العلاقات الخارجية

A UAE delegation, led by H.E. Saeed Al Hajeri, held discussions in Erbil on strengthening bilateral relations between the United Arab Emirates and the Kurdistan Region of Iraq, with the aim of broadening avenues of cooperation and deepening partnership across various sectors.

خواحافیزیمان لە شاندێکی باڵای دەوڵەتی ئیمارات بۆ هەرێمی کوردستان کرد. پێشوازی لە خواست و پابەندی ئیمارات دەکەین بۆ بەهێزکردنی زیاتری پەیوەندییە بازرگانی و ئابوورییەکانمان، هەروەها چاومان لە فراوانکردنی هاوئاهەنگییەکان و سوود وەرگرتنە لە ئەزموونی سەرکەوتوویان لە بوارە جیاجیاکان.

سەرۆکی ئەنجومەنی وەزیران پێشوازی لە بەڕێز سەعید مبارک ئەلهاجری، وەزیری دەوڵەت و نێردەی تایبەتی ئیمارات بۆ کاروباری ئابووری بۆ هەرێمی کوردستان و شاندێکی یاوەری کرد. بایەخ و ستراتیژییەتی بەهێزکردنی پەیوەندییەکان و دەستنیشانکردنی نێردەی تایبەت بە هەرێم بە گرنگییەوە باسی لێوەکرا.

بەشداربووین لە ڕێوڕەسمی ڕاگەیاندنی پڕۆژەی ریسایکلینگ لەلایەن @KrdFoundation، کە پڕۆسەی دانانی سەبەتەی ریسایکلینگە لە شارەکانی کوردستان. دەستخۆشییان لێدەکەم و هیوادارم بەردەوام بن لەم جۆرە پڕۆژانە و بڵاوکردنەوەی هۆشیاری و زانیاری زیاتر لە پێناو سەلامەتی و پاراستنی ژینگەکەمان.

شاندێکی ژووری بازرگانیی ئەمەریکا بە سەرۆکایەتیی ستیڤ لوتس، جێگری سەرۆکی ژوور و ژمارەیەک لە کۆمپانیای ئەمریکیی لەلایەن سەرۆک وەزیران مەسرور بارزانی پێشوازییان لێکرا. لە کۆبوونەوەیەکی فراواندا، باس لە چاکسازی و پڕۆژەکانی حکومەتی هەرێم و بایەخدانی بە وەبەرهێنانی ناوخۆ و دەرەوە کرا.

ئامادەی واژووکردنی ڕێککەوتننامەیەک بووین لە نێوان ئاژانسی جایکای ژاپۆنی و وەزارەتی شارەوانی و گەشتوگوزاری حکومەتی هەرێم بۆ پڕۆژەی دروستکردنی وێستگەی چارەسەری ئاوەڕۆی هەولێر، کە هەنگاوێکی بەرەپێشچوو و گرنگە لە بەهێزی پەیوەندییەکانمان. سوپاسی حکومەتی ژاپۆن و ئاژانسی ناوبراو دەکەم.

پێشوازیم لە بەرپرسی نوێنەرایەتیی ڕاوێژکاری یەکێتیی ئەوروپا لە عێراق بە یاوەری بەرپرسی نووسینگەی هەولێر کرد. باسمان لە پڕۆژە و چالاکییەکان و هەماهەنگیی زیاتر بۆ ڕێگریکردن لە تاوان و بازرگانیکردن بە مرۆڤ کرد. پابەندی حکومەتی هەرێمم بۆ پشتیوانیکردن لە کارەکانیان دووپاتکردەوە.

پێشوازیم لە کونسوڵی گشتیی کۆریا و نوێنەری هەرێمی نوسینگەی ئاژانسی کۆیکا لە هەولێر کرد. باسمان لە چالاکی و پڕۆژەکانی گەشەپێدان کرد و دووپاتمان لە هاوئاهەنگیی فراوانتر و برەودان بە ئاستی پەیوەندییەکان کرد. سوپاس و پێزانینم بۆ دۆستایەتیی و هاریکاری حکومەتی کۆریا بۆ هەرێم دەربڕی.

یادی لە دایکبوونی پێغەمبەری ئیسلام حەزرەتی موحەمەدﷺ لە تێکڕای موسڵمانانی هەرێمی کوردستان و جیهان بە گەرمی پیرۆز دەکەم. بمناسبة ذكرى مولد رسول الإسلام محمد (ص) أتقدم بأحر التهاني والتبريكات إلى كافة مسلمي كوردستان وجميع أنحاء العالم.

لە کۆبوونەوەی نێوان سەرۆکی ئەنجومەنی وەزیران و نوێنەری تایبەتیی سکرتێری گشتیی نەتەوە یەکگرتووەکان لە عێراق و سەرۆکی نێردەی یونامی، بارودۆخی سیاسی و ئاسایشی عێراق و هەرێمی کوردستان و ناوچەکە و کێشەکانی نێوان هەولێر و بەغدا تاوتوێکرا.

