CP Hyderabad City Police

హైదరాబాద్ రామకృష్ణ మఠ్ లో 'సంస్కార్-2026' సమ్మర్ క్యాంప్ ముగింపు కార్యక్రమంలో పాల్గొన్నాను. ఆధ్యాత్మిక చైతన్యం వెల్లివిరిసే ఈ కేంద్రంలో 1000 మంది స్కూల్ విద్యార్థులు, తల్లిదండ్రులను ఉద్దేశించి ప్రసంగించడం ఒక అద్భుతమైన అనుభవం. ఈ సమ్మర్ క్యాంప్ లో అతితక్కువ కాలంలోనే ఆ చిన్నారులు సాధించిన బహుముఖ ప్రావీణ్యం, ప్రదర్శించిన నైపుణ్యం చూస్తుంటే ఆశ్చర్యం వేసింది. ఇక్కడ వారు అలవరచుకున్న క్రమశిక్షణే వారి ఉజ్వల భవిష్యత్తుకు బలమైన పునాది కావాలని.. స్వామి వివేకానందుని బోధనల స్ఫూర్తితో ఈ చిన్నారులు రేపటి భారతదేశాన్ని ఉన్నత శిఖరాలకు చేరుస్తారని ఆశిస్తున్నాను.

Joined via video conferencing the meeting chaired by Hon’ble Minister Dr. Chandra Sekhar Garu to deliberate on systemic measures against cyber fraud. The discussions highlighted the importance of intelligence-led enforcement, inter-agency collaboration and building robust preventive mechanisms to protect citizens. #Hyderabad #NewDelhi #CyberCrimes #India @TelanganaCMO @TelanganaCOPs

🚨 FAKE JOB ALERT 🚨 A fraudulent advertisement claiming #Hyderabad Police recruitment is being circulated. Please do not trust or share such posts without verification. ⚠️ Hyderabad Police recruitment notifications are announced only through official channels. ❌ Do not pay money, share personal details, or click unknown links. 📢 Verify every recruitment notice before applying. Stay alert. Don’t fall prey to fake job scams.

Hyderabad City Police (@hydcitypolice) busted a massive 'ghost' SIM card network, arresting 66 individuals linked to 76 cybercrime cases nationwide and recovering ₹101.87 crores! This was part of Operation Octopus 3.0, targeting these fraudulent SIMs used by cybercriminals for anonymity. We identified 1,194 ghost SIMs and seized 544 in the city, with 432 of those being sealed and ready for cybercrime activities. #Cybersecurity #Crime #Police #Crackdown #Fraud

సైబర్ నేరగాళ్లకు అడ్డాగా మారిన ఘోస్ట్ సిమ్ నెట్‌వర్క్ పై 'ఆపరేషన్ ఆక్టోపస్ 3.O'ను హైదరాబాద్ సిటీ పోలీస్ చేపట్టడం జరిగింది. గతంలో మ్యూల్ ఖాతాదారులు, అక్రమాలకు సహకరించిన బ్యాంకు అధికారులపై చర్యలు తీసుకున్న మేము, ఇప్పుడు సైబర్ నేరాలకు ప్రధాన వనరుగా మారిన ‘ఘోస్ట్ సిమ్’ వ్యవస్థపై ఉక్కుపాదం మోపాం. ఈ ఆపరేషన్‌లో భాగంగా మా 18 ప్రత్యేక బృందాలు దేశవ్యాప్తంగా 13 రాష్ట్రాల్లో ఏకకాలంలో దాడులు నిర్వహించి, మొత్తం 66 మంది నిందితులను అరెస్ట్ చేశాయి. వీరి వద్ద నుంచి 544 సిమ్ కార్డులను స్వాధీనం చేసుకున్నాము. ఈ ఘోస్ట్ సిమ్ కార్డుల ద్వారా దేశవ్యాప్తంగా సుమారు రూ.101.87 కోట్ల విలువైన 76 సైబర్ నేరాలకు పాల్పడినట్లు విచారణలో తేలింది. అరెస్టయిన వారిలో నిబంధనలు ఉల్లంఘించిన వొడాఫోన్ ఐడియా, ఎయిర్‌టెల్, జియో నెట్‌వర్క్‌లకు చెందిన 20 మంది పాయింట్ ఆఫ్ సేల్ (PoS) ఏజెంట్లు కూడా ఉన్నారు. వీరి మోసపూరిత విధానం (Modus Operandi) అత్యంత ప్రమాదకరంగా ఉంది. అమాయక వినియోగదారులకు 'సర్వర్ డౌన్' అని అబద్ధం చెప్పి వారి నుంచి అదనపు బయోమెట్రిక్ తీసుకోవడం లేదా గ్రామాల్లో ఉచిత ఇంటర్నెట్ ఆశచూపి నిరక్షరాస్యుల పేరుతో సిమ్ కార్డులు సృష్టించడం చేస్తున్నారు. ఇలా యాక్టివేట్ చేసిన సిమ్ కార్డులను వెంటనే 'ఈ-సిమ్' (e-SIM)లుగా మార్చి విదేశాల్లోని సైబర్ ముఠాలకు చేరవేస్తున్నారు. తద్వారా మన దేశ నంబర్లతోనే వాట్సాప్, టెలిగ్రామ్ ఖాతాలు తెరిచి సెక్స్‌టార్షన్, డిజిటల్ అరెస్ట్ వంటి మోసాలకు పాల్పడుతున్నారు. లక్ష్యం నెరవేరగానే ఏజెంట్లు తమ దుకాణాలు మూసేసి పరారవుతున్నారు. ఈ ముప్పును అరికట్టడానికి హైదరాబాద్ సిటీ పోలీస్ త్వరలోనే టెలికాం సంస్థల ఉన్నతాధికారులతో సమావేశం కానుంది. కేవైసీ ప్రక్రియను మరింత కఠినతరం చేయాలని, నిబంధనలు పాటించని ఏజెంట్లను అన్ని నెట్‌వర్క్‌ల నుంచి బ్లాక్ లిస్ట్ చేయాలని DoT మరియు TRAI ని కోరనున్నాము. ప్రజలారా, మీ ఆధార్, బయోమెట్రిక్ వివరాలను ఎవరికీ ఇవ్వకండి. మీ పేరు మీద మీకు తెలియకుండా ఎన్ని సిమ్ కార్డులు ఉన్నాయో tafcop.sancharsaathi.gov.in పోర్టల్ ద్వారా వెంటనే తనిఖీ చేసుకోండి. ఏదైనా సైబర్ మోసానికి గురైతే, ఏమాత్రం ఆలస్యం చేయకుండా 'గోల్డెన్ అవర్'లో 1930 నంబర్‌కు కాల్ చేయండి లేదా cybercrime.gov.in లో ఫిర్యాదు చేయండి. హైదరాబాద్ సిటీ పోలీస్ ఎల్లప్పుడూ మీ రక్షణ కోసం ముందుంటుంది. #OperationOctopus3 #CyberCrimeCrackdown #HyderabadPolice #GhostSIM #SancharSaathi #CyberSecurity #SafeDigitalIndia #1930Helpline

