Chief Secretary Khyber Pakhtunkhwa

عیدالفطر مبارک!

وزیر اعلٰی خیبرپختونخوا کی ہدایت پر گڈ گورننس روڈمیپ کے تحت عوام کو کھیل اور تفریحی سہولیات فراہم کرنے کے لیے پشاور میں گلبہار فلائی اوور کے نیچے فٹسال کورٹ اور انڈور کرکٹ کی سہولت بنادی گئی ہے۔ اس اقدام کا مقصد مقامی نوجوانوں اور بچوں کو صحت مند اور مثبت سرگرمیوں کے مواقع فراہم کرنا ہے۔

وزیر اعلٰی خیبرپختونخوا کی ہدایت پر گڈ گورننس روڈمیپ کے تحت حکومت خیبرپختونخوا کے عملی اقدامات جاری ہیں۔ بنوں کے تاریخی چوک بازار کو ایک نئی خوبصورتی اور دلکشی کے ساتھ بحال کیا گیا ہے اس قدیم مقام کو نہ صرف اس کی اصل روح کے ساتھ محفوظ کیا گیا ہے بلکہ اسے ایک خوبصورت سٹی سنٹر کی شکل دے دی گئی ہے، جہاں لوگ آکر سکون کے لمحات گزار سکیں گے اور اپنے شہر بنوں گل کی روایت سے جڑ سکیں گے۔

وزیر اعلٰی خیبرپختونخوا کی ہدایت پر عوام کو بہتر خدمات کی فراہمی کے لئے گڈ گورننس اصلاحاتی ایجنڈے پر عملدرآمد جاری ہے۔ • صوبائی حکومت کی جانب سے صوبے میں سیاحت کے فروغ اور مواصلات کے نظام میں بہتری کے لیے سوات موٹروے فیز ٹو پر کام کا آغاز کردیا گیا ہے۔ جلد اس منصوبے کا باقاعدہ افتتاح کردیا جائے گا۔ • پشاور میں نیو جنرل بس سٹینڈ پر کام تکمیل کے آخری مراحل میں ہے۔ جس کے بعد تمام بس اڈوں کو نیو جنرل بس سٹینڈ میں شفٹ کیا جارہا ہے۔ منصوبے کی تکمیل سے پشاور میں ٹریفک کے مسائل پر قابو پانے میں مدد ملے گی۔ • خیبرپختونخوا کے جن اضلاع میں ڈاکٹروں کی کمی ہے وہاں میڈیکل آفیسرز کی بھرتی کا آغاز کردیا گیا ہے ۔ خیبرپختونخوا میں صحت کی سہولیات کی بہتری کے لیے 2400 میڈیکل آفیسرز کو بھرتی کیا جارہا ہے۔ اقدام سے عوام کو طبی سہولیات کی بلاتعطل فراہمی یقینی ہوگی۔ • سیاحتی علاقوں گلیات، کمراٹ، کالام اور کیلاش کی ماسٹر پلاننگ کا عمل جاری ہے۔ سیاحتی مقامات کی ماسٹر پلاننگ سے ماحولیاتی تحفظ کو ممکن بناکر پائیدار سیاحت کو فروغ ملے گا اور ان علاقوں میں بے ہنگم تعمیرات کو روکا جاسکے گا۔

