Бюро | Buro

💰Як падтрымаць «Бюро» «Бюро» – каманда беларускіх журналістаў-расследавальнікаў. Гэта Вольга Ратмірава, Ксенія Вязнікоўцава, Аляксандр Ярашэвіч і Аляксей Карпека. Нашыя журналісты аб'яўлены ў вышук у Беларусі і Расіі. Ня так даўно «Бюро» прызнана "экстрэмісцкім фарміраваннем". Але, мы не плануем спыняць працу і будзем далей расследаваць злачынствы і карупцыю лукашэнкаўскага рэжыму. За апошні год мы апублікавалі 18 эксклюзіўных вялікіх расследаванняў, а таксама некалькі дзясяткаў міні-расследаванняў і расследавальніцкіх навін. Нашыя журналісты ўдзельнічалі ў трансгранічных расследаваннях, з-за якіх уводзілі санкцыі супраць атачэння Лукашэнкі і яго "бізнэсменаў". І вы можаце нам дапамагчы рабіць нашую справу яшчэ лепей. Patreon 📌 Штомесяц мы публікуем на Patreon рэдакцыйны ліст ад нашых журналістаў пра дзейнасць рэдакцыі. Іх атрымлівае кожны, хто падпішыцца на нас. Падпісацца можна тут patreon.com/buromediaby У хуткім часе мы прануем нашым падпісчыкам на Patreon дадатковыя бонусы. Разавы данат 📌 Таксама можна падтрымаць рэдакцыю разавым данатам. Зрабіць гэта можна тут праз Buymeacoffee. buymeacoffee.com/buromedia 📌 Можна зрабіць данат праз Stripe. buy.stripe.com/9AQ7sSbS7ehYff… Падаткі Калі вы працуеце ў Літве ці Польшчы, то частку свайго падаходнага падатку можаце пералічыць на падтрымку любой некамерцыйнай арганізацыі. Мы прапануем вам зрабіць гэта для «Бюро». 📌 Працуеце ў Літве? buromedia.io/be/news/rabota… 📌 Працуеце ў Польшчы? buromedia.io/be/news/rabota… Гэты адсотак — не дадатковы плацеж, а частка тых грошай, якія вы ў любым разе заплаціце ў якасці падаходнага падатку дзяржаве. То бок ніякіх дадатковых выдаткаў не патрабуецца – толькі некалькі хвілін вашага часу на запаўненне спецыяльнай формы.

🚜 Аграімперыя Цяцерына. Як Лукашэнка зрабіў Сяргея Цяцерына аграбаронам на сваёй малой радзіме buromedia.io/be/investigati… Аляксандр Лукашэнка гадамі падаваў сваю малую радзіму – гарадскі пасёлак Копысь у Аршанскім раёне – як узорную «вёску будучыні». Туды вазілі дэлегацыі, паказвалі добраўпарадкаванне, адкрывалі рамесныя цэнтры і новыя вытворчасці – як доказ таго, што дзяржава ўмее ажыўляць правінцыю. «Бюро» высветліла, што тады ж блізкі сябар Аляксандра Лукашэнкі Сяргей Цяцерын у гэтай мясцовасці крок па кроку збіраў пад сябе зямлю, нерухомасць і вытворчасці. Пад шыльдай фермерскай гаспадаркі ў трох суседніх пасёлках, Копысі, Хімах і Александрыі, узнікла прыватная аграімперыя – палі, сады, сыраварня, пякарня, мясаперапрацоўка – і заадно кіраванне дзяржаўнымі сельгасактывамі.

@BlackSwan7901 @mediazona_by

@mediazona_by @BuromediaBY Правильно вошёл в хоккейную раздевалку. Понимать надо.

Близкий к Лукашенко функционер Дмитрий Басков расширяет бизнес Журналисты @BuromediaBY обнаружили еще две компании. mediazonaby.com/news/2026/04/2…

Як дзяржава падтрымлівае бізнес Баскава і колькі ён зарабляе на дзяржзакупках чытайце на сайце «Бюро» buromedia.io/be/news/dmitri…

