Trading Dreamer - Crazy Trader

خذ مني ان الذهب صار ملكود ٨٠% من الشباب. الشباب كل ساعتين يحددون قمة جديدة 😅 يا اخي من بعد ٣٣٠٠ قلنا فنيا لا قمة للذهب يمكن تحديدها ، ترا مو تحدي الوضع ، هناك تحليل وقواعد وأساسيات وكلها لها حدود وإمكانيات عادي ترا مو انت مخترع التداول ما أحد بيقولك شي لو ما صدت القمة 😅

قلتو لي من توقع هبوط العملات ؟

الانسان مايصير يتوب ( اذا روحه بلغت الحلقوم ) توبته غير مقبولة .. مثل فرعون يوم ادرك انه ميت وشاف البحر بيطبق عليه قال آمنت برب موسى ، هل قبلها الله ؟ لا كذلك الانسان في حياتنا تلقاه يتكبر على خلق الله ولا يحترم ولايقدر مجهود اي شخص ( ولا اريكم الا ما ارى ) وهذا استدراج وامتحان من رب العاملين ، هل يا فلان بتحمد الله على النعمة او بتحس نفسك الافضل وانك فرعون زمانك .. عندك فرصه تتوب وتعامل الناس باحترام وتقدير وتؤمن وتعتقد ان النعمة من رب العالمين ، لا تقول مثل ما قال قارون ( إِنَّمَا أُوتِيتُهُ عَلَىٰ عِلْمٍ عِندِي ) فلوس - منصب - قوة - علم - جاه - شهره هذي فرص ونعم راح تجيك في هذي الدنيا اما تستغلها صح وتكسب فيها الاخرة قبل الدنيا .. او راح تكون نقمة عليك في الدنيا قبل الاخرة ، اذا راح منصبك مابينفعك التواضع ! ليش ؟ لانك ضعيف والناس تدري انك متواضع غصبٍ عنك موب طيب 🤝 شلون تبي الناس تتعاطف معاك عقب ما راحت النعم الي عندك 👇🏻 وانت ما نفعت احد وكنت في الاساس تشوف ربعك وجماعتك اقل منك ، كذلك المحلل في ( دائرتنا الحالية) اذا الله قبض منك هذي النعمة وانت كنت اكثر شخص يستهزاء بالناس وفي المحللين الي معاك ، وكل ما كلمك شخص قلت ( إِنَّمَا أُوتِيتُهُ عَلَىٰ عِلْمٍ عِندِي ) " انا اصلا مميز ولا احد يحلل مثلي " مع اول موقف ضعف الناس راح تاخذ حقها منك 🤝 لانك الان ضعيف ، واي اعتذار منك بيكون غير مقبول " هذي سنة الحياة " اعتذارك وانت قوي يفرق عن اعتذارك وانت ضعيف ليش؟ لانك مجبر عليه 🤝 " حقاُ على الله ما ارتفع شيء الا وضعه " من تواضع لله رفعه الله ، تواضعوا 🤝 نسال الله التوفيق لنا ولكم جميعا 🌹