BigTV APP

కామన్వెల్త్ గేమ్స్‌: వెయిట్‌లిఫ్టింగ్‌లో వింద్యారాణికి కాంస్యం.. కామన్వెల్త్ గేమ్స్ మహిళల 58 కేజీల వెయిట్‌లిఫ్టింగ్‌లో భారత క్రీడాకారిణి బింద్యారాణి కాంస్య పతకం సాధించారు. మొత్తం 199 కేజీల బరువు ఎత్తి ఆమె మూడో స్థానంలో నిలిచారు. నైజీరియాకు చెందిన రఫియాతు స్వర్ణం, కెనడాకు చెందిన ఆన్ సోఫీ రజతం గెలుచుకున్నారు. బింద్యారాణి పతకంతో ఈ క్రీడల్లో భారత్ పతకాల సంఖ్య ఆరుకు చేరింది.

కామన్వెల్త్ గేమ్స్‌లో భారత్‌కు ఆరో పతకం.. కామన్వెల్త్ గేమ్స్‌-2026 మహిళల 53 కేజీల వెయిట్‌లిఫ్టింగ్‌ విభాగంలో ఛత్తీస్‌గఢ్‌కు చెందిన జ్ఞానేశ్వరి యాదవ్ వెండి పతకం సాధించారు. ఇది భారత్‌కు లభించిన ఆరో పతకం. ఎలక్ట్రీషియన్‌గా పనిచేసే తన తండ్రి ప్రోత్సాహంతో, ఆర్థిక కష్టాలను అధిగమించి జ్ఞానేశ్వరి ఈ ఘనత సాధించి తండ్రి కల నెరవేర్చారు.

దివ్యాంగుడి కల నెరవేర్చిన సీపీ సుమతి నడవలేని, స్పష్టంగా మాట్లాడలేని పరిస్థితిలో ఉన్న దమ్మాయిగూడకు చెందిన రాహుల్ అనే దివ్యాంగుడి సీపీ కావాలనే కలను మల్కాజ్గిరి పోలీస్ కమిషనర్ బడుగుల సుమతి నెరవేర్చారు. కమిషనరేట్‌కు ఆహ్వానించి తన కుర్చీలో కూర్చోబెట్టి పోలీస్ టోపీ ధరింపజేశారు. ప్రతిమ ఫౌండేషన్ రష్మిత, వికలాంగుల హక్కుల సాధన సమితి శివకృష్ణ రాహుల్‌కు వీల్‌చైర్ అందజేశారు.

"నీటి సంరక్షణ ప్రతి ఒక్కరి బాధ్యత" ఎల్‌నినో పరిస్థితుల నేపథ్యంలో వర్షపు నీటి సంరక్షణను ప్రజా ఉద్యమంగా మార్చాలని మంత్రి సీతక్క పిలుపునిచ్చారు. 'తెలంగాణ జలసిరి'లో మహిళా స్వయం సహాయక సంఘాలు, ప్రజలు భాగస్వాములు కావాలన్నారు. ప్రతి ఇంటికి ఇంకుడు గుంత, పొలానికి పంటకుంట, ఊరికి ఊటకుంట నిర్మించాలని సూచించారు. నీటి కొరత నివారణ ప్రతి పౌరుడి సామాజిక బాధ్యత అని స్పష్టం చేశారు.

పెద్ది సుదర్శన్ రెడ్డిని పరామర్శించిన కేసీఆర్ TG: సికింద్రాబాద్ యశోదా ఆస్పత్రిలో చికిత్స పొందుతున్న మాజీ ఎమ్మెల్యే పెద్ది సుదర్శన్ రెడ్డిని BRS అధినేత కేసీఆర్ పరామర్శించారు. ఆయన ఆరోగ్య పరిస్థితి గురించి డాక్టర్లను అడిగి తెలుసుకున్నారు. అనంతరం సుదర్శన్ రెడ్డి కుటుంబసభ్యులతో మాట్లాడారు. కేసీఆర్ వెంట హరీశ్ రావు, వేముల ప్రశాంత్ రెడ్డి, తలసానితో పాటు పలువురు నేతలు ఉన్నారు.