రోడ్డు ప్రమాదంలో బ్రెయిన్ డెడ్ అయిన రాఘవ అనే యువకుడు, తన అవయవాల దానం ద్వారా నలుగురికి పునర్జన్మనిచ్చారు. పుత్రశోకంలో ఉండి కూడా ఆ తండ్రి తీసుకున్న నిర్ణయం మరణానంతరం కూడా జీవించవచ్చని నిరూపించింది. అవయవదానంపై అపోహలు వీడండి.. ప్రాణదాతలుగా నిలవండి. #OrganDonation #SaveLives #Jeevandan

Cybercriminals are exploiting the massive craze for the clash between Sunrisers Hyderabad (SRH) and Royal Challengers Bangalore (RCB), scheduled to take place on the 22nd of this month at the Uppal Stadium in Hyderabad. Taking advantage of the high demand for tickets among fans, they have resorted to looting people through fake apps and websites. Currently, numerous advertisements regarding IPL ticket bookings are appearing across social media platforms. Fraudsters have created fake apps using colors and logos similar to the official ticketing partner, the 'District' app, luring fans with promises of tickets at low prices. If you click on these fake links, which look exactly like the original app, and try to book tickets, you are certain to lose your money. After making the payment, not only will you fail to receive the tickets, but there is also a danger of your banking details falling into the hands of cybercriminals. In your excitement to watch the match, do not get cheated by trusting unofficial links found on social media. We are keeping a close watch on such fake apps and websites. If anyone has information regarding such fake apps or websites, they should immediately report it to the police. We appeal to cricket enthusiasts to remain vigilant and not let their hard-earned money fall into the hands of fraudsters. @BCCI @IPL @SunRisers @RCBTweets @CPHydCity @CyberCrimeshyd @hydcitypolice @Cyberdost @HMOIndia @PMOIndia

క్రికెట్‌ అభిమానులు ఫేక్ యాప్స్ తో తస్మాత్ జాగ్రత్త!? Attention cricket fans: Stay alert, fake apps are on the prowl! హైదరాబాద్ ఉప్పల్ స్టేడియం వేదికగా ఈనెల 22న జరగనున్న సన్‌రైజర్స్‌ హైదరాబాద్‌ , రాయల్ ఛాలెంజర్స్ బెంగళూరు జట్ల మధ్య పోరుకు ఉన్న విపరీతమైన క్రేజ్‌ను సైబర్‌ కేటుగాళ్లు తమకు అనుకూలంగా మార్చుకుంటున్నారు. టికెట్ల కోసం అభిమానుల్లో ఉన్న డిమాండ్‌ను ఆసరాగా చేసుకుని, నకిలీ యాప్‌లు, వెబ్‌సైట్ల ద్వారా దోపిడీకి తెరలేపారు. ప్రస్తుతం సోషల్ మీడియా వేదికగా ఐపీఎల్ టికెట్ల బుకింగ్‌కు సంబంధించి అనేక ప్రకటనలు దర్శనమిస్తున్నాయి. అధికారిక టికెటింగ్‌ భాగస్వామి అయిన 'డిస్ట్రిక్ట్‌' (District) యాప్‌ను పోలిన రంగులు, లోగోలతో ఉన్న నకిలీ యాప్‌లను సృష్టించి, తక్కువ ధరకే టికెట్లు ఇస్తామంటూ ఊరిస్తున్నారు. అచ్చం అసలు యాప్‌ను తలపించేలా ఉన్న ఈ నకిలీ లింకులను క్లిక్ చేసి టికెట్లు బుక్ చేసుకుంటే, మీ సొమ్ము గల్లంతవ్వడం ఖాయం. పేమెంట్ చేసిన తర్వాత టికెట్లు రాకపోగా, మీ బ్యాంకింగ్ వివరాలు కూడా సైబర్ నేరగాళ్ల పరమయ్యే ప్రమాదం ఉంది. మ్యాచ్‌ చూడాలనే ఉత్సాహంతో సోషల్ మీడియాలో వచ్చే అనధికారిక లింకులను నమ్మి మోసపోవద్దు. ఇలాంటి ఫేక్ యాప్ లు, వెబ్ సైట్స్ పై నిఘా ఉంచాం. ఎవరైనా ఇటువంటి ఫేక్ యాప్స్ లేదా వెబ్‌సైట్ల గురించి సమాచారం తెలిస్తే వెంటనే పోలీసులకు పిర్యాదు చేయాలి. మీ కష్టార్జితాన్ని కేటుగాళ్ల పాలు చేయకుండా అప్రమత్తంగా ఉండాలని క్రికెట్ ప్రియులకు విజ్ఞప్తి చేస్తున్నాం. @BCCI @IPL @SunRisers @RCBTweets

