يا وجودي وجد منهو جهل كبر الظنون
واختلف ظنه على اللي يحسْبه كل حين
كل يوم يطيح واحد وتبكيه العيون
ليت يبقى له عذر واعتبر عذره سمين
الأوادم تالي الوقت من دونٍ لـ دون
كنّهم من مآقف الطايله متنازلين
من تنصّيه الملامه يناولْك الطعون
ول يا الوجه المقفّي و يا الحظ اللعين
-أبو عامر.
تكفى علي يا وقت تكرّم بالاعدام
قد باح سدّي و الليالي خذلتني
مسجون في فكري و أفضفض بالأقلام
و اوضاع وقتي للردى غيرتني
حطتني الدنيا و رفعت الاعلام
ما راح…ما يبقى ولا عوّضتني
✍️ عبدالرحمن الشعلان
من زود ما فيني من الهم و الياس
جرّيت مسحوبي و زاد الوجاعي
يا رجم قلّي هو بقى للفرح ساس؟
و الا غدينا في زمان الضياعي؟
يا مل قلبٍ طق به كل هوجاس
و العين دمعت مثل دمع الوداعي
✍️ عبدالرحمن الشعلان
بين الضلوع يطبخ الداكوك وشفيني؟
و القلب ينزف ولا به من يداويني
ضايق ولا اعرف اللي يقوى يسلّيني
ادوّر اللي من الضيقات ينجيني
احدب ظهري من الحِمل ولا يقوى
و الكبد من همي مندبله ولا تروى
يالله يااللي بيدّك الامر و السلوى
تجلي همومٍ بوسط الصدر تكويني
✍️ عبدالرحمن الشعلان
يالخاطر الضايق عسى الله يشفيك
من الهموم اللي على قلب تعبان
يالخاطر اللي عقبك العين تبكيك
تبحث عن السلوى و هالحين حزنان
ودك تعرف الناتجه من خطاويك
تمشي بصدّه عن نظر فلان و علّان
✍️ عبدالرحمن الشعلان
فرقاك ضيم وغيبتك كلها وجد
يا اللي بقلبي من غلاه متواجد
يانور نجد ومن سكن في ثرى نجد
وحشتك وحشه ياسليل الاماجد
عشرتك مجد كان لهل الهوى مجد
كنك وحد لو غيرك الناس واجد
✍️ محمد الفهاد البرازي