تساؤلات

#تساؤلات | عام 2017 كفلت بنت عمتي في عقد بيع بالتقسيط وسند لأمر، وهي المدين الأصلي وأنا الكفيلة. الآن صدر ضدي طلب تنفيذ بمبلغ 25 ألف ريال، ولم يتبقَّ إلا 4 أيام، وأنا غير موظفة ومستفيدة من الضمان الاجتماعي ولا أستطيع السداد. بنت عمتي تؤكد أنها سددت للدائن مبالغ خلال السنوات الماضية، وكانت تعتقد أن ما سددته كافٍ لإقفال العقد، كما وعدتني أكثر من مرة بأنها ستسدد قبل انتهاء المهلة لكنها لم تفعل. ولا أملك حتى الآن كشف حساب يوضح جميع المبالغ المسددة والمتبقي وكيف تم احتساب مبلغ التنفيذ. أسئلتي: هل يوجد إجراء قانوني عاجل خلال مهلة التنفيذ يمكنني اتخاذه لإلزام المدين الأصلي بالسداد؟ هل يحق لي طلب كشف حساب مفصل وإثبات جميع المبالغ المسددة قبل السداد؟ هل توجد وسيلة نظامية لحفظ حقي إذا كنت غير قادرة على سداد مبلغ التنفيذ؟

#تساؤلات | انا شوفتي كانت الجمعه وردو الاحد انه رفضني كيف اتخطى شعور الرفض؟ خصوصا انه بالشوفه حسيته مرتاح وجلسنا عشرين دقيقه 💔وغلطنا غلطه اعتذرنا من الام قبلها بيوم وقلنا خلي الولد يجي لحاله ولو صار نصيب تجون الاسبوع اللي بعده ع طول هل الرفض ممكن يكون من الام؟

#تساؤلات | السلام عليكم إذا موظف حكومي لديه رصيد اجازه اكثر من ٦ اشهر وسيتقاعد قريبا هل يسمح النظام بأخذ رصيد الاجازه مرة واحده؟ او تحتاج موافقه من ادارة عليا ؟

#تساؤلات | السلام عليكم أنا عقدي العملي ينتهي في شهر أبريل ٢٠٢٧ وماحيتجدد لانو مافي مشاريع خلاص وجاني عرض وظيفي من شركة شبه حكومية لمدة ٦ شهور بس براتب زيادة ايش اسوي اروح للشركة الشبه الحكومية واقوي الcv وتكون لمدة ٦شهور بس ولا أكمل في شركتي وأكمل ال ٣ سنين؟

#تساؤلات | ابي وجهة نظركم البكر اذا وصل عمرها 34 سنة هل تقبل تتزوج معدد ؟

#تساؤلات | ممكن تنزلها ضروري أنا متزوجه من أسبوع وزوجي لا يجالس ولا يتكلم ولا يأكل معي بداية الزواج تكلمنا بشكل خفيف بعدها صار الوضع بيينا رسمي جدا وكل واحد ينام بغرفة وعلى ذا الحال واحس إني عايشه لحالي لانطلع ولا نتقابل بالبيت وش اسوي معه شوروا علي

#تساؤلات | السلام عليكم انا لى اخ عنيف جدا تسبب فى فتح راسي ٣ غرز وامى رافضة تبلغ فيه الشرطة ورافضه تسيب له البيت وتمشي امى رافضة تاخد اى موقف تحت حجه الفضيحة والستر والخوف من الناس.. هو يستخبى ولا انه مريض نفسي بس تهجم علينا بيكون اخد العلاج وبعد كدا يتهجم علينا .. تعقد هى وخالى يقولو لى ان البيوت كلها كدا وانه اخويا .. الحقيقة انا مش عندى اى احساس بالشقة عليه ابدا ولا حتى اخده كلمه اصل مريض نفسي دى حجة او مبرر لى هو بيعمله فينا ممكن نصيحة اعمل ايه ... حالينا قررت اتبع الأسلوب التجاهل التام

#تساؤلات | السلام عليكم أنا بنت ماسبق لي الزواج ببداية الثلاثين تقدم لي مطلق بدون أطفال أكبر مني بسنتين عنده لزوجة وضعف بالحركة والعدد اقل من ٥ مليون هل الأفضل الموافقه أو الرفض نصيحتكم لي ؟