సనత్‌నగర్‌ బాలుడి దారుణ హత్య కేసులో నిందితుడికి ఉరిశిక్ష పడేలా పకడ్బందీగా ఆధారాలు సేకరించి, కోర్టులో సమర్థవంతంగా వాదనలు వినిపించిన పోలీస్, ప్రాసిక్యూషన్ బృందాన్ని సన్మానించాను. ఈ శిక్ష ఖరారులో కీలక పాత్ర పోషించిన పబ్లిక్ ప్రాసిక్యూటర్ శ్రీ జి.వి. రామకృష్ణారావు, ఇన్వెస్టిగేషన్ ఆఫీసర్ ముత్తు యాదవ్, సనత్ నగర్ ఎస్‌హెచ్‌ఓ అశోక్, ఎస్‌ఐ అబ్దుల్ హయ్యుమ్, కోర్టు డ్యూటీ ఆఫీసర్ శేఖర్‌లను మనస్ఫూర్తిగా అభినందిస్తున్నాను. నేరస్థులు ఎంతటి వారైనా చట్టం నుంచి తప్పించుకోలేరని ఈ ఉరిశిక్ష తీర్పు మరోసారి నిరూపించింది. ఇలాంటి పాశవిక చర్యలకు పాల్పడే వారికి ఈ తీర్పు ఒక బలమైన హెచ్చరిక. 'ఇన్వెస్టిగేషన్ మానిటరింగ్ సెల్' ద్వారా ప్రతి కేసును పర్యవేక్షిస్తూ బాధితులకు అండగా ఉంటాం. 2023 ఏప్రిల్‌లో జరిగిన ఈ ఘాతుకం సమాజం తలదించుకునేలా చేసింది. కేవలం ₹1 లక్ష అప్పు తిరిగి చెల్లించలేదనే కోపంతో, నిందితుడు ఇమ్రాన్ అలీ ఖాన్ 8 ఏళ్ల బాలుడిని కిడ్నాప్ చేశాడు. తన నివాసంలోనే ఆ పసివాడిని అత్యంత క్రూరంగా గొంతు నులిమి చంపేశాడు. నేరం చేసిన అనంతరం, నిందితుడు తన స్నేహితుడు రఫీక్ సాయంతో మృతదేహాన్ని ఒక బకెట్‌లో కుక్కి, సాక్ష్యాధారాలు దొరకకుండా సమీపంలోని నాలాలో పడేశాడు. ప్రధాన నిందితుడు ఇమ్రాన్ అలీ ఖాన్ కు ఉరి శిక్షతో పాటు రూ. 10,000 జరిమానా విధించింది. అలాగే కిడ్నాప్ కింద యావజ్జీవ శిక్ష, సాక్ష్యాధారాల ధ్వంసం కేసులో మరో 7 ఏళ్ల కఠిన కారాగార శిక్షను ఖరారు చేసింది. రెండో నిందితుడైన మహమ్మద్ రఫీక్‌కు సాక్ష్యాధారాలు ధ్వంసం చేసినందుకు ఏడేళ్ల కఠిన కారాగార శిక్ష విధిస్తూ కోర్టు తీర్పునిచ్చింది.

బ్యాంకులు కేవలం లాభాల వేటలో ఉండే వ్యాపార సంస్థలు మాత్రమే కాదు, సామాన్యుడి కష్టార్జితానికి భరోసా ఇచ్చే రక్షణ కవచాలు కావాలి. 'ఆపరేషన్ ఆక్టోపస్'లో వెలుగు చూసిన నిజాలు దిగ్భ్రాంతి కలిగిస్తున్నాయి. పర్యవేక్షణలో నిర్లక్ష్యం వహిస్తే అది కేవలం ఆర్థిక నష్టమే కాదు.. దేశ భద్రతకే ముప్పు! ఇకనైనా బ్యాంకింగ్ వ్యవస్థ మేల్కోవాలి. #CyberSecurity #OperationOctopus #SafeBanking #ZeroMuleAccount

అమ్మ - ఆ రెండక్షరాల్లోనే అనంతమైన ప్రేమ ఉంది. తొమ్మిది నెలలు మోసి, ప్రాణం పోసి, తను పస్తులుంటూ పిల్లల ఆకలి తీర్చే నిలువెత్తు దేవత అమ్మ. ఆమె త్యాగాలకు వెల కట్టలేం. కానీ నేడు సమాజంలో కనిపిస్తున్న కొన్ని దృశ్యాలు చూస్తుంటే మనసు తరుక్కుపోతోంది. ఆస్తి కోసం, అంతస్తుల కోసం కన్నతల్లిని రోడ్డున పడేస్తున్న అమానుషత్వం పెరిగిపోతోంది. ఒకప్పుడు అమ్మ వేలిని పట్టుకుని నడక నేర్చిన వారే, నేడు అదే అమ్మను భారంగా భావించి వృద్ధాశ్రమాల్లో వదిలేస్తున్నారు. ఆస్తిపాస్తులు శాశ్వతం కాదు, కానీ అమ్మ ప్రేమ వెలకట్టలేనిది. నువ్వు ఈరోజు నీ తల్లిని చూసే విధానమే రేపు నీ పిల్లలకు పాఠం అవుతుంది. కన్నవారిని కన్నీరు పెట్టించే ఏ కొడుకైనా, కూతురైనా జీవితంలో ఎప్పటికీ సుఖపడలేరు. ఇప్పటికైనా కళ్లు తెరవండి! అమ్మను భారంగా చూడకండి.. బాధ్యతగా ప్రేమించండి. ఆమెకు కావాల్సింది మీ ఆస్తులు కాదు, కాస్త సమయం.. అంతకు మించిన మీ ప్రేమ. అమ్మను గౌరవించండి. కన్నవారిని కడవరకు కళ్లల్లో పెట్టుకుని చూసుకోండి. అమ్మలందరికీ మాతృ దినోత్సవ శుభాకాంక్షలు. #MothersDay #RespectParents #Humanity #MotherLove