خیبر پختونخوا میں گڈ گورننس اور پبلک سروس ڈیلوری کے تحت حاصل کئے گئے اہداف خیبرپختونخوا میں کیش لیس پیمنٹ انیشیٹیو کا آغاز خیبرپختونخوا ڈیجیٹل پیمنٹ ایکٹ 2025 کابینہ سے منظور 100 سے زائد عوامی خدمات ڈیجیٹائز ای سمری اور ای آفس کے اجراءسے اب تک 1500 سے زائد سمریاں اور 600 سے زائد فائلیں وصول اور بھیجی گئیں 150 بنیادی مراکز صحت اور رورل ہیلتھ سنٹرز کو ہمہ وقت چائلڈ برتھ سنٹرز میں تبدیل کر دیا گیا بی ایچ یوز اور آر ایچ سیز کے لیے 700 ڈاکٹروں کی کنٹریکٹ پر بھرتی کا عمل جاری خالی آسامیوں پر 2400 میڈیکل آفیسرز کی بھرتی کے لیے سمری منظور اگست تک 72 صحت سہولیات کی آئوٹ سورسنگ گلیات ڈویلپمنٹ اتھارٹی کے تحت سالڈ ویسٹ کولیکشن آئوٹ سورس کالام ، کاغان، کمراٹ اور گلیات کے لیے لینڈ یوز اور ماسٹر پلانز مرتب کرنے کا آغاز کمیونٹی بیسڈ رہائش کے لیے 15 کروڑ روپے کے بلا سود قرضے تقسیم ضم اضلاع میں گرافٹنگ کے ذریعے ڈیڑھ لاکھ جنگلی زیتون کو یورپی اقسام میں تبدیل کردیا گیا میکینائزڈ فارمنگ کے فروغ کے لیے کسانوں کو 200 مشینیں فراہم مقامی آبادی کی شراکت سے 700 واٹر کورسز کی اپگریڈیشن 3ہزار177 یتیم اور 3ہزار380 بیوہ خواتین کو ماہانہ 5 ہزار وظیفہ کی فراہمی 20 اسپیشل ایجوکیشن انسٹیٹیوٹس کی ری ویمپنگ 500 سرکاری سکولوں کی آئوٹ سورسنگ مکمل 3500 طلباءکو سکالرشپس فراہم کی گئی

تعلیمی نظام کی بہتری حکومت خیبرپختونخوا کی ترجیحات میں شامل ہے۔ صوبے کے امتحانی نظام میں اصلاحات کے ذریعے شفافیت کو مزید تقویت دی جارہی ہے۔ خیبرپختونخوا میں میٹرک کے سالانہ امتحانات کا آغاز 31 مارچ سے ہوگا۔ اس سال امتحانی نظام کو مزید شفاف اور مؤثر بنانے کیلئے تمام تعلیمی بورڈز میں تین پیپرز کی ای مارکنگ کی جائے گی جبکہ بورڈ آف انٹرمیڈیٹ اینڈ سیکنڈری ایجوکیشن پشاور میں چھ پیپرز کی ای مارکنگ ہوگی۔ پورے صوبے میں کلسٹر بیسڈ سسٹم کے تحت امتحانات کا انعقاد کیا جائے گا اور اس نظام کو مکمل تیاری کے ساتھ نافذ کیا جا رہا ہے۔ تمام امتحانی ہالز میں پانی، سی سی ٹی وی کیمرے، بجلی اور دیگر ضروری سہولیات کی دستیابی یقینی بنائی جائے گی۔ اس سال امتحانی عملے میں نئے گریجویٹس کو بھی شامل کیا جا رہا ہے جن کی باقاعدہ تربیت جاری ہے۔ نقل کی روک تھام کیلئے سخت اقدامات کیے گئے ہیں اور ایماندار اور عمدہ و شفاف کارکردگی کے حامل عملے کو ہی زمہ داریاں سونپی جائیں گی۔ امتحانی مراکز کے اطراف دفعہ 144 نافذ کی جائے گی اور نقل کے مواد کی روک تھام کیلئے بھی مؤثر انتظامات کیے گئے ہیں۔ اس سال روٹیشن سسٹم کے تحت امتحانی عملے کو دو سے تین پیپرز کے بعد تبدیل کیا جائے گا تاکہ امتحانی عمل کو مزید شفاف بنایا جا سکے۔ تمام بورڈز کے جوابی پرچوں کو ای مارکنگ کے لیے اسٹینڈرڈائز کیا جا رہا ہے۔

حکومت خیبرپختونخوا کھیلوں کی سرگرمیوں کو فروغ دے کر نوجوانوں کو مثبت اور صحتمندانہ سرگرمیوں میں شمولیت کے مواقعے فراہم کررہی ہے ۔ دیر لوئر میں رمضان نائٹ بیڈمنٹن چیمپئن شپ جاری ہے۔