Дзмітрый Баскаў пашырае бізнэс пад брэндам Lepshy. Да яго актываў дадаліся крама спартовых тавараў і пякарня «Бюро» знайшло ў «сенатара» і трэнера па хакеі Мікалая Лукашэнкі – Дзмітрыя Баскава – яшчэ дзве кампаніі пад брэндам «Лепшы» (Lepshy). У верасні 2022 года набліжаны да Аляксандра Лукашэнкі тэлеграм-канал «Пул першага» анансаваў запуск бомбераў пад брэндам Lepshy. Рэалізацыяй новага мерча Лукашэнкі занялася фірма «Лепшы брэнд». «Люстэрка» паведамляла, што 80% гэтай кампаніі належыць Дзмітрыю Баскаву і 20% запісаныя на нейкую Марыну Анфілаву. 📌 Другая фірма – «Лепшы экіпіровачны цэнтр» – з’явілася ў канцы мая 2025 года. Яе профіль – рознічны гандаль спартовым абсталяваннем і інвентаром. «Лепшы экіпіровачны цэнтр» мае трох уладальнікаў. 34% належаць Арцёму Завадскаму. Паводле звестак «Кіберпартызан», Завадскі мае вялізны досвед у гандлі спартовымі таварамі. На сённяшні дзень ён таксама з’яўляецца заснавальнікам і дырэктарам фірмы «Хакейны кантынент», якая мае ўласную інтэрнэт-краму хакейнай формы і экіпіроўкі. Другі ўласнік крамы Lepshy hockey – Норберт Масальскі, ягоная доля 15%. Масальскі значыцца генеральным дырэктарам прадпрыемства «Спорт-люкс», якое таксама займаецца продажам хакейнай экіпіроўкі. Гандаль хакейнай экіпіроўкай Норберт Масальскі сумяшчае з працай у Федэрацыі хакея Беларусі. 📌 Астатнія акцыі «Лепшага экіпіровачнага цэнтра» – 51% – належаць самому Баскаву. Ён, дарэчы, прысутнічаў на адкрыцці крамы асабіста і старанна рабіў выгляд, што не мае ніякага да яе дачынення. Дзяржаўныя СМІ ў цітрах прадставілі Баскава як «старшыню Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці».

Новая спадарожніца Лукашэнкі – фіналістка конкурсу прыгажосці «Міс БРІКС». Даведаліся, хто яна і чым займаецца «Бюро» заўважыла, што ў атачэнні Аляксандра Лукашэнкі ўсё часцей з’яўляецца маладая шатэнка – Алія Кароткая. Як заведзена, увагу кіраўніка Беларусі яна прыцягнула на конкурсах прыгажосці. Дзяўчына паспела паўдзельнічаць у некалькіх: ад рэгіянальных «Міс Мінск» і «Міс Viva Braslav» да рэспубліканскага «Міс Беларусь» (двойчы) і міжнароднага «Міс БРІКС». Такая ўпартасць дапамагла з кар’ерай не толькі ёй, але і бізнэсу ейнай сям’і – між іншага, і без таго даволі заможнай. Цалкам чытайце на сайце buromedia.io/be/news/novaya…

Дар’я Шманай жыла ў маскоўскай кватэры Аляксандра Машэнскага? «Бюро» высветліла, што дарадніца-пасланніца пасольства Беларусі ў Расіі Дар’я Шманай магла жыць у маскоўскай кватэры ўплывовага беларускага бізнэсоўца Аляксандра Машэнскага. З уцеклых базаў дадзеных мы даведаліся, што ў красавіку 2023 года Дар’я Шманай атрымала ад Федэральнай службы судовых прыставаў паведамленне пра завінавачанасць па адміністрацыйным правапарушэнні ў памеры 3 тысяч расійскіх рублёў. Ліст быў накіраваны былой супрацоўніцы службы пратакола Лукашэнкі на маскоўскі адрас: Ленінградскі праспект, 2 Як стала вядома «Бюро», гэтая кватэра плошчай 105 квадратных метраў была набытая ў маі 2003 года ўладальнікам холдынга «Санта Брэмар» Аляксандрам Машэнскім. Па сённяшні дзень ён застаецца аднаасобным уласнікам маскоўскай нерухомасці. Мы накіравалі Аляксандру Машэнскаму афіцыйны запыт з просьбай пракаментаваць, на якіх падставах Дар’я Шманай пражывала ў ягонай кватэры. Бізнэсовец перадаў журналісту «Бюро» праз свайго сакратара, што «ён не каментуе плёткі». Аляксандр Машэнскі – бізнэсовец, набліжаны да Аляксандра Лукашэнкі. У 2010 годзе ён быў даверанай асобай палітыка на выбарах. У 2020 годзе прысутнічаў на таемнай інаўгурацыі Лукашэнкі. Да ліпеня 2025 года Машэнскі ўваходзіў у цэнтральны савет Прэзідэнцкага спартовага клуба, які кантралюе Дзмітрый Лукашэнка. У маі 2025 года МЗС Ісландыі вызваліў Аляксандра Машэнскага ад пасады ганаровага консула, якую ён займаў 18 гадоў. Паводле інфармацыі крыніцы «Бюро», знаёмай са справамі ісландскага МЗС, гэта адбылося з-за нежадання новай кааліцыі бачыць на пасадзе чалавека, які асацыюецца з Аляксандрам Лукашэнкам. За сувязі з беларускім рэжымам Машэнскі таксама трапіў пад санкцыі Польшчы ў ліпені 2025 года.

