CMO Gujarat

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં સુશાસન થકી દેશમાં વિકાસના રોલ મોડેલ બનેલ ગુજરાતના સમાચાર. #અગ્રેસર_ગુજરાત

મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં નાગરિક સેવાઓ હવે બની ફેસલેસ, કેશલેસ અને પેપરલેસ. રાજ્ય સરકારના સુશાસન અને આધુનિક ટેકનોલોજીનો સમન્વય એટલે 'સુગમ ડિજિટલ ગુજરાત'. આવક કે જ્ઞાતિના દાખલાથી લઈને રાશનકાર્ડ કઢાવવા સુધીની મુખ્ય 20 સેવાઓ નાગરિકો સરકારી કચેરીઓમાં લાઈન લગાવીને નહીં, પરંતુ ઘરે બેઠા ઓનલાઈન મેળવી શકશે. #EaseOfLiving

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં ધરતીપુત્રો, નારીશક્તિ, યુવાનો અને ગરીબ-વંચિત સહિત સૌ વર્ગોના કલ્યાણની સરવાણી વહાવતા ગુજરાતના સમાચાર. #અગ્રેસર_ગુજરાત

NHAI rolls out India's first stop-free toll system on NH-48 in Gujarat moneycontrol.com/news/business/… via NaMo App

પ્રગતિ અને સંસ્કૃતિનો સમન્વય ધરાવતું આપણું ગૌરવવંતું ગુજરાત, જેનો ધ્યેયમંત્ર છે વિરાસતથી વિકાસ... જય જય ગરવી ગુજરાત..! #GujaratGauravDivas2026

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં રિજનલ ઇન્ક્લુસિવ ગ્રોથની ભાવના સાથે વિકાસના નવા સીમાચિન્હ સ્થાપિત કરતા ગુજરાતના સમાચાર. #અગ્રેસર_ગુજરાત

ભવ્ય સાંસ્કૃતિક કાર્યક્રમ 'ગૌરવવંતી ગુજરાત - વિરાસતથી વિકાસ'ની એક ઝલક.

મુખ્યમંત્રીશ્રીએ આ અવસરે સૌને 66માં ગુજરાત ગૌરવ દિવસની ગર્વભેર શુભકામનાઓ પાઠવતા જણાવ્યું હતું કે, 1960 માં મુંબઈથી અલગ થયેલું ગુજરાત આજે માનનીય વડાપ્રધાન શ્રી નરેન્દ્રભાઈ મોદીના વિઝનરી નેતૃત્વમાં દેશનું ગ્રોથ એન્જિન બન્યું છે. તેમણે સુરત શહેરને ભારતના સૌથી ઝડપથી વિકસતા શહેરમાંનું એક ગણાવી, શહેરની કાયાપલટ અંગે સૌને માહિતગાર કર્યાં હતા તેમજ વિકસિત ભારત માટે વિકસિત ગુજરાત બનાવવામાં સુરત વિકસિત નગર તરીકે અગ્રેસર રહેશે તેવો વિશ્વાસ વ્યક્ત કર્યો હતો.

માનનીય રાજ્યપાલ શ્રી આચાર્ય દેવવ્રતની અધ્યક્ષતામાં સુરત ખાતે ગુજરાત ગૌરવ દિવસની રાજ્યકક્ષાની ઉજવણીના ભાગરૂપે સાંસ્કૃતિક કાર્યક્રમનું મુખ્યમંત્રી શ્રી ભૂપેન્દ્રભાઈ પટેલ, કેન્દ્રીય જળશક્તિ મંત્રી શ્રી સી.આર.પાટીલ, નાયબ મુખ્યમંત્રી શ્રી હર્ષભાઈ સંઘવી, રાજ્યના મંત્રીશ્રીઓ તેમજ અન્ય મહાનુભાવોની ઉપસ્થિતિમાં આયોજન કરવામાં આવ્યું હતું. માનનીય રાજ્યપાલશ્રી તેમજ મુખ્યમંત્રીશ્રી દ્વારા વિવિધ ક્ષેત્રોમાં રાજ્યનું નામ રોશન કરનાર પ્રતિભાવાન વ્યક્તિ વિશેષોને ગુજરાત ગરિમા એવોર્ડ થકી સન્માનિત કરવામાં આવ્યા હતા. આ અવસરે સુરતની સોનેરી સિદ્ધિઓની રૂપરેખા વર્ણવતા 'વિકાસ વાટિકા - સુરત જિલ્લો' પુસ્તકનું તેમજ સુરત મહાનગરપાલિકા દ્વારા તૈયાર કરવામાં આવેલ સુરતના વિકાસકામોને દર્શાવતી કોફિટેબલ બુકનું વિમોચન કરવામાં આવ્યું હતું. મુખ્યમંત્રીશ્રી દ્વારા સુરત જિલ્લાના વિકાસને વેગ આપવાની નેમ સાથે સુરત મહાનગરપાલિકા, સુરત જિલ્લાની ગ્રામ પંચાયતો અને સુરત જિલ્લાની નગરપાલિકાઓના વિકાસકામો માટે પ્રત્યેકને ₹2.5 કરોડની રકમ ફાળવવામાં આવી હતી.

