعلومات عشان اقدمها لحضرتك في بوست على الفيسبوك .. فياريت تفاعل بشير أو كومنت #أسهم #فوركس #عملات #دولار #ذهب #بيتكوين

الخلاصة هي انه كل ما بيزيد عدد أوامر الشبكة بتزيد الربحية رغم زيادة المخاطرة يعني الشبكات الكبيرة اللي انت بتهرب منها هي السبب في ربحيتك في نظام شبكات الأوامر Grid System النتيجة دي مش حتلاقيها في أي بحث أو كتاب على الأنترنت .. فياريت تفاعل عشان المحتوى الهادف بيموت بالمتابعة الصامتة

عايز أروح هناك 💚

هل اسهم القطاع العقاري تواجهة فقاعة سعرية 👇 امبارح اتكلمت عن مؤشر عقارماب اللي بيرصد مبيعات القطاع العقاري .. ووضحت إن المؤشر هابط بنسبة 13% خلال سنة الرسم البياني اللي قدام حضرتك عبارة عن رسم بياني شهري لمؤشر قطاع العقارات في مصر .. مدة الرسم البياني 10 سنين الخط الأحمر بيمثل المتوسط الحسابي للإغلاق الشهري على مدى العشر سنين .. وهو 1883 نقطة الانحراف المعياري لحركة الاسعار خلال نفس المدة كان 1200 نقطة لو ضفنا الانحراف المعياري للمتوسط الحسابي .. حنعرف إن مؤشر اسهم الشركات العقارية بيبعد عن متوسطه اكثر من ثلاثة اضعاف وده معناه ببساطة إن اسعار اسهم القطاع العقاري مبالغ فيها بصورة كبيرة ومن الناحية الاحصائية الفنية فيه احتمال وفق الـ 90% إن الاسعار ترتد للأسفل في حركة تصحيحية .. أو على الأقل تتحرك بصورة عرضية خليك فاكر إن أفضل صعود للاسعار هو الصعود الإنتقائي .. وأسوأ هبوط للأسعار هو الهبوط جماعي وهذه ليست توصية .. دي معلومة للي عايز يتعلم حاجة مفيدة .. فلو عجبتك الصفحة تفاعل بشير وكومنت .. لأن المحتوى الهادف يموت بالمتابعة الصامتة #اسهم #بورصة #تحليل_فني #تعليم

هل سوق العقارات في مصر فيه فقاعة وانفجرت 👇 بصراحة أنا معرفش .. وشهادتي في هذا المجال مجروحة لكن بناء على البيانات الخاصة بمؤشر "عقارماب" اللي بيرصد حالة سوق العقارات في مصر فالواضح هو إن السوق بيعاني من هبوط سنوي في المبيعات في مايو 2026 بحوالي 13% الرسم البياني اللي قدام حضرتك لمؤشر "عقار ماب" بيوضح التغير السنوي في سوق العقارات من مايو 2025 لحد مايو 2026 ودي آخر تحديث للبيانات على الموقع وواضح تماما إن فيه هبوط وقمم اقل وقاع جديد اتكون في فبراير 2026 يبقى لو بيانات الموقع صحيحة نقدر نقول إن فيه تباطؤ في سوق العقارات في مصر .. لأن كلمة انهيار معناها انخفاض بمقدار 20% أو أقل