وزیرِ اعلیٰ خیبر پختونخوا سہیل خان آفریدی کے گڈ گورننس روڈ میپ اور وزیر بلدیات مینا خان آفریدی کی ہدایات کے تحت حیات آباد فیز 6 کی مین نواب مارکیٹ روڈ پر نئی ایل ای ڈی سٹریٹ لائٹس نصب کر دی گئی ہیں۔ اس سے قبل یہاں 250 واٹ کی سوڈیم لائٹس نصب ۔ اب ان کی جگہ 120 واٹ کی 72 نئی ایل ای ڈی لائٹس نصب کی گئی ہیں جس سے نہ صرف بہتر روشنی میسر آئے گی بلکہ بجلی کے اخراجات میں بھی 50 فیصد سے زائد توانائی کی بچت حاصل ہوگی۔ @SohailAfridiISF @GovernmentKP @MeenakhanAfridi @CSKPOfficial @ZubairNiaziPAS

حکومت خیبرپختونخوا کی جانب سے صوبے بھر میں رمضان المبارک میں کھیلوں کے مقابلے جاری ہیں۔ ضلعی انتظامیہ اور ڈسٹرکٹ سپورٹس آفس سب ڈویژن وزیر بنوں کے زیر اہتمام جانی خیل نائٹ رمضان المبارک امن فٹبال ٹورنامنٹ جاری ہے جس میں ٹوٹل 24 ٹیمیں حصہ لے رہی ہیں۔

وزیر اعلٰی خیبرپختونخوا کی ہدایت پر صوبائی حکومت کی جانب سے عوامی خدمات کی فراہمی میں بہتری کیلئے اقدامات جاری ہیں۔ بین الاقوامی صورتحال کو مدنظر رکھتے ہوئے صوبائی پٹرولیم مصنوعات کی دستیابی کے لئے قائم پی او ایل مانیٹرنگ سسٹم پر سختی سے عمل درآمد یقینی بنارہے ہیں۔ ڈپٹی کمشنرز باقاعدگی سے بازاروں کے دورے کررہے ہیں، ذخیرہ اندوزی اور زائد قیمت وصول کرنے کی شکایات کا فوری ازالہ کیا جارہا ہے۔ پبلک پرائیویٹ پارٹنرشپ کے تحت ٹھنڈیانی ٹورازم پراجیکٹ، گنوُل انٹیگریٹڈ ٹورازم زون، بایون اسکی ریزورٹ کالام اور درابن اکنامک زون پر پیش رفت جاری ہے۔   انڈس ہائی وے (این۔55) کو ہکلا۔ڈی آئی خان موٹروے سے ملانے والی سڑک پر بھی عملدرآمد کے حوالے سے بھی اقدامات جاری ہیں ۔ ڈپٹی کمشنر پشاور کے دفتر کی جانب سے متعارف کرائی گئی مختلف جدید انتظامی اور ریونیو اصلاحات کو دیگر اضلاع تک توسیع دی جائے گی۔ ان اقدامات میں گرداوری کی ڈیجیٹلائزیشن، خسرہ وار ویلیڈیشن ٹیبل اور جدول کی تیاری، ای رجسٹری سسٹم کا ای آڈٹ اور محفوظ خانہ کے ریکارڈ کی اسکیننگ اور ڈیجیٹل آڈٹ شامل ہیں۔

صوبائی حکومت کی جانب سے جنوبی وزیرستان لوئر میں رمضان امن کرکٹ ٹورنامنٹ اور تنائی کے علاقے میں نائٹ فٹبال ٹورنامنٹ منعقد کیا گیا ہے۔ کرکٹ ٹورنامنٹ میں 20 ٹیمیں جبکہ فٹبال ٹورنامنٹ میں 24 ٹیمیں حصہ لے رہی ہیں۔ کھیلوں کے ان مقابلوں کے انعقاد کا مقصد ضم اضلاع کے نوجوانوں کو اپنی صلاحیتوں کے اظہار کے بھرپور مواقع فراہم کرنا ہے۔