માનનીય રાજ્યપાલ શ્રી આચાર્ય દેવવ્રત, મુખ્યમંત્રી શ્રી ભૂપેન્દ્રભાઈ પટેલ, કેન્દ્રીય જળશક્તિ મંત્રી શ્રી સી.આર.પાટીલ, નાયબ મુખ્યમંત્રી શ્રી હર્ષભાઈ સંઘવી, રાજ્યના મંત્રીશ્રીઓ તેમજ અન્ય મહાનુભાવોની ઉપસ્થિતિમાં 'ગુજરાત ગૌરવ દિવસ' નિમિત્તે સુરત ખાતે ગુજરાત પોલીસની વિવિધ પ્લાટુન અને ગુજરાતની વિકાસ ગાથા વર્ણવતા વિવિધ વિભાગના ટેબ્લો સાથે પરેડ યોજાઈ હતી. આ ભવ્ય પરેડમાં દિલધડક મોટરસાયકલ સ્ટંટ્સ ઉપરાંત ગુજરાતના વિશ્વવિખ્યાત ગરબા અને આદિવાસી નૃત્યની પ્રસ્તુતિ પણ રજૂ કરવામાં આવ્યા હતા.

મુખ્યમંત્રી શ્રી ભૂપેન્દ્રભાઈ પટેલે આજે #VGRCSurat દરમિયાન FIEO અને ઉદ્યોગસાહસિક સંગઠનના પ્રતિનિધિમંડળો સાથે બેઠક યોજીને ગુજરાતની એક્સપોર્ટ ઇકોસિસ્ટમને વધુ સુદ્રઢ બનાવવા, MSME સેકટરની વૃદ્ધિ તથા ઉદ્યોગ-સરકાર વચ્ચે સહયોગ બાબતે મહત્ત્વપૂર્ણ ચર્ચા હાથ ધરી હતી.

મુખ્યમંત્રી શ્રી ભૂપેન્દ્રભાઈ પટેલ અને ASSOCHAMના પ્રેસિડેન્ટ તથા UNO Minda કંપનીના ચેરમેન શ્રી નિર્મલ મિંડા વચ્ચે આજે સુરત ખાતે બેઠક યોજાઈ હતી. શ્રી નિર્મલ મિંડાએ ગુજરાતમાં સેમિકન્ડક્ટર ક્ષેત્રમાં રોકાણની તેમની યોજના બાબતે માહિતી આપીને રાજ્ય સરકાર તરફથી જરૂરી સહયોગની અપેક્ષા વ્યક્ત કરી હતી. મુખ્યમંત્રીશ્રી સાથેની બેઠક દરમિયાન રાજ્યમાં ઓટોમોબાઈલ ક્ષેત્રમાં MSME સેક્ટરની વૃદ્ધિ તથા MSMEને વધુ વેગ આપવા માટે જાપાન સાથેનો સહયોગ વધારવા બાબતે પણ ચર્ચા કરવામાં આવી હતી. #VGRCSurat