In an key move to enhance commuter safety in Outer Ring Road (ORR), the administration will be rolling out a comprehensive set of robust and proactive measures. As part of this initiative, a crucial coordination meeting was held on Tuesday at the TGICCC, chaired by Hyderabad Police Commissioner Sri V.C. Sajjanar, IPS. Transport Department Commissioner Sri Ilambarthi, IAS, HMDA Urban Forestry Director Sri VSNV Prasad, IFS, along with representatives from NHAI, GHMC, HGCL, and IRB Infra, as well as Traffic DCPs and Additional DCPs from the Cyberabad, Malkajgiri, and Future City Commissionerates, participated in the meeting and held extensive discussions. Initially, representatives from the ORR maintenance agency, IRB, gave a PowerPoint presentation detailing the measures currently being implemented for road safety. Speaking on the occasion, Hyderabad CP Sri V.C. Sajjanar, IPS, emphasised that rather than reacting after an accident occurs, many lives can be saved through proactive preventive measures. He instructed that utmost priority must be given to road safety on this route, which witnesses an average daily traffic of 2.80 lakh vehicles. Noting that an average of five to six accidents are currently occurring every day, he urged the officials to work in coordination and take steps to bring this number down to zero. He suggested that violators of traffic rules should not only be issued challans but also be provided with special counseling. Furthermore, he recommended that safety messages should be sent to the mobile phones of commuters as they enter the ORR. The CP directed officials to take measures to reduce response times during emergencies and recommended utilizing the services of traffic marshals if necessary. He made it clear that vehicles must not be stopped on the ORR under any circumstances, except in the event of a breakdown. If stopping is unavoidable, commuters must immediately inform the helpline, ensure adequate safety precautions, and park the vehicle exclusively in the extreme left lane. Analysing the statistics from the past four months, he pointed out that 33% of accidents occurred due to drowsiness/sleep deprivation, 25% due to reckless driving, 15% due to overspeeding, and 14% due to tire bursts. He explained that these accidents could be prevented by creating extensive awareness among motorists. He also advocated for data driven safety enhancement measures and implementing a safety ranking protocol for expressways. Subsequently, Transport Department Commissioner Shri Ilambarthi, IAS, stated that their department is taking all necessary measures to curb accidents. These include increase in CCTV penetration, implementation of recent Supreme Court guidelines and various other measures. He mentioned that directives have already been issued to officials to place special emphasis on inspecting vehicle fitness and tire quality. He also expressed the need to conduct a mandatory monthly review meeting exclusively on ORR road safety. The meeting was also attended by Additional CP Sri Tafseer Iqubal; NHAI DGM Smt. P. Meera Anusha; NH Hyderabad Executive Engineer Sri V. Shravan Prakash; HGCL CGM Smt. CH. Paramajyothi and GM Shri M. Chandrasekhar; GHMC SEs Sri B. Narender Goud and Sri D. Kishtappa; IRB Project Director Sri Girishwar Mamidanna, Senior General Manager Sri C. Sudheer Kumar, and Project Coordinator Sri Biswajit Singh. Also present were Hyderabad Traffic DCPs Sri Rahul Hegde, IPS, and Sri Avinash Kumar, IPS; Malkajgiri Traffic DCPs Sri Rahul Reddy, IPS, Sri K. Manohar, and Sri Srinivasulu; Cyberabad DCPs Smt. Seshadrini Reddy, Sri CH. Srinivas, and Sri N. Koti Reddy, along with several Traffic Additional DCPs and other officials. #AdminPost

