Collector Kheda

“ગામનો નિર્ધાર, સહકારથી સાકાર” અભિયાન અંતર્ગત આજે નડિયાદની ડભાણ સ્થિત આંગણવાડીની મુલાકાત લીધી.પોષણ મિત્ર તરીકે બાળકોને સુપોષિત બનાવવા કઠોળ-ફળોનું વિતરણ કરી વાલીઓને પોષણ કીટના ઉપયોગ અંગે માર્ગદર્શન આપ્યું. આપણે સૌ પોષણમિત્રો બનીને ખેડા જિલ્લાને સુપોષિત બનાવવા કટિબદ્ધ રહીએ.

પ્રગતિ અને સંસ્કૃતિનો સમન્વય ધરાવતું આપણું ગૌરવવંતું ગુજરાત, જેનો ધ્યેયમંત્ર છે વિરાસતથી વિકાસ... જય જય ગરવી ગુજરાત..! #GujaratGauravDivas2026

આજ રોજ મહેમદાવાદ તાલુકાના સાદરા તથા પહાડ ગ્રામ પંચાયતની મુલાકાત લઈ ગામ દફતરની તપાસણી કરી. હાજર ગ્રામજનો સાથે ઉપલબ્ધ સુવિધા બાબતે જરૂરી પાયાની જરૂરિયાતો અંગે વિગતે ચર્ચા કરવામાં આવી. @infokhedagog @revenuegujarat

આજ રોજ યોજાયેલ ખેડા જિલ્લા સ્વાગત કાર્યક્રમમાં રસ્તા, ગેરકાયદેસર દબાણ, પ્રોપર્ટી કાર્ડ, પ્રદૂષણ અટકાવ, સોસાયટી રજીસ્ટ્રેશન અને પ્રાથમિક સુવિધાઓ સહિતની વિવિધ બાબતોના પ્રશ્નોનું અરજદારોને રૂબરૂ સાંભળી યોગ્ય નિરાકરણ લાવવામાં આવ્યું. @infokhedagog @CMOGuj

ખેડા જિલ્લામાં આગામી તા.૨૬ એપ્રિલ ૨૦૨૬, રવિવારના રોજ યોજાનાર સ્થાનિક સ્વરાજ્ય ચૂંટણી સંદર્ભે મતદારોને લોકશાહી પ્રત્યે પોતાની ફરજ નિભાવતા મતદાન કરવા ખાસ અપીલ..

આગામી સ્થાનિક સ્વરાજ્ય ચૂંટણી ૨૦૨૬ના સંદર્ભે આજ રોજ ઠાસરા તથા ગળતેશ્વર તાલુકાના વિવિધ મતદાન મથકોની મુલાકાત લઈ તૈયારીઓની સમીક્ષા કરી તેમ જ પોલીસ ફુટ પેટ્રોલીંગ દ્વારા સુરક્ષિત અને અચૂક મતદાનનો સંદેશો પાઠવવામાં આવ્યો.

આગામી સ્થાનિક સ્વરાજ્યની ચૂંટણી સંદર્ભે આજ રોજ જિલ્લાના વિવિધ તાલુકા ખાતે ઓળખ થયેલ સંવેદનશીલ વિસ્તારોમાં મતદાનમથકોની મુલાકાત કરી તેમ જ પોલીસ વિભાગ સાથે રહી ફ્લેગમાર્ચ યોજી કાયદો અને વ્યવસ્થાની સ્થિતિની સમીક્ષા કરવામાં આવી.

ખેડા જિલ્લામાં સ્થાનિક સ્વરાજ્ય ચૂંટણીઓની પ્રક્રિયા શાંતિપૂર્ણ રીતે હાથ ધરવા કાયદો અને વ્યવસ્થાની સમીક્ષા અર્થે યોજાયેલ બેઠકમાં સંવેદનશીલ-અતિસંવેદનશીલ મતદાનમથકો, ઇવીએમ સ્ટ્રોંગરૂમની સલામતીના પગલાં, મતગણતરી કેન્દ્રો ખાતે સુરક્ષા વિગેરે જેવી બાબતે જરૂરી માર્ગદર્શક સૂચનો કર્યા.