سەرۆکی ئەنجومەنی وەزیران پێشوازی لە شاندێکی دەوڵەتی ئیمارات بە سەرۆکایەتیی وەزیری دەوڵەت لە وەزارەتی دەرەوەی ئەو وڵاتە کرد. لە کۆبوونەوەکە دووپات لە بەهێزکردنی پەیوەندییەکان و بەرزکردنەوەی ئاستی هاوئاهەنگیی دوولایەنە کرایەوە، هاوکات پەرەسەندنەکانی عێراق و ناوچەکە خرایە بەرباس.

لە فڕۆکەخانەی نێودەوڵەتیی هەولێر، پێشوازیمان لە شاندێکی دەوڵەتی ئیمارات بەسەرۆکایەتی نورە ئەلکەعبی، وەزیری دەوڵەت بۆ کاروباری دەرەوە بۆ هەولێری پایتەخت کرد.

لە مەڕاسیمێکی کونسوڵگەری گشتیی فەڕەنسا لە هەولێر کە بەبۆنەی کۆتاییهاتنی ئەرکەکانی جێگری کونسوڵی گشتیی ساز کرابوو، سوپاس و پێزانینم بۆ هەوڵ و خزمەتەکانی دەربڕی و هیوای سەرکەوتنم لە کارەکانی داهاتوویدا بۆ خواست.

لەگەڵ کونسوڵی گشتیی بەریتانیا لە هەرێمی کوردستان کۆبوومەوە. باسمان لە دۆخی گشتیی و دوایین پێشهاتەکان لەسەر ئاستی ناوچەکە و جیهان کرد. هاوڕابووین لەسەر پتەوکردن و بەرەپێشبردنی زیاتری پەیوەندی و هاوئاهەنگییەکان لە سەرجەم بوارەکان.

بەشداربووین لە کۆنفڕانسی نێودەوڵەتیی جینۆسایدی ئێزدییان لە لایەن @UKH_official. کارەسات و تاوان دژ بە خوشکوبرا ئێزدییەکانمان لاپەڕەیەکی شەرمەزارییە لە مێژووی مرۆڤایەتیدا. پێویستە بەدیهێنانی دادپەروەری و سزادانی تاوانباران و گەڕانەوەی شکۆمەندانەیان لە پێشەنگی بنیاتنانەوەیان بێت.

پێشوازیم لە کونسوڵی گشتی ئەڵمانیای فیدڕاڵ و جێگرە نوێیەکەی کرد. هاریکاری و پاڵپشتییم بۆ بەهێزکردنی پەیوەندی و فراوانکردنی ئاستی هەماهەنگییەکانمان لە سەرجەم بوارەکان دووپاتکردەوە. لە بەشێکی تردا بیروڕامان لەبارەی ڕووداو و ئەگەرەکانی داهاتووی ناوچەکە ئاڵوگۆڕکرد.

بە بۆنەی کۆتاییهاتنی ئەرکەکانی لە عێراق، پێشوازیم لە باڵیۆزی یەکێتیی ئەوروپا بە یاوەری بەرپرسی ئۆفیسی هەولێر کرد. سوپاس و پێزانینم بۆ ڕۆڵی گرنگ و خزمەتەکانی لە پێناو پەرەپێدانی پەیوەندییەکان دەربڕی. هەروەها بیروڕامان لەبارەی دۆخی عێراق و ناوچەکە بەگشتیی و دواپێشهاتەکان گۆڕییەوە.

پێشوازیم لە باڵیۆزی کوێت لە عێراق بە یاوەری هەڵسوڕێنەرى کاروبارى کونسوڵگەرى گشتیی کوێت لە هەرێمی کوردستان کرد. باسمان لە ئاستی پەیوەندییە دوولایەنەکان و بەهێزکردنی زیاتر لە بوارە جیاجیاکان کرد، هاوکات ڕۆشناییمان خستەسەر پەرەسەندنەکانی ناوچەکە و پرسە هەنووکەییەکان.

پێشوازیم لە زەفەر سراکایا جێگری سەرۆکی پارتی داد و گەشەپێدانى تورکیا و پەرلەمانتاری ئەو پارتە کرد. بیروڕامان لەبارەی کەشوهەوای سیاسیی ناوچەکە و دوایین پەرەسەندنەکان گۆڕییەوە و جەختمان لە برەودان بە ئاستی پەیوەندییە دوولایەنەکان و هاوئاهەنگیی زیاتر کردەوە.

بەشداربووین لە کۆڕبەندی پەروەردەیی کوردستان، بۆ خستنەڕووی ڕۆڵی تەکنەلۆجیا و زیرەکی دەستکرد لە پەروەردە و شێوازە داهێنەرەکانی فێرکردندا. دەستخۆشی لە وەزیری پەروەردە و وەزارەتی پەروەردەی حکومەتی هەرێم و بەشداربووان دەکەم بۆ هەوڵ و ماندووبوونیان لە ڕێکخستن و سەرخستنی ئەم کۆڕبەندە.