✅ప్రాణాలకు తెగించి రౌడీ షీటర్ ను అడ్డుకున్న ఆటో డ్రైవర్ ✅ఆటోతో ఢీకొట్టి ‘నిలువరించిన’ తీరు.. సీసీటీవీలో వెలుగుచూసిన సాహసం ✅సన్మానించిన నగర సీపీ సజ్జనర్.. నగదు పురస్కారం, ప్రశంసా పత్రం అందజేత నేరం జరుగుతుంటే చూస్తూ ఉండిపోవడం కాదు.. ఆ నేరగాడిని పట్టుకోవడమే అసలైన పౌర ధర్మమని నిరూపించారు ఒక సామాన్య ఆటో డ్రైవర్. ఒక మహిళా బాధితురాలి మెడలోని బంగారు గొలుసును రౌడీ షీటర్ లాక్కేళ్లేందుకు ప్రయత్నిస్తే.. ప్రాణాలకు తెగించి, తన ఆటోనే ఆయుధంగా మలచుకొని సాహసోపేతంగా మహమ్మద్ జాహెర్ రౌడీ షీటర్ ను అడ్డుకున్నారు. కర్రతో దాడి చేస్తోన్న బెదరకుండా ప్రతిఘటించారు. ఈ అసామాన్య ధైర్యాన్ని ప్రదర్శించిన ఆటో డ్రైవర్ జాహెర్‌ను హైదరాబాద్ పోలీస్ కమిషనర్ శ్రీ వీసీ సజ్జనర్, ఐపీఎస్ గారు సోమవారం బంజారాహిల్స్ లోని టీజీఐసీసీసీలోని తన ఛాంబర్ లో ప్రత్యేకంగా సన్మానించారు. మార్చి 4వ తేదీ తెల్లవారుజామున బేగం బజార్ జిన్సీ చౌరాహా ప్రాంతంలో శ్రీమతి మంజు ఓమ్లతా తన కోడలితో కలిసి మార్నింగ్ వాక్‌కు వెళ్లారు. హిందీ మర్వాడీ విద్యాలయ స్కూల్ వద్దకు చేరుకోగానే, డబీర్‌పురకు చెందిన రౌడీ షీటర్ మహ్మద్ సోహేల్ ఆమె మెడలోని బంగారు గొలుసును లాక్కెళ్లేందుకు ప్రయత్నించాడు. ఆ క్రమంలో నిందితుడి స్కూటీ అదుపుతప్పి కిందపడిపోయింది. బాధితురాలు గట్టిగా కేకలు వేయడంతో, అదే సమయంలో అటుగా వెళ్తున్న ఆటో డ్రైవర్ మహమ్మద్ జాహెర్ ఈ దృశ్యాన్ని సైడ్ వ్యూ మిర్రర్ ద్వారా గమనించారు. సంఘటన స్థలాన్ని దాటి సుమారు 100 మీటర్ల దూరం ముందుకు వెళ్లినప్పటికీ, జాహెర్ వెంటనే స్పందించి తన ఆటోను వేగంగా వెనక్కి తిప్పారు. పారిపోవడానికి ప్రయత్నిస్తున్న రౌడీ షీటర్ బైక్‌ను తన ఆటోతో ఢీకొట్టి అతడిని కిందపడేశారు. ఆ సమయంలో నిందితుడు కర్రతో దాడి చేసినా భయపడకుండా ప్రతిఘటించి అడ్డుకున్నారు. ఆ సమయంలో పారిపోతుండగా వెంటనే గస్తీ తిరుగుతున్న పోలీసులు రౌడీ షీటర్ ను అదుపులోకి తీసుకున్నారు. ఈ పని ముగించుకున్న జాహెర్, ఎలాంటి ప్రతిఫలాన్ని ఆశించకుండా అక్కడి నుండి వెళ్ళిపోయారు. ఆటో డ్రైవర్ సాహసం గురించి గోషామహల్ పోలీసులకు బాధితురాలు తెలియజేశారు. కాగా, ఈ వీరోచిత దృశ్యాలన్నీ అక్కడి సీసీటీవీ కెమెరాల్లో రికార్డ్ అయ్యాయి. రౌడీ షీటర్ ను పట్టుకోవడంలో కీలక పాత్ర పోషించి, నిస్వార్థంగా వెళ్లిపోయిన ఆ అజ్ఞాత వీరుడి కోసం గోషామహల్ పోలీసులు గాలింపు చేపట్టారు. సీసీటీవీ ఫుటేజీలో ఆటో నంబర్‌ను సేకరించి, సాంకేతిక పరిజ్ఞానంతో జాహెర్‌ను గుర్తించారు. ఈ సందర్భంగా సీపీ శ్రీ వీసీ సజ్జనర్ గారు మాట్లాడుతూ.. ఆటో డ్రైవర్ మహమ్మద్ జాహెర్ చూపిన సాహసం సమాజానికి ఆదర్శమన్నారు. “చూస్తుండగానే నేరాలు జరుగుతున్నా పట్టించుకోని ఈ రోజుల్లో, ప్రాణాలకు తెగించి రౌడీ షీటర్ ను అడ్డుకున్న జాహెర్ సమాజానికి నిజమైన రోల్ మోడల్. ఆయనలో ఒక అద్భుతమైన ప్రజా పోలీస్ ఉన్నారు. ఎలాంటి ప్రతిఫలం కూడా ఆశించలేదు. ఇలాంటి బాధ్యతాయుతమైన పౌరులు ఉన్నప్పుడే నేరస్తులకు భయం పుడుతుంది" అని ప్రశంసించారు. జాహెర్‌కు ప్రశంసా పత్రంతో పాటు నగదు పురస్కారాన్ని అందజేశారు. నేరం జరుగుతున్నప్పుడు భయపడకుండా, మహమ్మద్ జాహెర్ వలె ధైర్యంతో స్పందించి వెంటనే డయల్ 100 లేదా స్థానిక పోలీసులకు సమాచారం అందించాలని నగరవాసులకు ఈ సందర్భంగా పిలుపునిచ్చారు. కాగా, డబిర్ పూరకు చెందిన రౌడీ షీటర్ పై గోషా మహల్ పీఎస్ లో కేసు నమోదు చేసి.. అరెస్ట్ చేశారు. అతడిపై వివిధ పోలీస్ స్టేషన్లలో 16 కేసులున్నాయి. ఈ సన్మాన కార్యక్రమంలో గోల్కొండ జోన్ డీసీపీ జి. చంద్ర మోహన్, గోషామహల్ ఎస్‌హెచ్‌వో శ్రవణ్ కుమార్, తదితరులు పాల్గొన్నారు. @CPHydCity @hydcitypolice @DCP_SWZ @shahinayathgunj @TelanganaCOPs