خیبرپختونخوا میں عوامی خدمات کی فراہمی کو بہتر بنانے اور ضلعی سطح پر کارکردگی پر مبنی گورننس کو مضبوط بنانے کے لیے چھٹی ڈسٹرکٹ سروس ڈلیوری کانفرنس؛ پہلی ڈسٹرکٹ سروس ڈلیوری کانفرنس کے بعد متعدد شعبوں میں خدمات کی فراہمی کے اشاریوں میں واضح بہتری آئی ہے۔ ضلع بٹگرام میں بعض سروس ڈلیوری اشاریوں میں کارکردگی مطلوبہ سطح سے کم رہی جس کا جامع جائزہ اور تجزیہ کیبعد تیار کی جانے والی سفارشات آئندہ ڈسٹرکٹ سروس ڈلیوری کانفرنس میں پیش کی جائیں گی۔ ڈپٹی کمشنرز اپنے اضلاع میں nerve سینٹرز قائم کریں گے تاکہ عوامی خدمات کی فراہمی کی مؤثر نگرانی کی جا سکے۔ یہ مراکز عوامی شکایات کے ازالے میں اہم کردار ادا کریں گے جبکہ پشاور میں صوبائی نرو سینٹر کی تعمیر آخری مراحل میں ہے اور جلد اس کے افتتاح کیبعد اضلاع کے نرو سینٹرز کے ساتھ منسلک کیا جائے گا جس کے ذریعے پورے صوبے میں خدمات کی فراہمی کی نگرانی ممکن ہوگی۔ نرو سینٹر سے اہم عوامی مقامات کی سی سی ٹی وی کیمرے کے ذریعے مانیٹرنگ، ایمرجنسی ہاٹ لائن اور اداروں کے مابین کوآرڈینیشن بہتر ہوسکے گی۔ ڈپٹی کمشنر ہر ماہ کم از کم 32 سرکاری سہولیات کا دورہ یقینی بنارہے ہیں جس سے سروس ڈلیوری میں مزید بہتری آرہی ہے۔ جبکہ ڈسٹرکٹ سروس ڈیلیوری کے فیز 2 میں نئے پبلک سروس ایریاز کو بھی شامل کیا گیا ہے۔

خیبرپختونخوا میں سکول داخلہ مہم کا آغاز صوبائی وزیر برائے ابتدائی و ثانوی تعلیم ارشد ایوب خان اور چیف سیکرٹری خیبر پختونخوا شہاب علی شاہ نے داخلہ مہم کا باقاعدہ افتتاح کیا. مہم میں نئے داخلوں، سکول تعلیم سے محروم رہ جانے والے بچوں اور ڈراپ آؤٹ کم کرنے پر توجہ دی جائے گی. تعلیمی سال 2026–27 کے لیے 13 لاکھ 28 ہزار 620 بچوں کے داخلے کا ہدف مقرر. داخلہ مہم کی پیش رفت کی نگرانی کے لیے ڈیجیٹل ڈیش بورڈ قائم کیا گیا ہے.

وزیر اعلٰی خیبرپختونخوا کی ہدایت پر حکومت خیبرپختونخوا کی جانب سے رمضان المبارک میں عوامی ریلیف اقدامات تسلسل کے ساتھ جاری ہیں۔ چیف سیکرٹری آفس کے پرفارمنس مینجمنٹ اینڈ ریفارمز یونٹ کی جانب سے ایک خصوصی لائیو ڈیش بورڈ کے ذریعے رمضان اقدامات کی مؤثر مانیٹرنگ کی جا رہی ہے۔ یہ ڈیش بورڈ اعداد و شمار سمیت فیصلہ سازی کی سہولت بھی فراہم کر رہا ہے. یکم رمضان المبارک سے اب تک صوبہ بھر میں ایک لاکھ سے زائد کاروباری و اشیائے ضروریہ کے یونٹس کی انسپیکشن کی جا چکی ہے، جن میں سے 29 ہزار مقامات پر قانون کی خلاف ورزی پائی گئی۔ خلاف ورزیوں پر ذمہ داران کے خلاف جرمانے عائد کیے گئے جبکہ متعدد کیسز میں ایف آئی آر بھی درج کی گئی ہیں۔ حکومت خیبرپختونخوا کی شجرکاری مہم بھی بھرپور انداز میں جاری ہے اور تمام ضلعی انتظامیہ کو اہداف کے حصول اور شفاف عملدرآمد کے لیے واضح ہدایات جاری کی گئی ہیں۔ اہم ترین منصوبوں کو ترجیحی بنیادوں پر فنڈنگ فراہم کی جا رہی ہے اور عوامی فلاح و بہبود کے ان منصوبوں کی بروقت تکمیل کے لیے اقدامات تیز کر دیے گئے ہیں۔ جو منصوبے تکمیل کے قریب ہیں، ان پر خصوصی توجہ مرکوز کی گئی ہے۔ پشاور اپلفٹ منصوبوں کو ترجیحات کی بنیاد پر دو حصوں میں تقسیم کیا گیا ہے۔ ان منصوبوں میں رنگ روڈ پر انڈر پاسز کی تعمیر، 34 پارکس کی اپ لفٹنگ، شہر کی 35 اہم سڑکوں کی بحالی و اپ گریڈیشن، رنگ روڈ اور جی ٹی روڈ پر روڈ فرنیچر کی بہتری سمیت دیگر شہری ترقیاتی اقدامات شامل ہیں۔ صوبے میں لینڈ یوز پلان اور ماسٹر پلانز کو مدنظر رکھتے ہوئے لینڈ یوز اینڈ بلڈنگ کنٹرول اتھارٹی کی جانب سے عمارتوں کے نقشوں کی منظوری دی جا رہی ہے، جس میں شہری منصوبہ بندی، ٹریفک مینجمنٹ اور ماحولیاتی تقاضوں کو مکمل طور پر پیش نظر رکھا جا رہا ہے۔