#تساؤلات | السلام عليكم انا منفصله وعندي ولد انفصالي كان بسبب انه متعاطي وتهجم عليا ويشهد الله مافكني منه الا الشرطه وكل شي فيه من اثباتات هوا بمنطقه ثانيه دوامه يجي كل بعد شهر يشوف الولد سؤالي هوا تقدم لي ولد خالتي بس يداوم بمنطقه ثانيه كيف بتكون الزياره ؟ راضي بولدي ويبغاه والاكيد اني مستحيل اترك ولدي باخذه معايا بس انا كل تفكيري وخوفي من ابو ولدي للعلم قبل الطلاق هددني قال حتى لو انفصلنا وتزوجتي غيري اعرفي انك راح تنذبحين انتي وهوا ياجماعه انا بخووووووف قسم بالله اني تعبت ايش تنصحوني اسوي 💔

#تساؤلات | السلام عليكم جميعا أنا عندي موضوع ومزعلني جدا قرايبنا من بعيد تقدم لي واحد جا مع اهله وما ناسبته على كلامه وقالها بشكل مرة مو محترم حسسني اني ما اسوى وقعدت فترة احاول اتخطى وللحين ما تخطيت والي يزيد عليه اخته بكل عزيمة او لما نتقابل في اي جمعة تجيب طاري الزواج قدامي بشكل صريح مثلا جبت حلا تقولي عقبال حلاوة عرسك قاعدة في امان الله تقولي نبغا لك زوج تبين ادور لك أنا مو فاهمة صراحة المقصد احد قايل لها انه فاتني القطار وخلاص ما بيدق بابي غيره يشهد الله علي ولا عمري جبت دي السيرة عندها ولا لمحت ولا شي وهي مستمرة برأيكم تتوقعون وش الهدف من تعكير المزاج دا صراحة يعني هل هي مرسولة منه ولا هوا بس كيد حريم

#تساؤلات | السلام عليكم انا عمري ٣٣ وعندي خوات وحده ٢٧ ووحده ٣٠ كلنا موظفات ودارسين جامعة. وللاسف ان معارفنا قليل وماعندنا مناسبات كبيره ومحد قد تقدم لنا من فتره طويله ، ممكن تعطونا نصايح لان قاعدين نكبر وكلنا نتمنى الزوج الصالح.

#تساؤلات | في حال الطلاق ووجود طفلين ٥ سنوات و ٣ سنوات…. هل يحق لامهم ان تطالب ابوهم بسكن وماهي الالية هي هي تستاجر والقاضي يحكم بجزء من الاجرة… واذا هي تسكن في منطقة خارج منطقة ابوهم هل يحق لها السكن بعيدا عن منطقة ابوهم او ممكن ان ابوهم يشترط سكن اطفاله في نفس منطقته

#تساؤلات | أخوي الله يرضى عليك عندي فكرة أبغى أدخر مبلغ من راتبي فما قدرت الا اجباري عن طريق أني آخذ لي قرض شخصي من البنك ب نسبة ١.٤٠٪؜ والمبلغ اللي يطلع لي أحطه في بنك البلاد استثمار بالوكالة ربح *متوقع* خلال سنة ٥٪؜ واكررها خلال عدك سنوات حتى تنتهي مدة القرض أبغى آراء متابعينك الله يحفظك وهل هي فكرة مجدية ؟

#تساؤلات | أنا تزوجت لي 3 سنوات زوجي عمره 50 وانا عمري 24 زوجي ما يمسك يدي واحسه جدي ومو مهتم فيني ابداً إذا غاب اسبوع مثلاً يهملني ما كأنه متزوج اجلس في شقه لحالي ما يخاف ولا يتطمن واذا مثلاً قلت له ابغاه يهتم فيني او يقول لي كلام حلو او طالبت ب حقوقي يزززززعل بشكل كبير يهجرني شهر او اقل ينام في الصاله يطلب لنفسه وياكل وانا ما كأني موجوده مع العلم اني اطبخ كل يوم واحسب عليه بس إذا مافي شي اطبخه يطلب لنفسه يشكك ب اخلاقي وعبايتي ونقابي وشكلي وانا عبايتي دبل كلوش اخذ اكبر من مقاسي وكل ما قال شي والله اسمع كلامه طبعاً مع العلم ان اهله كاشفين شعورهم برا عباياتهم مو مسكره وما يقدر يتكلم عليهم وحتى ما يسمعون كلامه ولا يعطونه فرصه يقولهم استرو انفسكم وعلى اتفه مشكله يقول لي ارجعي البيت اللي جيتي منه او قلت له طفشان يقول سافري ل بيت اهلك او إذا تعبت يقول روحي عند اهلك احس انه ما يبي يتحمل مسؤليتي نهائياً +إذا جتني وظيفه يزعل ويعصب ويكسر وما يوديني وبنفس الوقت يقول لي مصاريفك كثيره وزودٍ على هذا كله عينه زايغه وطبعاً ما يبغى اطفال في بداية الزواج قال ما يبغى اول سنتين والان كملنا 3 سنوات واذا سألته يقول ان شاء الله ان شاء الله مدري وش الحل معاه