મુખ્યમંત્રી શ્રી ભૂપેન્દ્રભાઈ પટેલે આજે સુરત ખાતે 'વાઈબ્રન્ટ ગુજરાત રિજિયોનલ કોન્ફરન્સ - દક્ષિણ ગુજરાત'ના ભાગરૂપે ભારતમાં યુક્રેનના રાજદૂત ડૉ.ઓલેક્ઝાન્ડર પોલિશચુક સાથે બેઠક યોજી હતી. યુક્રેનના રાજદૂતે ગુજરાતે સાધેલા વિકાસ બાબતે પ્રશંસા કરતાં સંરક્ષણ સહિતના ક્ષેત્રોમાં ગુજરાત સાથે સહભાગીતાની નેમ વ્યક્ત કરી હતી. મુખ્યમંત્રીશ્રીએ યુક્રેન સાથેના દ્વિપક્ષીય સહયોગને વધુ ગાઢ બનાવવા માટેની પ્રતિબદ્ધતા વ્યક્ત કરી હતી. #VGRCSurat

LIVE: ગુજરાત ગૌરવ દિવસ નિમિત્તે સુરત ખાતે રાજ્યકક્ષાની ઉજવણીના ભાગરૂપે સાંસ્કૃતિક કાર્યક્રમ. x.com/i/broadcasts/1…

મુખ્યમંત્રી શ્રી ભૂપેન્દ્રભાઈ પટેલે #VGRCSurat માં સહભાગી થયેલ સેશેલ્સ દેશના ભારત સ્થિત હાઈકમિશનર શ્રી હરિસોઆ લલાટિયાના અકુચે સાથે મહત્વપૂર્ણ બેઠક યોજી હતી. આ બેઠક દરમિયાન સેશેલ્સના હાઈકમિશનરશ્રીએ ભારત અને સેશેલ્સ વચ્ચેના મજબૂત સંબંધોનો ઉલ્લેખ કરીને રિન્યૂએબલ એનર્જી અને ટુરિઝમ જેવા ક્ષેત્રોમાં રોકાણ દ્વારા ગુજરાત અને સેશેલ્સ વચ્ચેના સંબંધોને મજબૂત બનાવવાની જરૂરિયાત પણ વ્યક્ત કરી હતી. મુખ્યમંત્રીશ્રીએ સેશેલ્સને આગામી વાયબ્રન્ટ ગુજરાત ગ્લોબલ સમિટ 2027માં સહભાગી થવાનું આમંત્રણ પાઠવ્યું હતું.

મુખ્યમંત્રી શ્રી ભૂપેન્દ્રભાઈ પટેલે સુરતમાં દક્ષિણ ગુજરાત ઝોનની વાઈબ્રન્ટ ગુજરાત રિજનલ કોન્ફરન્સમાં ભાગ લેવા આવેલા રવાન્ડા દેશના ભારત સ્થિત હાઈ કમિશનર સુશ્રી જેકલીન મુકાંગિરા સાથે મહત્વપૂર્ણ બેઠક યોજી હતી. ભારત, ગુજરાત અને રવાન્ડા વચ્ચેના આર્થિક સહકારને વધુ મજબૂત બનાવવાના મુદ્દાઓ પર આ બેઠકમાં વિગતવાર ચર્ચા કરવામાં આવી હતી. રવાન્ડાના ભારત સ્થિત હાઈ કમીશનરશ્રીએ રવાન્ડામાં કાર્યરત ભારતીય ઉદ્યોગોમાં મોટાભાગના વ્યવસાયો ગુજરાતીઓ દ્વારા સંચાલિત હોવાનો ઉલ્લેખ કરતાં કહ્યું હતું કે, બંને પ્રદેશો વચ્ચે સાંસ્કૃતિક અને પીપલ-ટુ-પીપલ કનેકટ પણ વધુ સ્ટ્રોંગ થયો છે. મુખ્યમંત્રીશ્રીએ ગુજરાતનું પ્રતિનિધિમંડળ રવાન્ડાની મુલાકાત લઈને બંને પ્રદેશોના પરસ્પર સહકારને વધુ વિસ્તૃત કરવાના નવી તકો અંગે વિચારણા કરવા તેમજ VGRCમાં રવાન્ડા પણ પાર્ટનર કન્ટ્રી છે તે માટે આભાર વ્યક્ત કરીને વાયબ્રન્ટ ગુજરાત ગ્લોબલ સમિટ 2027માં ભાગ લેવા આમંત્રણ પાઠવ્યું હતું. #VGRCSurat

LIVE: ગુજરાત ગૌરવ દિવસ નિમિત્તે સુરત ખાતે રાજ્યકક્ષાની ઉજવણીના ભાગરૂપે પોલીસ પરેડ. x.com/i/broadcasts/1…