నాకు నాలుగేళ్లు పట్టింది... అఖిల్‌కి 11 ఏళ్లు పట్టింది: సుమంత్

ఏనుగుకు బెల్లం.. కోపంలో తొక్కి చంపేసింది మధ్యప్రదేశ్‌లోని ఇండోర్‌లో దారుణ ఘటన వెలుగు చూసింది. ఊరేగింపుగా వెళ్తున్న ఏనుగుకు బెల్లం తినిపించేందుకు ప్రయత్నించిన విజయ్ అనే ఆటో డ్రైవర్‌పై అది తీవ్ర ఆగ్రహంతో దాడి చేసింది. తొండంతో ఎత్తి నేలకేసి కొట్టి, కాలితో తొక్కేసింది. తీవ్ర గాయాలపాలైన అతడిని స్థానికులు ఆస్పత్రికి తరలించగా, చికిత్స పొందుతూ మరణించాడు.

వరంగల్ భద్రకాళి అమ్మవారిని దర్శించుకున్న హీరో జైకృష్ణ ఘట్టమనేని, దర్శకుడు అజయ్ భూపతి

టాటా సుమోపై కొండచరియలు పడి 13 మంది మృతి.. హిమాచల్ ప్రదేశ్‌లోని చంబా జిల్లాలో ఉదయ్‌పూర్-పాంగి మార్గంలో టాటా సుమోపై కొండచరియలు విరిగిపడ్డాయి. ఈ ఘోర ప్రమాదంలో సుమోలోని 13 మంది ప్రాణాలు కోల్పోగా, ఇద్దరు సురక్షితంగా బయటపడ్డారు. దీనికి సంబంధించిన లైవ్ వీడియో తాజాగా బయటకు వచ్చింది. ప్రమాద దృశ్యాలు అత్యంత భయానకంగా ఉన్నాయి.

‘సారీ అమ్మా.. బతకాలని ఉన్నా బాధ భరించలేకపోతున్నా’ ఏపీలో విషాదం చోటుచేసుకుంది. రంపచోడవరంలో మెగా PTMలో సీఎం చంద్రబాబును ప్రసంగంతో ఆకట్టుకున్న పదవ తరగతి విద్యార్థిని శివానీ ఆత్మహత్య చేసుకున్నారు. “ ‘సారీ అమ్మా.. బతకాలని ఉన్నా బాధ భరించలేకపోతున్నా. నీ కలను నెరవేర్చలేకపోతున్నా” అంటూ ఆమె రాసిన లేఖ అందరినీ కలచివేసింది. ఈ ఘటనపై పోలీసులు దర్యాప్తు చేస్తున్నారు.

‘చట్టసభల్లో 'జెన్ జీ'కి ప్రాతినిధ్యం కల్పించాలి’ సింగపూర్, బ్రిటన్ తరహాలో భారత్‌లోనూ 21 నుండి 25 ఏళ్ల యువతకు చట్టసభల్లో ప్రాతినిధ్యం కల్పిస్తే వారి సమస్యలు పరిష్కారమవుతాయని కాంగ్రెస్ ఎంపీ కిరణ్ కుమార్ రెడ్డి అన్నారు. ఈ ఆలోచనను 'ఇండియా' కూటమి నేతలకు వివరించడంతో పాటు, రాబోయే అసెంబ్లీ సమావేశాల్లో దీనిపై చర్చించి తీర్మానం చేయాలనే ఆలోచనలో తెలంగాణ సీఎం రేవంత్‌రెడ్డి ఉన్నారని ఆయన పేర్కొన్నారు.

అంతరిక్షం నుంచి వెలిగిపోతున్న భారత్ అంతర్జాతీయ అంతరిక్ష కేంద్రం (ISS) నుండి రాత్రి వేళ తీసిన ఒక అరుదైన టైమ్‌లాప్స్ వీడియో నెట్టింట వైరల్ అవుతోంది. NASA జాన్సన్ స్పేస్ సెంటర్ చిత్రాలతో రూపొందిన ఈ వీడియోలో నగర వెలుగులతో భారత్, శ్రీలంక మెరిసిపోతుండగా.. మన్నార్ గల్ఫ్, బంగాళాఖాతంపై ఉరుములు-మెరుపులతో కూడిన వర్ష మేఘాలు ఆకాశాన్ని ప్రకాశింపజేశాయి.