حالیہ سیکیورٹی صورتحال کے پیش نظر حکومت خیبر پختونخوا کا عوامی تحفظ کے لیے احتیاطی اقدامات.

محکمہ بلدیات خیبر پختونخوا گڈ گورننس روڈمیپ کے تحت عوامی خدمات کی فراہمی کو مؤثر اور جدید تقاضوں سے ہم آہنگ بنانے کے لئے جامع اقدامات پر عمل پیرا ہے۔ پشاور، سوات، ڈی آئی خان اور ایبٹ آباد میں ویسٹ واٹر ٹریٹمنٹ پلانٹس کے قیام پر کام جاری ہے تاکہ شہری علاقوں میں نکاسی آب کے نظام کو بہتر بنایا جا سکے اور ماحولیاتی آلودگی میں کمی لائی جا سکے۔ گڈ گورننس روڈمیپ کے تحت بس ٹرمینلز، فروٹ و سبزی منڈیوں، مویشی منڈیوں اور ذبح خانوں میں صفائی کے نظام کو بہتر بنانے کیلئے خصوصی اقدامات کیے جا رہے ہیں۔ اسی طرح مین ہولز کی تنصیب کیلئے صوبہ بھر میں ڈیٹا اکٹھا کرنے کا عمل جاری ہے تاکہ نکاسی آب کے نظام کو مؤثر بنایا جا سکے۔ فیصلہ سازی کو اعدادوشمار سے ہم آہنگ بنانے کیلئے ڈیجیٹل ڈیش بورڈ قائم کیا جا رہا ہے، جبکہ تحصیل سطح پر ڈمپنگ گراؤنڈز کیلئے موزوں مقامات کی نشاندہی کا عمل بھی جاری ہے۔ محکمہ بلدیات کوڑا کرکٹ سے توانائی کے حصول کے منصوبوں پر بھی لائحہ عمل تشکیل دے رہا ہے۔ نالوں اور ڈرینز کی باقاعدہ صفائی کے نظام کے نفاذ کے ساتھ ساتھ پبلک پارکس اور گرین بیلٹس کی بہتری کو بھی روڈمیپ کا اہم جزو قرار دیا گیا ہے۔ شہری علاقوں میں پانی کھڑا ہونے والے مقامات کی نشاندہی اور ان کے مستقل حل کیلئے اقدامات تیز کر دیے گئے ہیں۔ رمضان المبارک کے دوران رمضان بازاروں، رمضان دسترخوانوں اور دیگر فلاحی اقدامات والے مقامات پر خصوصی صفائی انتظامات کئے گئے ہیں۔ عیدالفطر کے موقع پر صفائی کے خصوصی انتظامات کے لئے منصوبہ بندی کرلی گئی ہے. عوامی شکایات کے فوری ازالے کیلئے باقاعدگی سے آن لائن کھلی کچہریوں کا انعقاد بھی کیا جا رہا ہے، جس کے ذریعے شہری براہِ راست اپنی شکایات اور تجاویز متعلقہ حکام تک پہنچا سکتے ہیں۔