إذا كان المال ينمو على الأشجار، فإن النساء سيتزوجن القرود

💚

تعالى احكي لك عن اهم الكتب الي اثرت في حياتي .. بعيدا عن اسواق المال 👇 👈 كتاب "قوة العادات The Power of Habits اتعلمت من الكتاب ده إن 44% من سلوكيات الانسان اليومية عبارة عن عادات المعلومة دي اذهلتني .. لأني فهمت من خلالها حاجات كثير جدا بتحصل حوليّا .. وعرفت ليه الناس بتعمل نفس الأخطاء كل يوم منتظرين نتائج مختلفة! 👈 كتاب "العادات الذرية" Atomic Habits اتعلمت منه ازاي اسيطر على عاداتي .. بالتالي اعرف اغيرها زي ما أنا عايز لو طبقت المعلومات الموجودة في كتاب العادات الذرية فأنت حرفيا حتسيطر على 44% من سلوكياتك .. أو اكثر .. يعني حرفيا حتسيطر على حياتك 👈 كتاب "الأثر التراكمي" The Compound Effect لو فعلا الإنسان بيكرر 44% من تصرفاته .. فده معناه إن العادة لو سيئة حيكون تأثيرها مضاعف بنسبة 44% مع كل تكرار .. ولو العادة حسنة حيكون تأثيرها مضاعف 44% مع كل تكرار .. وده سبب كافي عشان تقرأ هذا الكتاب الرائع اللي من خلاله حتعرف ليه رغم إننا كلنا بنعيش 24 ساعة في اليوم لكن فيه ناس بتوصل للقمة وفيه ناس بتنحدر للقاع 👈 كتاب "الأفذاذ" The Outliers الكتاب ده حيعلمك ويجاوب لك عن سؤال مهم جدا وهو .. ليه فيه ناس بتوصل للقمة وتدخل التاريخ وناس تانية لأ؟ ..وده له سببين الأول هو المجهود المبذول للوصول للقمة .. اللي هو حسب ما حدده الكتاب عبارة عن 10 آلاف ساعة عمل ( 6 سنين خمس ساعات كل يوم تقريبا) والسبب الثاني .. هو الظروف المحيطة بالشخص نفسه .. زي مكان وزمان ولادته .. وطبقته الاجتماعية .. وغيره من عوامل خارج إرادة البشر 👈 كتاب "التفكير السريع والبطئ" Thinking, Fast & Slow الكتاب ده هو اللي عرفني إزاي الانسان بيفكر .. وإزاي بيختار ويأخد القرارات سواء تحت ضغط أو بهدؤ الكتاب ضخم .. وكمية المعلومات اللي فيه رهيبة .. وكله تجارب سيكلوجية مثيرة للاهتمام .. حتعرف منه ايه هي الأنواع المختلفة من الأوهام اللي بتدور في عقل البشر .. وحتفهم العالم من حوليك بيفكر إزاي .. إذا كان فعلا بيفكر مش بيكرر اللي اتبرمج عليه! وإنت بتقرا الكتاب ده خليك فاكر العبارة دي 👈 الإنسان لسان وأذنان يسيران على قدمين 👈 كتاب "اغنى رجل في بابل" الكتاب ده علمني معنى الإدخار .. قبل ما اقرأه كنت عايش بمبدأ اصرف ما في الجيب يأتيك ما في الغيب .. وبعد ما قرأته بقى عندي رصيد في البنك :) 👈 كتاب "اشترِ" Just Keep Buying لو كنت قرأت هذا الكتاب من ثلاثين سنة كان زماني بقيت ملياردير .. بجد مش بهرج الكتاب فكرته انك عشان تكون غني مفيش غير حل واحد بسيط جدا ومنطقي وعملي جدا جدا .. الحل هو إنك "تشتري" .. تشتري اسهم - ذهب عقارات .. تشتري أي حاجة قابلة للتخزين .. المهم أنك تحول الفلوس لسلع قابلة للبيع في المستقبل .. بس كده ببساطة شديدة تخيل لو كنت اشتريت التجاري الدولي وطلعت مصطفي وهيرمس من ثلاثين سنة واحتفظت بيهم .. تخيل لو كل قرش زاد عن حاجتك كنت اشتريت بيه جرام ذهب وشيلته .. تفتكر حالك كان زمانه بقى عامل إزاي دلوقت ⭐ طبعا فيه كتب ثانية اثرت في .. لكن المجموعة دي كان لها عظيم الأثر .. وأنا متأكد إنك لو قراتهم حياتك حتتغير للأحسن .. حرفيا إنت معاك كنز متكامل الأركان .. تحقق من خلاله السعادة المادية والمعنوية ⭐ ياريت محدش في التعليقات يسأل "أجيب الكتب دي منين" .. وبلاش حد يبعت لي رسائل من النوع ده لأني مش حأرد ⭐ العبارة المتبروزة في الصورة هي آخر عبارة في كتاب "من جيد إلى عظيم" .. وهي اللي حفزتني إني اكتب البوست ده .. العمر فعلا قصير .. وممكن حياة الإنسان تضيع بدون أي معنى .. عشان كده أنا قلت اشاركم تجربتي يمكن حد يستفاد ⭐ لو عجبك البوست تفاعل معاه .. لأن المحتوى الهادف يموت بالمتابعة الصامته .. وتابع الصفحة #كتب #قراءة #مكتبات