આજ રોજ ખેડા જિલ્લા કક્ષાએ પ્રિમોન્સૂન ૨૦૨૬ની પૂર્વતૈયારીના આયોજન અને હીટવેવ અંગેની બેઠક યોજાઈ ગઈ, જેમાં સંબધિત તમામ તાલુકાના ડિઝાસ્ટર નોડલ અધિકારીશ્રીઓને યોગ્ય આયોજન સુનિશ્ચિત કરવા સૂચના આપવામાં આવી. #Heatwave

આજ રોજ આગામી સ્થાનિક સ્વરાજ્ય સંસ્થાઓની ચૂંટણી પ્રક્રિયા શાંતિપૂર્ણ, પારદર્શક અને નિષ્પક્ષ રીતે સંપન્ન થાય તે હેતુસર કાયદો અને વ્યવસ્થાની જાળવણી તેમજ આચારસંહિતાના અસરકારક અમલ અંગે વિશેષ સમીક્ષા બેઠક યોજવામા આવી.

ખેડા જિલ્લા પંચાયતની કુલ ૪૨, તાલુકા પંચાયતોની ૧૭૬, મહાનગરપાલિકાની ૫૨ અને નગરપાલિકાઓની ૧૦૦ બેઠકો પર યોજાનાર સ્થાનિક સ્વરાજ્યની સંસ્થાઓની સામાન્ય અને પેટા ચૂંટણીઓનો કાર્યક્રમ જાહેર થતા લોકાભિમુખ અને પારદર્શક રીતે સમગ્ર ચૂંટણી પ્રક્રિયા પુર્ણ કરવા સૌને સહકાર આપવા અપીલ કરવામાં આવી.

માનનીય વડાપ્રધાન શ્રી નરેન્દ્રભાઈ મોદીની 'એક ભારત, શ્રેષ્ઠ ભારત' સંકલ્પનાને સાકાર કરવાની દિશામાં ગુજરાતની એક ઐતિહાસિક અને ગૌરવપૂર્ણ પહેલ. મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં ગુજરાત વિધાનસભામાં પસાર થયેલ સમાન નાગરિક સંહિતા (UCC) વિધેયક એટલે રાજ્યના તમામ નાગરિકો માટે સમાન કાયદા દ્વારા સામાજિક માળખામાં સમાનતા, મહિલા સશક્તિકરણ અને કાયદાકીય એકતા થકી સમરસ અને ન્યાયપૂર્ણ વિકાસ માટે રાજ્ય સરકારની પ્રતિબદ્ધતા. #UCCinGujarat

આજ રોજ કલેક્ટર કચેરી, નડિયાદ ખાતે માર્ચ-૨૦૨૬નો જિલ્લા સ્વાગત કાર્યક્રમ યોજાયો, જેમાં રી-સર્વે બાદ ક્ષેત્રફળ ક્ષતિ સુધારણા, ગેરકાયદેસર દબાણ, માર્ગ સ્વચ્છતા, પ્રોપર્ટી કાર્ડ, વિધવા સહાય અને “નમો લક્ષ્મી” સ્કોલરશિપને લગતા કુલ ૧૦ પ્રશ્નોની રજૂઆત સાંભળી યોગ્ય નિરાકરણ કરવામાં આવ્યુ.

ખેડા જિલ્લા કક્ષાની રોડ સેફ્ટી બેઠકમાં સંબંધિત વિભાગોના અધિકારીઓ પાસેથી બ્લેક સ્પોટ બાબતે લેવાયેલ ટૂંકા ગાળા અને લાંબા ગાળાના નિવારક ઉપાયો વિશે કામગીરી અહેવાલ જાણીને ઉકત સ્થળો પર અકસ્માતનું પ્રમાણ ઘટાડવા માટે જરૂરી કાર્યવાહી હાથ ધરવા સૂચના આપી.