Унук Лукашэнкі пабудуе вытворча-складскі цэх за дзяржкрэдыт «Бюро» высветліла, што кампанія «Сезон упакоўкі» плануе пабудаваць вытворча-складскі цэх па вырабе тары з гафраванага кардону. Ён ужо ўключаны ў інвестыцыйную праграму «Рэгіянальная ініцыятыва», якая прадугледжвае вылучэнне крэдыту на суму да 30 мільёнаў беларускіх рублёў. Прадпрыемства з’явіцца ў адмысловай эканамічнай зоне «Брэміна-Орша», якая ў народзе вядомая як «аршанскі афшор» за кошт шырокіх ільгот і прэферэнцый, якімі яе забяспечыў Лукашэнка асабіста сваім указам. Нагадаем, 20% «Сезона ўпакоўкі» належыць дваццаціаднагадоваму Аляксандру Лукашэнку – малодшаму. Астатнімі 80% валодае фірма «Марскія сезоны», якую кантралюе бізнэс-лэдзі Людміла Няронская – блізкая сяброўка Віктара і Ліліі Лукашэнкі. Акрамя таго, у «Марскіх сезонах» таксама працуе зяць Віктара і Ліліі Лукашэнкі – Дзмітрый Дзятлаў і сват – Аляксандр Гарусаў. Раней мы паведамлялі, што беларускія ўлады засакрэцілі дадзеныя фірмаў, звязаных з Людмілай Няронскай, у тым ліку і «Сезона ўпакоўкі».

@palebasil во-во

@BuromediaBY А угроза нацбезопасности всё равно ты

Як партнёр Кіраўніцтва справамі Лукашэнкі адкрыў гламурны бізнэс у Літве У Беларусі бізнэсовец Артур Гранц валодае крамамі дзьюці-фры ў партнёрстве з уладамі, а ў Літве адкрыў прэміяльны рэстаран і цэнтр адпачынку. За апошнія гады ў Беларусі значна вырасла колькасць крамаў дзьюці-фры. Самую буйную сетку пад брэндам BDF у кааперацыі з Кіраўніцтвам справамі Лукашэнкі развівае бізнэсовец Артур Гранц з армянскім і беларускім грамадзянствам. Бязмытны гандаль прыносіць добрыя прыбыткі. Як высветліла «Бюро» з калегамі з LRT, частка даходаў ад прымежнага гандлю сышла з Беларусі ў Літву. У гэтай балтыйскай краіне Артур Гранц разам з сям’ёй адкрыў рэстаран і цэнтр адпачынку. 📌 Цалкам чытаць на сайце buromedia.io/be/news/kak-pa…