ఔటర్ రింగ్ రోడ్డుపై ఇటీవల జరుగుతున్న ప్రమాదాల నేపథ్యంలో వాహనదారులందరికీ ఒక ముఖ్య గమనిక. బ్రేక్ డౌన్ వంటి అనివార్య కారణాలు మినహా, ఓఆర్ఆర్ పై ఎట్టి పరిస్థితుల్లోనూ వాహనాలను నిలపవద్దు. ఒకవేళ అత్యవసర పరిస్థితుల్లో వాహనం ఆపాల్సి వస్తే, తక్షణమే 14449 హెల్ప్‌లైన్ నంబర్‌కు సమాచారం అందించి, తగిన భద్రతా ఏర్పాట్లు పూర్తయ్యాకే వాహనాన్ని ఎడమ వైపు చివరి లేన్‌లో నిలపాలి. ఈ జాగ్రత్తలు కేవలం ఓఆర్ఆర్ కే పరిమితం కాదని గుర్తించాలి. ఏ జాతీయ రహదారి (National Highway) పై ప్రయాణించేటప్పుడైనా ఈ నియమాలను విధిగా పాటించడం అత్యంత కీలకం. ప్రతి సంస్థ కూడా తమ డ్రైవర్లకు, సిబ్బందికి ఈ భద్రతా ప్రోటోకాల్స్‌పై పూర్తిస్థాయి అవగాహన కల్పించాలని నేను విజ్ఞప్తి చేస్తున్నాను. ఘోర రోడ్డు ప్రమాదాలను నివారించడానికి మనమందరం బాధ్యతగా కృషి చేయాలి. ప్రమాదాల నియంత్రణలో పోలీసులకు సహకరించి, మీ ప్రయాణాన్ని సురక్షితం చేసుకోవాలని కోరుతున్నాను. నిబంధనలు అతిక్రమించి రహదారిపై అకారణంగా వాహనాలు నిలిపే వారిపై కఠిన చర్యలతో పాటు భారీ జరిమానాలు విధిస్తాం. మీ భద్రతే మా బాధ్యత. సురక్షితంగా గమ్యస్థానాలకు చేరుకోండి.

Deeply concerned about the accidents on the Outer Ring Road (ORR). I appeal to all commuters to strictly avoid stopping your vehicles on the ORR unless it is an emergency like a breakdown. In such unavoidable situations, please call the ORR Helpline at 14449 immediately for safety assistance before moving to the extreme left lane. It is important to remember that these precautions are not limited to the ORR alone; they must be strictly followed while traveling on any National Highway. I also urge every organisation to sensitize their drivers and employees regarding these safety protocols. Together, we must strive to prevent fatal road accidents. I request your full support in our mission to curb road accidents and save lives. Such acts will not only attract heavy penalties but are also life-threatening. Let’s prioritise safety above all.

➡️ గ్యాస్ దొంగలను పట్టించిన తండ్రీకొడుకులకు సీపీ సజ్జనర్ సత్కారం ➡️ ప్రశంసా పత్రంతో పాటు నగదు రివార్డు అందజేత గ్యాస్ సిలిండర్ల సరఫరాలో సామాన్యుల కళ్లముందే జరుగుతున్న దోపిడీని అప్రమత్తతతో ఎండగట్టిన తండ్రీకొడుకులను హైదరాబాద్ పోలీస్ కమిషనర్ శ్రీ వీసీ సజ్జనర్, ఐపీఎస్ గారు అభినందించారు. ధైర్యంగా గ్యాస్ మాఫియా గుట్టురట్టు చేయడాన్ని కొనియాడుతూ, శనివారం బంజారాహిల్స్ లోని టీజీఐసీసీసీలో వారిని ఘనంగా సత్కరించారు.  ఈ సందర్భంగా ప్రశంసా పత్రంతో పాటు నగదు పురస్కారాన్ని అందజేసి, పౌర చైతన్యానికి మారుపేరుగా నిలిచారని ప్రశంసించారు. సమాజంలో జరుగుతున్న అక్రమాలపై ప్రతి పౌరుడు ఇలాగే చైతన్యంతో స్పందించినప్పుడే నేరరహిత సమాజం నిర్మించగలమని పేర్కొన్నారు. చూడిబజార్‌కు చెందిన వ్యాపారి అశోక్ తివారీ గత నెల 21న గ్యాస్ సిలిండర్ ను బుక్ చేశారు. డెలివరీ సమయంలో బరువు తక్కువగా ఉండటాన్ని ఆయన కుమారుడు 16 ఏళ్ల నమాన్ తివారి  గమనించారు. గత డెలివరీ సమయంలోనూ ఇలాగే సిలిండర్ రెండు కిలోలు తక్కువగా ఉందని తన తండ్రి దృష్టికి  తీసుకెళ్లారు. నిబంధనల ప్రకారం 30.4 కిలోలు ఉండాల్సిన సిలిండర్, కేవలం 28 కిలోల బరువు మాత్రమే ఉందని చెప్పారు.  గత కొంతకాలంగా గ్యాస్ త్వరగా అయిపోతుండటంతో అనుమానం వచ్చి బరువు తనిఖీ చేయగా, సుమారు రెండు కిలోల గ్యాస్ తక్కువగా ఉన్నట్లు తేలింది.   తనకు గ్యాస్ సిలిండర్ ను సరఫరా చేసే సిద్ధార్థ ఎంటర్‌ప్రైజెస్ ఏజెన్సీ ప్రతినిధులను ప్రశ్నించగా వారు దురుసుగా సమాధానం ఇచ్చారు. అయితే పట్టువదలని తండ్రీకొడుకులు దీనిపై ఆరా తీయగా, సదరు ఏజెన్సీ ఉద్యోగులు గ్యాస్‌ సిలిండర్లను జుమేరాత్ బజార్ లోని ఒక ఇంట్లో అక్రమంగా చిన్న సిలిండర్లలోకి, వాణిజ్య అవసరాల కోసం రీఫిల్లింగ్ చేస్తున్నట్లు గుర్తించారు.  బహిరంగ ప్రదేశాల్లో నిబంధనలకు విరుద్ధంగా ప్రజల ప్రాణాలతో చెలగాటం ఆడుతున్నారంటూ గోషామహల్ పోలీస్ స్టేషన్ లో ఫిర్యాదు చేశారు. కేవలం గ్యాస్ తక్కువగా ఇవ్వడమే కాకుండా, జనసమ్మర్దం ఉన్న ప్రాంతాల్లో అత్యంత ప్రమాదకర రీతిలో రీఫిల్లింగ్ చేస్తూ ప్రజల ప్రాణాలతో చెలగాటమాడుతున్న సిద్దార్థ ఎంటర్ప్రైజెస్ ఏజెన్సీతో పాటు ఐదుగురిపై పోలీసులు కేసు నమోదు చేశారు. సాయి కుమార్, వినీత్ కుమార్, పూస గణేష్, ప్రవీణ్ కుమార్, అమిత్ కుమార్ లను అరెస్ట్ చేశారు. వారి వద్ద నుండి 2 కమర్షియల్, 7 డొమెస్టిక్, 12 చిన్న సిలిండర్లతో పాటు రీఫిల్లింగ్ పరికరాలను స్వాధీనం చేసుకున్నారు. పౌర బాధ్యతను సమర్థవంతంగా నిర్వర్తించి, గ్యాస్ ఏజెన్సీల అక్రమ దందాను వెలుగులోకి తెచ్చిన తండ్రీకొడుకులను హైదరాబాద్ సీపీ శ్రీ వీసీ సజ్జనర్, ఐపీఎస్ గారు మెచ్చుకున్నారు. “యూనిఫామ్ లేని పోలీసులా వ్యవహరించి, వ్యవస్థలోని అక్రమాలను ధైర్యంగా ప్రశ్నించిన వీరు ప్రతి ఒక్కరికీ ఆదర్శప్రాయులు. అక్రమార్కులు సామాన్యుల కష్టార్జితాన్ని దోచుకోవడమే కాకుండా, రీఫిల్లింగ్ పేరుతో ప్రజల ప్రాణాలతో చెలగాటమాడుతుంటే చూస్తూ ఊరుకోకూడదని నిరూపించారు. ప్రతి పౌరుడు ఇంతే చైతన్యంతో స్పందిస్తే నేరస్తులు సమాజంలో తలదాచుకోలేరు. ఇలాంటి బాధ్యతాయుతమైన వ్యక్తులకు పోలీసు శాఖ ఎప్పుడూ వెన్నుదన్నుగా ఉంటుంది" అని ఆయన అన్నారు.. వినియోగదారులు కూడా తమకు అందే వస్తువుల నాణ్యత, పరిమాణంపై నిరంతరం నిఘా ఉంచాలని, గృహా గ్రాహకులుగా మారాలని పిలుపునిచ్చారు. అక్రమ గ్యాస్ ఫిల్లింగ్ కు పాల్పడేవారిపై హైదరాబాద్ సిటీ పోలీస్ కఠిన చర్యలు తీసుకుంటుందని స్పష్టం చేశారు. వారిపై నిరంతరం నిఘా కొనసాగుతుందని పేర్కొన్నారు. ఎక్కడైనా మోసం జరుగుతున్నట్లు గమనిస్తే వెంటనే డయల్ 100 గానీ, స్థానిక పోలీసులకు సమాచారం అందించాలని సూచించారు. ఈ కార్యక్రమములో గోల్కొండ జోన్ డీసీపీ చంద్ర మోహన్ గారు, గోషామహాల్ ఎస్ హెచ్ఓ శ్రవణ్ కుమార్, తదితరులు పాల్గొన్నారు.  #AdminPost