'وزیر اعلٰی خیبرپختونخوا کی ہدایت پر ماہ رمضان المبارک میں عوامی ریلیف اقدامات جاری' صوبے کے تمام اضلاع میں مستحق افراد اور مسافروں کے لئے روزانہ کی بنیاد پر رمضان دسترخوان کا اہتمام کیا جا رہا ہے تاکہ ضرورت مند شہریوں کو افطار کی سہولت فراہم کی جا سکے۔ ضلعی انتظامیہ دسترخوانوں کے انتظامات میں شفافیت، معیار اور نظم و ضبط کو یقینی بنارہی ہے۔ رمضان المبارک کے دوران پرائس کنٹرول، ذخیرہ اندوزی کی روک تھام اور سرکاری نرخناموں پر عملدرآمد کو یقینی بنانے کے لیے مختلف بازاروں میں مسلسل معائنوں اور کارروائیوں کا سلسلہ جاری ہے۔ پرائس کنٹرول مجسٹریٹس روزانہ کی بنیاد پر مارکیٹوں کا دورہ کر رہے ہیں جبکہ خلاف ورزی کے مرتکب دکانداروں کے خلاف جرمانے اور دیگر قانونی کارروائیاں عمل میں لائی جا رہی ہیں۔ مؤثر نگرانی کے لیے مختلف مقامات پر اضافی مجسٹریٹس کی ڈیوٹیاں تعینات کی گئی ہیں تاکہ پرائس کنٹرول اور دیگر انتظامی امور کی مسلسل مانیٹرنگ یقینی بنائی جا سکے۔ عوامی شکایات کے فوری ازالے کے لیے ضلعی انتظامیہ متحرک ہے اور فیلڈ میں موجود ہے۔ پشاور بیوٹیفکیشن پلان پر پیش رفت، پبلک پرائیویٹ پارٹنرشپ کے تحت سرمایہ کاری کے فروغ اور صوبے میں ناجائز تجاوزات کے خلاف اقدامات بھی جاری ہیں۔

دستک موبائل ایپ کے ذریعے ایک گھنٹے میں اپنا ڈرائیونگ لائسنس حاصل کریں- حکومت خیبر پختونخوا نے عوامی خدمات کی فراہمی میں ایک اور اہم سنگِ میل عبور کرتے ہوئے LTV/HTV ٹرانسپورٹ گاڑیوں کے لرنر ڈرائیونگ لائسنس کے اجرا کے عمل کو مکمل طور پر ڈیجیٹل بنا دیا ہے۔ یہ سہولت خیبر پختونخوا انفارمیشن ٹیکنالوجی بورڈ نے ٹرانسپورٹ ڈائریکٹوریٹ اور ٹرانسپورٹ و ماس ٹرانزٹ محکمہ کے انتظامی تعاون سے تیار کی ہے، اور اب یہ خدمت دستک موبائل ایپ پر دستیاب ہے۔ اب شہری اپنے گھروں سے ہی مختلف اقسام بشمول ا یل ٹی وی اور ایچ ٹی وی ٹرانسپورٹ گاڑیوں، ٹریکٹر، رکشہ اور روڈ رولر کے لیے درخواست دے سکتے ہیں۔ اس مکمل ڈیجیٹل نظام میں آن لائن بایومیٹرک تصدیق اور ڈیجیٹل فیس کی ادائیگی شامل ہے، جس سے ٹرانسپورٹ دفاتر کے دوروں کی ضرورت ختم ہو گئی ہے۔ عمل مکمل ہوتے ہی فوری طور پر ڈیجیٹل سرٹیفکیٹ جاری کر دیا جاتا ہے۔ اس اقدام کا مقصد شفافیت کو فروغ دینا، انتظامی رکاوٹوں کو کم کرنا اور خیبر پختونخوا کے عوام کو ان کی دہلیز پر سہولت فراہم کرنا ہے۔