Былы кдбшнік і сваяк Лукашэнкі ахоўвае бізнэс «рыбнай каралевы» Няронскай Швагер Віктара Лукашэнкі і былы супрацоўнік КДБ Аляксандр Гарусаў адказвае за бяспеку ў рыбным бізнэсе Людмілы Няронскай. Гарусаў родам са Шклова. Доўгі час працаваў у КДБ. Ён муж Іны Гарусавай, роднай сястры Ліліі Лукашэнкі, жонкі Віктара Лукашэнкі. У бізнэсе Людмілы Няронскай занятыя і іншыя члены сям’і Віктара Лукашэнкі. Да прыкладу, ягоны зяць Дзмітрый Дзятлаў кіруе кампаніяй «Марская мануфактура», якая валодае рыбнымі кафэ, крамай і сталовай у Мінску. А старэйшы сын Аляксандр Лукашэнка – малодшы заснаваў кампанію «Сезон упакоўкі» на пару з Няронскай. 📌 За апошнія гады гэтая бізнэс-лэдзі імкліва пабудавала буйны рыбны холдынг. Няронская – суўладальніца расійскай кампаніі «Союзные рыбные промыслы», якая атрымала квоты на вылаў рыбы ў выключнай эканамічнай зоне на Далёкім Усходзе. Квоты вылучылі па міжурадавым пагадненні. У Беларусі Няронская таксама мае прэферэнцыі. Яе кампанія «Марскія сезоны» будуе рыбаперапрацоўчы завод у свабоднай эканамічнай зоне «Віцебск». На праект вылучылі льготны крэдыт ад «Банка развіцця» на 240 мільёнаў рублёў. Нядаўна «Марскія сезоны» запусцілі рыбны завод у мінскай прамзоне Калядзічы і выкупілі вытворчыя плошчы збанкрутавалага дзяржаўнага прадпрыемства «Белрыба».

«Шэры кардынал». Як румынскі бізнэсовец пабудаваў бізнэс-імперыю ў Беларусі разам з «кашальком» Лукашэнкі і былым кіраўніком Дзяржпагранкамітэта Віталіе Буздуган – чалавек заможны. У Беларусі ён валодае цэлай бізнэс-імперыяй. «Бюро» высветліла, што яму належыць асноўная доля як мінімум у 15 кампаніях. Яны працуюць у сферах медыцыны, будаўніцтва, тэхналогій, турызму, сельскай гаспадаркі і культуры. Многія фірмы звязаныя з бізнэсоўцам Аляксандрам Зайцавым, які знаходзіцца пад санкцыямі як спонсар Лукашэнкі, а таксама з Ігарам Рачкоўскім – экс-кіраўніком Дзяржпагранкамітэта і даўнім сябрам Віктара Лукашэнкі. У Румыніі Віталіе Буздуган далёка не апошні чалавек — усяго адзін поціск рукі аддзяляе яго ад прэзідэнта. Хто ж такі Віталіе Буздуган? Як ён апынуўся ў Беларусі і дамогся тут такіх поспехаў 📌 Падрабязнасці чытайце ў расследаванні Бюро — «Шэры кардынал» buromedia.io/be/investigati…

Пад «крышай» КДБ. У холдынгу Людмілы Няронскай працуе былы сілавік. Ён адказвае за юрыдычныя пытанні 13 лютага 2026 года ў Беларусі з’явілася новая юрыдычная асоба – ЗАТ «Алвілія». Пры рэгістрацыі кампаніі ў рэестры быў пазначаны той жа мабільны нумар, які выкарыстоўвала для адкрыцця сваіх фірмаў Людміла Няронская: «Марскія сезоны», «Марскія промыслы», «Марская мануфактура», «Марскі вектар» і «Марская гавань». Раней мы распавядалі, што дадзеныя гэтых кампаній цяпер недасяжныя. 📌 Нумар, які выкарыстоўваўся пры адкрыцці кампаній, належыць Дзмітрыю Храптовічу. У 90-х ён скончыў акадэмію МУС і перайшоў на службу ў КДБ. Крыніцы з сілавых ведамстваў памятаюць Дзмітрыя Храптовіча і як супрацоўніка службы бяспекі Лукашэнкі (СБП). У студзені 2010 года ён разам з Ліліяй Лукашэнкай лётаў у Варшаву і назад у Мінск. У той час Храптовіч быў супрацоўнікам «кашалька» Лукашэнкі Уладзіміра Пефціева ў кампаніі «БТ тэлекамунікацыі». Цяпер Храптовіч працуе ў «Марскіх сезонах» і «Марскіх промыслах». Акрамя таго, мы высветлілі, што ён уваходзіць у рэвізійную камісію «Союзных рыбных промыслов» – гэта буйны актыў Няронскай ва Уладзівастоку. Мы звязаліся з Дзмітрыем Храптовічам па тэлефоне. Ён патлумачыў нашаму журналісту, што ў холдынгу Няронскай працуе юрыстам. Храптовіч не пацвердзіў, але і не абверг супрацоўніцтва з КДБ і СБП. Што да паездкі з Ліліяй Лукашэнкай ён пракаментаваў «Бюро», што гэта няпраўда і ў Варшаве ён ніколі не быў. Магчыма, «Алвілія» была створаная як асабістая таемная фірма сям’і Віктара Лукашэнкі, бо назва кампаніі падобная на акронім, складзены з імён членаў ягонага клана: Аляксандр + Віктар + Лілія – «АлВіЛія». Падобны від абрэвіятуры раней ужо выкарыстоўвала і жонка Дзмітрыя Лукашэнкі. Свае ініцыялы Ганна Сяргееўна Лукашэнка яна зашыфравала ў творчым псеўданіме Ганна Сялук. Тое ж яна зрабіла і з фірмай «АНСЛ прадакшн» – склаўшы назву кампаніі з сваіх імя (у рускай версіі Анна), імя па бацьку і прозвішча.