What are your findings regarding this accident? పంజాబ్‌లోని కోట్ కపురాలో ఇటీవల జరిగిందీ ప్రమాదం. #RoadSafety #RoadAwareness #SafeDriving #TrafficRules

మెడికల్ సీట్ల పేరిట మోసాలు: తల్లిదండ్రులారా.. జాగ్రత్త! నీట్ యూజీ పరీక్ష నేప‌థ్యంలో విద్యార్థులకు, వారి తల్లిదండ్రులకు ఒక ముఖ్యమైన విన్నపం. వైద్య వృత్తికి సమాజంలో ఉన్న అపారమైన గౌరవం, ఆ వృత్తిపై ఉన్న క్రేజ్‌ను పెట్టుబడిగా మార్చుకోవాలని చూస్తున్న కేటుగాళ్ల పట్ల అప్రమత్తంగా ఉండాలి. ముఖ్యంగా మీ పిల్లలకు నీట్ లో తక్కువ మార్కులు వచ్చినా మేనేజ్‌మెంట్ కోటాలో తక్కువ ధరకే ఎంబీబీఎస్ సీటు ఇప్పిస్తామని లేదా ఫిలిప్పీన్స్, కిర్గిజిస్తాన్, కజకిస్తాన్, జార్జియా, చైనా, అర్మేనియా, కరేబియన్ వంటి దేశాల్లో అతి తక్కువ ఖర్చుతో వైద్య విద్య పూర్తి చేయవచ్చని నమ్మబలికే దళారుల మాటలు విని మోసపోవద్దు. గతంలో హైదరాబాద్ కమిషనరేట్ పరిధిలో ఇలాంటి ముఠాల వల్ల ఎందరో తల్లిదండ్రులు తమ కష్టార్జితాన్ని పోగొట్టుకుని, విద్యార్థులు తమ విలువైన విద్యా సంవత్సరాన్ని కోల్పోయిన సంఘటనలు అనేకం ఉన్నాయి. ఏదైనా విదేశీ యూనివర్సిటీకి వెళ్లాలనుకునే ముందు, ఆ కాలేజీకి భారత ప్రభుత్వ నేషనల్ మెడికల్ కమిషన్ (NMC) గుర్తింపు ఉందో లేదో అధికారిక వెబ్‌సైట్‌లో గానీ లేదా మీరే స్వయంగా సంప్రదించి తెలుసుకోవాలి. అడ్మిషన్ల పేరుతో దళారుల చేతికి నగదు రూపంలో లక్షల రూపాయలు ఇవ్వకండి, ఫీజులు ఏవైనా ఉంటే నేరుగా సంబంధిత యూనివర్సిటీ లేదా కాలేజీ బ్యాంక్ ఖాతాలకే చెల్లించండి. విద్యార్థులు ఎంతో కష్టపడి చదివి సాధించిన ఫలితాలను, మీ భవిష్యత్తు కలలను ఈ నకిలీ ఏజెంట్ల చేతుల్లో పెట్టి ఆందోళనకు గురికావద్దు. ఎంబీబీఎస్ సీట్ల పేరుతో ఎవరైనా మిమ్మల్ని సంప్రదించినా, డబ్బుల కోసం వేధిస్తున్నా వెంటనే సంకోచించకుండా డయల్ 100 కి సమాచారం ఇవ్వండి. సమీపంలోని పోలీస్ స్టేషన్‌లో ఫిర్యాదు చేయండి. మీ పిల్ల‌ల‌ను డాక్ట‌ర్లుగా చూడాల‌నే ఆశ‌తో మోసగాళ్ల మాయమాటల ఉచ్చులో పడకండి.