#تساؤلات | في حيره من أمري عجزت اعرف ايش التصرف الصح زوجي تزوج من سنتين ونص وصارت احداث كثيره وتغيرات كثيره وكنت ادف الحياه دف واطنش واشوف واتغاضى صار بس معصب ع الطالع والنازل بحجة انه مضغوط ماديا ولما راحو بناتي لبيته الثاني حصلوه شخص طبيعي ومبتسم ووضعه تمام مواقف تحرق القلب وتقهر موتت معاها مشاعر كثير احرمني متعة الحياه وانا اشوف كل مشاعر السنين تتبخر كأنها لم تكن الزبده انا حملت بعد ٦ سنوات ب الولد اللي كان يتمناه هذا اول حمل لي بعد زواجه اروح لوحدي واكشف لوحدي واهتم بنفسي لوحدي لدرجة تنومت اسبوع كامل بسبب سكر الحمل ولامرني يتطمن علي فقط اتصالات ورسايل مختصره اللي جابني السواق ولما جاء وقت الخروج اخذني لان سيارة السواق تعطلت هاالشي حز بنفسي كثير لأنه اول حمل لي بعد زواجه صدمني اهماله وماعتبت ولاتكلمت حبستها بنفسي لأن مالي طاقه اشوف وجهه المكشر بعدها رحت لأهلي وصارلي موقف عجزت اتخطاه وعجزت اعرف كيف اتصرف معاه لأنه مو بسيط كنت ارسل ل بنت اختي رساله لانها كانت محتاجتني بشغلها كانت تشتغل ومضغوطه بلحظتها كنت كمان ارد عليه وتلخبطت الرسايل وجاته الرساله اللي المفروض توصلها كان مكتوب فيها ( ياليتني مو حامل والله مااخليك لوحدك ) تخيلو شك فيني ؟! قال لي ارسلي لي المحادثه اللي بينك وبينك وجلس يحقق بااسلوب كأني متهمه تحتاج تثبت براءتها وسايرته وشرحت له ب التفصيل وانا مقهوره ومغبونه وبااخر التبريرات كتبت انتهى الحديث بعدها انقطع عني ولاكلمه ولاهرجه ولارساله ولااتصال ايش هاالتصرف وايش المفروض تكون ردة فعلي بخصوص هاالتصرف المشين

#تساؤلات | ممكن تستفسر عن احتياطات السلامة الواحد ممكن يجريها في بيته من الحرايق الله يجيرنا وياكم غير انذار الحرايق وتوفير الطفايات

#تساؤلات | السلام عليكم ورحمة الله وبركاته 🌹

كل إنفاق يعقبه خير، وكل عطاء يتبعه يسر .. مع شروق شمس #يوم_عرفة، ابدأ يومك بصدقة وكُن ممن قيل فيهم: "اللهم أعطِ منفقًا خلفًا" #لهم_بعد_الله_سند

#تساؤلات | الحمدلله على تمام النعمة والحمدلله على البلاغ والحمدلله على الصيام والقيام ، اللهم اجعلنا ممن صام الشهر إيمانًا واحتسابًا وأدرك ليلة القدر وفاز بالأجر ، اللهم إنا نستودعك رمضان فلا تجعله آخر عهدنا به وأعده علينا أعوامًا عديدة ولا تخرجنا منه إلا مقبولين ومرحومين ومعتوقين من النار. عيدكم مبارك وكل عام وأنتم بخير 🌙✨