Нявестка Лукашэнкі занялася рэкламным бізнэсам. Фірма ўжо называе сябе буйнейшай у Беларусі хоць яна з'явілася толькі ў кастрычніку 2025 года. «Бюро» высветліла, што за фірмай «Крэатыўны код» стаіць нявестка Аляксандра Лукашэнкі Ганна, болей вядомая пад творчым псеўданімам Ганна Сялук. На сёння бізнэс нявесткі Лукашэнкі ператварыўся ў паўнавартасны медыяхолдынг, які адначасова займаецца стварэннем музычных кампазіцый «пад ключ», прадзюсаваннем артыстаў эстрады, арганізацыяй дзяржаўных мерапрыемстваў, дзіцячых святаў, выпускных, вытворчасцю відэакліпаў, іміджавых ролікаў, стварэннем тэлешоу і валодае трыма радыёстанцыямі. Сукупна 25% належаць фірмам, звязаным з Ганнай Лукашэнкай (Сялук). З іх 15% запісана на «Музычную медыякампанію», дзе нявестка Лукашэнкі займае пасаду генеральнага прадзюсара. Яшчэ 10% адпісалі «АНСЛ прадакшн», уладальнік якой – топ-менеджар яе мужа Дзмітрыя Лукашэнкі Андрэй Урублеўскі. З кастрычніка па снежань 2025 года пасаду дырэктара ў «Крэатыўным кодзе» займаў Павел Лёгкі. Дзякуючы «Кіберпартызанам» мы высветлілі, што ў мінулым ён займаў высокапастаўленыя пасады: кіраваў прэс-службай у адміністрацыі Лукашэнкі, быў намеснікам міністра інфармацыі, дарадцам-пасланнікам у пасольстве Беларусі ў Маскве, намеснікам дырэктара ў Беларускім інстытуце стратэгічных даследаванняў.

Працуеце ў Літве ці Польшчы? Значыць, можаце дапамагчы раскрываць карупцыю ў Беларусі. Пералічыце частку свайго падаходнага падатку на падтрымку «Бюро». Вам гэта не будзе каштаваць ні капейкі, а нам вельмі дапаможа рабіць расследаванні на карысць сумленных беларусаў. 📌Літва buromedia.io/be/news/rabota… 📌Польшча buromedia.io/be/news/rabota…

Чытаць цалкам на сайце buromedia.io/be/news/moskov…

Расійскі муж для ўнучкі Лукашэнкі. «Бюро» высветліла эксклюзіўныя падрабязнасці пра жыццё Анастасіі Лукашэнкі ў Маскве Анастасія Лукашэнка, унучка Аляксандра Лукашэнкі, падчас вучобы ў Маскоўскім дзяржаўным універсітэце (МДУ), знайшла сабе выбранніка — ім аказаўся яе аднакурснік Дзмітрый Елісееў. Вясной 2024 года яны разам ездзілі ў Мінск з дэлегацыяй, патрапілі на фота ў Палацы Незалежнасці, на шпацырах і экскурсіях. Елісееў неаднаразова прылятаў у Беларусь, у тым ліку ў ліпені 2024 года на «Славянскі базар». Былі і сумесныя пералёты пары ў Орск (Арэнбургская вобласць, Расія) — да бацькоў Дзмітрыя. 📌 Ёсць падставы меркаваць, што ўлетку 2025 года Анастасія Лукашэнка выйшла замуж за Дзмітрыя Елісеева: з лютага 2025 у яе заўважылі пярсцёнак для заручын, а ў верасні яна ўжо фігуруе як Анастасія Елісеева ў публічных дакументах добраахвотнай студэнцкай дружыны юрфака МДУ і ў сваіх сацсетках.