చేతిలో సుత్తి పట్టినా.. కలం పట్టినా.. లక్ష్యం ఒక్కటే, అది సమాజ శ్రేయస్సు! కాయకష్టం చేసే శ్రామికుడి నుండి మేధస్సును రంగరించే మేధావుల వరకు.. లోకాన్ని ముందుకు నడిపిస్తున్న ప్రతి కష్టజీవికి మేడే శుభాకాంక్షలు. మీ శ్రమకు నా వందనం! #MayDay #InternationalWorkersDay

ఫలితం ఏదైనా బిడ్డలను అక్కున చేర్చుకోండి.. మార్కులు జీవితాన్ని శాసించలేవు!! పదవ తరగతి ప‌రీక్షా ఫలితాల నేపథ్యంలో విద్యార్థినీ విద్యార్థులకు, తల్లిదండ్రులకు, ఉపాధ్యాయులకు నాదొక విన్నపం. ఈ ఫలితాలు మీ జీవిత గమనాన్ని శాసించేవి కావు, మీ సుదీర్ఘ ప్రయాణంలో ఇదొక చిన్న మలుపు మాత్రమేనని గుర్తించండి. ఇటీవలి ఇంటర్మీడియట్ ఫలితాల తర్వాత కొన్ని నిండు ప్రాణాలు అర్ధాంతరంగా గాలిలో కలిసిపోవడం నన్ను తీవ్రంగా కలిచివేసింది. మార్కులు తక్కువ వచ్చాయని లేదా విఫలమయ్యామని ప్రాణాలు తీసుకోవడం ఏ సమస్యకూ పరిష్కారం కాదు, అది మీ కుటుంబాలకు తీరని శోకాన్ని మాత్రమే మిగులుస్తుంది. ఓటమి అనేది గెలుపుకు తొలిమెట్టు కావాలే తప్ప, జీవితానికి ముగింపు కాకూడదని ప్రతి విద్యార్థి గుర్తుంచుకోవాలి. ముఖ్యంగా తల్లిదండ్రులకు ఒక మనవి... మీ ఆశలను, అంచనాలను పిల్లలపై భారంగా మోపి వారిని ఒత్తిడికి గురిచేయకండి. ఫలితం ఏదైనా సరే, మీ పిల్లలను ప్రేమగా అక్కున చేర్చుకోండి, వారిలో ఆత్మవిశ్వాసాన్ని నింపండి. మార్కుల కంటే మీ పిల్లల ప్రాణం, వారి చిరునవ్వు మీకు అత్యంత ముఖ్యం. ఫలితాల తర్వాత పిల్లల ప్రవర్తనను నిశితంగా గమనించండి; వారు ఒంటరిగా ఉన్నా, మౌనంగా ఉన్నా వారి వెన్నంటి ఉండి ధైర్యం చెప్పండి. అవసరమైతే మీ పనులన్నీ పక్కన పెట్టి, ఒక రోజంతా వారితో గడిపి, వారి మనసులోని భయాన్ని పోగొట్టండి. ఉపాధ్యాయులు కూడా ఈ సమయంలో విద్యార్థులతో సంభాషించి, ఫెయిల్యూర్ అనేది తాత్కాలికమేనని, భవిష్యత్తులో ఎన్నో అవకాశాలు ఉంటాయని భరోసా కల్పించాలి. చదువులో వెనుకబడిన ఎందరో వ్యక్తులు పట్టుదలతో శ్రమించి నేడు ప్రపంచ ప్రఖ్యాతి గాంచిన స్థాయికి చేరుకున్నారన్న నిజాన్ని ఎవరూ మరువవద్దు. పరీక్షల కంటే ప్రాణం గొప్పది, మీ వెనుక ఒక కుటుంబం ఉందని, మీ కోసం వారు తపిస్తున్నారని ఆలోచించండి. ఏ చిన్న ఆందోళన కలిగినా మీ తల్లిదండ్రులతో లేదా ఆత్మీయులతో పంచుకోండి. ప్రతికూల ఫలితాలు వచ్చినా ధైర్యంగా ఎదుర్కొని ఉజ్వల భవిష్యత్తు వైపు అడుగులు వేయాలని మనస్ఫూర్తిగా కోరుకుంటున్నాను. @hydcitypolice @CPHydCity @SajjanarOffice @TelanganaCMO @TelanganaDGP @TelanganaCOPs #10thResults #StudentSafety #MentalHealth