આજ રોજ વિશ્વ ક્ષય દિન નિમિત્તે ખેડા જિલ્લાને ટીબી મુક્ત બનાવવાના પ્રયાસો થકી જિલ્લાની ટીબીમુક્ત થયેલ કુલ ૭૮ ગ્રામ પંચાયતોના સરપંચશ્રીઓ અને આરોગ્યકર્મીઓને વિવિધ કેટેગરીઓમાં પ્રમાણપત્રો આપી સન્માનિત કરવામાં આવ્યા.

ગુજરાત સરકારના અન્ન નાગરિક પુરવઠા વિભાગના માન.અધિક મુખ્ય સચિવ શ્રી મોના ખંધારે જણાવ્યું છે કે , રાજ્યમાં પેટ્રોલ અને ડિઝલની કોઈ તંગી નથી. તેમણે કહ્યું કે, રાજ્ય પાસે પેટ્રોલ –ડિઝલનો પૂરતો જથ્થો ઉપ્લબ્ધ છે તેમ જ બફર સ્ટોક પણ ઉપ્લબ્ધ છે.

આજ રોજ ખેડા જિલ્લા સંકલન અને ફરિયાદ સમિતીની બેઠક ઉપરાંત કાયદો અને વ્યવસ્થા, પુરવઠા સલાહકાર સમિતિ, જિલ્લા બાળશ્રમ નાબુદી ટાસ્ક ફોર્સ, સોલિડ વેસ્ટ મેનેજમેન્ટ, આયુષ્યમાન ગવર્નિંગ બોડી જેવી વિવિધ બેઠકો યોજવામાં આવી.

આજ રોજ માન.જિલ્લા પ્રભારીમંત્રી શ્રી રમણભાઈ સોલંકીની અધ્યક્ષતામાં કલેક્ટર કચેરી નડિયાદ ખાતે યોજાયેલ આયોજન મંડળની બેઠકમાં ખેડા જિલ્લાના સર્વાંગી વિકાસ હેતુ રૂ.૨૫ કરોડના ૧૫૧૯ કામો મંજૂર કરવામાં આવ્યા.

નડિયાદ મહાનગરપાલિકાને વર્ષ ૨૦૩૫ સુધીમાં તમામ બાબતોમાં સુવિકસીત માળખાકીય સુવિધાઓ તેમજ નાગરિકલક્ષી યોજનાઓ સાથે સજ્જ બનાવવા આજ રોજ માન.ધારાસભ્યશ્રીની વિશેષ ઉપસ્થિતિમાં રૂ. ૯૩૨.૩૮ કરોડનું બજેટ રજૂ કરવામા આવ્યું. #Nadiad #NMC #budget2026 #Kheda

ખેડા જિલ્લામાં વસ્તી ગણતરી-૨૦૨૭ની કામગીરી ક્ષતિરહિત અને સમયમર્યાદામાં પૂર્ણ થાય તે હેતુથી આજ રોજ રાજ્યકક્ષાએથી વિશેષ રૂપે નિયુક્ત માસ્ટર ટ્રેનર્સ અને નોડલ અધિકારીશ્રીઓ દ્વારા ફિલ્ડ ટ્રેનર્સને તાલીમ આપી નવા સંશોધનોથી માહિતગાર કર્યા.

ગુજરાત મકાન અને અન્ય બાંધકામ શ્રમયોગી કલ્યાણ બોર્ડ દ્વારા ખેડા જિલ્લાના ડાકોર વિસ્તારમાં બાંધકામ તેમજ અન્ય સંગઠીત ક્ષેત્રમાં ફરજ બજાવતાં શ્રમયોગીઓ માટે આજથી ધન્વંતરી આરોગ્યરથનો પ્રારંભ કરવામાં આવ્યો.