🇺🇦 За чатыры гады поўнамаштабнай расійска-ўкраінскай вайны рэжым Лукашэнкі стаў ключавым саюзнікам і надзейным тылам для пуцінскай арміі. Беларускія прадпрыемствы па поўнай працуюць на патрэбы ваеннай машыны Крамля. Беларускія ўлады сталі ключавым саюзнікам Расіі ў вытворчасці ўзбраення з-за лагістычнай зручнасці, выкарыстання аднолькавых або падобных тыпаў тэхнікі, унікальнай экспертызы беларускіх збройнікаў у тых сферах, дзе Расія не валодае неабходнымі тэхналогіямі. 📌 «Бюро» раскрывае некаторыя дэталі крывавага супрацоўніцтва, якое забірае жыцці мірных людзей. buromedia.io/be/investigati…

Як сыны бізнэсоўца Чыжа атрымалі літоўскае грамадзянства? Чытайце на сайце “Бюро” buromedia.io/be/news/u-syno…

🇱🇹Сыны бізнэсоўца Юрыя Чыжа мелі літоўскае грамадзянства з 2013 года У сыноў Юрыя Чыжа больш за дзесяць гадоў было літоўскае грамадзянства. Яны атрымалі пашпарты еўрапейскай краіны, калі іхны бацька, некалі ўплывовы беларускі бізнэсовец, знаходзіўся пад санкцыямі ЕС. Як высветліла ў партнёрстве з расследавальніцкім цэнтрам Siena, Сяргей і Уладзімір Чыжы мелі літоўскае грамадзянства, але яны адмовіліся ад яго. Гэта вынікае з рашэння в. а. міністра ўнутраных спраў Літвы, апублікаванага ў верасні мінулага года. Сыны Юрыя Чыжа атрымалі літоўскае грамадзянства вясной 2013 года дзякуючы сваякам. Уладзімір Чыж і Сяргей Чыж атрымалі літоўскае грамадзянства, калі іхны бацька Юрый Чыж знаходзіўся пад санкцыямі ЕС як «кашалёк» Аляксандра Лукашэнкі. У сакавіку 2012 года ўплывовы бізнэсовец і ягоныя актывы падпалі пад абмежаванні, якія анулявалі толькі ў кастрычніку 2015 года.

Кліенты мабільнага аператара А1 не могуць зарэгістравацца ў Signal. Сам правайдар адмаўляе, што ўмешваецца ў працу месэнджара Беларускія кліенты мабільнага аператара А1 сутыкаюцца з праблемай пры першаснай рэгістрацыі ў месэнджары Signal. Signal лічыцца адным з самых бяспечных месэнджараў у свеце, які па змоўчанні выкарыстоўвае скразное шыфраванне end-to-end і адкрыты зыходны код. Гэта значыць, што нават самі распрацоўшчыкі і каманда Signal не маюць доступу да асабістай перапіскі карыстальнікаў і не захоўваюць іх метададзеныя. Рэч у тым, што пры стварэнні акаўнта ў Signal карыстальніку неабходна ўвесці свой нумар мабільнага тэлефона і пацвердзіць яго з дапамогай 6-значнага кода, які мабільны аператар дасылае праз смс-паведамленне. Аднак, паводле інфармацыі ад нашых чытачоў, правайдар А1 абмяжоўвае магчымасць атрымання кода. «Бюро» папрасіла беларусаў, якія раней ніколі не карысталіся Signal і маюць у наяўнасці беларускую сім-карту, усталяваць дадатак і зарэгістраваць акаўнт у месэнджары. Выявілася, што карыстальнікі ўнутры Беларусі могуць загружаць і ўсталёўваць мабільны дадатак Signal на смартфоны, а вось непасрэдна зарэгістраваць акаўнт выйшла толькі ў кліентаў мабільных аператараў МТС і Life, прычым нават у роўмінгу. Карыстальнікі А1 на запыт кода атрымліваюць наступнае паведамленне: «У Signal не атрымалася адправіць смс-код з-за праблем з пастаўшчыком смс-паведамленняў». «Бюро» пад выглядам занепакоенага карыстальніка звязалася з тэхпадтрымкай А1 – там адмаўляюць якія-небудзь абмежаванні адносна Signal: «Кампанія [А1] не блакуе працу дадаткаў, месэнджараў і сацыяльных сетак». Мы таксама накіравалі афіцыйны запыт у Signal і чакаем іх адказу.