బొండా ఉమాకు పిఠాపురం వర్మ కౌంటర్ 2019లో కాపు ఉద్యమం వల్లే టీడీపీ ఓడిపోయిందన్న బొండా ఉమా వ్యాఖ్యలను పిఠాపురం మాజీ ఎమ్మెల్యే వర్మ ఖండించారు. కాపులకు చంద్రబాబు చేసినంత మేలు ఎవరూ చేయలేదని, జగన్ "ఒక్క ఛాన్స్" అని కోరడం వల్లే ప్రజలు ఓటేశారని స్పష్టం చేశారు. నేతలు వ్యక్తిగత అభిప్రాయాలను పార్టీకి ఆపాదించడం సరికాదని, సొంత వ్యాఖ్యలు చేసేటప్పుడు ముందే స్పష్టత ఇవ్వాలని సూచించారు.

‘ధర్మేంద్ర ప్రధాన్ జిందాబాద్’ అంటూ.. మాజీ కేంద్ర విద్యాశాఖ మంత్రి ధర్మేంద్ర ప్రధాన్ పార్లమెంటుకు చేరుకోగానే బీజేపీ-ఎన్డీఏ ఎంపీలు ఆయనకు ఘన స్వాగతం పలికారు. సభ ఆవరణలోకి ఆయన అడుగుపెడుతున్న సమయంలో ఎంపీలు ఒక్కసారిగా "ధర్మేంద్ర ప్రధాన్ జిందాబాద్" అంటూ పెద్దపెట్టున నినాదాలు చేశారు. నేతలందరూ ఆయనను కలిసి ఆత్మీయంగా పలుకరించారు. దీనికి సంబంధించిన వీడియో వైరలవుతోంది.

ఇంకెన్నాళ్లు ఈ అకృత్యాలు? .. అంటూ యాంకర్ కన్నీరు.. ఆడపిల్ల భారం అనుకుంటూ భూమ్మీదికి రాకుండా కడుపులోనే కడతేరుస్తున్న దారుణాలు ఆగడం లేదు. జనగామలో మూడోసారి ఆడపిల్ల అని తెలిసి, సొంత తల్లే బలవంతంగా అబార్షన్ చేయించడంతో శ్రావణి తీవ్ర రక్తస్రావమై ప్రాణాలు కోల్పోయింది. ఇంకెన్నాళ్లు ఈ అకృత్యాలు? అంటూ 'బిగ్ టీవీ' యాంకర్ ధనలక్ష్మి లైవ్‌లోనే కన్నీళ్లు పెట్టుకున్నారు.

అమ్మ కోసం ఆవిష్కరణ.. కేరళం సీఎం ఫిదా! తల్లికి ఇంటి పనులు సులభతరం చేసేందుకు కేరళంకు చెందిన 12 ఏళ్ల లెవిన్ పౌలోస్ వంట చేయడం, ఆహారం వడ్డించే రోబోలను తయారుచేసి ప్రశంసలు అందుకుంటున్నాడు. చిన్న వయసులోనే ఆటోమేషన్‌లో అతడి అసాధారణ నైపుణ్యాన్ని సీఎం వీడీ సతీషన్, నెటిజన్లు ప్రత్యేకంగా అభినందిస్తూ.. భారత టెక్నాలజీ భవిష్యత్తు అని కొనియాడారు.

రాజేంద్రనగర్‌లో హిట్ అండ్ రన్ రాజేంద్రనగర్ డీసీపీ కార్యాలయం వద్ద మద్యం మత్తులో అతివేగంగా వచ్చిన కారు రోడ్డు దాటుతున్న వ్యక్తిని ఢీకొట్టింది. ప్రమాదంలో తీవ్రంగా గాయపడిన వ్యక్తిని ఉస్మానియా ఆస్పత్రికి తరలించారు. మద్యం మత్తులో ఉన్న డ్రైవర్‌ను స్థానికులు పట్టుకొని పోలీసులకు అప్పగించారు. పోలీసులు హిట్ అండ్ రన్ కేసు నమోదు చేశారు.