كلمتين عايز اقولهم من زمان 👇 يا جماعة الخير، التحليل الفني Technical Analysis مش هو التداول Speculation ناس كثير بتبعت لي رسائل انهم عايزين يتعلموا تحليل فني .. ولما اسألهم ليه؟ .. يردوا بأنهم عايزين يتداولوا في السوق! الناس دي في حد صدّر لها فكرة انك لازم تتعلم تحليل فني عشان تبقى متداول وده كلام غلط قولا وتفصيلا .. وسعادتك ممكن تكون متداول ناجح من غير ما تتعلم تحليل فني وفيه ناس كثير نجحت في التداول من غير ما تتعلم تحليل فني .. زي جيسي ليفرمور ونيكولاس دارفاس ليفرمور كان بيضارب على الأخبار معظم الوقت .. ودارفاس كان بيتخيل حركة السعر بدون ما يرسم شارت 👈 التحليل الفني هو دراسة لحركة الأسعار الدراسة دي ممكن توجهها في اي اتجاه .. دراسة الوضع الاقتصادي العام .. أو دراسة حالة احد القطاعات الاقتصادية زي قطاع الأسكان والتعمير أو قطاع البنوك .. يعني مش لازم تتداول بالتحليل الفني 👈 أما التداول فهو للتربح من حالة السوق .. وله أربع اركان رئيسية 👇 #1 تحليل البيانات Data Analysis عشان نعرف ناخذ قرار .. والتحليل الفني يقع تحت هذا الركن .. كمان التحليل الأساسي .. وكمان التحليل الخبري #2 كفاءة أسواق المال Market efficiency .. ودي أنا عامل فيها كورس كامل مجاني موجود على المدونة .. اسمه "جرعة من الواقع" .. موجود في الصفحة الرئيسية #3 إدارة المخاطر المالية Risk Money Management .. ودي المسؤولة عن تحديد مناطق الدخول والخروج وحجم الصفقات #4 السيكولوجي Psychology .. أو نفسية المتداول من ناحية ونفسية جماهير المتداولين من الناحية الثانية 👈 الأب الروحي للتداول في أسواق المال الأمريكية هو "ديكسون واتس" .. وأنا مترجم عنه مقال كامل على المدونة الأب الروحي للتحليل الفني هو "تشارلز داو" .. صاحب مؤشر "داو جونز الصناعي" اليابانيين بينسبوا التداول والتحليل الفني لتاجر رز كبير عندهم اسمه "هونما" Honma .. بيقولوا إن الشموع اليابانية هي أصل التحليل الفني . . . الخلاصة هي إن الفصل بين التحليل الفني وعلم التداول افضل من الجمع بينهم .. لأنه بيوسع الأفق للاثنين . . . لو عجبك البوست تفاعل معاه .. لأن المحتوى الهادف يموت بالمتابعة الصامته .. وتابع الصفحة #أسهم #فوركس #عملات #دولار #ذهب #بيتكوين

"عندما لا تتضح لك شخصية الرجل، انظر إلى أصدقائه" يعني العبيط يصاحب العبيط اللي زيه .. والحكيم يصاحب الحكيم اللي زيه

"أفضل وقت للتوسع هو عندما لا يجرؤ أحد على المخاطرة. حينها فقط تُحقق القرارات العادية نتائج استثنائية."

"في النهاية، أعتقد أنه لا يوجد شيء يجب علينا فعله لنُحَب. نقضي حياتنا محاولين أن نبدو أجمل وأكثر ذكاءً. لكنني أدركتُ أمرين: أولئك الذين يحبوننا يروننا بقلوبهم ويمنحوننا صفات تتجاوز صفاتنا الحقيقية. أولئك الذين يرفضون حبنا لن يرضوا أبدًا بكل جهودنا. نعم، هذا صحيح. أعتقد أنه من المهم أن نتقبل نقائصنا. فهي ثمينة، لأنها تساعدنا على فهم أولئك الذين يروننا بقلوبهم."

حتى الأرجنتين تتمنى خسارة الأرجنتين اليوم تحقيقاً للعدالة العالم كله يشجع سويسرا... إلا مكتب الفيفا 😁

وأنا بأقلب في اكس وقع تحت ايدي كنز 👇 عبارة عن مقال اتكتب سنة 1908 .. بعد ما السوق الأمريكي كان مر بأزمة اسمها "ازمة الذعر" سنة 1907 المقال بيحاول يجاوب على سؤال مهم وهو 👇 ايه هي الصفة الرئيسية اللي بيتصف بها المُضاربين والمستثمرين اللي بيعيشوا بعد أي ازمة بيمر بيها السوق؟ والإجابة هي ... لأ بلاش نقول .. واللي عايز يعرف الإجابة ممكن يقرأ المقال من على مدونة البرماوي عنوان المقال 👈 ل. ل. شين: المتداولون المستمرون في السوق رابط المقال 👈 bermaa.com/chinn-traders-… . . . أنا تعتب كثير عشان اترجم المقال واحوله لمعلومة تستفاد منها فلو عجبك المحتوى يارت تتفاعل معاه .. لأن المحتوى الهادف يموت بالمتابعة الصامتة #أسهم #فوركس #عملات #دولار #ذهب #بيتكوين

أتداول زوج الذهب/الدولار الأمريكي وأدير أربعة مشاريع تجارية. أحدها مع زوجتي، نصمم فيه فساتين زفاف حسب الطلب للعرائس الجميلات. والثاني مع أخي، ندير فيه شركة إعلامية متخصصة في حفلات الزفاف. عالم الأعمال مليء بالتحديات. ربما أكثر من التداول. في التداول، لا أواجه إلا نفسي. أما في الأعمال، فأواجه نفسي وأشخاصًا آخرين. لكنني أدركتُ ما يلي: كل درس تعلمته من عالم الأعمال، طبقته في السوق. وكل درس تعلمته من السوق، طبقته في الأعمال. إنها المعركة نفسها، لكن في ساحات مختلفة.

حضرتك مش مطالب إنك تدخل كل صفقة تقابلك في السوق .. ادخل الصفقات اللي واضح فيها أنت حتعمل ايه .. الصفقات اللي انت عارف حتخرج منها امتى وبأيه وليه المسألة بسيطة .. خليك مع الصفقات الواضحة بس